Babu kay Bianca… SEN. WIN, KINILIG NA MAY WINRI LOVE TEAM SILA NI SEN. RISA

ni Beth Gelena @Bulgary | June 21, 2026

Photo: Senate of the Philippines

Todo-react si Sen. Win Gatchalian sa mensahe ng ex-girlfriend na si Bianca Manalo na proud siya sa dating karelasyon sa pagkakahirang nito bilang bagong Senate President.

Kung matatandaan, noong unang bahagi ng taong ito, sinabi ni Gatchalian sa isang pahayag na wala na siyang love life. Kinumpirma naman ito sa isang kamakailang pahayag mula sa Sparkle GMA Artist Center, na nagsasabing single si Bianca, sa gitna ng pagkaka-link sa ama ng sanggol ni Celeste Cortesi.

Sa kabila ng kanilang paghihiwalay, ibinahagi ni Bianca na proud siya kay Sen. Win.

Sey ni Bianca sa kanyang post, “Will forever be proud of you!!!! Well-deserved! It's about time! The country needs you!!!”

Nagbigay naman ng reaksiyon si SP Gatchalian sa mensahe ng dating kasintahan, “Nagpasalamat ako, of course, kay Bianca. Nagpapasalamat din ako sa lahat.”

Sa panayam, tinanong din ang senador tungkol sa pag-uugnay ng mga netizens sa kanya at kay Sen. Risa Hontiveros.

Inamin ng Pangulo ng Senado na nakaramdam siya ng ‘kilig’.

May nag-ship tuloy sa kanilang pangalan at tinawag silang WinRi tandem.

“‘WinRi’ po pala ang tawag. Kinikilig kayo na may love team kayo, SP?” masiglang tanong ng mamamahayag na si Alvin Elchico.

“S’yempre, kinikilig din dahil na-associate ka sa isang magaling na tao,” ani Gatchalian.

Biniro pa ni Elchico ang senador na namumula siya.

“Kayo talaga,” sey ni SP Win Gatchalian.

---

IKAW na talaga ang Dyosa ng Showbizlandia, Anne Curtis!

Imagine, kalahating taon pa lang ng 2026, heto at may tatlo agad na gagawing pelikula si Anne sa Viva Films.

Naku, paano kaya niya mama-manage ang kanyang time kung nagho-host pa rin siya ng It's Showtime, at the same time ay may mga extracurricular activities ding gagawin here and abroad?

Sey ng mga netizens:

“Okey, 1 year na namang magiging favorite guest host sa It’s Showtime nito. Congratulations, Dyosa.”

“Bagay kay Anne maging senator. Laging absent, eh.”

"Absent na naman n’yan sa Showtime, Hahaha! Kidding aside, congrats, Anne Curtis!”

“Sana ay makasama si Belle Mariano sa horror movie ni Anne Curtis.”

“Congrats, Anne, sana ay makatambal mo rin si Joshua Garcia.”

“The Anne Hathaway of PH.”

Bongga, ‘di ba?

Mga absenerong senador, binanatan… KARYLLE, KAKAUSAPIN SI SEN. ROBIN SA MGA PROBLEMA SA SENADO

ni Beth Gelena @Bulgary | June 20, 2026

Photo: Vic, Vico Sotto at Coney Reyes - Instagram

May matinding pahayag si Karylle laban sa Senado sa June 16 episode ng morning radio show na Good Times (GT). 

Binatikos niya ang kawalan ng kahusayan at katiwalian sa gobyerno, lalo na sa pagliban ng mga senador sa mga sesyon.

Aniya, may malulubhang bunga ang korupsiyon at hinimok ang mga opisyal na pagtuunan ng pansin ang kanilang mga tungkulin.

Tinalakay din ni Karylle ang mga isyung kinasasangkutan ng kanyang tiyuhin na si Sen. Robin Padilla at sinabing bukas pa rin siya sa pakikipag-usap dito.

