Maltreatment of Prisoners, maituturing na krimen

ni Atty. Persida Rueda-Acosta @Magtanong Kay Attorney | May 19, 2023

Dear Chief Acosta,

Mayroon bang kaso na Maltreatment of Prisoners? Nakatanggap kasi ang kaibigan ko ng sulat kaugnay sa kaso na isinampa laban sa kanya. Mayroon yatang kaugnayan ito sa dati niyang trabaho sa piitan. Maaari ba siyang matulungan ng inyong opisina? – Linda

Dear Linda,

Ang ating mga batas kriminal ang nagsisilbing proteksyon para sa mga taong gumagawa ng pang-aabuso. Isa na rito ang Artikulo 235 ng Revised Penal Code of the Philippines, na naamyendahan ng Section 52 ng Republic Act No. 10951, kung saan tinutukoy ang krimen ng Maltreatment of Prisoners. Ayon sa naturang batas, sinuman na mapatunayang nang-abuso sa taong nasa piitan o person deprived of liberty (PDL) ay maaaring patawan ng parusang pagkakakulong, maliban pa sa parusang maaaring ipataw sa kanya para sa aktwal na pisikal na pananakit na kanyang ginawa. Para sa iyong kaalaman, malinaw na nakasaad sa naturang batas:

“Art. 235. Maltreatment of prisoners. — The penalty of prisión correccional in its medium period to prisión mayor in its minimum period, in addition to his liability for the physical injuries or damage caused, shall be imposed upon any public officer or employee who shall overdo himself in the correction or handling of a prisoner or detention prisoner under his charge, by the imposition of punishments not authorized by the regulations, or by inflicting such punishments in a cruel and humiliating manner.

If the purpose of the maltreatment is to extort a confession, or to obtain some information from the prisoner, the offender shall be punished by prisión mayor in its minimum period, temporary special disqualification and a fine not exceeding One hundred thousand pesos (P100,000), in addition to his liability for the physical injuries or damage.”

Kung ang kaibigan mo ay inireklamo ng Maltreatment of Prisoners dahil mayroon siyang ginawang pang-aabuso noong siya ay nagtatrabaho pa sa piitan, mahalagang harapin niya ito at patunayan na siya ay inosente sa ibinibintang laban sa kanya. Kung kailangan niya ng abogado na magrerepresenta sa kanya, iminumungkahi namin na siya ay makipag-ugnayan sa aming PAO District Office na nakakasakop ng lugar kung saan nakahain ang reklamo laban sa kanya upang mahimay ang mga impormasyon ukol sa kanyang legal na suliranin, masuri ang kanyang mga dokumento at ebidensya kaugnay nito, at mapag-aralan ang maaari niyang maging legal na hakbang o remedyo.

Karaniwang matatagpuan ang aming district offices sa loob o malapit sa munisipyo, kapitolyo, city hall o mga halls of justice ng isang bayan, siyudad, o probinsya.

Sa puntong, ito nais din namin ipaalala na bagama’t ang PDLs ay mayroong kinakaharap na kaso at/o napatawan na ng karampatang parusa ng hukuman, sila ay mga tao pa rin na mayroong karapatan na maging ligtas at hindi dapat maltratuhin o abusuhin.

Mismong ang ating Saligang Batas ay nagsasaad sa Artikulo III nito:

“Section 12 (1)

(2) No torture, force, violence, threat, intimidation, or any other means which vitiate the free will shall be used against him. Secret detention places, solitary incommunicado, or other similar forms of detention are prohibited.

Section 19 (1) Excessive fines shall not be imposed, nor cruel, degrading or inhuman punishment inflicted.

(2) The employment of physical, psychological, or degrading punishment against any prisoner or detainee or the use of substandard or inadequate penal facilities under subhuman conditions shall be dealt with by law.”

