Mas mataas ng P76.11-B... Utang ng ‘Pinas, lumobo sa P18.55-T

ni BRT @News | July 3, 2026

Photo: File / BGC

Pumalo sa P18.55 trilyon ang kabuuang utang ng gobyerno ng Pilipinas sa katapusan ng Mayo 2026, ayon sa pinakahuling ulat ng Bureau of the Treasury (BTr).

Mas mataas ito ng P76.11 bilyon o 0.41 porsyento kumpara sa P18.47 trilyon na naitala noong katapusan ng Abril.

Ayon sa BTr, pangunahing dahilan ng pagtaas ng utang ang mas agresibong domestic borrowings o pag-isyu ng government securities upang pondohan ang mga programa ng pamahalaan sa gitna ng pabagu-bagong galaw ng merkado.

Nabatid na 68 hanggang 70 porsyento ng kabuuang utang ay mula sa loob ng bansa, habang ang natitira ay mga utang sa ibang bansa.

Sa kabila nito, iginiit ng BTr na nananatiling manageable ang utang ng bansa dahil sa patuloy na paglago ng ekonomiya, bagama’t inaasahang lalampas ito sa P19 trilyon bago matapos ang 2026.

P-Du30: Bilyong inutang para sa COVID-19, nasa bangko lang

ni Lolet Abania | March 23, 2021

Muling binomba ni Pangulong Rodrigo Duterte ang mga kritiko patungkol sa COVID-19 response ng gobyerno habang patuloy ang pagtala ng pinakamataas na kaso ng coronavirus sa bansa.

“It's a classic case of you want to appear white, you paint the other guy black para ang labas mo puting-puti ka. Si Mr. Clean, parang ganoon.

Style bulok,” ani Pangulong Duterte sa kanyang weekly televised briefing ngayong Lunes.

Sinagot ni P-Duterte ang tanong na ibinabato nina Senators Panfilo Lacson at Risa Hontiveros kung bakit mabagal ang supply ng vaccine samantalang billion loans ang pinayagang makuha ng Pilipinas.

Ipinaliwanag ng Punong Ehekutibo na ang perang inuutang ng bansa para sa vaccine procurement ay nananatili pa rin sa mga lending banks. “Ang buong akala kasi nila ‘yung pera na bilyon na bilyon na ibinigay nila sa Kongreso, nandiyan na sa kamay natin, that it’s cold cash, nasa’n na raw ‘yung pera?” ani P-Duterte.

“If you are afraid of corruption, let your mind go easy because these things are not susceptible to anything. The money is in the hands of the banks and they collect -- ’yung nagpabili sa atin ng bakuna -- from the bank, hindi sa atin,” dagdag pa ng Pangulo.

Matatandaang nakapag-secure ang bansa ng $900 million loans (tinatayang P43.65 billion), kung saan $400 million mula sa Asian Development Bank habang $500 million mula sa World Bank upang mapondohan ang pagbili ng COVID-19 vaccines ng bansa.