Madaldal at taklesang TV host...

ilang beses nang tsinugi sa iba’t ibang network dahil imbiyerna ang madlang pipol sa ugali, todo-paramdam ngayon na meron ulit show hindi naman sure kung bet pa panoorin ng netizen, abangan!

@Kabit-Kabitz | July 6, 2020

Kakatapos lang ang pride month mga kapwa ko beki! Palakpakan naman d’yan! ‘Kalokah ang mga ganap this week sa dami ng mga nakulong nang dahil sa paglabag sa social distancing. Juskoday! Pero ang mga bida natin this week ay wit uso ang social distancing dahil kabit-kabitz ang kanilang life.

Cookie Panadera

Tulad ng kanyang mga magulang, pabida rin si COOKIE PANADERA. Pabibo ang peg ni bagets na panay ang komento sa kung anu-anong isyu. Marami ang nagpahayag ng suporta sa dalaga sa mga maaanghang nitong pahayag, ngunit mukhang hindi na rin nito kineri at nagdesisyon na itong manahimik muna sa social media matapos itong makatanggap ng mga threats sa socmed. Kashokot! Sana ay natuto siya na ‘wag patola sa lahat ng isyu. Anak ka nga ng tatay mo.

Atty. Pilosopong Tasyo

Isa sa mga bumatikos sa mga pahayag ni bagets ay si ATTY. PILOSOPONG TASYO. Hindi nagustuhan ni atorni ang tabas ng dila nito tungkol sa isang opisyal ng mataas na hukuman.

‘Kaloka si bagets dahil dedbol na ang utaw ay hindi pa rin ito nagpigil sa pag-post ng kanyang opinyon. Bumingo tuloy siya kay atorni at mega-lait sa pudrakels nito na diumanong bopols na abogado. Celebrity lawyer si ATTY. PILOPOSONG TASYO at knows din siya ng madlang pipol sa pagiging matalas ang dila. Sinetch?

Claudia Barreta

Isa naman sa dating kliyente ni ATTY. PILOSOPONG TASYO ay si CLAUDIA BARRETA. Ipinagmalaki pa noon ng aktres na BFFs silang dalawa na nilaglag siya sa kaso nang umatras ito bilang abogado sa isang kasong kanyang kinakasangkutan.

Nireklamo ng mga julalay ng aktres na ginugulpi sila nito. Nakakaloka! Mala-anghel ang fez ng aktres kaya hindi makapaniwala ang mga utaw na may kakayahan pala itong gawin ang ganu’ng bagay. Napabalita pang nakipagbasag ulo itey at ang kanyang ex-hubby noon sa isang sikat na kolumnista sa airport. War freak pala si atey!

Tetay Aring-kringkring

Sweet naman sa mga kapwa artista si CLAUDIA BARETTA tulad ni TETAY ARING-KRINGKRING na nakasama niya sa isang horror film noon. Kung ano’ng ikinatahimik ni CLAUDIA BARETTA ay siyang ikinadaldal ni TETAY ARING-KRINGKRING.

Sa sobrang daldal nito, halos hindi na makapagsalita ang mga guests niya sa kanyang talk show once upon a time. Tsinugi ito sa dating network dahil sa sobrang daming nairita dito dahil sa kadaldalan. Matagal din nawala sa sirkulasyon ang actress-TV host pero biglang nagparamdam at kesyo pumirma na raw ito ng kontrata sa isang artist management company at merong show. Pero ang tanong ay type pa rin kaya siyang panoorin ng madlang pipol? Abangan.

Ateng Siargao

Parehong may masalimuot na relasyon sina TETAY ARING-KRINGKRING at ATENG SIARGAO sa kanilang mga baby daddies. Lantad on national TV ang bangayan ni ateng at ng kanyang ex-jowa nang dahil sa pag-aalaga ng kanilang junakis.

Pero everybody happy na ngayon dahil sa wakas ay nagkasundo na ang dalawa sa pag-aalaga ng kanilang anak. Pero bago nakahanap ng happily ever after si ateng ay kilala ito sa pagiging hali-berry. Ang chika noon ay sobrang wasak na wasak siya ng iwanan ni ex-jowa kaya panay daw ang punta nito noon sa bar at kung kani-kaninong lalaki sumasama pauwi. Jusko! Mabuti na lang at nagbagong buhay na siya at tahimik na naninirahan sa isla kasama ang kanyang bagong jowa at ang mga junakis niya. It’s never too late to change you know?