“Oo, masyado nang matagal at ang dami na nilang oras na nasasayang sa dramang ‘to. Magtrabaho na kayo. Maging mahusay. Kailangang matapos ang mga bagay-bagay,” aniya.

“Namamatay ang mga tao dahil sa korupsiyon,” diin niya.

“So mad, like, iharap n’yo sa amin ‘yan! Iharap n’yo sa amin ang mga ‘yan!” sigaw niya.

Nabanggit din ng aktres ang mga napanood niyang balita tungkol sa pangangailangang humiling ng espesyal na sesyon ang pangulo ng Senado dahil sa maraming pagliban.

“Talaga?! Pumasok kayo,” pakli niya.

“‘Di ito tungkol sa pagkakaroon ng panig. Pumunta ka lang sa trabaho mo at gawin mo ang trabaho mo. Walang magpapaliwanag? Magpaliwanag ka!” dagdag niya.

Naging mas personal ang usapan nang mabanggit ng isa sa mga hosts si Sen. Robin Padilla na kamag-anak ni Karylle.

“Isa sa mga problema ay ang tito mo. Kinakausap mo ba s’ya tungkol dito?” tanong ng tagapanayam.

Nilinaw ni Karylle na tiyuhin niya si Sen. Robin at ang huli nilang pagkikita ay bago pa man lumitaw ang mga kasalukuyang kontrobersiya.

“I have directly spoken to… uhmmm his wife, Mariel, but this was a long time ago.

“Last time I saw him, yeah, he’s my uncle.”

Huli raw silang nagkita noong birthday ng kanyang grandfather.

“And none of this had occurred at that point. If I do see him, I would have a conversation,” sey niya.

Paliwanag ni Karylle, “I don’t like closing doors and doing periods. I love conversations.”

“How else will we have conversations with these people?” deklara pa niya.

---

After maudlot ang kasal sa Spain…

VINCENT, INALOK DAW NG CIVIL WEDDING SI BEA, TUMANGGI

TRUE kaya ang kumakalat na chika na gusto sanang pakasalan ni Vincent Co ang ex-fiancee na si Bea Alonzo kahit civil wedding na lang matapos na hindi matuloy ang dapat ay engrandeng kasal nila sa Spain nu’ng May 16?

Ayon sa source, mahal naman talaga nina Vincent at Bea ang isa’t isa, pero dahil nga sa magkaibang kultura at paniniwala nila, ‘yun umano ang naging problema.

In fact, niyaya nga raw ni Vincent si Bea na ituloy pa rin ang civil wedding pero tumanggi raw ang aktres. 

Ang tanong, wala na nga kayang second chance kina Bea at Vincent?

---

SMALL LAUDE, NAGSALITA NA SA PAGKASANGKOT NG ASAWA SA FLOOD CONTROL PROJECTS

MARIING itinanggi ng vlogger-negosyante na si Small Laude ang mga paratang na nag-uugnay sa kanyang mister na si Philip Laude sa isyu ng umano’y anomalya sa flood control projects.

Inamin niyang nagkaroon noon ng isang kumpanya si Philip kasama ang isang kaibigan noong 2018 o 2019. Pero aniya, hindi ito nagkaroon ng aktuwal na operasyon o negosyo.

Nang pumasok sa pulitika ang dating kasosyo, napagkasunduan nilang isara ang kumpanya.

Binigyang-diin niya, “They closed that company, so wala talagang negosyong nangyari.”

Dagdag pa niya, “Ewan ko nga, bakit naiintriga (kami), ‘yung flood control. Sobrang mali, ‘di talaga.”

Ayon sa ulat, nagsasagawa na rin ng legal na hakbang ang kanilang kampo.

Nauna nang naglabas ng pahayag ang pamilya sa pamamagitan ng DivinaLaw upang pabulaanan ang mga kumakalat na alegasyon.

Sa kasalukuyan, walang inilalahad na ebidensiya o opisyal na desisyon ng hukuman na nagpapatunay na sangkot si Philip Laude sa anumang katiwalian.

