ni Nitz Miralles - @Bida | November 9, 2021
Parang hindi dahil wala na silang pera kaya for sale ang house nina Senator Manny Pacquiao at Jinkee Pacquiao sa Los Angeles, California, USA. Ito kasi ang naisip ng mga netizens na nakabasa ng balita na for sale ang LA home ni presidentiable Pacquiao.
Sabi sa balita, “Manny Pacquiao listed his #LosAngeles home on the market for $4.5 million- and it’s not the first time he’s tried to sell.”
Hindi lang sa LA may bahay ang mga Pacquiao, meron pa sa Beverly Hills at siguro, sa iba pang parte ng Amerika. Baka gusto lang magbawas nina Manny ng ime-maintain na bahay, lalo na at magiging busy siya sa kampanya.
Saka, aanhin ba nila ang maraming bahay, na ang latest count, may nine homes ang mga Pacquiao, kasama na siguro ang mga bahay nila sa Pilipinas.