Anne, binastos, kinuyog ng mga celebs… GABBI GARCIA KAY CONG. SUNTAY: NAKAKADIRI!

ni Nitz Miralles @Bida | March 5, 2026

Photo: Gabbi Garcia / Instagram

Sa tweet ni Ogie Alcasid na: “We stand with @annecurtissmith,” ang tinutukoy marahil ay ang mga kasamahan nila sa It’s Showtime (IS), pati na rin ang mga taga-entertainment industry na nagpahayag ng kanilang saloobin sa sinabi ni Rep. Bong Suntay tungkol kay Anne Curtis.

Sabi naman ni Amy Perez, “‘Di ito usapin kung Kakampink ka o DDS ka o Uniteam ka. Ang point ay may BABAE na nabastos sa isip at salita! Tanong lang, gusto mo ba na ang Nanay mo, Ate mo, Tita mo, at pinsan mo na babae ay pag-isipan ng ganu’n? ‘Wag nating piliting maging tama ang isang mali.”

May comment din si Jodi Sta. Maria sa isyu ni Suntay, “The analogy wasn’t malicious, said the person who made the remark. But the impact was clear… it made people, most especially women, feel disgusted and disrespected. If that kind of analogy was used to make a point, it clearly reveals the mindset of the person who said it. That’s not something we should normalize.”

Ayon naman kay Gabbi Garcia, “If you hold power, act like it. Objectifying women, even in passing remarks, is unacceptable. We are not here to be reduced to someone’s imagination. NAKAKADIRI.”

Pati si Atom Araullo, napa-comment, “If the honourable congressman thinks those remarks belong in the halls of Congress, one can only imagine what passes for normal conversation in private, especially when women aren’t in the room. What followed was even worse: intellectual dishonesty and refusal to engage with criticism. The familiar playbook of strongman politics that seems to be spreading everywhere these days.”

Si Jasmine Curtis-Smith, may pahabol na comment, “Suntay should just stop talking,” at ang short comment na “THIS” sa tweet ni Atty. Jesus Falcis na, “It’s not enough for Bong Suntay’s remarks about Anne Curtis to be stricken off the record. He should also apologize and go under a Safe Spaces or Gender Sensitivity Training. It is not acceptable to talk about women like that on Women’s Month or any month for that matter.”

---

LUMABAS sa isang blog na pinangalanan si Marian Rivera bilang isa sa mga unang tumulong kay Odette Khan. 

Sey sa blog, “Ayon sa aming source, ang Grand Slam Best Actress Marian Rivera ay agarang tumulong noong lumabas sa media ang kalagayan ni Tita Odette. God bless her golden heart, and we pray and hope for the speedy recovery of our veteran actress who loves her industry so much.”

Hindi lang si Odette ang tinulungan ni Marian sa mga taga-showbiz na nangailangan ng medical help. Maaalalang tinulungan din ng aktres si Boobay nang naospital dahil sa stroke.

May iba pang natulungan ang aktres na hindi alam ng publiko.

Sa Facebook (FB) post ni Rams David, kakailanganin ni Odette ang malaking halaga dahil sa dami ng kanyang sakit. Hindi lang para sa hospital bill ang inihihinging tulong ng pamilya ng veteran actress, pati na para sa laboratory procedures, medicines, caregivers’ fee, professional and readers’ fee, atbp..

Paniguradong marami ang tumutulong at tutulong pa kay Odette ngayong alam na ang kanyang medical situation. 

May nag-suggest na humingi rin ng tulong ang pamilya ng aktres kina Sen. Robin Padilla at Sen. Lito Lapid.

---

FAN ng sikat na baby monkey na si Punch ang aktor na si John Arcilla, at tinawag niya ang sarili bilang ‘Punch cheerer and avid fan’. 

Nang magbiro at yayaing lumipad pa-Japan ang kapwa niya mga fans ni Punch, marami agad ang gustong sumama. Sabay-sabay daw silang pupunta roon para i-cheer si Punch.

Ang latest, may sariling Punch na si John, pero hindi siya monkey kundi cute na puppy. 

Karga ang bagong pet, sabi ni John, “Hmmmm… I will name him PUNCH! Whoooohaaaa! I-L-O-V-E—P-U-N-C-H!”

Marami na agad ang mga fans ni Punch, the black poodle pet ni John, pero siguradong mahal pa rin nito si Punch, ang baby monkey. 

Tiyak din na gusto pa rin ni John na makita nang personal si Punch na nasa zoo ngayon sa Japan.

Nag-init daw nang makita si Anne… JASMINE KAY CONG. SUNTAY: KADIRI PO KAYO!

ni Reggee Bonoan @Sheet Matters | March 5, 2026

Photo: Jasmine Curtis-Smith / Instagram / RTVM

Randam namin ang gigil at galit ng kapatid ni Anne Curtis-Smith na si Jasmine Curtis-Smith sa komento ni Cong. Bong Suntay, representante ng ika-apat na Distrito ng Lungsod Quezon, sa ginanap na pagdinig ng House Committee on Justice sa Kongreso para sa impeachment complaint laban kay Bise-Presidente Sara Duterte.

