Lansangan, ‘di puwede sa mga pabaya, motoristang pasaway, tanggalan ng lisensya habambuhay

ni Leonida Sison @Boses | March 6, 2026

Patuloy ang paglabag sa batas-trapiko sa kabila ng panawagan at paghihigpit, na nagpapakita ng katigasan ng ulo ng ilang motorista at kawalan ng pakialam sa kaligtasan ng kapwa sa kalsada. Hindi lamang simpleng paglabag ang pagmamaneho nang lasing; ito ay direktang banta sa buhay ng lahat ng dumaraan sa lansangan. Kaya’t nararapat na magkaroon ng mahigpit na aksyon ang Land Transportation Office (LTO) laban sa mga pasaway na driver.

Pinawalang-bisa ng LTO ang lisensya ng pitong motorista matapos mapatunayang lumabag sa Anti-Drunk and Drugged Driving Act of 2013. Ayon sa ulat ng Intelligence and Investigation Division ng ahensya, ang mga driver ay nasangkot sa magkakahiwalay na aksidente at insidente sa kalsada habang nasa impluwensya ng alak.

Batay sa pagsusuri, lahat ng sangkot ay nagpositibo sa alcohol test at lumampas sa legal na limitasyon ng blood alcohol concentration (BAC), na nasa pagitan ng 0.123 hanggang 0.438 percent. Malinaw na nasa estado ng pagkalasing ang mga driver nang magmaneho.

Bago tuluyang bawiin ang lisensya, naglabas muna ang LTO ng show-cause orders upang bigyan ang mga motorista ng pagkakataong magpaliwanag. Kasabay nito, inilagay sa “alarm status” ang kanilang mga sasakyan at pansamantalang sinuspinde ang lisensya ng 90 araw habang isinasagawa ang imbestigasyon.

Layunin umano ng hakbang na ito na ipakita na may mabigat na kapalit ang irresponsableng pagmamaneho. Iginiit nila ang patuloy na determinasyon ng LTO na protektahan ang lahat ng gumagamit ng kalsada laban sa panganib ng pagmamaneho sa ilalim ng impluwensya ng alak o ilegal na droga.

Ang aksyong ito ay paalala na ang kalsada ay hindi lugar para sa pabaya at padalus-dalos na desisyon. Ang bawat driver ay may responsibilidad hindi lamang sa sarili kundi sa lahat ng maaaring madamay sa kanilang pagkakamali.

Ang pagbawi ng lisensya ng pitong driver ay hindi lamang parusa kundi babala sa lahat ng motorista: kapag pinabayaan ang disiplina sa kalsada, buhay ng inosente ang nakataya. Mahigpit na pagpapatupad ng batas ang susi sa kaligtasan sa lansangan.

---

Para sa inyong opinyon, sumbong, hinaing o nais hinging tulong ito ang pagkakataong marinig ang inyong boses, sumulat lamang sa BOSES at ipadala sa Bulgar Bldg. 538 Quezon Avenue, Quezon City o mag-email sa boses.bulgar@gmail.com

Pag-aangkas ng bata sa motor, stop

by Info @Editorial | March 6, 2026

Hindi laruan ang kalsada, at lalong hindi dapat isinasama sa panganib ang mga bata. 

Sa kabila ng mga umiiral na batas, marami pa ring magulang ang patuloy na nagsasakay ng maliliit na bata sa motorsiklo kahit malinaw na delikado ito.

Madalas makita ang isang motorsiklo na may tatlo o apat na sakay, kabilang ang batang halos hindi pa abot ang paa sa foot peg at wala pang suot na helmet. 

Isang biglang preno, lubak sa daan, o banggaan lamang ay maaaring magdulot ng matinding pinsala o pagkamatay. Sa ganitong sitwasyon, ang mga bata ang unang nagiging biktima.

Hindi sapat ang dahilan na “walang ibang sasakyan” o “malapit lang naman.” Ang kaligtasan ng bata ay hindi dapat isugal dahil lamang sa kaginhawaan o kakulangan sa disiplina. Responsibilidad ng mga magulang na protektahan ang mga anak, hindi ilagay sa panganib.

Panahon na upang higpitan ng mga otoridad ang pagpapatupad ng batas laban sa delikadong pag-aangkas ng bata sa motorsiklo. 

Kailangang maging mas mahigpit ang pagbabantay at parusa upang matigil ang ganitong gawain.

