Health Emergency Allowance ng healthcare workers, ibigay na!

ni Bong Go @Bisyo Magserbisyo | August 15, 2025

Dahil sa kanilang ambag sa public health sector, hindi lang noong pandemya natin dapat tawaging bayani ang ating mga health workers. Hanggang ngayon, araw-araw silang lumalaban sa sobrang dami ng mga pasyente, sa kakulangan ng ospital, at sa limitadong pasilidad. Sila ang ating modern-day heroes! Bilang isang health reforms crusader, patuloy kong ipinaglalaban ang kanilang kapakanan.

Kaya naman sa sesyon ng Senado noong August 11, muli akong nanawagan sa ating concerned government agencies na bayaran na ang Health Emergency Allowance (HEA) na noon pa dapat natanggap ng ating mga frontliners. Hindi biro ang kanilang sakripisyo noong kasagsagan ng COVID-19 pandemic. Pinagpawisan at pinaghirapan nila ‘yan kaya’t dapat ibigay na sa kanila ang long-overdue na HEA. Ang iba sa kanila ay nagbuwis pa ng buhay.

Bilang isa sa mga authors at co-sponsors ng Republic Act No. 11712 na nagtakda sa HEA, nananawagan tayo sa Department of Budget and Management at sa Department of Health na humanap ng paraan para mapabilis ang pagbabayad sa qualified healthcare workers ng natitirang unpaid HEA na bunsod ng appeals na aabot pa sa PhP6.7 billion.

Hindi na ito dapat patagalin dahil may mga healthcare worker nang nagkasakit o namatay na hindi man lang natatanggap ang kanilang HEA.

Bukod sa allowances ng ating healthcare workers, problema rin natin ang maraming ospital at pasilidad na kulang sa gamit at kulang sa qualified personnel. Damang-dama natin ang kahinaan ng ating healthcare system nitong mga nakaraang linggo. Maraming mga ospital ang over-capacity sa pasyente kasunod ng ilang araw na pagbabaha bunsod ng mga bagyo at habagat.

Sa plenaryo ng Senado, kinumpirma natin na ngayong taon ay magko-convene ang Joint Congressional Oversight Committee para busisiin ang implementasyon ng Universal Health Care Law. Bukod dito, pamumunuan natin bilang Chairman ng Senate Committee on Health ang unang public hearing ng komite para sa 20th Congress sa darating na August 20.

Ang palaging sinasabi ng inyong Senator Kuya Bong Go, health is wealth. Ang kalusugan ay katumbas ng buhay ng bawat Pilipino. Tandaan natin na ang pera ng taumbayan ay dapat na ibalik sa kanila sa pamamagitan ng maayos na serbisyong medikal.

Samantala, noong August 6, personal nating tinulungan ang 2,005 indibidwal mula sa iba’t ibang sektor, kabilang ang mga nagsipagtapos at mga magulang sa daycare. Sa pakikipag-ugnayan sa lokal na pamahalaan ng Lungsod ng Navotas sa pangunguna ni Mayor John Rey Tiangco, nagbigay din tayo ng tulong pinansyal sa mga benepisyaryo.

Pagkatapos nito, dumalo tayo sa Executive-Legislative Agenda (2026-2028) Cum Annual Investment Program para sa mga opisyal ng Bongabong, Oriental Mindoro kasama si Mayor Mike Malaluan, at sa Training Workshop on the Formulation of the Public Service Continuity Plan para sa mga opisyal ng Llorente, Eastern Samar. Parehong ginanap sa Maynila ang naturang pagtitipon.

Sa Capiz, dumalo tayo sa inagurasyon ng Super Health Center sa bayan ng Sigma at sa Panit-an noong August 7, kung saan kinilala tayo bilang adopted son ng probinsya. Nakisama tayo sa pagdiriwang ng mga magsasaka sa Farmers Day.

Noong August 8, nasa Makilala, Cotabato tayo upang dumalo sa inagurasyon at pagbabasbas ng Kaakibat Hall at Talk to the Troops ng 39th Infantry (Smasch’em) Battalion 10th Infantry (Agila) Division, Philippine Army. Palagi nating tinitiyak sa ating mga sundalo at uniformed personnel na full support tayo sa kanila.