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Panggigipit sa sustento sa anak, pasok sa Economic abuse

ni Atty. Persida Rueda-Acosta @Magtanong Kay Attorney | May 18, 2023

Dear Chief Acosta,

Mayroon akong anak, ngunit hindi kami kasal ng ama niya. Naghiwalay kami dahil sa pagiging seloso niya, at lahat ng makatrabaho o makasalamuha ko ay pinagseselosan niya. Ang problema ko ay ang panggigipit niya sa sustento ng anak namin. Nawalan ako ng trabaho dahil sa panggugulo niya, parang sinasadya niya na manggulo para mawalan ako ng trabaho. Ayaw ko sanang umasa sa kanya, ngunit para naman ito sa anak namin. Ngayon, ilang beses na akong humihingi sa kanya ng suporta para sa anak namin, lalo na sa pag-aaral ng bata, ngunit hindi siya nagbibigay kahit malaki ang kinikita ng negosyo niya. Ang gusto niyang mangyari ay magsama-sama kami muli. Hindi ako papayag na mangyari ‘yun dahil ayaw ko nang mangyari pa muli ang mga naranasan kong pang-aabuso sa kanya noon. Pakiramdam ko ay ginigipit niya ang anak namin at ginagawang sangkalan ang suporta ng bata para sa personal na interes niya. Ang palagi niyang sinasabi ay wala siyang masamang intensyon, kaya hindi ko siya maaaring kasuhan. Ganu’n ba talaga ‘yun? Kahit gipit na gipit na ang anak niya ay wala kaming magagawang mag-ina? Sana ay malinawan niyo ako. – Anita

Dear Anita,

Ang isa sa mga uri ng pang-aabuso sa isang babae o sa anak nito ay tahasang panggigipit sa sustento. Maliban dito, ang pagpigil sa isang babae na magtrabaho at tumayo sa sarili niyang mga paa o ang paggawa ng mga bagay na maaaring pumigil sa kanya kaugnay dito ay maituturing ding pang-aabuso kung walang balido, seryoso at moral na dahilan ang asawa o kinakasama na pigilan o tutulan siya. Nakasaad sa depinisyon ng economic abuse sa ilalim ng Section 3 (a) (D) ng Republic Act (R.A.) No. 9262, o mas kilala bilang “Anti-Violence Against Women and Their Children Act of 2004”:

“SECTION 3. Definition of Terms. - As used in this Act,

D. "Economic abuse" refers to acts that make or attempt to make a woman financially dependent which includes, but is not limited to the following:

1. Withdrawal of financial support or preventing the victim from engaging in any legitimate profession, occupation, business or activity, except in cases wherein the other spouse/partner objects on valid, serious and moral grounds as defined in Article 73 of the Family Code;”

Partikular na nakasaad din sa Section 5 (e) (2) ng R.A. No. 9262, ang pag-alis ng suporta o pananakot kaugnay sa pag-alis ng naturang suporta o tahasang hindi pagbibigay ng angkop na suporta ay ikinokonsidera bilang pang-aabuso:

“SECTION 5. Acts of Violence Against Women and Their Children.- The crime of violence against women and their children is committed through any of the following acts:

(e) Attempting to compel or compelling the woman or her child to engage in conduct which the woman or her child has the right to desist from or desist from conduct which the woman or her child has the right to engage in, or attempting to restrict or restricting the woman's or her child's freedom of movement or conduct by force or threat of force, physical or other harm or threat of physical or other harm, or intimidation directed against the woman or child. This shall include, but not limited to, the following acts committed with the purpose or effect of controlling or restricting the woman's or her child's movement or conduct:

(2) Depriving or threatening to deprive the woman or her children of financial support legally due her or her family, or deliberately providing the woman's children insufficient financial support;”