Anita Makinis

Level naman sa ganda si ATENG SIARGAO at ang BFF niya sa isang pelikula na si ANITA MAKINIS. Sikat na sikat ang mestisang aktres na ito ngayon. At dahil sikat itey ay lahat ng mata ng mga utaw ay nakatutok sa bawat galaw nito. Napabalita noon na napaaway si ate ghorl sa isang bar sa sobrang kalasingan at kung maka-english ay wagas!

Ang bali-balita noon ay nag-iibang anyo raw siya at ang kanyang mga friendships kapag nakakainom. Mukhang mga maldita naman talaga ang barkada niya kaya hindi na rin ako nagtataka. Sey ng mga sources ko ay pakitang-tao lang daw talaga ang pagiging mabait nito at ng mga barkada niya sa madlang pipol dahil sa good girl image na need nilang ipakita. Kaya naman crayola to death siya noon dahil akala niya ay katapusan nang kanyang career. ‘Teh, mas problemahin mo muna ang ugali mo kaysa sa career mo. Plastik!

Poging Amboy

Minsan naman na-link sina ANITA MAKINIS at POGING AMBOY. Sayang naman at hindi na sila nagkatuluyan. Sa tagal ng kanilang relasyon ay sa hiwalayan din ang tuloy. Kung happily married si ate ghorl, nagpapalit-palit naman ng jowa si POGING AMBOY. Matagal naman bago napalitan sa puso ni kyah ang ex-jowa kaya nagkaroon ng usap-usapan na baka badingerz siya. Pero nagkajowa naman ito ulit na isang modelo. Ang nakakaloka ay iniwanan siya ng model dahil isa palang tiborcia. Pero biglang ginulat ni kyah ang buong universe na ipakilala nito ang kanyang bagong jowa.

Catrina Grasya

Ang jowa ni POGING AMBOY na tinutukoy ko ay walang iba kundi si CATRINA GRASYA. Marami ang nagulat dahil nakalusot sa mga chismosa ang isyung ito. Pero siyempre, hindi ‘yan lulusot sa akin. Char! Ang chika kasi ay diumano’y namangka ang babaita sa dalawang ilog bago piniling tuluyan si POGING AMBOY.

Nakipag-break ito sa kanyang ex-jowa na talagang poging-pogi rin pero tuloy pa rin pala ang usap ng dalawa habang palihim na nakikipag-usap din ito kay POGING AMBOY. Ang dahilan daw kaya tuluyan na niyang iniwan ang kanyang ex-jowa ay sa kadahilanang wit naman daw ito sikat kumpara sa bagong manliligaw. Kaya go, go, go na siya sa bago niyang jowa. May pagka-gamitera pala siya? Looks can be deceiving naman talaga. Meow!

Iskool Mabukol

Palagi rin laman ng balita si CATRINA GRASYA dahil sa hilig din naman mag-post ng kanyang mga opinyon sa social media. Jusko ang mga utaw wit talaga gusto ang payapang buhay. Isa na rito na kuwinestiyon nito ay si ISKOOL BUKOL at ang mga pulis sa pinamumuan nitong siyudad nang hulihin nila ang mga beking nag-rally kamakailan. No comment lang ang sagot ni Yorme sa kanila.

Hu u ka raw ‘teh? Pero marami akong nasasagap na chika sa ating poging Yorme. Ang bali-balita kasi ay hindi raw ito kasing linis ng iniisip ng mga utaw. Nakarating sa akin ang balitang may palihimitong transaksiyon na ginawa kung saan ibinenta raw nito ang isang lupa sa kanyang pinamumunuan sa isang malaking kumpanya kapalit ang limpak-limpak na salapi. Hmmm… how true kaya ito?

Boy Bitag

Friendship naman si ISKOOL BUKOL at ang broadcaster na si BOY BITAG. Pero kahit friendships pa sila ay hindi lulusot kay BOY BITAG ang mga baluktot na pangangatwiran. Minsan na niyang iniulat at tinatawagan ng pansin si mayor dahil sa paggamit ng sasakyan ng gobyerno ng isa sa mga tauhan nito.