Nasa Lingig, Surigao del Sur naman tayo noong August 9 upang bisitahin ang Super Health Center sa bayan. Dumalo rin tayo sa 104th Araw ng Lingig sa imbitasyon ni Mayor Elmer Evangelio. Sa parehong araw ding iyon, sa Veruela, Agusan del Sur, personal tayong dumalo sa turnover at program proper ng Super Health Center kasama sina Vice Governor Patricia Anne Plaza at Mayor Salimar Mondejar.

Sa ating pagbisita sa mga Super Health Center sa Capiz, Surigao del Sur, at Agusan del Sur, namahagi tayo ng food packs sa mga barangay health workers bilang pasasalamat sa kanilang patuloy na sakripisyo para sa kani-kanilang komunidad.

Personal din tayong nagbigay ng tulong para sa 897 pamilyang nasunugan sa Brgy. 105, Tondo, Manila nitong August 12, katuwang sina Mayor Isko Moreno, Vice Mayor Chi Atienza, Brgy. Chairwoman Elenita Reyes at iba pang opisyal ng barangay. May ilang senior citizens ang binigyan natin ng wheelchair at tungkod para kahit papaano ay maging komportable sila sa kanilang iniindang sakit.

Samantala, patuloy ang pamamahagi ng tulong ng ating Malasakit Team sa mga binaha sa iba’t ibang lugar sa bansa. Sa Laguna, 50 pamilya sa Pagsanjan ang natulungan. Habang sa Rizal, 250 ang natulungan sa Taytay, at 300 sa San Mateo; at 100 indibidwal mula sa Muslim community naman sa Manila City.

Nasa 250 sa San Juan at 350 sa Bauang, La Union ang nabigyan din ng tulong; 200 sa Hagonoy at 50 na mga kapatid nating Muslim sa Malolos City; 50 PWDs sa Caloocan City kasama ang Christian Handicapped Association of Massagist Inc.; at 500 residente sa Masantol, Pampanga.

Dumalo rin ang Malasakit Team sa ika-6 na Anibersaryo ng Pagpirma sa Cooperative Development Authority (CDA) Charter of 2019 sa Ortigas, Pasig City. Nagbigay din tayo ng tulong at suporta sa 166 scholars mula sa Lyceum of the Philippines sa Batangas. Kinilala naman tayo nitong August 10 bilang King Universe Philippines Ambassador 2025 sa Mrs. Universe Philippines Grand Coronation and Awards Night sa Pasay. With or without award, patuloy tayong magseserbisyo sa ating kapwa Pilipino.

Bilang inyong Mr. Malasakit, patuloy kong isusulong ang mga pro-poor na mga batas at programa para ilapit ang serbisyong medikal sa ating mga kababayan lalung-lalo na sa mga mahihirap na pasyente. Bisyo ko ang magserbisyo at ako ay naniniwala na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Pagkilala sa mga atletang Pinoy na naghatid ng karangalan sa ‘Pinas

ni Bong Go @Bisyo Magserbisyo | August 7, 2025

Isang malaking karangalan na nakasama natin nitong Lunes, August 4, ang isang tunay na living legend sa larangan ng chess — si Grandmaster Rogelio “Joey” Antonio, Jr.

Binisita niya tayo sa Senado para ibahagi ang mga hinakot niyang karangalan mula sa iba’t ibang international tournament. Hindi lang siya basta champion, simbolo rin siya ng tiyaga, disiplina, at galing ng atletang Pilipino!

Nito lamang nakaraang buwan, walong medalya, kabilang na ang apat na ginto, ang iniuwi ni GM Joey mula sa 23rd ASEAN Plus Age Group Championships sa Malaysia. Umabot naman siya sa championship match ng Melbourne Chess Open sa Australia noong Abril. Full support tayo sa kanyang pagsabak sa World Seniors Chess Championships sa Italy sa darating na Oktubre.

