Patay kay ‘Inday,’ 26 na, 14 nawawala

ni Jeff Tumbado @News | July 16, 2026

Photo: MDRRMO Mataasnakahoy

Umabot na sa 26 ang nasawi, habang 14 ang nawawala at siyam ang nasugatan dahil sa epekto ng pinaigting na Southwest Monsoon (Habagat) at Tropical Cyclone Inday.

Ayon sa pinakahuling ulat ng National Disaster Risk Reduction and Management Council (NDRRMC) nitong Hulyo 15, 2026, ang mga nasawi ay naitala sa Iloilo (1), Zamboanga Sibugay (2), Bukidnon (2), Davao Occidental (4), Sarangani (10), at Lanao del Sur (7).

Karamihan sa mga biktima ay nalunod o nasawi dahil sa pagguho ng lupa.

20 patay, 16 missing sa Habagat at 'Inday'

ni Jeff Tumbado @News | July 14, 2026

Photo: MDRRMO Mataasnakahoy

Umabot na sa 20 katao ang nasawi, 9 ang nasugatan, habang 16 pa ang nawawala dahil sa patuloy na pananalasa ng Habagat na pinalalakas ng Bagyong Inday.

Kabilang sa mga naitalang nasawi ang tig-iisa sa Iloilo at Davao Occidental, dalawa sa Bukidnon, sampu sa Sarangani, at anim sa Lanao del Sur. Pinakamarami ang naitalang nasawi sa mga bayan ng Malapatan, Sarangani at Calanogas, Lanao del Sur.

Samantala, siyam na katao ang nasugatan sa mga lalawigan ng Benguet, Marinduque, Davao Occidental, Sarangani, Lanao del Sur, at Maguindanao del Norte.

17 patay kay ‘Inday’ at habagat

ni Jeff Tumbado @News | July 12, 2026

Photo: MDRRMO Mataasnakahoy

Nasa 17 na ang bilang ng mga nasawi habang siyam pa ang nawawala dahil sa pinagsamang epekto ng pinalakas na Habagat at Bagyong Inday, na patuloy na nagdudulot ng malalakas na pag-ulan at pagbaha sa iba't ibang bahagi ng bansa, ayon sa pinakahuling disaster monitoring report na inilabas nitong Sabado ng umaga.

Sa ulat ng Office of Civil Defense (OCD), ang mga nasawi ay kabilang sa mga sanhi ng pagkalunod at pagguho ng lupa kung saan ang pinakamarami ay sa bayan ng Malapatan, Sarangani na may 10, sinundan ng Calanogas, Lanao del Sur na may lima, at Bukidnon na may dalawa.

Naitala rin ang apat na nasugatan dahil sa landslide, kabilang ang tig-isang biktima sa Torrijos, Marinduque at Malapatan, Sarangani, at dalawa sa Calanogas, Lanao del Sur.

Samantala, siyam katao ang nananatiling nawawala, kabilang ang tatlo sa Malapatan, Sarangani at anim sa Calanogas, Lanao del Sur.

Patuloy pa ring bineberipika ng mga awtoridad ang lahat ng naiulat na casualty.