Sana raw, forever na… WISH NI LOLIT: BAGONG DYOWA NI KRIS, MAGING TATAY NA NINA JOSHUA AT BIMBY

ni Reggee Bonoan - @Sheet Matters | August 14, 2021

Mabuti na lang at matagal nang napag-aralan ni Kris Aquino ang ‘dedmatology’ dahil hindi na siya mahilig magsasagot sa mga bashers niya. Pero kapag below the belt at sangkot ang pamilya’t mga anak ay talagang para siyang tigre.

Laman na naman kasi ng balita ang mama nina Josh at Bimb dahil sa mga pasabog nito katulad ng bagong inspirasyon niya na pa-blind item pa sa simula, pero isang araw pa lang ang nakalilipas ay may pangalan na.

In fairness to Kris ay hindi naman siya ang nagbuking kung sino ang lalaking nagpapasaya sa kanya kundi si Ginoong Mel Senen Sarmiento mismo, kaya unfair sa TV host na paratangan siyang ‘narcissistic’ at kung anu-ano pa, kaya umeksena na ang mystery guy.

Anyway, hindi na sinagot ni Kris ang iba pang bashers, ang mga nagtatanong ng pangalan ni Ginoong Mel ang sinagot niya, na i-scroll down na lang daw sa post niya at malalaman na kung sino.

Maraming bumati at natuwa sa love life ni Kris at isa na si Manay Lolit Solis na reyna ng intriga.

Say ni Manay Lolit, “Exciting na naman ang showbiz kahit sa chismis lang, Salve. O hayan, hindi na tago ang bagong love life ni Kris Aquino. At least, 59 years old at may career at mukhang very manly dahil sinagot ang isang nag-comment sa social media.

“Totoo naman iyon, ang problema lang naman talaga, 'pag si Kris ang GF mo, masyadong public, kaya ang tendency, 'pag nag-break, buong bayan, alam. Hindi naman kasalanan iyon ni Kris dahil isa siyang public figure, habulin ng balita dahil newsmaker, pero bakit kailangan makaapekto iyon sa naging karelasyon niya?

“Nasa kanila naman iyon kung paano dadalhin, so very public kayo, ano'ng problema? Basta mahal mo, ipagmalaki mo, ipaalam mo sa buong bayan. Kung wala na, di wala, tahimik na. Pero dahil nga sobrang laki ng pangalang Kris Aquino, siyempre, parang nasa shadow ka nito for a long time, kaya every now and then, mababanggit ka pa rin.

“Hindi na kasalanan iyon ni Kris. Mukha namang kayang-kaya ito ni Mr. Mel Sarmiento, dahil on his own, marami rin siyang achievements. Kung lumantad man siya, kaya niyang dalhin, kaya niya lahat tanggapin.”

Hindi pa personal na magkakilala sina Ginoong Mel at Manay Lolit pero wini-wish niya na ito na ang makatuluyan ni Kris.

Aniya, “Sana nga, ito na ang 'the man'. Sana nga, ito na ang talagang nakatakda para kay Kris Aquino. Sana, ito na ang kanyang forever. Ang magiging father nina Joshua at Bimby. Ang bubuo ng pamilya ni Kris, ng safety haven for her. Congrats Kris, stay safe and happy.”

#classiclolita #takeitperminutemeganun #74naako

Primetime Queen, pinalitan na raw sa GMA-7… SIGAW NG KAMPO NI MARIAN: BEA, MAY 2 BANG CUTE NA

BABY AT HARING TULAD NI DINGDONG?!

ni Reggee Bonoan - @Sheet Matters | July 21, 2021

Hindi nagustuhan ng mga netizens ang pagkukumpara ni Manay Lolit Solis kina Marian Rivera at Bea Alonzo nang lumipat ang huli sa GMA-7 dahil nga reyna ang asawa ni Dingdong Dantes sa Kapuso Network at reyna ring maituturing ang dating Kapamilya actress.