Nakita kasi sa video na nagsasakay ng alak ang isang lalaki na diumano ay tauhan nito sa sasakyang pulang plaka. Kebs naman ito at ininjan lang ang broadcaster at wala raw siyang oras para chumika. Laman naman muli ng balita si BOY BITAG nang patulan nito si COOKIE PANADERA dahil sa komento nito tungkol sa pananamit ng sexy ng mga babae. Jusko naman kasi ang mga utaw sa social media lahat na lang mema! Gayahin n’yo na lang anglola ninyong iwas social media para iwas sa nega. Pak!

Halal na opisyal na paborito ng mga netizen dahil mabait at matulungin...

Sumablay nang nasangkot sa ghost project na halos P100-M ang naibayad sa contractor pero waley naman nagawang proyekto, ayayay!

@Kabit-Kabitz | June 30, 2020

OLA chikaaa! Juskoday ang mga utaw parang nakawala sa hawla. Parang walang pandemya kung humada sa outside world. Traffic din kung saan-saan. Pero sa mga ayaw lumabas at shokot magkasakit, tambay na rito sa chismisan galore!

Sikretong Ina

Nagulantang ang mundo ng social media nang biglang ibinulgar ni SIKRETONG INA na meron na siyang junakis matapos ang ilang buwang pagtatago. Nag-fly-lalu siya sa ibang bansa at doon nanganak with her non-showbiz jowa. ‘Kaloka! Matagal nang usap-usapan na jontis si ate girl kaya naglahong parang bula.

#Blessed ang mag-jowa dahil sa dami nang nagbigay-suporta sa bagong chapter ng kanilang buhay. Pak na pak dahil sa pinagdaanan ni ate girl sa kanyang love life ay deserve niya ng true love. Ano kaya ang sey ng ex-jowa niya sa big reveal nito?

Mama’s boy

Ex-jowa ni SIKRETONG INA long time ago si MAMA’S BOY. Nagkakilala ang dalawa nang magkasama sila sa isang teleserye kung saan hindi sila ang bida. Char! Tulad ni SIKRETONG INA matagal ding nanahimik sa socmed si kyah at ang chika ay ipinasok diumano siya sa rehab. How true kaya itey?

May future ang aktor sa pag-arte, mana sa mga magulang na kapwa artista rin. Sana ay mabigyan ito ng second chance dahil sayang naman ang talent!

Muro Ami

Ang pudrakels ni MAMA’S BOY ay si MURO AMI na minsan’y sumubok sa pulitika pero palaging olats. Sumubok itong tumakbo bilang gobernador noon sa kanyang probinsiya ngunit luz valdez ito. Masyadong maraming isyu ang namesung niya lalo na sa pamilya nito.

Kilala siyang playboy na naging dahilan ng hiwalayan nila ng seksing misis.

Minsan din siyang nag-viral sa social media nang batiin niya sa video ang isang pulitiko, ngunit nawarla ang madlang pipol nang makita ang babaitang walang saplot ang biglang um-appear sa likod ng aktor. Wit knows hanggang ngayon ng mga tao kung sinetch ‘yun. Mabuti nalang ay malabo ang camera na ginamit kung hindi ay kawawa naman ang babaita. ‘Kaloka!

Sexy Ex-Wifey

Once upon a time ay mega inlababo sina MURO AMI at SEXY EX-WIFEY. Nabiyayaan sila ng tatlong magagandang anak. Mukhang hindi talaga kinaya ng ex-wife ang pagiging babaero ng mister kaya nag-alsa balutan ito kasama ang kanilang mga junakis.

Kabilang sa isang sikat na showbiz family si ateng na may bago nang jowa mula naman sa isang political clan. Papable talaga ang jowa niya na hiwalay din sa asawa. Mukhang happy talaga ang bagong couple sa kanilang love life at tanggap naman ng pamilya ng isa’t isa ang kanilang pagmamabutihang loob. Winner!

Alma Marina

Speaking of sister, sisteret ng jowa ni SEXY EX-WIFEY si ALMA MARINA. Naging matunog ang namesung niya noon dahil napabalitang sinulot nito ang jowa ng kanyang kaibigan. Palihim pala silang nagkikita ni boylet. Nang kinompronta siya ng jowa ng lalaki ay wala na itong nagawa kundi umamin at humingi ng tawad sa kaibigan.

