Nicki Minaj, nanganak na sa first baby

ni Lolet Abania | October 2, 2020

Isinilang na ni “Superbass” rapper Nicki Minaj ang kanilang first baby ng asawang si Kenneth “Zoo” Petty noong September 30 sa Los Angeles, ayon sa source ng website na People.

Noong July, ibinalita ni Nicki na buntis siya at nag-post pa ng picture ng kanyang baby bump na may nakasulat na “#Preggers.”

Wala namang binanggit na gender at pangalan ng baby ang couple.

Samantala, ikinasal ang 37-anyos na si Nicki na ang real name ay Onika Tanya Maraj kay Kenneth Petty, 42-anyos, noong 2019.

Nicki Minaj, buntis!

ni Thea Janica Teh - | July 21, 2020

Inanunsiyo ng 37-year old rapper Nicki Minaj sa kaniyang Instagram Account na siya ay buntis.

Sa kaniyang Instagram post, ipinakita ni Nicki ang kaniyang baby bump suot ang yellow wig, floral bikini at silver high heels. Ito ay may caption na #Preggers”.

Bukod pa rito, nag-post ulit si Nicki sa kaniyang Instagram at ipinakita ang kaniyang excitement at nagpasalamat sa lahat ng nag-message sa safe pregnancy nito.

Aniya, “Love. Marriage. Baby carriage. Overflowing with excitement & gratitude. Thank you all for the well wishes. 💛,”

Siya ay kasal kay Kenneth Petty at excited na rin ito sa kanilang first child.