Aftershocks sa M7.8, higit 6,000 na

ni Jeff Tumbado @News | June 16, 2026

Photo: BFP

Nakapagtala na ang Philippine Institute of Volcanology and Seismology (Phivolcs) ng kabuuang 6,144 na aftershock mula sa magnitude 7.8 na lindol na yumanig sa Mindanao simula noong nakaraang linggo hanggang alas-11 ng umaga nitong Hunyo 15.

Sa naturang bilang, 78 ang naramdaman sa iba't ibang apektadong rehiyon, ayon kay Phivolcs Director Teresito Bacolcol sa isang press briefing na isinagawa sa pamamagitan ng teleconference kasama ang National Disaster Risk Reduction and Management Council (NDRRMC).

Ang magnitude 7.8 na lindol ay tumama 32 kilometro timog-kanluran ng Maasim, Sarangani, alas-7:37 ng umaga noong Hunyo 8, na nagdulot ng sunod-sunod na pagyanig o aftershocks sa iba't ibang bahagi ng Mindanao.

Nasa libo-libong pamilya sa Mindanao ang labis na naapektuhan at nasa 65 katao ang bilang ng mga nasawi. 

27 katao patay, 800 sugatan sa magnitude 7.0 na lindol

ni Ronalyn Seminiano Reonico | November 1, 2020

Umakyat na sa 27 ang bilang ng mga namatay sa magnitude 7.0 na lindol na tumama sa Aegean Sea na yumanig sa Turkey at Greece noong Biyernes ng hapon.

Twenty-five sa mga nasawi ay mula sa coastal areas ng Turkey habang dalawang menor-de-edad, lalaki at babae, ang namatay sa Greek island of Samos matapos mabagsakan ng gumuhong pader.

Ayon kay Mayor Tunc Soyer, 20 gusali ang gumuho sa Turkey sa siyudad ng Izmir. Tinatayang aabot naman sa 800 katao ang sugatan sa Turkey, ayon sa disaster agency ng bansa.

Nakapagtala ng 470 aftershocks ang naturang lindol kung saan 35 sa mga ito ay higit sa 4.0 magnitude. Patuloy naman ang pagsasagawa ng search and rescue operations sa mga apektadong lugar.

Ayon sa United States Geological Survey (USGS), magnitude 7.0 ang naganap na lindol at mas mababang magnitude 6.6. naman ang tala ng Turkish authorities.