Nagbigay ng hindi magandang komento si Suntay tungkol kay Anne. 

Ito ang nag-viral na pahayag, “Minsan, nasa Shangri-La ako, nakita ko si Anne Curtis. Ang ganda-ganda pala n’ya. You know, may desire sa loob ko na nag-init talaga at na-imagine ko na lang kung ano ang puwedeng mangyari. Pero s’yempre, hanggang imagination lang ‘yun.”

Pambabastos ang dating kay Jasmine para sa kanyang Ate Anne ng mga pahayag ng kongresista kaya naman sunud-sunod ang post niya sa kanyang X (dating Twitter) account kagabi na ini-repost din ng mga netizens at ng ibang personalidad.

Aniya, “‘Yung init ng ulo at dugo ko. Ang hirap matulog, ha?”

Inayunan din ni Jasmine ang posts ng mga netizens sa ginawang pambabastos ng kongresista at ini-repost niya ang payo sa kanya na “Please consider filing an ethics complaint as well as a criminal complaint for Qualified Sexual Harassment Online and in Public Spaces or Sec. 15 of the Bawal Bastos Law. Teach him a lesson. Do not accept apologies. Laban.”

Sa panayam naman kay Congressman Bong Suntay ng One News PH ay sinabi niyang, “Anne Curtis should take my remark as a compliment.”

Tweet ni Jasmine, “A compliment? Ang dami ko gustong sabihin. Kadiri po kayo.”

Hirit pa ng Kapuso actress, “Bakit tumatawa ang mga lalaking hosts sa pagtatanong nila? Wala kayong iniba kay Bong Suntay. What a disgusting man. A father. A husband.”

Ini-repost ni Jasmine ang komento ni TV Patrol anchor Karen Davila, “A congressman. A representative of the people. Paid by the people. A husband, a father with daughters. Without the consciousness, knowledge or decency of how women should be talked about. Please keep your sick thoughts to yourself.”

Dagdag pa, “Respectfully, Bong Suntay, what on earth? Bakit ganu’n ang thinking? Happy National Women’s Month.”

May mahabang post din si Jasmine sa kanyang Facebook (FB) account kagabi tungkol sa mga kababaihan.

Pahayag pa niya, “This moment is not about one female celebrity. It is about how all women, regardless of profession, continue to be reduced to bodies in spaces dominated by men in power.

“When a congressman publicly narrates his desire and imagination about a woman he once saw, or dreams he saw, (idk his statements keep changing), it reinforces a culture that treats women as consumable, as spectacle, as fantasy, as objects for commentary rather than as whole human beings with agency, intellect, and autonomy.

“Public office carries with it the responsibility to elevate discourse, not diminish it. The halls of government should be spaces where women are discussed for their contributions, their ideas, and their leadership, not as imagined scenarios.

“We cannot continue excusing this as just being honest or just a compliment. It is neither.

“Respect is not complicated. If we want safer environments for our daughters, nieces, and future leaders, accountability must begin with those elected to represent us.”

Samantala, ipinag-uutos ni Quezon City (QC) Mayor Joy Belmonte na mag-public apology si Ginoong Bong Suntay.

Sa inilabas na official statement ni Mayor Joy kagabi, “I urge Congressman Bong Suntay to apologize for the inappropriate remarks that he made at a recent House committee hearing.

“His words directly contradict the spirit of empowerment that we have worked hard to build here in Quezon City. Over the years, we have embraced the difficult work of establishing protections for women, constantly striving to honor their rights by creating safe spaces and opportunities for them.

“In this context, it is truly disappointing to witness Congressman Suntay’s casual display of objectification on Women’s Month no less. But what makes this incident especially troubling is the fact that, as a former member of our City Council, he was part of the body that passed our Gender and Development Code.

“Moreover, he was the majority floor leader of the City Council when we passed the Bawal Bastos Ordinance, which declares that lewd, malicious and demeaning remarks and acts have no place in public life. Quezon City instituted this policy in 2016, ahead of the national Safe Spaces Act.

“Our policies are a declaration of our city’s values, of what we stand for and what we refuse to tolerate. We expect our elected officials to be the first to live by them.

“Thus, it is clear to me: We must not hesitate to push back against any act that undermines the dignity of our women. We must continue to stand for their safety, dignity and equality, without exception and without compromise.

“We call on Congressman Suntay to take full accountability for his remarks, issue a proper

apology and conduct himself with the dignity that his office and our city demand. Our people deserve no less.”

Sundin naman kaya ito? Abangan!