Bisita rin natin sa Senado sa araw na iyon ang Pilipinas 45-Up Basketball Team na kampeon sa 2025 World Masters Games sa Taiwan. Pinabilib din tayo ng batang arnis team ng Baclaran Elementary School Unit 1 na nanalo kamakailan sa isang interschool competition sa Parañaque City. Proud ang inyong Senator Kuya Bong Go na nagpasalamat sa ating mga atleta para sa karangalang hatid at hahakutin pa para sa ating bansa.

Ngayong 20th Congress ay muli tayong itinalaga bilang Chairman ng Senate Committee on Sports. Patuloy nating isusulong na mas palakasin ang grassroots sports program para mas marami pang kabataang Pilipino ang ma-develop at makilala sa international stage. Patuloy din nating ipaglalaban ang mas pinalawak na suporta para sa ating national athletes. Malaking tulong sa ating mga atleta kung wala na silang ibang iniisip kundi ang mag-training.

Sa tulong ng mga kapwa ko mambabatas, sisikapin nating maipasa ang Senate Bill No. 171 para sa pagtatatag ng mga regional campus ng National Academy of Sports; Senate Bill No. 407 para sa mas inklusibong insentibo ng ating mga para-athlete; Senate Bill No. 413 upang ma-institutionalize ang Philippine National Games; at Senate Bill No. 678 para sa pormal na pagtatatag ng National Tertiary Games.

Bilang Chairman din ng Senate Committees on Health at on Youth, konektado ang adbokasiya natin sa sports. Bukod sa napapangalagaan ang kalusugan, isang paraan din ito para ilayo ang ating kabataan sa droga at masasamang bisyo. Get into sports, stay away from drugs, to keep us healthy and fit!

Samantala, noong July 30, nakibahagi kami sa pagbubukas ng 5th National Summit ng Philippine Society of Medical Laboratory Scientists (PSMLS) Inc., kasama sina National President Estelita Joji Cadiente at Summit Chair Annalyn Costales.

Noong July 31 naman, personal nating binisita at tinulungan ang 172 biktima ng sunog sa Barangay 93, Zone 8, District 1, Tondo, Maynila. Pagkatapos nito, nagtungo kami sa Rosario, Cavite upang maghatid ng tulong sa pakikipagtulungan sa pamahalaang bayan na pinamumunuan nina Mayor Voltaire Ricafrente at Vice Mayor Bamm Gonzales.

Kabilang sa mga benepisyaryo ang mga solo parent, nakatatanda, mag-aaral sa elementarya, senior high school, at kolehiyo, at mga pasyente.

Matapos ang pananalasa ng mga Bagyong Crising, Dante at Emong, na pinalakas din ang epekto ng habagat, maraming kababayan natin ang nawalan ng tirahan. Kaya naman nagtungo ang ating Malasakit Team sa mga komunidad upang maghatid ng tulong.

Sa Tarlac, 1,000 benepisyaryo mula sa iba’t ibang bayan ang naabot, kabilang ang Concepcion kasama si Mayor Noel Villanueva, Camiling, kasama si Mayor Ate Joyce Agustin, Moncada, kasama si Mayor RB Aquino, at Paniqui, kasama si Mayor Katleen Roxas, sa tulong ni Governor Christian Yap. Sa Bataan, 600 ang nakatanggap ng tulong sa Balanga, kasama si Mayor Raquel Garcia at sa Abucay, kasama ang dating mayor na si Robin Tagle.

Nakapaghatid din ng tulong sa 50 katao sa Bagong Silang, Lungsod ng Caloocan. Sa Cavite, 375 pamilyang naapektuhan mula sa Indang at Lungsod ng Imus ang natulungan, sa tulong nina Indang Mayor Vergel Fidel at Barangay Poblacion IV‑A Captain Pet Figueras para sa Imus City. Sa Batangas, 250 ang natulungan sa Tingloy, kasama si Vice Mayor Mikee Alvarez. Sa probinsya ng Quezon, 250 residente mula sa Real ang nabigyan ng tulong sa suporta ni Mayor Julie Ann Macasaet. Samantala, 550 residente sa Rizal ang nakinabang din sa programa.

