Harassment na ginawa sa loob at oras ng trabaho

ni Atty. Persida Rueda-Acosta @Magtanong Kay Attorney | June 16, 2023

Dear Chief Acosta,

Niligawan ko ang aking katrabaho sa loob ng opisina namin pagkatapos ng oras ng trabaho. Sa kasamaang palad, itinuring niya ang aking mga kilos at aksyon na harassment kaya nagsampa siya ng reklamo sa kumpanya namin. Maaari ba akong disiplinahin ng kumpanya kahit na pribado at personal ang pangyayari? - Junrose

Dear Junrose,

Ang sagot sa iyong katanungan ay tinalakay na ng ating Kagalang-galang na Korte Suprema sa kasong “Casiano A. Navarro III vs. Hon. Israel D. Damasco, in his capacity as Voluntary Arbitrator, and Busco Sugar Milling Co., Inc.” (G.R. No. 101875, 14 July 1995), na isinulat ng Kagalang-galang na dating Kasamang Mahistrado Camilo D. Quiason, kung saan nakasaad ang mga sumusunod:

“Petitioner alleges that the quarrel between Baylas and him was a purely private affair. We do not agree with this contention. It will be noted that not only did the incident happen within the company premises, i.e. the ladies’ dormitory which was located inside the plant site, but both of them are employees of private respondent. Management would then be at the mercy of its employees if it cannot enforce discipline within company premises solely because the quarrel is purely personal matter. The harassment of an employee by a co-employee within the company premises even after office hours is a work-related matter considering that the peace of the company is thereby affected. The Code of Employee Discipline is very clear that immoral conduct “within the company premises regardless of whether or not [it is] committed during working time” is punishable.”

Batay sa nabanggit na desisyon, ang harassment sa isang empleyado ng kanyang katrabaho na nangyari sa loob ng lugar ng kumpanya, kahit na pagkatapos ng oras ng trabaho, ay itinuturing na may kaugnayan sa trabaho (work-related) kung isasaalang-alang ang posibleng maging epekto nito sa kapayapaan ng kumpanya.

Matapos isaalang-alang na ikaw at ang iyong katrabaho ay kapwa empleyado ng kumpanya at ayon sa iyong salaysay ay nangyari ang insidente sa loob ng opisina n'yo, maaari kang disiplinahin ng iyong kumpanya kahit na ang insidente ay pribado at personal dahil ito ay maituturing na work-related.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Sinisante sa reklamong wala namang kinalaman sa trabaho

ni Atty. Persida Rueda-Acosta @Magtanong Kay Attorney | June 14, 2023

Dear Chief Acosta,

Ang aking asawa at ang kanyang mga katrabaho ay gumawa ng sapilitang pag-iipon na tinatawag na “paluwagan” nang walang impormasyon at pahintulot ng kanilang kumpanya. Ang aking asawa ay inakusahan ng kanyang mga katrabaho na nagnakaw diumano ng kanilang mga naipon at ito ay nagresulta sa kanyang pagkatanggal sa trabaho dahil ito umano ay itinuturing na serious misconduct. Tama ba ang pagtanggal sa asawa ko kung walang kinalaman sa trabaho ang reklamo laban sa kanya? - Mateo

Dear Mateo,

Ang sagot sa iyong katanungan ay tinalakay na ng ating Kagalang-galang na Korte Suprema sa kasong “Villamor Golf Club, et. al. vs. Rodolfo F. Pehid” (G.R. No. 166152, 4 October 2005), na isinulat ng Kagalang-galang na dating Kasamang Mahistrado Romeo J. Callejo, Sr., kung saan nakasaad ang mga sumusunod:

“Neither may the petitioners rely on Article 282 of the Labor Code. As the CA succinctly ruled:

Clearly, based on the grounds of termination provided under Article 282 of the Labor Code and the VGC Rules and Regulations, the common denominator thereof to constitute gross misconduct as a ground for a valid termination of the employee, is that – it is committed in connection with the latter’s work or employment. In the instant case, as previously pointed out, the alleged petitioner’s misappropriation or malversation was committed, assuming it to be true, against the common funds of the Locker Room personnel, which did not belong nor sanctioned by respondent VGC. A fortiori, respondent VGC was not prejudiced or damaged by the alleged embezzlement, were locker room personnel, who may ventilate any proper civil or criminal action to whomsoever responsible thereof.

“Serious misconduct” as a valid cause for the dismissal of an employee is defined as improper or wrong conduct; the transgression of some established and definite rule of action, a forbidden act, a dereliction of duty, willful in character, and implies wrongful intent and not mere error in judgment. To be serious within the meaning and intendment of the law, the misconduct must be of such grave and aggravated character and not merely trivial or unimportant. However serious such misconduct, it must, nevertheless, be in connection with the employee’s work to constitute just cause for his separation. The act complained of must be related to the performance of the employee’s duties such as would show him to be unfit to continue working for the employer.”

Batay sa nabanggit na desisyon, gaano man kalubha ang maling pag-uugali (serious misconduct), dapat ay may kaugnayan ito sa trabaho ng empleyado na nagpapakita na hindi na siya karapat-dapat na magpatuloy sa pagtatrabaho para sa employer bago ito magamit bilang makatarungang dahilan para sa pagtatanggal.

Ayon sa nabanggit na desisyon at iyong pahayag, hindi tama ang pagtanggal sa iyong asawa batay sa serious misconduct dahil ang umano’y pagnanakaw ng ipon sa pagitan ng mga kapwa empleyado ay walang kinalaman sa kanilang trabaho.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Panuntunan at pamamaraan sa pag-patent ng imbensyon

ni Atty. Persida Rueda-Acosta - @Magtanong Kay Attorney | June 13, 2023

Dear Chief Acosta,

May inaaral ako ngayon at sa aking palagay ay may madidiskubre akong bagong teorya na may kaugnayan sa siyensya. Nais ko lamang malaman kung maaari ko ba itong ipa-patent?- Julie

Dear Julie,

Para sa iyong kaalaman, sang-ayon sa Republic Act No. 8293 o mas kilala bilang “Intellectual Property Code of the Philippines”:

“Sec. 22. Non-Patentable Inventions. - The following shall be excluded from patent protection:

22.1. Discoveries, scientific theories and mathematical methods;

22.2. Schemes, rules and methods of performing mental acts, playing games or doing business, and programs for computers;

22.3 Methods for treatment of the human or animal body by surgery or therapy and diagnostic methods practiced on the human or animal body. This provision shall not apply to products and composition for use in any of these methods;

22.4. Plant varieties or animal breeds or essentially biological process for the production of plants or animals. This provision shall not apply to micro-organisms and non-biological and microbiological processes.

Provisions under this subsection shall not preclude Congress to consider the enactment of a law providing sui generis protection of plant varieties and animal breeds and a system of community intellectual rights protection:

22.5. Aesthetic creations; and

22.6. Anything which is contrary to public order or morality.”

Malinaw sa nasabing batas na hindi maaaring ipa-patent ang mga bagong tuklas kaugnay sa teorya ng siyensya. Kabilang din dito ang mga panuntunan at pamamaraan ng pag-iisip, paglalaro, pagnenegosyo, at programa para sa computer, paraan ng panggagamot, uri ng halaman o lahi ng aso, mga likhang estetika at anumang bagay na labag sa pampublikong kaayusan o moralidad.

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.