Game nang rumampa… GOWN NI HEART SA GMA GALA, 5 MONTHS GINAWA

ni Erlinda Rapadas @Teka Nga | July 18, 2025

Photo File: Heart Evangelista - IG

Handang-handa na ang mga Kapuso stars para sa gaganaping GMA Gala sa Marriott Hotel Grand Ballroom sa Pasay sa darating na August 2. Magpapatalbugan na naman sa pagrampa ang mga Kapuso artists at tiyak na aabangan kung sinu-sino ang mga

Kapuso stars na magmamarka at aagaw ng pansin sa kanilang suot na outfits.

Isa sa mga excited sa GMA Gala ay si Kylie Padilla, kaya pinaghahandaan niya ito nang husto. 

Tiyak na aabangan din sa red carpet ang pagrampa nina Marian Rivera, Bea Alonzo, Jennylyn Mercado, Sanya Lopez, Rhian Ramos, Barbie Forteza, Kyline Alcantara, Max Collins, Glaiza de Castro, Mikee Quintos, Andrea Torres, Jillian Ward, atbp..

Si Heart Evangelista, na kilalang fashionista ay may gown na 5 months bago natapos gawin. Kaya curious ang marami kung gaano kaganda ang gown na irarampa niya sa GMA Gala red carpet.

Well, sinu-sino kaya ang Top 10 Best Dressed Kapuso stars na pipiliin sa GMA Gala? Sino ang aagaw ng pansin? At sinu-sino ang ookraying worst dressed?

---

NAKABUTI kay Barbie Forteza ang pagtanggap niya sa Beauty Empire (BE) kung saan kasama niya sina Gloria Diaz, Ruffa Gutierrez, at Kyline Alcantara.

Nagkaroon siya ng mas mature na personalidad, hindi tulad ng dati na ‘teenybopper’ o bata ang kanyang hitsura sa telebisyon.

Nagawa ng kanyang stylist na magmukhang fashionista si Barbie, base sa kanyang role sa BE bilang si Noreen Nolasco. Bumagay sa personalidad ng aktres ang style ng mga damit na ipinasuot sa kanya at nagmarka rin sa mga viewers ang kanyang palaban na character.

Sey ng mga netizens, sana ma-maintain ni Barbie ang kanyang mas mature na style sa pananamit. Although gusto ng mga fans ang kanyang cute na teenybopper look, kailangan ni Barbie na mag-grow as an artist. Mas lalawak pa ang kanyang mga roles na gagampanan sa telebisyon at pelikula.

Samantala, hindi pa nga napapanahon na gumanap si Barbie Forteza bilang isang young mom o asawa. Hindi pa handa ang kanyang mga fans sa biglaang pagbabago.

---

MARAMING fans ng aktor na si Ruru Madrid ang natuwa sa balitang ang susunod na project na gagawin niya sa GMA ay ang bagong version ng Hari ng Tondo (HNT). Tiyak na action-packed na naman ito tulad ng Lolong. Muling mapapasabak si Ruru sa mga umaatikabong bakbakan, at kailangang paghandaan niya ito physically and emotionally.

Naunang nabalita na gagawin ni Ruru ang Bitayin si… Baby Ama! (BSBA). Dito sumikat nang husto noon ang yumaong aktor na si Rudy Fernandez. Maganda rin itong project at babagay kay Ruru. 

Well, wish ng mga fans ay matuloy ito.

Sa pagiging action star ngayon lumilinya si Ruru Madrid. Habang nagtatagal ay lalo siyang gumagaling umarte dahil kinakarir na niya ang pagiging aktor. 

At ang maganda pa kay Ruru ay hindi lumaki ang kanyang ulo kahit sikat na siya ngayon. Nanatili siyang humble at malapit sa kanyang mga fans. Wala siyang hawi boys na bumabakod kapag dumadalo siya sa mga showbiz events.

Kaya laging puyat… MIKAEL, PRANING SA UNANG ANAK NILA NI MEGAN

ni Mercy Lejarde @Showbiz Talkies | July 18, 2025

Photo: Mikael Daez at Megan Young - IG

Good vibes ang hatid ng social media post ng Kapuso actor na si Mikael Daez sa video clip na ibinahagi niya bilang first-time daddy, kasama ang asawang aktres na si Megan Young, at ang nag-iisa nilang anak na si Leon.

Siguradong makaka-relate ang mga first-time parents sa ibinahagi nitong video na nagpapakita ng dahilan kung bakit kulang sa tulog ang mommy at daddy dahil sa oras-oras na pag-check kung humihinga pa ang sanggol.

