Mag-aregluhan na raw sila ni Vhong… SIGAW NG ABOGADONG LOLO NI DENIECE: MOVE ON NA LANG!

ni Reggee Bonoan - @Sheet Matters | October 13, 2022

Hindi natuloy ang face-to-face hearing nina Deniece Cornejo at Vhong Navarro para sa kasong rape nitong Martes, Oktubre 11.

Hiniling ni Vhong na sa pamamagitan ng Zoom na lang siya dumalo sa pagdinig na pinayagan naman ng korte, samantalang si Deniece ay kinailangang dumalo physically kasama ang head ng legal team niyang si Atty. Howard Calleja.

Marami lang ang nagtataka kung bakit nagbigay ng opinyon ang lolo ni Deniece na si Atty. Axel Gonzales na mag-usap na lang ang magkabilang kampo at mag-aregluhan.

Sabi ng lolo ng dalaga sa panayam niya sa TV Patrol, “Kung ako ang tatanungin as a lawyer, ‘no, hindi ko pinangungunahan si Atty. (Howard) Calleja, 'di ba? But as a lawyer, pareho silang may career, dapat i-settle na nila ang problema.

“Because may rape case si Deniece kay Vhong, si Vhong naman may (kasong) serious illegal detention sa kanila, so what will you do?

“Ang punto is tulungan na lang natin ang korte! Let us settle all these problems na puwedeng ma-settle, 'di ba? And then move on na lang para sa akin.”

Kaya balik-tanong sa abogadong kaanak ni Deniece ay, “Is this something that you recommend to Deniece?"

Sangga nito, “No, that is my personal opinion. Hindi ko iho-hold ang grupo, ‘no, especially marami ‘yan sila. Para sa akin, dapat siguro, mag-settle na lang sila, mag-move on na lang para matapos na, kasi ang mga nakikinabang lang dito, mga abogado, eh.”

Wala namang reaksiyon ang abogado ni Deniece na si Atty. Calleja dahil ang usapan nila ng kliyente niya ay dapat mapanagot si Vhong sa ginawa umanong panghahalay sa dalaga.

Samantala, nagbigay naman ng saloobin niya si Manay Lolit Solis sa pinagdaraanan ngayon ni Vhong.

“Naawa naman ako sa mga nangyayari ngayon kay Vhong Navarro, Salve. Hindi mo aakalain na sasapitin niya ang pangyayaring ito lalo na ngayon, nasa itaas ang kanyang career, at pati personal life niya ay maayos.

“Biglang nabuhay ang kaso na akala ng marami ay tapos na, pero heto ngayon at isang malaking iskandalo. Isang aral ito sa mga artistang lalaki, na maging maingat sa kanilang mga relasyon.

“Hindi lahat ay natatapos sa maganda, puwede may bitterness na maiwan at iyon ang maging dahilan para balikan ka sa pamamagitan ng anuman para lang makaganti sa iyo.

Sana nga, maging maayos na ang lahat sa kaso nina Vhong at Deniece.

“Sana nga, mapag-usapan nang maayos para maging maganda ang resulta. Mahihirapang makatayo uli si Vhong Navarro mula sa scandal na ito. Malaking suntok sa kanyang magandang career ngayon ang nangyaring scandal.

“Pero higit sa lahat, kawawa rin ang pamilya niya na nagsa-suffer ngayon, lalo na ang kanyang asawa. Kung anuman siguro ang naging kasalanan ni Vhong Navarro, sure ako na ngayon, sobra-sobra na ang pagsisisi niya.

“At kung maibabalik lang ang araw, tiyak na hindi niya gagawin kung anumang pagkakamali ang nagawa niya. Siguro nga, naisip na niya na sa isang iglap, puwedeng mawala ang lahat, kaya dapat na maging maingat sa anumang gagawin. Justice is fair kaya iwanan na natin sa hustisya ang lahat. Naniniwala tayo na kung ano ang nararapat, iyon ang mangyayari.