Kasabay ng b-day ng Pasig mayor… CONEY, IPINAKITA ANG RELASYON NILA NI VICO BILANG MAG-INA

ni Beth Gelena @Bulgary | June 19, 2026

Photo: Vic, Vico Sotto at Coney Reyes - Instagram

Todo-post si Coney Reyes ng isang pambihira at makabagbag-damdaming throwback photo ng kanyang tatlong anak na sina LA Mumar, Carla Mumar at Pasig City Mayor Vico Sotto noong mga bata pa.

Kasabay ng larawan, nagpahayag si Coney ng pasasalamat sa Diyos para sa pagkakataong maging ina sa kanyang mga anak.

Tinawag niya ang mga ito bilang mga “pag-ibig ng buhay ko” at ipinanalangin na ang kanilang pamilya at mga susunod na henerasyon ay patuloy na mamuhay nang may pananampalataya at paggalang sa Panginoon.

Mas naging makahulugan ang kanyang post dahil ibinahagi niya ito noong Hunyo 17, na siya ring kaarawan ni Vico Sotto.

Maraming netizens ang naantig at nagpahayag ng paghanga sa matibay na samahan ng kanilang pamilya.

Si Vico, na anak nina Coney Reyes at Vic Sotto, ay kasalukuyang nagsisilbing alkalde ng Pasig City at muling nahalal para sa ikatlong sunod na termino noong 2025.

Ang throwback photo at mensahe ni Coney ay nagsilbing paalala sa marami tungkol sa kahalagahan ng pamilya, pasasalamat at pananampalataya sa pagpapalaki ng mga anak.

---

Kasabay ng pagiging ina at pagkanta… 

ANGELINE, PROUD NA NAKA-GRADUATE NG COLLEGE SA EDAD NA 36

ISANG mahalagang tagumpay ang ipinagdiwang ni Angeline Quinto matapos siyang makapagtapos ng kolehiyo sa edad na 36 habang sabay na ginagampanan ang kanyang mga tungkulin bilang ina, misis at aktibong artista.

Nagtapos si Angeline ng Bachelor of Science in Business Administration, major in Marketing Management, bilang bahagi ng Class of 2026 ng Immaculada Concepcion College (ICC).

Sa kanyang emosyonal na mensahe, inamin ng singer-actress na hindi pa rin siya makapaniwala na natupad na ang isa sa kanyang mga matagal nang pangarap.

Aniya, “‘Di pa rin makapaniwala sa aking nakikita. Lahat ng panalangin ko ngayon, may kasagutan.”

Sey pa ni Angge, “Sa kabila ng puyat at pagod, kasabay ng pagiging nanay kay Sylvio and Sylvia, kasabay ng mga shows, music events, out of town and out of the country, shoot ng series, kinaya ko.”

Nagpasalamat siya sa kanyang pamilya, lalo na kay Nonrev Daquina at sa kanilang mga anak, na nagsilbing inspirasyon niya upang magpatuloy.

Nagbigay din siya ng pasasalamat sa kanyang mga propesor sa ICC para sa kanilang paggabay at pag-unawa.

Isa sa pinakamadamdaming bahagi ng kanyang mensahe ay ang pag-alala niya sa kanyang yumaong inang si Mama Bob.

Mensahe niya, “And Mama… My angel in heaven, this is the moment I wish I could share with you the most. I love you forever, Ma.”

Nagbigay din siya ng inspirasyon sa kanyang mga tagasuporta at sa lahat ng may pangarap.

Aniya, “Walang pinipiling edad ang pagtupad ng pangarap.”

Marami sa kanyang mga tagahanga at kapwa-artista ang bumati at nagpahayag ng paghanga sa kanyang determinasyon. 

Naging inspirasyon ang kanyang tagumpay sa maraming working parents at adult learners na patuloy na nagsisikap maabot ang kanilang mga pangarap.