Ayon kay Manay Lolit ay naagawan na ng korona ni Bea si Marian kasi nga, nasa poder na siya ng GMA-7.

Eh, teka, hindi ba’t ‘reyna’ rin si Jennylyn Mercado since produkto siya ng StarStruck 1?

Anyway, ang paliwanag naman ni Manay Lolit, “Hindi ko na naman ma-understand ang galit ng mga fans sa naging opinion ko at na-post, Salve. Talaga siguro dapat cool at chill ka lang lagi. Sa hirap ng buhay at sitwasyon natin, siguro nga, madali mag-flare up ang emosyon ng tao. Iyon bang dapat lang meron kang fallback sa problema mo, para malimutan mo sandali. Hah hah, iyon bang konti pagkakaiba ng outlook ninyo, big deal na talaga.

“Hay naku, wasted energy talaga iyon sasali ka sa isang issue na ikaw na mismo nagsasabi na hindi puwede mangyari. Hindi pala puwede, why waste your time?

“Sige na, ok na, gawin na lang natin emotional outlet ang comment section ng IG, hindi ako magagalit dahil karapatan n'yo, sabi ko nga huwag lang bastos, tanggap ko.

“Opinion ko iyon, at sana nga, ako lang ang nag-isip ng bagay na iyon. Masarap din makita na ang dami palang nagmamahal kay Marian Rivera at kahit kay Bea Alonzo. Nice. Sweet.

“Good competition kung magkakaroon. So, mea culpa, sorry sa ginawa kong comparison, huwag nang high blood, ayaw ni Delta, Lambda, at Beta variant ng COVID, baka maghasik ng lagim. Hah hah joke joke.

“Enjoy na lang tayo, huwag na nega, hindi maganda. 'Pag galit, nagkakaroon ng wrinkles, tumatanda. 'Pag naka-smile, happy ang mood, maganda ang paligid. Maging kamukha tayo nina Marian at Bea, mas mabuti 'di bah! #classiclolita #takeitperminutemeganun #74naako"

Sabi ni @sabsamros, “Wrong comparison po kasi talaga. A woman’s contentment in life doesn’t come with how many kids she has or how perfect her husband is. Hindi lang 'yun ang sukatan para sabihin na masaya ka sa buhay."

Sumang-ayon din si @fairmaiden70, “@sabsamros I totally agree. Gone are the days na 'yan lang ang kaligayahan ng mga babae. Iba na ngayon. We are now empowered.”

“Manay, I’m always reading your IG post and opinions but this time, I will not agree with this. Yes, Marian is still a queen of GMA-7, admit it, but the way you (are) comparing Bea to Marian? Like may dalawa ba siyang cute na baby? May king ba siya gaya ni Dingdong? Hindi na, parang kaipokritahan na 'yan?”

“Ano ba 'yan, parang pinag-aaway mo pa sina Marian at Bea. Imbes na walang issue sa kanilang dalawa, ginagawan mo pa?”

TV host, inayawan daw nilang kasama ni Cristy…

SIGAW NI LOLIT: 'DI NATULOY NA SHOW NAMIN NI KRIS, NO REGRETS!

ni Reggee Bonoan - @Sheet Matters | November 5, 2020

Ano'ng mayroon kay Mr. Fu at ayaw siyang katrabaho ni Kris Aquino?

Si Mr. Fu ay kasama nina 'Nay Cristy Fermin at 'Nay Lolit Solis sa Take it Per Minute, Me Gano’n FB Live na napapanood tuwing Martes ng tanghali.

Base sa kuwento ni ‘Nay Lolit ay hindi kilala ni Kris si Mr. Fu kaya ayaw niyang makasama sa show nila na tinawag na ‘special project’ ni ‘Nay Cristy ng kilalang supermarket na bagong ineendorso ng Queen of Social Media.

At dahil tinanggihan nga ni Kris si Mr. Fu kaya umayaw na rin sina ‘Nay Lolit at 'Nay Cristy.