Saad ni Mikael sa kanyang post, “For first time parents, I’m sure some of you can relate! Actually, this also might be a major reason why we would lack sleep.

“Even when the baby is sleeping so well, it’s hard to shake the feeling that something might happen or that we overlooked something.

“It gets better with time but for now, praning parents on the loose muna kami (nervous face, fingers crossed and heart on fire emoji).”

Marami namang mga netizens ang umamin at nagsabing, “Yes po, relate na relate.” 

Meron ding nakapansin na kamukha ni Megan ang anak nila.

Saad pa ng netizen, “Ang lakas ng dugo ng mommy... kamukha ni Megan. Hehehe! Okey lang ‘yan, Paps, apelyido mo naman.”

Oh, mga bagets, paalala lang, appreciate your parents. You never know what sacrifice they went through for you. 

Boom, ganern!

---

BONGGANG-BONGGA ang pagbabalik ng aktres na si Dina Bonnevie sa bago nitong online show sa YouTube (YT) channel na may titulong House of D (HOD). Kasama niya sina Oyo Sotto, Danica Sotto Pingris, Kristine Hermosa Sotto, at Marc Pingris.

Masaya ang naging kuwentuhan na may kasamang konting iyakan ang unang episode ng HOD.

Sa nasabing show, kinumusta ni Dina ang anak na si Oyo.

Sinagot naman ni Oyo, “‘Yan, ito anim na ang anak, pagod. Hahaha!”

Sey naman ni Kristine, “Pero masaya.”

Sey ulit ni Oyo, “Nakakapagod, hindi naman madaling magpalaki ng anim na bata.”

Tinanong ulit ni Dina si Oyo ng “How important is family to you right now?”

Sey ni Oyo, “S’yempre naman, well, I’m sure kayo, ganu’n din. God first, family pangalawa.

“Family is very important kasi alam mo ‘yung kahit bali-baligtarin mo ang mundo, ‘yang pamilya mo, nand’yan ‘yan, ‘di ba?

“May mga nangyayari minsan na nag-aaway-away ang pamilya pero at the end of the day, o ‘pag matatapos na ‘yung buhay mo, pamilya mo lang din ‘yung nandu’n, eh, para sa ‘yo.

“So ‘yun ‘yung design ng Panginoon, eh, ‘di ba, na pamilya tayo. Lahat, mga kaibigan nga natin kino-consider natin na pamilya, minsan kahit bagong kilala mo, parang close na kayo agad, ‘di ba, family.”

Kuwento pa ni Dina, “Ako, in my personal experience, I went through hell and back but at the end of the day, kahit na ano’ng depression ang pagdaanan ko, kahit na anong negativity ang daanan ko, I’m just so thankful to God for giving me my family.”

Tinanong din ni Dina ang basketball player at asawa ng kanyang only daughter na si Mark Pingris.

Tanong ni Dina kay Mark, “‘Yung daddy mo, nasa France, ‘yung mommy mo, nasa Pangasinan. How can you feel a sense of family with them?”

Sey ni Mark, “Nakilala ko ‘yung father ko nu’ng 26 years old na ako, so for me, mahirap ‘yun.”

Kuwento pa ni Dina, “‘Di ba nu’ng tinanong kita kung bakit gusto mong hanapin ang daddy mo, na all these years, hindi ka naman pinansin because you said you wanted to know where you came from, ‘di ba?”

Sey ni Mark, “Kasi kulang ‘yung ano, ibang kailangan. Kulang kasi ‘yung pagkatao ko. Every Father’s Day, parang may hinahanap ako, Ma (Dina).

“Tapos parang ‘yun nga, kulang and na-appreciate ko si Danica, ‘yung ginawa n’yang hinanap n’ya si daddy ko.

“And then, doon nabuo ang pagkatao ko nu’ng nakilala ko ‘yung daddy ko.”

Sey naman ni Danica, “Sensitive talaga si Mark ‘pag pinag-uusapan mga daddy, pati lalo na mommy.”

Sey ulit ni Mark, “I’m so blessed na nand’yan talaga ‘yung mother ko na naging tatay, naging nanay s’ya sa aming tatlong anak n’ya na kahit anong hirap talaga ng buhay namin dati, talagang hindi n’ya kami pinabayaan, Ma (Dina), talagang pinapakain n’ya kami nang tatlong beses sa isang araw.

