Karateka Tsukii, naka-gold sa Egypt Premier League

ni Gerard Arce / VA - @Sports | September 07, 2021

Nagwagi ng gold medal ang Filipino Japanese karateka na si Junna Tsukii sa women's kumite -50kg event ng 2021 Karate1 Premier League noong Linggo sa Cairo, Egypt. Ginapi ng 29-anyos na si Tsukii ang hometown bet na si Areeg Rashed, 2-1 , sa finals para sa kanyang ikatlong gold na napanalunan ngayong taon kasunod ng kanyang panalo sa Golden Belt Tournament sa Serbia noong Marso sa Premier League leg sa Lisbon noong Mayo. Naunang tinalo ni Tsukii sina Aleksandra Grujic ng Austria, Yorgelis Salazar ng Venezuela at isa pang Egyptian na si Reem Ahmed Salama upang umabot ng finals.Sa ngayon, ang 2019 Southeast Asian Games gold medalist na si Tsukii ay nasa seventh spot sa pinakahuling World Karate Federation rankings sa kanyang weight class.

Ibinuhos ni 2019 SEAG karate champion Junaa Tsukii ang kagustuhang makabawi matapos ang pagkabigo sa 2021 World Olympic Qualification Tournament.

Nakakuha siya ng puntos na ‘Yuko’ para magtapos ang laban sa 2-1 iskor. Sinubukan pa itong iapela ng kampo ng Egyptian foe sa Video Assistant Referee (VAR). “Expected her to win as she is very hungry due to the non-qualification in the recent Olympics. Bad breaks during the qualification and she conquered the setback,” wika ni Karate Pilipinas Sports Federation Inc. (KPSFI) President Richard Lim sa panayam ng Bulgar Sports sa online messaging.

Tiwala si Lim na magiging tuloy-tuloy ang momentum na hawak ng No.7th World ranked sa women’s 50kgs division na uupak pa ito ng husto sa 2022 Hangzhou Asian Games sa Setyembre sa China. “She is back really strong and focused on getting the Gold in the coming Asian Games,” saad ni Lim.

“How many times you fall, get up and keep going. I challenged the best state of the past, but I couldn't get to the Olympics, and I was so humiliating that all my effort was pointless, and I was retiring,” sambit ni Tsukii sa kanyang Facebook post. “But after all, I'm still practicing hard. I'm so happy that everyone needs it and I need everyone too. I can challenge with everyone, so I'm going to stand up again and again! I love this road where everyone is here!”

Kobe Paras, maglalaro na rin sa Japan B. League

ni VA - @Sports | September 06, 2021

Umabot na sa bilang na pito ang mga kabataang basketbolistang Filipino.na kinuha para maglaro bilang Asian import sa Japan B. League.

Ang ikapito at pinakabagong nadagdag ay ang dating Gilas Pilipinas cadet na si Kobe Paras.

Kahapon, inanunsiyo ng koponang Niigata Albirex na lumagda ng kontrata sa kanila ang second-generation player para maglaro sa 2021-22 B.League season.

Si Paras ang kauna-unahang manlalarong kinuha ng Niigata upang maging Asian import. "We are pleased to announce that we have signed with Kobe Paras for 2021-2022 season," nakasaad sa post ng team sa kanilang opisyal na social media page. "I am honored to have the opportunity to be part of a great team in a great league this time," pahayag naman ni Paras. "I am looking forward to playing the role that coach Fujitaka Hiraoka," dagdag nito. "I can't wait to be a better player and work hard to make lifelong memories with my teammates, staff and great fans."

Humanay si Paras kina Thirdy Ravena (San-En NeoPhoenix), Kiefer Ravena (Shiga Lakestars), Juan Gomez de Liano (Earthfriends Tokyo Z), Bobby Ray Parks Jr. (Nagoya Diamond Dolphins), Javi Gomez de Liano (Ibaraki Robots) at Kemark Carino (Aomori Wat's) na naunang kinuha bilang mga Asian import sa B.League. Ang Niigata ay kabilang sa mga koponang naglalaro sa first division.

Obiena, kahit walang puntos, finalist pa rin sa Wanda League

ni VA - @Sports | September 05, 2021

Kahit bigong magkamit ng puntos sa huling qualification leg, pasok at makakalaro pa rin sa finals ng Wanda Diamond League ang Filipino pole vaulter na si EJ Obiena.

Nagtapos lang na pang-sampu sa Memorial Van Damme noong Sabado sa King Baudouin Stadium sa Brussles, Belgium si Obiena makaraang makatalon lang ng 5.65 meters.Bagamat walang nakuhang puntos, nag-qualify pa rin si Obiena sa finals na gaganapin sa Switzerland dahil ang top 6 jumpers sa liga ang siyang maglalaban sa kampeonato.

Nangibabaw sa huling qualification meet si Tokyo Olympic gold medalist Armand Duplantis ng Sweden na natalon ang baras na itinaas sa 6.05 meters.Sumunod sa kanya si 2020 Summer Games silver medalist Chris Nilsen ng US na na clear ang taas na 5.85 meters at pumangatlo ang kapwa nito Amerikanong si KC Lightfoot na naka clear din ng 5.85 meters pero bumaba sa ikatlong puwesto dahil sa count back.

Binubuo ang top 6 pole vaulters na magtutuos sa finals nina Duplantis (42 points), Sam Kendricks ng US (34), Nilsen (24 ), Obiena (16), Lightfoot (16) at 2012 London Games gold medalist Renaud Lavillenie ng France (12).Ang finals ay nakatakdang ganapin sa Setyembre 8-9 sa Stadion Lizegrund.