Hustisya, 'yan na lang ang hintayin natin. #classiclolita”

Kahit away-bati at may sakit din… DIALYSIS NI LOLIT SOLIS, SAGOT NI KRIS

ni Reggee Bonoan - @Sheet Matters! | September 29, 2022

Iba nga magmahal ng kaibigan niya si Kris Aquino dahil kahit may kinakaharap siyang matinding karamdaman ay hindi pa rin niya nalilimutang mag-offer ng tulong.

Isang halimbawa si Manay Lolit Solis na kahit may tampuhan sila ay hindi naman nagtatagal. Sabi nga ng kilalang talent manager, "No mean bone si Kris."

Ipinost ni Manay Lolit sa kanyang Instagram account ang larawan ng latest pictorial ng mag-iinang Kris, Joshua at Bimby at pinuri nga niya ito.

Aniya, “Kaya hindi ko puwede hindi mahalin si Kris Aquino dahil lagi siyang ready to help out kung kailangan mo siya, Salve.

“Dahil nasabi sa kanya ni Ronite @dpersonalshopperph na nagda-dialysis ako, kaagad niyang ipinatawag si Alvin (Gagui – Chief of Staff ni Kris) para alamin kung ano (ang) kailangan ko at ibibigay niya agad.

“To think na meron siyang sakit at nasa abroad siya. Talagang kahit love/hate ang relationship naming dalawa, hindi talaga nalimutan ni Kris Aquino ang naging friendship namin.

“Kahit kelan, sasabihin ko na walang mean bone si Kris. Puwede na naughty siya, tactless pero magaan at bukas-palad siya dahil mabait ang puso niya. More than anything, gusto kong gumaling si Kris para sa mga anak niya.

“Sana naman, anuman ang sakit niya, gumaling na at maging energetic siya uli. Kris Aquino will always be special sa lahat ng tao na natulungan niya, sa mga kaibigan niya, at lalo na sa nagmamahal sa kanya.

“Pagaling ka, Kris, don't stress yourself sa mga bagay na walang kuwenta, you are loved and you are worth the love. Thank you, will always remember your sweetness and kindness. Salamat talaga. #classiclolita #lolitkulit.”

Maysakit pa raw nang lagay na 'yan… KRIS, NASA BAHAY LANG, NAKA-ALAHAS PA RIN

ni Reggee Bonoan - @Sheet Matters! | July 2, 2022

Nakakaawa ang mga taong puro hatred ang laman ng dibdib, na sa bawat naiisip nila sa kapwa nila ay masama at puro puna, na pati ang pagsusuot ni Kris Aquino ng kuwintas na perlas ay pinuna.

Nabanggit namin ito dahil alam naman ng lahat kung ano ang pinagdaraanan ngayon ng mama nina Joshua at Bimby. Humingi siya ng panalangin na sana, malampasan niya ang lahat para sa dalawa niyang anak, pero heto, marami pa ring taong hindi maganda ang naiisip.

Sana lang, hindi mag-boomerang sa mga bashers na ito ang lahat ng mga komento nila tungkol kay Kris.

Isa ang talent manager na si Manay Lolit Solis sa mga rumesbak sa mga bashers ni Kris.

“Maraming nagre-react du'n sa suot ni Kris Aquino na pearl necklace, Salve.

“Akala ng iba, bakit maysakit na, naka-south sea pearls pa na gamit sa loob ng bahay. Hindi nila alam na may feng shui na nagsabi kay Kris Aquino na panlaban sa sakit at mga negativity sa buhay ang alahas na perlas.

“Dahil ang pearl lang daw ang jewelry na buhay o may life kaya ito lang ang puwedeng absorber ng ating katawan.

“Kaya dahil naniniwala dito si Kris, lagi siyang may suot na isang pearl jewelry araw-araw, be it necklace, ring, pendant o bracelet. Si Kris talaga, believer ng mga feng shui at oriental medication kaya naman traditional ang kanyang mga paniniwala.

“Maganda nga na lahat ng sinasabi sa kanya tungkol sa medical procedures o bagay, ginagawa niya at sinusunod.

“Basta all prayers for the Aquino, Kris, Joshua and Bimby. Gagaling sila at magiging healthy dahil marami ang nagmamahal sa kanila. More prayers please #classiclolita.”