Sa Laguna, umabot sa 500 katao mula sa mga bayan ng Siniloan, Victoria, Sta. Cruz, Lumban, at Bay ang natulungan, sa suporta nina Barangay Pag‑asa Captain Hermie Bidanya sa Bay, Konsehal Grevi Pahutan, at Siniloan Mayor Patrick Go at Vice Mayor Carla Valderama. Sa Pangasinan, 400 katao ang natulungan sa Dagupan City, kasama si Konsehal Danee Canto at sa Mangaldan, kasama si Mayor Bona Fe de Vera.

Sa Occidental Mindoro, 550 residente ang natulungan sa Mamburao, kasama si Konsehal Jenny Villar at sa Paluan, kasama si Mayor Sonnary Pablo, bukod pa sa 550 na natulungan katuwang si Mayor Gloria Constantino. Sa Oriental Mindoro, 500 residente ang nabigyan ng tulong sa Bongabong, kasama si Mayor John Michael Malaluan.

Sa Negros Occidental, kabuuang 2,550 benepisyaryo ang natulungan sa iba’t ibang bayan. Kabilang dito ang mga residente ng Hinigaran, kasama sina Mayor Mary Grace Arceo at Konsehal Xenia Guanco, Bago City, kasama si Mayor Mayette Javellana, Valladolid, kasama si Mayor Ricardo Presbitero Jr., San Enrique, kasama si Mayor Jilson Tubillara, Himamaylan City, kasama si Mayor Raymund Tongson, pati na rin ang mga residente ng Hinobaan.

Sa Antique, 692 katao ang natulungan sa mga bayan ng Sebaste, Culasi, at Tibiao.

Sa Cebu City, 34 biktima ng sunog at 1,571 biktima ng bagyo ang nabigyan ng tulong, katuwang sina Barangay Captains Daniel Francis Arguedo at Jay Bacalso.

Nakibahagi rin ang Malasakit Team sa iba’t ibang aktibidad gaya ng turnover ng Super Health Center sa Barangay Del Carmen at Barangay Digkilaan sa Lungsod ng Iligan kasama si Mayor Frederick Siao, at sa Munai, kasama si Mayor Racma Andamama — lahat sa Lanao del Norte. Dumalo rin kami sa University of Batangas - Batangas City Gawad UBian awards ceremony, kung saan kinilala tayo bilang pangunahing tagapagkaloob ng mga iskolarship.

Isang beses lang tayo dadaan sa mundong ito kaya anumang tulong ang puwede nating ibigay sa kapwa, o anumang karangalan ang puwede nating ialay sa bansa, ay gawin at ibigay na natin ngayon.

Bilang isang atleta, patuloy kong isusulong ang mga batas at polisiya na magbibigay ng sapat na suporta at mag-aangat sa antas ng Philippine sports. Tulungan natin ang ating mga atleta na makamit ang kanilang full potential sa pagsabak sa global arena. At bilang inyong Mr. Malasakit, bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.

Full support tayo sa atletang Pinoy!

ni Bong Go @Bisyo Magserbisyo | August 1, 2025

Pinarangalan ang inyong Senator Kuya Bong Go ng Lifetime Achievement Sports Award sa ginanap na 31st So Kim Cheng Foundation Annual Sports Awards sa Davao City, nitong July 26. Bagama’t hindi natin kailangan ng mga awards, taos-puso ang ating pasasalamat sa pagkilalang ito na nagsisilbing inspirasyon upang magtrabaho para sa mga kababayan natin lalo na sa larangan ng sports.

Ang lagi nating sinasabi, may award man o wala ay patuloy tayong magtatrabaho para sa mga atletang Pilipino. Ito ang maiaalay natin bilang sukli sa karangalang hatid nila sa ating bansa, manalo man o matalo sa laban. Full support tayo sa mga atleta dahil sila ang katuwang natin sa ating adbokasiya: Get into sports and stay away from drugs to keep us healthy and fit!