“So ‘yun, mahirap man pero talagang sobrang ano ko sa mga anak ko ngayon, sobrang nai-spoil ko sila dati kasi ‘yung mga hindi ko napagdaanan or hindi nangyari sa buhay ko talagang ibinigay ko. Even though na kahit minsan, eh, may mali, go pa rin ako. ‘Pag sinabi ni Danica dati na tama na ‘yan, hindi ‘no, okey lang ‘yan, masaya ako, eh, nakikita ko ‘yung anak ko, masaya. So okey na ko doon. So ‘yun din pagkakamali ko, minsan na kailangan, balance talaga. Sobrang balance talaga na hindi mo puwedeng kung ano ang napagdaanan mo dati, kailangan kumbaga pagdaanan nila or maramdaman nila.

“Kailangan balance talaga. Ang ibig kong sabihin is like ‘yung hindi mo sila ma-spoil nang mabuti dahil mahihirapan ka paglaki nila.”

Napakasuwerte ni Danica sa asawa niyang si Mark Pingris, mapagmahal sa mga magulang kaya for sure, mahal na mahal din ni Mark ang asawa’t mga anak niya, ‘di ba naman, Danica?

Samantala, sina Oyo at Kristine, may 6 na anak pero kung titingnan sila, mukha pa rin silang binata at dalaga. Korek si Miss D. sa pagsabing diyosa ang daughter-in-law niya na si Kristine Hermosa. At si Oyo, halata sa mga ngiti niya na masaya siya kasama ang mga anak at si Kristine.

After kumalat ang picture nila ni Mayor Mark sa airport… KATHRYN, BUKING SA BASO NA MAY KASAMA SA AUSTRALIA

ni Janiz Navida @Showbiz Special | July 17, 2025

Photo File: Kathryn Bernardo - IG

Matapos pagpiyestahan ang edited photo nina Kathryn Bernardo at Lucena Mayor Mark Alcala na magkasama sa airport at diumano'y papuntang Australia, nakabantay ang mga fans at netizens sa bawat maipo-post na photos ng aktres habang nagbabakasyon dahil hindi sila naniniwalang walang kasama si Kath.

At nakakatawa ang mga netizens na akala mo ay hired investigators dahil talagang pati background ng kinaroroonan ni Kath ay binabantayan.

Tulad na lang ng photo niya habang nasa apartment at tila nagkakape. May ilang nag-speculate na kasama niya si Mayor Mark dahil dalawa raw ang baso sa mesa, although scented candle naman ang tingin namin du'n.

Samantala, may close kay Kathryn ang nagsabing kaya inaayawan ng mga fans ang alkalde para sa aktres ay dahil sa kumalat na photo nito sa socmed kung saan kasama nito ang ilang sabungero-businessman na inaakusahan daw na may kinalaman sa mga missing sabungeros.

Luh, may ganern?!

---

NA-MEET namin ang vocalist ng Five Fingers Band na si Jack Medina at napanood din namin siyang nag-perform nang live ng kantang kanyang isinulat, ang Sapantaha at Aminin Mo Na.

Matagal na palang naggi-gig sa iba't ibang bars si Jack bago siya na-discover ng manager niyang si Roly Halagao na nagbigay sa kanya ng break para makapagtayo ng banda.

Nakitaan ni Sir Roly ng potensiyal si Jack  na guwapo na ay magaling pang tumugtog ng gitara, bukod sa malamig na boses nito.

Idol pala ni Jack si JK Labajo at ang mga songs nito ang kanyang paboritong kantahin noon sa mga gigs. Kung mabibigyan ng chance ay gusto rin niyang maka-collab si JK.

OFW ang nanay ni Jack at ayaw na nga sana niyang mag-work pa ito abroad kaya nagsisikap siyang maging matagumpay sa kanyang career as a singer and puwede rin daw siyang umarte if may offer.

Ang showbiz crush naman daw ni Jack Medina ay si Andrea Brillantes, pero hanggang paghanga lang daw muna siya kahit pa 25 yrs. old na siya dahil mas priority niya ang kanyang singing career at magkaroon ng hit single.

Thankful si Jack kay Sir Roly na nagpu-push sa kanya na i-achieve ang mga pangarap niya at todo-suporta sa Five Fingers kahit kung saan-saan pang bars at shows nagpe-perform.

Well, released na ang Sapantaha and Aminin Mo Na under DNA Music of Star Music. Available na ito sa lahat ng social media platforms like YouTube (YT), Spotify, iTunes, Apple, etc. kaya i-download n'yo na at baka maging theme song pa ito ng love story n'yo.

Samantala, ang tatlong kasamahan ni Jack sa Five Fingers ay sina Lance Kerwin Fajardo (drummer), Paul Anthony Acuin (lead guitarist), at Josh Christian “JC” Vicente (bassist).