Sa isang interview ay siyempre, mega-iwas siya sa isyu para hindi na madagdagan ang usapan. Namatay din ang isyu at mukhang happy na ang tatlo sa kani-kanilang buhay na hindi kabilang ang isa’t isa.

Mr. Dyahe Ang diskarte

Ang boylet na tinutukoy natin na na-link noon kay ALMA MARINA ay si MR. DYAHE ANG DISKARTE. Ikakasal na noon si boylet at ang kanyang jowa kaso nga ay nabuking ang relasyon ng dalawa. Siguro ay kating-kati ito noong jontis ang jowa at naghanap ng iba. Hays!

Ewan ko ba sa dalawang girlash na itey, akala mo naman mauubusan ng adan. Hindi rin naman kagwapuhan si kyah na talagang dyaheng-dyahe sa mga diskarte. Naging mayor siya at nang matapos ang kanyang termino ay na-appoint naman ito sa kanyang puwesto ngayon.

Ramon Hermogenes

Gobernador ngayon sa probinsiya kung saan dating naging mayor si MR. DYAHE ANG DISKARTE sa isa sa mga bayan nito si RAMON HERMOGENES. Matagal na rin sa pulitika si Gov. at ang nakakalokang ganap ay tinalo nito ang dating gobernador ng probinsiya na mula sa isang sikat na angkan sa pulitika at showbiz.

According sa mga constituents ay mabait at matulungin daw si Gov. kaya aprub sa kanila. Pero knows n’yo ba na minsan’y nadawit ang namesung niya sa isang ghost project kung saan binabayaran ng probinsiya ang isang contractor, ngunit wala namang proyektong nagawa? Sabi sa chika ay halos P100 million na ang nababayad sa contractor pero wit pa rin nasisimulang construction. Mukhang baluktot ang daang sinusundan niya, ha? Juskoday!

Ginoong Pogi

Naging maingay at kaaliw-aliw naman ang palitan ng sagot sa social media nina RAMON HERMOGENES at GINOONG POGI na magkalapit-probinsiya. Nagsimula ito nang hinarang si GINOONG POGI ng checkpoint papasok sa probinsiya ni RAMON HERMOGENES at hindi siya pinadaan. Nakakatuwa ang palitan ng salita ng dalawa na patok na patok sa mga netizens.

Kilalang kuwela ang mga post niya kahit noon pa man lalo na kapag nag-aanunsiyo ng walang pasok sa iskul. Bukod pa sa pagiging kuwela ay makalaglag-panty din sa kagwapuhan niya. Sana man lang ay nagtira ka ng kaunti para sa kuya mo na mukhang napag-iwanan ng panahon. Chos!

Enrico Hills

Kung kagwapuhan lang din naman ang labanan ay hindi papatinag si GINOONG POGI sa mga sikat na batang artista ngayon tulad ni ENRICO HILLS. Isa sa mga crush ng bayan ngayon si bagets. Perfect na sana si kyah kaso mukhang hindi nito kayang pigilan ang paglaki ng katawan. Medyo jumubis si ENRICO HILLS at ang balita natin ay binigyan daw ito ng sulat ng kanyang network at sinabihang magpapayat. Kung hindi raw tatama ang timbang nito ay hindi siya bibigyan ng trabaho. Ang harsh! Kaya rin siguro harsh din ang nangyayari sa network nito ngayon dahil sa mga ganitong patakaran. Beh, buti nga!

Dyosang Over sa Ganda

Napakasuwerte ni ENRICO HILLS sa kanyang on screen partner na si DYOSANG OVER SA GANDA dahil sila rin pala in real life. In fairness, hindi naman JackyLou ang relasyon ng dalawa at suwerte sila sa isa’t isa. Bagong endorser si ganda ng isang food truck business na naiipit sa malaking kontrobersiya dahil sa manyakis nitong mga owners.

Kumalat sa social media ang usapan ng mga may-ari ng kumpanya tungkol sa mga babaeng kinukuha nito bilang influencers. Waiting ang mga fans sa statement ng kanilang Dyosa kung ano’ng masasabi niya sa ganapchi katulad ni SIKRETONG INA na nakasama rin niya sa isang teleserye ay nagpasya muna itong manahimik pansamantala. Wake up ate girl, wake up!