Kung ang sitwasyon mo at ng iyong anak sa ama nito, kaugnay sa panggigipit sa suporta ay napapaloob sa nabanggit na probisyon ng batas, maaari kayong maghain ng kaukulang reklamong kriminal. Ang pagsabi niya rin na wala siyang masamang intensyon, gayung sa kabilang banda, kung ang ginagamit niyang sangkalan ay ang kakayahan niyang magbigay ng sapat na suporta para sa anak ninyo kapalit ang pakikipagbalikan mo sa kanya, hindi balidong dahilan upang hindi siya makasuhan. Sa kasong XXX vs. People of the Philippines, G.R. No. 221370, June 28, 2021, ipinaliwanag ng Korte Suprema, sa panulat ni Honorable Associate Justice Ramon Paul L. Hernando, na:

“There is also no merit in petitioner's argument that the absence of malice on his part should warrant his acquittal. Crimes mala in se are those "so serious in their effects to society as to call for almost unanimous condemnation of its members." On the other hand, crimes mala prohibita are "violations of mere rules of convenience designed to secure a more orderly regulation of the affairs of society." Generally, the term mala in se pertains to felonies defined and penalized by the RPC while mala prohibita refers generally to acts made criminal by special laws. In acts which are declared to be mala prohibita, malice or intent is immaterial. Since RA 9262 or the Anti-Violence Against Women and Their Children Act of 2004 is a special law, the act of deprivation of financial support is considered malum prohibitum. Petitioner's argument of absence of malice or intent is immaterial and the only inquiry to be made is whether or not XXX committed the act.”

Sana ay nabigyan namin ng linaw ang iyong katanungan. Ang payong aming ibinigay ay base lamang sa mga impormasyon na iyong inilahad at maaaring magbago kung mababawasan o madaragdagan ang mga detalye ng iyong salaysay.

Maraming salamat sa inyong patuloy na pagtitiwala.

Kailan napapaso ang kasong Slight Physical Injuries?

ni Atty. Persida Rueda-Acosta @Magtanong Kay Attorney | May 17, 2023

Dear Chief Acosta,

Noong nakaraang taon, nagkaroon kami ng komprontasyon ng dating kinakasama ng nobyo ko. Nauwi ito sa sabunutan at pisikal na pananakit na nagdulot sa akin ng mga galos at sugat, ngunit nakapasok pa rin ako sa trabaho matapos ang insidente.

Nagkataon na noong panahong ‘yun ay hinihintay ko na lang ang deployment ko sa barko bilang kitchen staff, kaya humingi na lamang ako ng sertipikasyon mula sa medico-legal kung sakaling kailanganin ko ito. Ako ay nakaalis nang hindi nakapagsampa ng reklamo, ngayon ay kakababa ko lamang sa barko at nais kong ipursigi ang pagsasampa. Sabi ng kakilala kong nagtatrabaho sa hukuman, hindi na ako makakapagsampa ng reklamong slight physical injuries dahil paso na umano ito.

May batas ba talaga ukol dito? –Gena

Dear Gena,

Ang krimen na Slight Physical Injuries ay binibigyang-kahulugan sa ilalim ng Artikulo 266 ng ating Revised Penal Code, na naamyendahan ng Section 61 ng Republic Act No. 10951, kabilang na ang parusa rito. Ayon sa nasabing batas:

“Art. 266. Slight physical injuries and maltreatment. — The crime of slight physical injuries shall be punished:

1. By arresto mayor when the offender has inflicted physical injuries which shall incapacitate the offended party for labor from one (1) days to nine (9) days, or shall require medical attendance during the same period.

2. By arresto menor or a fine not exceeding Forty thousand pesos (₱40,000) and censure when the offender has caused physical injuries which do not prevent the offended party from engaging in his habitual work nor require medical assistance.

3. By arresto menor in its minimum period or a fine not exceeding Five thousand pesos (₱5,000) when the offender shallill-treat another by deed without causing any injury.”

Alinsunod naman sa Artikulo 90 ng ating Revised Penal Code, ang mga krimen na mayroong parusa na arresto mayor at arresto menor ay napapaso sa loob ng mga su