Talupan sa 2019 SEA Games budget — NBI... Alan: Uubusin talaga kami

ni Mylene Alfonso @News | July 16, 2026

Photo: NBI / Senate PH

Bukas si Senator-Judge Alan Peter Cayetano sa planong imbestigasyon ng National Bureau of Investigation (NBI) kaugnay ng umano'y mga iregularidad sa infrastructure projects para sa 2019 SEA Games, na pinamunuan niya bilang chairman ng organizing committee.

“Binabawasan talaga kami, iniisa-isa,” ani Cayetano, kasabay ng pagsasabing handa siyang humarap sa imbestigasyon.

Nauna nang sinabi ni NBI Director Melvin Matibag na iimbestigahan nila ang umano'y bilyun-bilyong pisong “unliquidated,” kabilang ang pagbabayad sa isang pribadong kumpanya sa pamamagitan ng budget insertions.

"Go ahead and investigate [but] we have to make sure that the integrity of the court is intact," sabi ni Cayetano.

“I hope this issue of the integrity of the court becomes an issue to all of us,” wika pa niya.

Mark at Joel, ‘di kasama... Alan, 8 pang senador nagpasaklolo sa SC vs. Win

ni Mylene Alfonso @News | June 17, 2026

Photo: Alan Peter Cayetano - FB

Dumulog sa Korte Suprema si Senador Alan Peter Cayetano kasama ang walong iba pang senador upang hilingin na ideklarang walang bisa ang sesyon ng Senado noong Hunyo 3, 2026 kung saan nahalal si Senador Sherwin Gatchalian bilang Senate President Pro Tempore.

Sa kanilang 87-pahinang petisyon para sa certiorari, hiniling ni Cayetano at nina Senators Loren Legarda, Pia Cayetano, Jinggoy Estrada, Bong Go, Rodante Marcoleta, Imee Marcos, Robin Padilla, at Camille Villar na ipawalang-bisa ang naturang sesyon dahil sa umano’y mga paglabag sa proseso.

Hiniling din ng mga petitioner sa Korte Suprema na maglabas ng isang status quo ante order upang maibalik ang kalagayan at mga kondisyon bago ang mga kinukuwestiyong pangyayari na nagsimula noong Hunyo 3.

Kabilang din sa mga naghain ng petisyon si Atty. Jose Luis Montales, na nagsilbing Senate secretary sa ilalim ng pamumuno ni Cayetano.

Hindi naman kabilang sa mga naghain ng petisyon sina Senators Mark Villar at Joel Villanueva.

Ang paghahain ng petisyon ay naganap sa gitna ng nagpapatuloy na usapin sa pamunuan ng Senado, kung saan nananatiling sentro ng kontrobersiya ang mga pagbabago sa liderato ng Mataas na Kapulungan.

'Wag magpagamit sa Malacañang... Alan kay Win: Ingat ka!

ni BRT @News | June 7, 2026

Photo: Alan Peter Cayetano at Win Gatchalian - FB

Nagbigay ng babala si Senator Alan Peter Cayetano kay Sen. Sherwin “Win” Gatchalian kaugnay ng mga kaganapan sa Senado at sa umano’y impluwensiya ng Malacañang.

Sa kanyang Facebook Live kahapon, sinabi ni Cayetano na dapat maging maingat si Gatchalian upang hindi umano magamit para sa interes ng iba.

“Mag-ingat si Senator Win. Maganda naman ang future niya. Huwag kang magpagamit sa Malacañang at doon sa mga kasamahan mo kahit binibigyan ka ng high position,” ani Cayetano.

Habang isinusulat ang balitang ito, wala pang tugon si Gatchalian sa naging pahayag ni Cayetano.