Kaya ‘wag na kayong makipag-agawan, momshies! SEY NG EXPERTS: MGA BABY NA KAMUKHA NG KANILANG DADDY, MAS HEALTHY

ni Jhozel Fernandez @Gulat ka 'noh?! | March 9, 2018

File Photo

Daddies, ka-look-alike ba ninyo si baby? Oh, momshies, ‘wag na kayong magselos o makipag-agawan pa ng title kung puro si hubby ang napapansing kamukha ng inyong bagets dahil kung dehins pa ninyo knows, mas healthy daw ang inyong tsikiting kapag si daddy ang kamukha niya!

Ayon sa pag-aaral, ang mga newborn baby na kamukha ng kanilang daddy ay higit na mas malusog pagtuntong ng kanilang first birthday. Batay sa research, ang mga sanggol na kamukha ng kanilang ama ay mas malabong magkaroon ng asthma attack, dalhin sa doktor o maisugod sa emergency room at mas mababa rin umano ang tsansang ma-confine sila sa ospital nang mas matagal na panahon.

Paliwanag ng mga eksperto, ang mga amang hindi naninirahan kasama ang kanilang mga anak ay naglalaan ng dalawa at kalahating araw kapiling sila kung kamukha nila ang kanilang supling. Ito anila ay sa paniniwalang ang mga tatay na kampanteng ‘genetically related’ sila sa kanilang anak ay mas malamang na maglaan ng mas malaking panahon at atensiyon sa mga pangangailangang pangkalusugan ng kanilang anak kaya nababawasan nito ang mga bantang karamdaman para sa mga bagong silang na sanggol.

Ani study author Professor Solomon Polachek mula sa Binghamton University, New York, “napakahalaga ng mga ama sa pagpapalaki ng mga bata at nakaaapekto ito sa kalusugan ng kanilang anak. Pahayag ni Polachek kaugnay sa nakalap na findings, nakakita sila ng indikasyong mas napabubuti ang kalusugan ng mga bata kapag sila ay kamukha ng kanilang ama. Aniya, “ang pangunahing paliwanag nito, karamihan sa mga batang kamukha ng kanilang ama ay mas madalas paglaanan ng panahon at atensiyon ng kanilang tatay para alagaan at bantayan, maging ang pagiging mas responsableng malaman ang lahat ng detalye tungkol sa kalusugan at mga pangangailangan ng kanilang anak”.

Kaugnay nito, umaasa ang mga researcher na ang resultang kanilang nakalap ay sapat upang masuportahan ang mga polisiyang nakahihikayat sa mga amang hindi naninirahan kapiling ang kanilang mga anak, lalo na ang mga bagong silang na sanggol na dalasan ang pagsasagawa ng ‘positive parenting’ para mapabuti ang kalusugan ng kanilang anak.

Gayundin, ani Professor Polachek, makahihikayat din sa mga tatay upang maging hands-on sa kanilang mga anak ang parenting classes, health education at job training para maisulong ang ‘positive parenting’ kabilang ang social interactions tulad ng pagbabasa at pakikipaglaro sa mga bata, maging ang mahahalagang gawain tulad ng pagpapalit ng diaper ng sanggol.

Dagdag pa ni study author Boris Cheval mula sa University of Geneva, ang pag-aaral na ito ay nagmumungkahi ng direkta, bayolohikal at pangmatagalang resulta ng pagpapahalaga sa presensiya ng mga ama sa pagpapalaki ng kanilang mga anak mula sa araw nang maisilang ang sanggol. Hindi aniya nalalayo rito ang kongklusyon na nagiging mas malusog ang mga sanggol na kamukha ng kanilang ama dahil mas ginaganahan at nasisiyahan ang mga tatay na makapiling ang kawangis nilang anak.

Kaya sa mga daddy diyan na ‘ika nga, eh, mukhang pinagbiyak na bunga sa kanilang baby, congratulations! Pero, siyempre, don’t forget na kahit hindi ninyo kamukha ang inyong anak, eh, mananatili kayong responsable sa pagpo-provide ng lahat ng kanyang pangangailangan, lalung-lalo na ang tender loving care para masiguro ang overall health and wellness ng inyong junior at baby girl. Happy parenting!