- BULGAR
- Mar 16, 2021
ni Reggee Bonoan - @Sheet Matters | March 16, 2021
Siguro, gusto lang ng basher na mapansin siya ni Sharon Cuenta kaya niya nilait ang hitsura ng Megastar at ikinumpara pa kina Bea Alonzo, Liza Soberano at Anne Curtis.
May ipinost kasing video si Sharon habang nasa taping siya ng Your Face Sounds Familiar.
Ang caption ng Megastar, “Girl in love and so loved! And not cutting her hair short. Repost from @gens_khaycee78. My barbie super cute. @reallysharoncuneta #sharoncuneta #sharoncunetanetwork #sharon2021 #sharoniansforever #GenS.”
Ang komento ng basher na si nak_namara, “Good thing noon ka nag-artista. Kung ngayon ka sumabay kina Bea (Alonzo), Liza (Soberano), Anne Curtis baka 'di ka napansin. Kung kamukha mo sana mommy mo (Elaine Gamboa - Cuneta), puwede ka sumabay, kaso daddy (Mayor Pablo Cuneta) mo ang kamukha mo, eh.”
Ipinagtanggol si Sharon ng follower niyang si @netski027, “Sina Bea at Anne, ang tatay, foreigner. Si Sharon, pure Pilipino ang magulang. But ang ganda niya, 'di ba? Kaya n’ya makipagsabayan kahit kanino. Golden girl na siya pero tingnan mo naman, maganda pa rin. Ang nag-iisang Megastar, lahat ng pelikula, blockbuster at lahat ng in-endorse niya, patok lahat.”
Gayun din si dhonskie88, @nak_namara, “'Pag bastos ka talaga, bastos kang tao, mal-edukado lang ang peg mo. Wala sigurong nagmamahal sa 'yo kasi napakalungkot ng buhay mo, naninira ka ng matinong tao at ubod nang bait at pagmamahal sa kapwa. Nag-iisip nga ako if tao ka ba talaga??? C Ate Sharon @reallysharoncuneta pa ang sasabihan mo ng 'di maganda, eh, more than 40 years na namumukadkad sa larangan ng pinilakang tabing halos lahat ng kasabay niya, siya lang namumukod-tanging sikat at visible pa until now. Kahit mga new generations actress, inirerespeto si Ate Sharon, tapos ikaw na wala ka man lang ambag sa mundo, maninira at magsasabi ng masasakit na salita? Ang tawag siguro sa 'yo, magkano ba bayad sa 'yo para manira kay Mega?? Wala ka na bang makain??”
At nagtagumpay ang basher dahil napansin nga siya ng Megastar, “@nak_namara, Eh, 'di ka nag-iisip. Sa dami na ng dumaan bago pa dumating sina Bea at lahat sila, e, maganda na ako!”
“Marunong akong kumanta, sumayaw, umarte. Nagpayaman ng producers dahil lahat ng ginawa ko (pelikula) sobra ang kinita. At nandito pa rin ako!”
“Alam mo ang ganda, sampusampera. Ang 'di maipaliwanag ng at sa tao ay ‘yung tinatawag na X-Factor. Puwede ba ako sumikat ng 'di milyon ang sumuporta at nagmahal sa 'kin? Engot.”
Hayan, naengot pa tuloy ang basher, kasi naman!
