ni Rohn Romulo @Run Wild | August 22, 2026
Photo: IG _stell16
Tulad ng inaasahan, pasok sa Top 1 trending sa Philippines ang #StellCrazy sa X (dating Twitter).
Saktong 12 AM (August 21) nang ilabas ang comeback solo single na Crazy ng SB19 member na si Stell Ajero sa top music platforms, agad naman itong nag-number one sa Trending in PH.
Nasa Top 7 naman ang GO1NG CRAZY BUKAS NA, na naunang nag-trending.
Bandang alas-8 nang gabi, inilabas naman ang video ng naturang single. Ilang oras na ang nakalipas, hindi pa rin natitinag sa top spot.
Nakuha naman ng sikat na Korean boy band na ENHYPEN ang mga sumunod na top music trending post kung saan ini-release naman ang kanilang ika-8 mini-album noong August 21 din.
Trending ang mga hashtags sa puwesto na: 2. #THE_SIN_BLISS_OutNow, 3. #BloodyParadise at 4. #ENHYPEN.
Ang tindi talaga ng kasikatan ng SB19 at hindi talaga nagpapabaya ang A’Tin para laging pasok sa top trending ang mga ganap ng P-Pop Kings.
Hirit ni Gabbi, shaking na ang Hollywood actress… KHALIL, PALABAN KAY ANNE HATHAWAY SA DAMI NG PROJECTS
TRENDING at kinatuwaan ng mga netizens ang Facebook (FB) post ng aktor na si Khalil Ramos noong August 19.
Makikita ang screenshot ng kanyang Instagram (IG) bio kung saan naka-line-up ang mga upcoming projects niya sa September na katulad ng style sa social media ng sikat at Oscar-winning Hollywood actress na si Anne Hathaway.
Tila pagbibirong caption ni Khalil, “Oh, sorry, Anne Hathaway.”
Agad namang nag-comment ang kanyang girlfriend na si Gabbi Garcia, “Anne Hathaway is shaking, sama mo na si Tom (Holland) and Zendaya.”
Natawa naman si Iza Calzado at sabi nito, “Seriously, you deserve all the blessings. Congratulations!!!”
Narito ang mga projects ni Khalil for next month: Saving Cherry (SC) ng Regal Entertainment na showing na sa September 2, kung saan leading man siya ni Barbie Forteza, BL-fantasy film na Patay Gutom (PG) kung saan katambal niya rito si Ian Pangilinan, na part naman ng Puregold CinePanalo Film Festival (September 23 - October 4), at kasama rin siya sa star-studded series na pinagbibidahan nina Megastar Sharon Cuneta at Barbie, ang Honor Thy Mother (HTM), na streaming naman sa Prime Video PH simula sa September 11.
Kamakailan ay tila na-canonize bilang unofficial patron saint of productivity ng internet si Anne dahil ang kanyang Instagram bio ang textbook definition ng ‘peak ng career!’
Nakalagay nga sa bio ni Anne ang dalawang pelikulang magkasunod na ipinalabas sa mga sinehan, ang mega-blockbuster na The Odyssey (TO) at The End of Oak Street (TEOOS).
Sa Oktubre, bida naman siya sa movie adaptation ng psychological romantic thriller novel na Verity ni Colleen Hoover.
Early this year, ipinalabas ang mga pinagbidahan ni Anne, ang Mother Mary (MM) at The Devil Wears Prada 2 (TDWP2), na parehong streaming ngayon.
Komento ng mga netizens:
“Napaisip pa ‘ko, naalala ko nga pala this year ang dami ring premiere showing ni Anne Hathaway. Hahaha!”
“Actually, deserve naman talaga ni Khalil ang maraming projects since magaling s’ya — not only limited sa acting but pati theater, sing, dance + photography pa.”
“Just spotted a strong Anne Hathaway contender.”
“Anne Hathaway worthy opponent.”
“Oh, pak! Peak ng career. Ang daming ganap ni Khalil, the cinephile!”
“The reference is referencing.”
“PEAK NG CAREER!! Kinabahan na rin si Zendaya.”
“Booked and Blessed! HAHAHAHAHA.”
PROUD daddy si Quezon City (QC) Councilor Alfred Vargas sa pagkapanalo ng kanyang unico hijo na si Cristiano dahil sa isinuot niyang barong.
Ibinahagi ng aktor-pulitiko ang sobrang cute na photo ng anak nila ni Yasmine Espiritu-Vargas.
Caption ni Alfred, “Proud to be from Lumban, Laguna- the Embroidery Capital of the Philippines.
“Cristiano won ‘Pinakamagandang Kasuotan,’ wearing a beautiful barong that proudly showcases the artistry and craftsmanship our town is known for.
“Thank you, Liza Mondez Barong for making him look extra guwapo!”
Umani nga ng papuri si Cristiano at halos lahat ay agree sa kanyang pagkapanalo.