Para palakasin ang grassroots sports sa bansa, patuloy nating sinusuportahan ang National Academy of Sports (NAS) na itinatag sa ilalim ng Republic Act No. 11470. Tayo ay author at co-sponsor ng batas na ito. Sa NAS, puwede nang sabay ang pag-aaral at training ng ating student-athletes. Ngayong 20th Congress, inihain natin ang Senate Bill No. 171 para patuloy ipaglaban na ma-regionalize ang NAS at magkaroon ng campuses sa Visayas at Mindanao.

Prayoridad din natin ang ating para-athletes kaya inihain natin ang SBN 407 na layong dagdagan ang kanilang incentives at benepisyo. Magtatrabaho rin tayo para maging batas ang SBN 678, na layong itatag ang National Tertiary Games; at ang SBN 413 na ipinapanukala naman ang Philippine National Games o mini-Olympics na pangbansa.

Sa tulong ng mga kapwa ko mambabatas ay gusto nating hanapin, hubugin, at iangat ang mga atletang Pinoy mula sa iba’t ibang sulok ng bansa. Bilang sponsor ng sports budget sa Senado, ipinaglalaban natin ang sapat na suporta para sa training, pagkain, equipment, dormitory, at maging mental health needs ng mga atleta. Sikapin natin na wala na silang ibang iniisip kundi ang mag-focus sa training.

Bilang Chairman ng Senate Committee on Sports mula 2019, proud ako sa mga nakamit ng ating atleta kabilang na ang makasaysayang unang gold medal sa 2020 Tokyo Olympics, ang dalawang gold medals sa 2024 Paris Olympics, maging ang unang championship natin sa basketball sa Asian Games sa loob ng 62 years!

Naniniwala ako na kapag nagsanib-pwersa ang gobyerno at private sector para tulungan ang ating mga atleta, marami pang mga parangal tayong mahahakot at maiuuwi sa bansa.

Samantala, naghatid ng tulong ang ating Malasakit Team sa mga kababayan nating naapektuhan ng matinding pagbaha. Nakiramay tayo at nagbigay ng kaunting tulong sa mga naulila ni Cristina Padora, isang Barangay Health Worker sa Meycauayan City, Bulacan, na nasawi habang ginagampanan ang kanyang tungkulin sa gitna ng relief operations.

Sa Muntinlupa City, 150 residente ng Barangay Alabang ang nabigyan ng tulong sa pakikipagtulungan ni Barangay Captain Tintin Abas-Ding, habang 200 benepisyaryo mula sa Poblacion ang natulungan sa tulong ni Kap. Allen Ampaya.

Sa San Juan City, 100 katao ang nabigyan ng tulong sa tulong ni Konsehal Don Allado. Sa Las Piñas City, 200 katao ang nakatanggap ng ayuda sa tulong ni SK Chairman Mark Lapido. Sa Pasig City, 1,000 katao ang nabigyan ng tulong sa tulong ni Konsehal Ryan Enriquez. Sa Caloocan City, 100 benepisyaryo ang natulungan; sa Pasay City, 300 katao; at sa Quezon City, 300 ang nakatanggap ng ayuda sa tulong ni Konsehal Luigi Pumaren.

Sa Marikina City, 200 katao ang natulungan sa pakikipagtulungan ni KABISIG Ama Almocera. Bukod pa rito, may karagdagang tulong din sa mga residente ng Barangay Malanday sa tulong ni Konsehal Atty. Pat Sicat, at 100 katao sa Barangay Nangka sa tulong ni Ms. Rachel Yap.

Sa Bulacan, 600 residente mula sa Bustos ang nabigyan ng tulong — sa pakikipag-ugnayan kina Vice Mayor Martin Angeles at Board Member Tato Angeles. Sa Calumpit, 400 ang natulungan, sa tulong ni Mayor Lem Faustino at Konsehal Mau Torres. Bukod pa rito, 800 ang natulungan sa San Miguel sa tulong nina Vice Mayor Jhong Reyes at Konsehal Joy Chico; 500 sa Bustos kasama si Mayor Iskul Juan; 300 sa Plaridel sa tulong ni Mayor Jocell Vistan; 200 sa Guiguinto kay Konsehal Lara Ventura; 100 sa Marilao kay Kagawad Ian Victoriano; at 300 sa Obando kay Mayor Ding Valeda.