Ang buong paliwanag ni ‘Nay Lolit sa kanyang IG account…

“Ngayon ko napatunayan Salve iyon kasabihan 'if it is not meant to be, it is not meant to be'. Iyon balak na pagsamahin kami nina Cristy at Mr. Fu with Kris Aquino sa isang talk show, nagsimula sa hitches, hanggang sa final decision naming tatlo na huwag nang gawin.

“Exciting nu’ng una ang idea, lalo pa nga at meron ding soft spot sa puso namin ni Cristy si Kris. Exciting dahil sa daldal naming tatlo nina Kris at Cristy, siguro, ang ingay literally at in fairness, very juicy ang lahat ng lalabas sa mga bibig namin. But in the end, iyon na nga, may mga bagay hanggang sa huli the thin thread that bind the idea naputol.

“In fairness, kahit na may attitude si Kris, mas mukhang mas matigas ang ulo namin ni Cristy. Noong una kasi, ayaw sana ni Kris kasama si Mr. Fu dahil idea niya, 3 babae lang, pero pumayag din siya magkaroon ng trial period at tingnan kung mag-blend sa amin si Mr. Fu.

“Pangalawa, iyon technical run, pangatlo iyon swabbing. Lahat ng ginusto namin, ibinigay na, ok na sana, nang bigla naka-feel ng hindi comfortable si Cristy na magkaroon ng trial period si Mr. Fu.

“So Cristy decided not to do it. I will not do it 'pag hindi kasama sina Cristy at Mr. Fu. 'Pag hindi kasama sina Gorgy at Salve, as a group we are responsible for each other, one for all, all for one.

“Iyon ang bonding na naganap sa amin sa Take It Per Minute Me Ganuon. Hindi naman iyon hindi na kami puwede makatrabaho ng iba, hindi naman iyon dapat kaming 3 ang kunin, or dapat buong team kami, NO, ipokrita naman kami if we say it that way.

“Iyon lang nu'ng ilatag kasi ang plano at sabihin sa amin, magkasama kaming 3, so ayaw namin na may ilaglag na isa sa amin. OK, mataas naman ang EQ factor namin at tanggap namin na iba-iba kaming talent, or ranking, or level, pero iyon alam na namin na magkasama kami, tapos meron palang isa na hindi masyado feel ni Kris, parang iyon ang hindi natanggap ng grupo.

“We are happy sa biruan namin, barya ang TF ng TIPM Me Ganuon, at ngayon pandemic, isang malaking grasya ang ibibigay sa amin talent fee ng bagong talk show sana, pero iyon saya at enjoyment na nadarama namin every Tuesday together, iyon camaraderie, parang compensated na iyon barya lang na TF. No regrets.

“No regrets, maluwag sa loob na hindi matuloy ang sana ay pagsasama namin 3 nina Kris Aquino at Cristy Fermin. Honestly, Mr. Fu is worth the bullet, masaya siya kasama sa trabaho, alam niya ang lugar niya, team player siya, very sharp at pleasant.

“Sayang at hindi natikman o nakita ni Kris ang mga qualities na iyon ni Mr. Fu. Sayang at hindi niya nakita how happy we are working together. The only regret for giving up this show, we could have given our followers the top of the line enjoyment in watching us having repartee with each other.

“For now, let it go. No regrets. If it is not meant to be, no matter how hard you push, walang mangyayari. Saka siguro, talagang ayaw ng mga angels ko for me to work on a Sunday.

“Kaya iyan ang tunay na kuwento, bakit hindi na kami kasali sa Sunday talk show ni Kris Aquino. Basta all the best Kris, kaya mo iyan, FIGHTING. Saranghae and good luck to your show. Promise, watch ko iyan, exciting iyan for sure. Love you. #classiclolita #takeitperminutemeganun #73naako.”

Habang isinusulat namin ang balitang ito ay nananatiling tikom ang bibig ng aming mga tinanungan tungkol dito at kung hindi na ba mahihilot pa ang dalawang Take it, Per Minute hosts.