1 taon kulong at P1-M multa sa magpapanggap na chemist

ni Atty. Persida Rueda-Acosta @Magtanong Kay Attorney | April 18, 2023

Dear Chief Acosta,

Ang aking tiyahin ay rehistrado bilang isang chemist dito sa Pilipinas. Noong nakaraang buwan, nalaman niya na mayroong isang tao na nagpanggap bilang siya at ginamit ang kanyang lisensya. Ano ang maaaring parusa sa taong nagpanggap? –Pia

Dear Pia,

Para sa iyong kaalaman, ang iyong suliranin ay tinatalakay ng Republic Act No. 10657, na mas kilala sa tawag na “The Chemistry Law of the Philippines.” Nabanggit sa Section 38 ng nasabing batas na:

“Section 38. Penal Clause for the Professional Practice of Chemistry and Chemical Analysis. – No person shall undertake the professional practice of chemistry or chemical analysis without a valid certificate of registration and professional identification card. This includes any person who:

(e) Impersonates a registered chemist or a holder of a temporary/special permit. Upon conviction, a violator shall be sentenced with a penalty of imprisonment for a period of not less than one (1) month but not more than one (1) year, or a fine of not less than one hundred thousand pesos (P100,000) but not more than one million pesos (P1,000,000), or both, at the discretion of the court.”

Sang-ayon sa nabanggit na probisyon ng batas, ang paggamit ng pangalan ng isang rehistradong chemist at pagpanggap bilang siya ay pinaparusahan ng pagkakulong ng isang buwan hanggang isang taon o multa na P100,000 hanggang P1,000,000 o parehong pagkakulong at multa, base sa diskresyon ng korte.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Empleyadong pumasok sa araw ng pahinga, may dagdag na 30% sa sahod

ni Atty. Persida Rueda-Acosta @Magtanong Kay Attorney | April 17, 2023

Dear Chief Acosta,

Ako ay isang negosyante na nag-iimbak ng gulay sa warehouse. Gusto kong malaman kung puwede ko bang papasukin ang aking mga empleyado sa darating na Sabado, kahit ito ay araw ng kanilang pahinga? Mayroon kasi kaming inaasahang bagyo ngayong darating na Linggo sa aming lugar. Salamat! –Rod

Dear Rod,

Para sa iyong kaalaman, ang batas na nakasasaklaw sa iyong katanungan ay ang Article 92 ng Labor Code kung saan nakasaad na:

“ART. 92. When employer may require work on a rest day. - The employer may require his employees to work on any day:

(a) In case of actual or impending emergencies caused by serious accident, fire, flood, typhoon, earthquake, epidemic or other disaster or calamity to prevent loss of life and property, or imminent danger to public safety;

(b) In cases of urgent work to be performed on the machinery, equipment, or installation, to avoid serious loss which the employer would otherwise suffer;

(c) In the event of abnormal pressure of work due to special circumstances, where the employer cannot ordinarily be expected to resort to other measures;

(d) To prevent loss or damage to perishable goods;

(e) Where the nature of the work requires continuous operations and the stoppage of work may result in irreparable injury or loss to the employer; and

(f) Under other circumstances analogous or similar to the foregoing as determined by the Secretary of Labor and Employment.”

Ayon sa batas, puwedeng obligahin na papasukin ng employer ang kanyang mga empleyado sa araw ng pahinga para maiwasan ang pagkasira ng mga nabubulok na bagay. Sa iyong sitwasyon, dahil may paparating na bagyo sa mga susunod na araw, maaari mong papasukin ang iyong mga empleyado kahit ito ay araw ng kanilang pamamahinga, lalo na at ang iyong mga produkto ay gulay.

Gayunman, dahil araw ito ng kanilang pahinga, kailangan mong bayaran ang suweldo ng iyong mga empleyado na may dagdag pang 30% alinsunod sa Article 93(a) ng Labor Code na nagsasaad na:

“Art. 93. Compensation for rest day, Sunday or holiday work.

Where an employee is made or permitted to work on his scheduled rest day, he shall be paid an additional compensation of at least thirty percent (30%) of his regular wage. An employee shall be entitled to such additional compensation for work performed on Sunday only when it is his established rest day.”

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

“Right of representation” ng asawa

ni Atty. Persida Rueda-Acosta @Magtanong Kay Attorney | April 15, 2023

Dear Chief Acosta,

Ang aking asawa ay pumanaw noong 2020 at kami ay may isang anak. Noong nakaraang taon, namatay ang ina ng aking asawa, at ang mga naiwanang ari-arian ay gustong kunin ng kanyang naiwang kapatid. Gusto kong malaman kung may Karapatan ba ako at ang anak ko sa dapat sana ay mana ng aking asawa mula sa aking biyenan? –Cath

Dear Cath,

Ang batas na sasaklaw patungkol sa iyong katanungan ay ang Republic Act No. 386 o mas kilala bilang New Civil Code of the Philippines. Nakasaad sa Articles 887, 970, 971, at 972 nito na:

“Article 887. The following are compulsory heirs:

(1) Legitimate children and descendants, with respect to their legitimate parents and ascendants;

Art. 970. Representation is a right created by fiction of law, by virtue of which the representative is raised to the place and the degree of the person represented, and acquires the rights which the latter would have if he were living or if he could have inherited.

Art. 971. The representative is called to the succession by the law and not by the person represented. The representative does not succeed the person represented but the one whom the person represented would have succeeded.

Article 972. The right of representation takes place in the direct descending line, but never in the ascending.”

Kaugnay nito, inilahad ng Korte Suprema sa kaso ng Intestate Estate of Petra V. Rosales, et al. v. Fortunato Rosales, et al., G.R. No. L-40789, 27 February 1987. Ponente: The Late Honorable Associate Justice Emilio A. Gancayco, na:

“Article 971 explicitly declares that Macikequerox Rosales is called to succession by law because of his blood relationship. He does not succeed his father, Carterio Rosales (the person represented) who predeceased his grandmother, Petra Rosales, but the latter whom his father would have succeeded. Petitioner cannot assert the same right of representation as she has no filiation by blood with her mother-in-law.”

Alinsunod sa mga nabanggit na probisyon ng batas, at desisyon ng Korte Suprema, ang iyong asawa ay may karapatan sa mana mula sa naiwang ari-arian ng kanyang yumaong ina. Sa kadahilanan na ang iyong asawa ay naunang pumanaw kaysa sa kanyang ina, ang kanyang mamanahin ay maililipat sa inyong anak sa pamamagitan ng “right of representation.”

Samantala, ikaw bilang asawa ay walang karapatan sa nasabing mana, sapagkat ang representation ay para lamang sa mga kamag-anak na kabilang sa direct descending line, tulad ng anak.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.