Sa Pampanga, 300 ang natulungan sa San Simon sa tulong ni Mayor JP Punsalan. Sa Minalin, umabot sa 900 ang benepisyaryo, sa pakikipagtulungan kay Mayor Philip Naguit, Vice Mayor Rondon Mercando at Ms. Rona Talavera. Sa Guagua, 400 katao ang nabigyan ng tulong sa tulong nina Barangay Captain Rowena Dinalanta at Rolly Guiam.

Sa Zambales, 400 residente ng San Antonio ang natulungan sa pakikipagtulungan ni Mayor Dr. Arvin Antipolo. Sa Cavite, 400 ang natulungan sa Bacoor City sa tulong ni Konsehal Levy Tela; 250 sa General Trias City kasama sina Mayor JonJon Ferrer, Vice Mayor Jonas Labuguen, at Board Member Morit Sison; at 320 sa Tanza sa pakikipagtulungan ni Mayor SM Matro.

Sa Laguna, 186 ang natulungan, katuwang sina DOH officers Daniella Rana sa Lumban at Mark Alcid sa Sta. Cruz, at 180 mula sa LGBT Pilipinas sa pangunguna ni Emily Evangelista sa Bay. Bukod pa rito, 122 katao ang natulungan sa San Pablo City; 25 sa Calauan; 23 sa Victoria kasama si Board Member Angelica Jones; at 100 sa Victoria sa tulong ni Konsehal Grevi Pahutan. Sa Biñan City, 581 katao ang nabigyan ng tulong sa pakikipagtulungan kina Mayor Gel Alonte at Dindo Arroyo. Sa Los Baños, 100 katao ang natulungan sa tulong ni Konsehal Jay Rolusta.

Sa Rizal, 100 katao ang natulungan sa Rodriguez sa tulong ni Jkriez Pastrana at 100 pa sa Antipolo City kay Rex Cayanong. May 300 benepisyaryo rin sa Taytay sa tulong ni Mayor Alan de Leon; 250 sa Cainta sa tulong ni Barangay Captain Janice Tecson; at 200 sa Binangonan.

Sa Metro Manila, mabilis na naipaabot ang tulong sa 300 biktima ng bagyo mula sa Barangays 187, 196, at 197 sa Tondo, Manila. Dagdag pa rito, 150 katao sa Barangay 216, Tondo ang nabigyan ng ayuda sa tulong ni Kapitan Ruel “Butchoy” Ignas. Naghatid din ng agarang tulong sa 43 biktima ng sunog sa Barangay 129, Zone 11, Balut, Tondo.

Sa Bataan, 500 katao ang natulungan sa Hermosa sa tulong ni Vice Mayor Patrick Rellosa, at 500 sa Limay sa tulong ni Mayor Richie David. Sa Tarlac, 500 katao mula sa Tarlac City at La Paz ang nabigyan ng tulong sa tulong ni Governor Christian Yap. At meron din natulungan na 500 pa sa Dagupan City, Pangasinan sa tulong ni Mayor Belen Fernandez.

Samantala, sa Visayas, 300 residente ng Ibajay, Aklan ang nabigyan ng suporta sa tulong ni Mayor Miguel Miraflores. Sa Negros Occidental, umabot sa 550 katao mula sa iba’t ibang bayan ang nakatanggap ng tulong mula sa opisina natin.

Hindi ko sasayangin ang pagkakataong ibinigay ninyo sa akin para ipagpatuloy ang pagseserbisyo. Bisyo ko ang magserbisyo at naniniwala ako na ang serbisyo sa tao ay serbisyo sa Diyos.

---

Kung mayroon kayong nais idulog o ipaabot sa inyong abang lingkod, maaari kayong sumulat sa BISYO MAGSERBISYO ni Bong Go, BULGAR Bldg., 538 Quezon Ave., Quezon City o mag-email sa bisyo.magserbisyoo@gmail.com.

Paalala lamang na sana ay isama ninyo sa inyong mga liham ang inyong contact number upang mas madali namin kayong mapaglingkuran.