111 Cyclists, lalarga sa NAT'L trials for road

ni VA - @Sports | July 08, 2021

Isang daan at labing-isang (111)mga sìklista kabuuang 111 na kinabibilangan ng 93 kalalakihan at 13 kababaihan ang lalahok ngayong weekend sa National Trials for Road ng PhilCycling na gaganapin sa Clark Freeport and Special Economic Zone sa Pampanga.

Nakatakdang isagawa sa nasabing event ang individual time trial (ITT), criterium at massed start race.Sa unang araw ng trials sa Bases Conversion and Development Authority sa pamumuno ni Secretary Vince Dizon at Clark Development Corp.na pinamumunuan ni Retired Brig. Gen. Manuel Gaerlan, sa Sabado idaraos ng 8 a.m. ang individual time trial para sa 13 mga babaeng riders kung saan makikipagkarera sila sa oras sa distansiyang 17.1 kilometro.

Pagkalipas ng kalahating oras matapos ito isasagawa ang men's ITT na lalahukan ng 54 na riders na magpapabilisan ng oras paikot sa distansiyang 24.6 km kung saan daraan ang mga kalahok sa massed start race na idaraos ng Linggo.

Sa Sabado ng hapon ang criterium race na sama-samang inihahatid ng Standard Insurance, Smart, MVP Sports Foundation na iikutin ng riders ang 2.3-kilometrong perimeter ng Clark Parade Grounds. Labing-anim (16) na ikot na may 3 intermediate sprints ang gagawin para sa women’s race habang 20 ikot na may 4 na intérmediate sprints sa men's race kung saan magbibigay ng 5, 3, 2, 1 puntos na dodoblehin sa huling lap para sa top 4 riders.

“We will be witnessing competitive cycling right on Day 1 of the Trials and with the road races set for Sunday, this event is one compact competition,” pahayag ni Philippine Olympic Committee (POC) at PhilCycling President Rep. Abraham Bambol Tolentino.

Ito rin ang pangalawang trials ng PhilCycling sa Clark na suportado ng Go for Gold, Chooks-to-Go atbp. ngayong may COVID-19 pandemic kasunod ng MTB Trials sa Danao City noong isang buwan.Gaganapin ang karera sa isang bubble environment gaya ng itinakda ng Central Luzon Regional Task Force, Office of Civil Defense, Department of Health, Philippine National Police, Province of Pampanga at ng Department of Tourism.

8 sa Perlas Spikers, positive; Senegal, 4 sa OQT may COVID-19

ni MC / VA - @Sports | June 30, 2021

Isiniwalat ng Perlas Spikers na 7 sa kanilang players kasama ang coach ang tinamaan ng COVID-19 habang nasa Baguio training camp para sa paghahanda sa Premier Volleyball League Open Conference.

Nilinaw nila na hindi sila lumabag sa health protocols, taliwas sa sinasabi ng news reports, na pumuga sila sa quarters kaya nahawahan ng COVID-19. Sinusunod umano nila ang home-venue-home set-up set ng binuo ng club at city government. Ayon kay Perlas captain Jem Ferrer, mali umano ang balitang pumuga sa quarters nila sa Teachers’ Camp ang mga nagpositibong manlalaro kaya nahawa ng virus dahil hindi umano sila nanatili roon.

• 

• 

“We are not billeted in Teacher’s Camp,” ani Ferrer. “The only places that we go to apart from our accommodation are our court training venue and our gym training.” “In our accommodation, there is a CCTV that monitors us 24/7 and that can prove that we do not go out of our gates except for court training and gym training as mentioned earlier," dagdag pa nito.

Ibinalita pa ng ace setter na ang ibang players at coaches ay nag-negatibo sa test at nasa maayos na kondisyon habang ang mga nagpositibo ay nagpapagaling sa quarantine facility. Sasailalim ang buong koponan sa RT-PCR tests sa July 6. Nagsimulang mag-ensayo ang Perlas Spikers sa Saint Vincent Gym noong May 30.

Samantala, tuluyan nang umatras ang Senegal sa paglahok sa FIBA Olympic Qualifying Tournament sa Belgrade, Serbia matapos magpositibo ang apat na miyembro ng kanilang delegasyon sa nakamamatay na COVID-19. Inanunsiyo ng Senegalese basketball federation ang mapait na balita nitong umaga ng Martes dahilan para ma-forfeit ang laban nila kontra sa Italy at Puerto Rico. Naging bronze medalist ang Senegal sa 2017 Afrobasket at nagtapos na 30th place sa 2019 FIBA World Cup sa China. Dahil sa pangyayari, kanselado na ang laro ng Senegal kontra sa Puerto Rico ngayong Miyerkules at Italy sa Huwebes.

SBU at AU, nagsalo sa 2 gold; Knott, naka-COVID-19 quarantine

ni VA - @Sports | June 26, 2021

Matapos makamit ng College of St. Benilde ang unang gold medal na nakataya sa seniors division ng NCAA Season 96 speed kicking event, naghati ang San Beda University at Arellano University sa sumunod na dalawang gold sa pagpapatuloy ng virtual competition.

Nasaklit ng taekwondo jin ng Chíefs na si Stanley Roy Laguio ang gold medal sa batamweight class matapos umiskor ng 6.583 puntos.

Sumunod sa kanya si Axl Zerrudo ng San Sebastian College-Recoletos na nagtala ng 6.442 at Michael Christian Macario ng San Beda na umiskor ng 6.383 para makamit ang silver at bronze medal ayon sa pagkakasunod. Nanalo naman ng gold medal para sa Red Lions si Jack Janggo Natividad na nakatipon ng 6.883 puntos sa flyweight division.

Samantala, nahaluan ng lungkot ang naunang kasiyahan ng kampo ng trackstar na si Kristina Knott sa kanyang pagkopo ng pangarap na Olympic slot sa pamamagitan ng "universality rule" kasama ng iba pang mga track athletes mula Iceland, Singapore at South Sudan. Hindi kasi inaasahang nagpositibo ang Fil-Am sprinter sa COVID-19 na siguradong makakaapekto sa kanyang paghahanda para sa pagsabak niya sa darating na Tokyo Olympics. Inihayag ng National Sports Association ni Knott-ang Philippine Athletics Track and Field Association ang negatibong balita noong Miyerkules ng hapon. Kahit ang coach ni Knott na si Roshan Griffin ay hindi makapaniwala sa pangyayari dahil kumpleto na sa bakuna ang Fil-Am sprinter matapos magpabakuna ng Pfizer noong Mayo at ngayong buwan sa Florida. “She has no symptoms as she is already fully vaccinated. There hasn’t been any lags in training or anything wrong that’s going on with her. None of us contracted it. I’m the only one that’s fully vaccinated,” pahayag ni Griffin matapos nilang malaman ang resulta ng test na ginawa kay Knott bago sumalang sa Karlstad Grand Prix. Dahil dito, kasalukuyan ngayong nasa 5-day quarantine si Knott sa Sweden.