ni Julie Bonifacio @Winner | January 13, 2023
Miss Universe season na naman sa 'Pinas, kaya karamihan sa LGBTQIA+ members natin ay aligaga sa pagsuporta kay Celeste Cortesi na kandidata ng Pilipinas sa Miss Universe na ginaganap ngayon sa Thailand.
Kahapon ay ginanap ang preliminary competition ng mga candidate sa Miss Universe pageant.
Rumampa sila suot ang kanilang national costume, evening gown and swimwear.
Nagulat ang mga netizens sa napiling national costume ng team ni Miss Philippines-Universe sa pagrampa niya sa stage dahil nakasuot ng Darna costume si Celeste.
Maraming LGBTQIA members ang nagbunyi sa napili ng team ni Celeste para isuot ng ating pambato para sa national costume.
“Wish granted. Ang saya!!! Darna on Ms. Universe stage!!!”
“Nangangamoy panalo.”
“She looks celestial.”
Pero may mga banat din sa national costume ni Celeste.
“Ang national costume, naging cosplay na."
“Kelan pa naging national costume 'yan? Costume na lang dapat.”
“Panira ang national costume!”
May mga suggestions pa ang mga netizens na sana raw ay nag-modern Maria Clara outfit na lang si Celeste or costume ng mga Sanggre sa isang serye. Pati si Jollibee, napag-initan din for national costume ni Celeste.
Say naman ng isang netizen, “Whatever. I just hope she brings home the crown...”
'Yan din ang wish ng bagong Darna at Kapamilya star na si Jane de Leon nu’ng ini-repost niya sa Twitter ang tweet from Miss Universe’ social media account sa video ni Celeste habang inirarampa ang kanyang national costume.
Tweet ni Jane, “Slayyy @CelesteCortesi. Bring home the bacon, our Queen! #MissUniverse.”
Bukod kay Jane, naglabas din ng statement ang pamilya ni Mars Ravelo na siyang lumikha kay Darna.
Feeling proud ang pamilya ni Mars Ravelo sa pagrampa ni Celeste sa Miss Universe suot ang costume ni Darna.
“The Ravelo family extends their full support, gratitude, and excitement for the opportunity to show Darna to a global audience through our country’s official Miss Universe representative.
“We hope that, like our beloved Filipino superheroine, Celeste will continue to serve as a source of inspiration and empowerment for women all around the world,” pahayag ng pamilya ni Mars Ravelo.