---

Samantala, walang nakuhang simpatya o kakampi si Cong. Bong Suntay sa offensive comment niya kay It’s Showtime (IS) TV host-actress Anne Curtis, kaya kahit pinaninindigan niya ang kanyang statement na wala naman daw malisya,

humingi na rin siya ng public apology.

“Sinabi ko kay Anne, that analogy was not meant maliciously. It was an analogy meant for the pagdinig dito. It might have been in bad taste for some but I apologize kung may mga sensitivities na tinamaan. That was not my intention.

“The intention was to make a point that usually, oftentimes, statements are taken out of context and conclusions are made. ‘Yun ‘yung unang punto.

“Ang pangalawang punto ko, desires and imagination cannot be made an impeachable offense on the thing dito sa impeachment proceeding. Para kasing kailangan ng overact. Desires and imagination is also not a criminal offense. ‘Yun ‘yung analogy ko rin. In fact, ulitin ko, it was a fictitious situation.

“‘Di ko pa nga nakikita si Anne in person. Napanood ko lang sa TV. Nagandahan talaga ako. Making that analogy, well, I regret na may nasaktan, but I don’t regret making that analogy.”

Teka lang, ‘di ba’t sa unang statement ni Cong. Suntay, sabi niya ay nakita niya si Anne sa Shangri-La kaya ‘nag-init’ siya? Pero bakit ngayon, sinasabi niyang hindi pa niya nakikita nang personal si Anne?

Ano ba talaga, Cong. Bong Suntay?

Deadma sa 2 impeachment... "Busy ako" — VP Sara

ni Mylene Alfonso @News | March 5, 2026

Photo: OVP

Hindi raw naka-monitor si Vice President Sara Duterte sa mga pagdinig ng House panel sa impeachment complaints laban sa kanya.

“Marami akong ginagawa na trabaho. Hindi 'yan ang prayoridad ngayon ng Office of the Vice President,” ani VP Sara sa isang ambush interview.

Nagpahayag din ang kampo ni VP Sara kung saan sasagutin ang mga impeachment complaint sa tamang constitutional process.

“At this stage, the Vice President’s legal team will carefully review the actions taken by the House and the Committee, as well as the records of the proceedings,” giit ni Atty. Michael Poa, legal counsel ni Duterte.

“For now, we will refrain from discussing the substance of the case in the media and will instead address these matters through the proper constitutional processes,” pagtatapos ni Poa.

Samantala, lusot na ang dalawang impeachment complaints na isinampa laban kay VP Sara matapos pagbotohang “sufficient in substance” ng House Committee on Justice.

Ang parehong reklamo ay nakakuha ng 54 na boto pabor, isang boto tutol, at zero abstention.

Tanging si Quezon City 4th District Rep. Bong Suntay ang bumoto ng hindi pabor.

Nauna nang idineklara ng komite ang dalawang reklamo na “sufficient in form” noong Lunes.

Inihain ang mga impeachment complaint nina Fr. Bong Saballa, at iba pa, at ng abogadong si Nathaniel Cabrera.

Inaakusahan sa mga reklamo si Duterte ng betrayal of public trust, culpable violation of the Constitution at iba pa, dahil umano sa maling paggamit ng P612.5 milyong confidential fund, at pagbabanta na papatayin si Pangulong Ferdinand Marcos, Jr. at ang pamilya nito.

Bunsod nito, inaatasan ng komite si Duterte na maghain ng kanyang tugon sa mga akusasyon laban sa kanya sa loob ng 10 calendar days.

Bago ang botohan, sinabi ni House Senior Deputy Speaker Ferdinand Hernandez ng South Cotabato, na ang pagtukoy sa mga reklamo na “sufficient in substance” ay hindi nangangahulugang may kasalanan na agad si Duterte o wala.

“Our vote today is not a verdict of guilt vote of guilt nor an act of condemnation. It is simply a decision whether the constitutional process should move forward,” paliwanag ni Hernandez.

Nilinaw din ni House justice panel chairperson Rep. Gerville Luistro, na ang pagtukoy sa mga reklamo na “sufficient in substance” ay hindi nangangahulugang idinedeklara nang guilty o may kasalanan ang Bise Presidente.

“This is the stage where we ask: Do the allegations rise to the level of impeachable offenses? Do these complaints meet the constitutional threshold to move forward? And [more] importantly, are the allegations credible enough to justify moving forward with the process?” sabi ni Luistro.

“At this stage, we are not determining guilt.” dagdag niya.

Una rito, apat ang inihain na impeachment complaint laban kay Duterte. Ngunit binawi ng Tindig Pilipinas ang pangalawang reklamo para suportahan ang ikatlong reklamo.

Idineklara naman ng komite na labag sa one-year bar rule ang isa pang impeachment complaint na inihain ni dating ACT Teachers Partylist Rep. France Castro.