SHAINA, JOIN SA MGA SIKAT NA K-POP ARTISTS SA BUSAN FILMFEST

ni Beth Gelena @Bulgary Files | October 10, 2023

First time ni Shaina Magdayao na um-attend sa Busan Film Festival para irepresenta ang pelikulang Essential Truths of the Lake.

Post ng aktres sa kanyang IG account, "First time to attend @busanfilmfest with my producer and short film jury Bianca B to represent our film, @essentialtruthsofthelake Sine ni LAV DIAZ.

"Mr. Song Kang-ho, Song Joong-ki and the beautiful Park Eun-bin were among the K-stars who attended the Opening Ceremony also.

"I’ve only seen #Parasite #AllofusareDead and #TraintoBusan

"I think it’s time for me to start watching K-dramas!

"Suggestions, please?

"Kamsahamnida, Busan."

Hindi kasama ni Shaina ang lead actor ng movie na si John Lloyd Cruz. Pero ni-like naman ni JLC ang ipinost na larawan ng aktres.

Gandang-ganda rin ang mga netizens sa red OOTD ni Shaina sa BFF.

Sey ng isa, "Hideous dress... I find it beautiful."

"Ang napansin ko is ni-like ni JLC."

"Inisnab ni JLC ang film fest na 'yan, bakit 'di siya pumunta?"

May nang-intriga rin sa sinabi ni Shaina na hindi siya nanonood ng K-drama.

"Pupunta d'yan nang walang alam sa K-Drama?"

Dinepensahan naman siya ng isang commenter, "Hindi naman about K-drama 'yung fest.

At rep siya nu'ng movie ni Lav Diaz na kasali sa fest. Isip muna before being judgmental, nakakahiya."

"And so? She's there because may movie siya na kasali d'yan, this event is not exclusive for K-drama na sinasabi mo."

"'Di naman siya pumunta d'yan as a fan."

"I was about to okray her overall look, but my Korean friend said that tama raw 'yung outfit and makeup ni Shaina. Koreans are still conservative sa mga events and mas appreciated pa rin ang no-makeup look instead of glamour look."

Kinabog si Kristen Stewart… DENNIS, 5 MINUTONG PINALAKPAKAN SA VENICE FILMFEST,

MAY STANDING OVATION PA.

ni Nitz Miralles - @Bida | September 13, 2021

Nabasa namin ang caption ni FDCP Chair Liza Diño sa photo nila ni Dennis Trillo sa 78th Venice International Film Festival, “So proud of @dennistrillo for his outstanding performance in Direk @erikmatti’s OTJ: The Missing 8 that just had its world premiere at @labiennale. You can relax now, Den. Galing-galing.”

Sa ipinost na video ng award-winning journalist na si Ruben Nepales after the official premiere ng On The Job: The Missing 8, malakas na palakpakan ang maririnig at mga salitang “Bravo.” At sabi nito, “Watch: A standing ovation, lasting around five minutes. Loud cheers and applause for director @erikmatti, actor @dennistrillo, producers @dondonmonteverde and @quarkhenares, who attended the premiere. Bravo and mabuhay.”

Nabanggit naman ni Quark Henares na isa sa mga producers ng movie ang “5 minute standing ovation, mas mahaba pa kay KStew!” na ang tinutukoy ay si Kristen Stewart na may movie rin sa film festival.

Goosebumps ang mararamdaman na marinig ang kanta ng Asin na Balita na pinatugtog after ng official premiere ng On The Job: The Missing 8. Sayang talaga na hindi mapapanood sa big screen ang movie dahil sa pandemic. Pero, magkakaroon ito ng Asia-wide release as part of a 6-episode series na nagsimula kahapon as an HBO Asia Original series sa HBO GO.

Anyway, ininggit ni Dennis ang mga fans ng South Korean director na si Bong Joo-ho dahil may picture siya with the award-winning director ng Parasite. ‘Kaaliw din ang caption ni Dennis sa photo nila together na “Labyu Tito Bong! Thank you for signing my book. #BongJoonHo #parasite” habang hawak ang libro na pinirmahan.

Speaking of Dennis, “Ismael” look ang aktor sa pagdalo sa 78th Venice International Film Festival. Ang tinutukoy namin ay ang karakter niya sa Legal Wives na may bigote at balbas, iba sa hitsura niya sa OTJ bilang si Roman, detainee, hired killer at deformed ang nose.

Anyway, exciting ang mga susunod na episode ng Legal Wives dahil ikakasal si Ismael kay Farrah (Bianca Umali), his third wife in the series. Sino kaya kina Amirah (Alice Dixson) at Diane (Andrea Torres) ang magwawala?