Letran Knights, finalist na; Cool Smashers, matibay pa

ni VA - @Sports | November 13, 2022

Una nang sumungkit ng final 4 berth ang defending champions Letran sa NCAA Season 98, matapos ang 84-77 na panalo kontra Emilio Aguinaldo College kahapon sa FilOil EcoOil Centre sa San Juan.

Ginilat ng Knights ang Generals sa fourth quarter, 24-14, matapos habulin ang dikit na iskor sa third period at kunin ang ika-9 na panalo. Wala pang nasayang na laro ang Letran sa second round.

Umiskor si King Caralipio ng 12 sa kanyang team-high 16 points sa fourth quarter kasabay ng pagsunggab ng 11 rebounds, habang si Kurt Reyson ay may 14 points at five assists. Sina Fran Yu (10 points) at Louie Sangalang (10) para sa double-digits ng Knights.

Samantala, tinalo ng Creamline UAI-Army, 25-12, 25-18, 23-25, 25-23 para patatagin ang momentum sa grand slam drive sa Premier Volleyball League Reinforced Conference sa Smart Araneta Coliseum kahapon.

Humabol ang Cool Smashers sa maagang 8 puntos na pagkaiwan (2-10) sa fourth hanggang sa tumuntong ng 21-17 lead hanggang sa mamayani sina Ced Domingo at Jema Galanza laban kay Army import Laura Condotta.

“In this conference, you can never tell how it’s going to be because of the imports.

They contribute every game, especially in offense. All imports are tough to contain and we just have to improve in our next game,” ayon kay Creamline coach Sherwin Meneses matapos gabayan ang Cool Smashers sa four-set win ang team mula pa sa winless campaign sa season-ending conference.

Sotto, Thompson, Ramos at Parks bida sa FIBA Cup

ni GA /VA - @Sports | November 12, 2022

Matinding depensa ang ipinakita ng Gilas Pilipinas upang pahiyain ang host country Jordan sa sarili nitong bakuran, 74-66 panalo kahapon ng madaling araw (oras sa Pilipinas) sa Group E ng 2023 FIBA World Cup Asian qualifiers sa Prince Hamza Hall sa capital city sa Amman.

Nagpakitang-gilas si 7-foot-3 center Kai Zachary Sotto ng pambihirang laro para sa team-high 16 puntos, kasama ang 7 rebounds, 2 assists at 2 blocks, maging ang all-around game ni Scottie Thompson na halos kumunekta ng triple double sa 8 puntos, 13 rebounds, 8 assists at isang steal upang talunin ang higher ranked na Jordan na nasa 35th habang 41st ang Pilipinas.

Tumulong din sa Gilas si dating TNT player Bobby Ray Parks ng 11-sa-kanyang-13 puntos sa first half, habang pinunan ni CJ Perez ang sinimulan ni Parks sa 11 puntos at 5 assists.

Mas napansin ang depensa ng Gilas lalo sa 3rd quarter nang limitahan lang sa 10 puntos ang host squad matapos lumikha ng 21 puntos mula sa halftime sa 41-37 patungong 51-58 papasok ng final canto.

Nagsimula ang pagbanat ng Gilas squad matapos ang 53-45, nang magsalpak ng field goal si Ange Kouame ng Ateneo Blue Eagles. Nagawa pa nilang ilatag ang pinakamalaking bentahe sa 14 sa 71-57 matapos ang tip-in ni Poy Erram sa natitirang 4:18 ng laro.

Pumukol si Dwight Ramos ng 5 puntos, 3 rebounds, 4 assists, 4 steals at isang block na natapat sa pagbabantay kay naturalized player Dar Tucker na kumulekta ng game-high 23 pts.

Isa ito sa malaking panalo ng Gilas sa Asian qualifiers dahil sila ang unang tumalo sa Jordan sapul noong 2018, habang bumagsak sa 3-4 kartada, pumangatlo ang Pilipinas sa 4-3 sa likod ng Lebanon at New Zealand sa 6-1 marka. Nasa 5th place ang makakatapat ng Gilas sa Lunes na Saudi Arabia sa 2-5 rekord, habang bokya ang India sa 0-7 sa Group E standings.

Kouame, Sotto at Thompson, bibida sa Gilas Vs. Jordan

ni G /VA - @Sports | November 9, 2022

Umalis na noong Lunes ng Gabi ang Gilas Pilipinas national basketball pool patungong Jordan para sa FIBA World Cup Asian qualifying games na idaraos doon at sa Saudi Arabia. Makakasagupa ng mga Pinoy na pinangungunahan nina Kai Sotto at Angelo Kouame sa fifth window ng FIBA World Cup qualifiers ang koponan ng Jordan sa Nobyembre 11 at ang Saudi Arabia sa Nobyembre 13. Hindi dumalo ng kanilang huling ensayo ang 6-foot-10 center na si Kouame noong Sabado ng gabi upang makapasok sa kanyang klase sa Ateneo.

Inaayos naman ng Samahang Basketball ng Pilipinas (SBP)ang mga kaukulang detalye upang makasama ng Gilas Pilipinas sa Middle East si Sotto. Pinaghandaang mabuti ng Gilas training team ang laban nila kontra Jordan partikular sa depensa.

Sa pamumuno ng kanilang naturalized player na isang shooting guard sa katauhan ni Dar Tucker kasama ang backcourt partner nitong si Freddie Ibrahim at 6-foot-10 slotman na si Ahmad Al-Dwairi, umabot ang Jordan sa semifinals.ng nakaraang FIBA Asia Cup kung saan tinalo sila ng Lebanon. Hindi nakasama ng koponan si team captain Kiefer Ravena dahil naoperahan ito sanhi ng impeksiyon sa kanyang ngipin. Bukod kina Sotto at Kouame ang iba pang kasamang sasabak sa Middle East ay sina Japan B League imports Dwight Ramos, Ray Parks at Thirdy Ravena.

Kasama rin nila ang mga Philippine Basketball Association (PBA) stars na sina reigning MVP Scottie Thompson at mga kakampi nito sa Barangay Ginebra na sina Japeth Aguilar at Jamie Malonzo, CJ Perez ng San Miguel Beer, Roger Pogoy, Calvin Oftana at Poy Erram ng TNT.

Maliban kay Kouame, ang Isa pang collegiate star na kasama sa pool ay si Kevin Quiambao ng La Salle.