ni Reggee Bonoan - @Sheet Matters | November 26, 2022
May package deal ba sina Jake Cuenca at Dimples Romana dahil madalas silang magkasama sa mga TV series at pelikula tulad ng Viral Scandal, The Iron Heart at itong My Father, Myself?
Natatawa naman si Jake dahil halos lahat ng dinaanan niyang relasyon ay alam ni Dimples, kasi nga, parati silang magkasama sa project.
At itong huling breakup ng aktor sa huling karelasyon niyang si Kylie Verzosa ay karamay din niya si Dimples dahil nga kasalukuyan nilang isinu-shoot ang pelikulang My Father, Myself na kasama sa 2022 Metro Manila Film Festival na mapapanood na sa Disyembre 25 mula sa istorya at direksiyon ni Joel Lamangan at isinulat naman ni Quinn Carillo for 3:16 Media Network at Mentorque Productions.
Sabi nga ni Dimples ay sobrang bilib siya kay Jake dahil sa lahat ng mga proyektong nakasama niya ito ay talagang propesyonal at hindi mo malalamang hindi maganda ang kalagayan niya.
“I saw Jake through Viral Scandal, even before that, I’ve seen him in love, I’ve seen him brokenhearted. I’ve seen him being brokenhearted over and over again. I’ve seen him in love many times over as well, kasi lagi kaming magkasama. And I will tell you, just a disclaimer, that I am friends with all his exes, kaya hindi ako biased. Ang dami kasi, eh,” natawang panimula ni Dimples.
“Bumilib ako kay Jake dahil noong isinu-shoot namin itong My Father, Myself, that was right in the smack of another heartbreak. And yet, hindi ko naramdaman kay Jake na kailangan namin siyang i-baby sa set na ‘yun na mayroon siyang pinagdaraanan, na kailangang mag-ingat ako sa sasabihin ko, na kailangan, hindi ko ito gawin around Jake.
“Kasi ‘yung level ng professionalism ni Jake, ibang klase. Iyon ang inaasahan ko sa katrabaho ko na kahit may pinagdaraanan ka, sure, I will be there for you, but since tinanggap mo ito, you should deliver regardless of what you are going through.
"He was always on time. He showed up, and he showed up very, very well. Para sa akin, 'yun ang nakabibilib, more than 'yung husay niya sa trabaho,” paglalarawan ng aktres sa aktor.
Kinlaro rin ni Dimples na silang mga artista ay hindi mga robot na kahit may dinadaanan ay inaakalang hindi sila apektado dahil sabi nga, "The show must go on."
Aniya, “Kaming mga artista po, hindi naman kami robot. Just because nagpapakita kami ng husay at galing sa ginagawa namin, eh, ibig sabihin, naging madali sa amin 'yun. Hindi po kami de-boton (de-pindot). Kaya para makita ko si Jake na may pinagdaraanan siya, he has every right to stay in the room, be there on his own, ma-late siya nang konti, ready na nga akong pagbigyan ‘yun, eh, ready akong patawarin, kasi alam ko kung gaano niya kamahal ito, at alam ko kung gaano siya nasaktan.
“But at the end of the day, he delivered the job well, and that I have to commend him from one actor to another.”
Anyway, gaganap si Dimples bilang asawa ni Jake sa My Father, Myself kung saan alam niya simula pa lang na bisexual ito, pero dinedma niya para sa binuo nilang pamilya hanggang sa sumabog na siya dahil sa nabuking niya na ang inampon nilang batang lalaki (played by Sean de Guzman) ay anak ng dating boyfriend ng mister niya.
Bukod kina Dimples, Sean at Jake ay kasama rin sina Tiffany Grey, Allan Paule, Jim Pebanco, AC Carrillo, Mon Mendoza, Shawn Nino Gabriel, Erryn Garcia, KC Contreras, Rayah Minioza at Joseph San Jose.
Ang My Father, Myself ay mapapanood na sa Disyembre 25 bilang bahagi ng MMFF 2022 #BalikSayasa2022 mula sa panulat ni Quinn Carillo, istorya at idinirek ni Joel Lamangan produced ng 3:16 Media Network headed by Len Carillo with Jumerlito Corpuz, Nicanor Abad Erwin Ortañez and John Bryan Diamante of Mentorque Productions.