Horoscope | Marso 6, 2026 (Biyernes)

ni Maestro Honorio Ong @Horoscope | March 6, 2026

Sa may kaarawan ngayong Marso 6, 2026 (Biyernes): Paulit-ulit na kikilos ang iyong kapalaran hanggang sa magkaroon ka ng dambuhalang suwerte at magandang buhay. Kaya naman, hahangaan ka ng iba. 

ARIES (Mar. 21-Apr. 19) - Ingatan mong mahulog sa tukso. Sobrang lakas ng iyong karisma, kaya hindi mawawala ang pagnanasa nila sa iyo. Ito ang mensahe ng iyong kapalaran. Masuwerteng kulay-pink. Tips sa lotto-9-18-24-28-31-45.

TAURUS (Apr. 20-May 20) - Umaandar ang sasakyan kahit may diperensya. Mamahinga at kumain ka ng masusustansyang pagkain upang manumbalik ang iyong lakas. Masuwerteng kulay-beige. Tips sa lotto-3-17-20-25-38-41.

GEMINI (May 21-June 20) - Mawawala sa loob mo na ang hinaharap ay dapat paghandaan, lalo na’t madami ang umaasa na bibigyan mo sila ng saya tulad ng dati. Masuwerteng kulay-blue. Tips sa lotto-5-15-22-36-37-44.

CANCER (June 21-July 22) - Kahit hindi pa nangyayari ang gusto mo, magpatuloy ka pa rin, dahil may ibang mas magandang pangyayari ang inilaan sa iyo. Masuwerteng kulay-black. Tips sa lotto-2-10-14-27-39-43.

LEO (July 23-Aug. 22) - Kung saan nakalagay ang isang puno, du’n din ito mabubuwal. Umiwas ka sa mga bisyo at sa mga walang kuwentang aktibidad. Masuwerteng kulay-violet. Tips sa lotto-4-11-24-27-33-42.

VIRGO (Aug. 23-Sept. 22) - Ibahagi mo sa iba ang mga biyayang iyong tinatamasa. Gawin mo ito upang lalo ka pang pagpalain. Ito ang banal na lihim upang magkaroon ka ng masaganang buhay. Masuwerteng kulay-peach. Tips sa lotto-2-16-21-28-31-45.

LIBRA (Sept. 23-Oct. 22) - Iyung-iyo ang araw na ito. Kung ano ang gusto mo, iyon mismo ang mangyayari. Kung sakaling nalilito ka sa kung ano ang gusto mo, maaaring kalituhan at pagdadalawang-isip din ang mapunta sa iyo. Mas mainam na simpleng saya at simpleng romansa muna ang hanapin mo. Masuwerteng kulay-red. Tips sa lotto-7-12-19-25-35-41.

SCORPIO (Oct. 23-Nov. 21) - Nagpapatuloy pa ang pagsasaayos ng iyong kapalaran. Huwag na huwag kang magugulat kung pabagu-bago ang takbo ng mga pangyayari sa iyong buhay. Masuwerteng kulay-orange. Tips sa lotto-3-18-20-23-39-44.

SAGITTARIUS (Nov. 22-Dec. 21) - Pahalagahan mo ang mga dagdag na biyayang mapapasaiyo. Malaki man o maliit ang mga pagpapala mula sa langit, hindi ito dapat sinasayang na parang nagyayabang ka. Sa halip, ang pagsisinop, pag-iipon, at pagtitipid ang higit na nagpapasaya sa isang tao. Masuwerteng kulay-white. Tips sa lotto-6-13-16-29-38-40.

CAPRICORN (Dec. 22-Jan. 19) - Humihina ang malalakas at lumalakas ang mahihina. Dito sa mundo, sinasabing walang panghabambuhay. Ito ang lagi mong isaisip, dahil malaki ang maitutulong ng mga salitang ito sa iyo. Masuwerteng kulay-green. Tips sa lotto-5-11-17-27-33-41.

AQUARIUS (Jan. 20-Feb. 18) - Huwag kang matuwa kapag madami ang nagpaparamdam sa iyo. Ang totoo, dapat kang mag-ingat at maging listo, dahil madami sa kanila ang hindi maganda ang motibo. Masuwerteng kulay-yellow. Tips sa lotto-1-15-23-30-37-42.

PISCES (Feb. 19-Mar. 20) - Kung ano ang iyo, iyon mismo ang ipakita mo. Ang may inililihim at may itinatago ay hindi kailanman makakaranas ng tunay at dalisay na kaligayahan. Masuwerteng kulay-purple. Tips sa lotto-7-14-19-24-34-43.