V.League Japan: Santiago, Lumipat sa JT Marvelous

ni Gerard Arce @Sports | June 30, 2023

Dadalhin ni Jaja Santiago ang kanyang karanasan at kahusayan sa JT Marvelous sa Japan V.League dala-dala ang ibang numero upang ipagpatuloy ang paglalaro sa labas ng bansa bilang premyadong middle blocker.

Inanunsiyo ng V.League division 1 ang pagkuha nila sa serbisyo ng 27-anyos mula Tanza, Cavite matapos ang ilang taon sa Saitama Ageo Medics na tinulungan niyang makakuha ng second seed sa regular season para sa 24-9 kartada, subalit kinapos sa round-robin semifinals nitong nagdaang season para sa 4th place finish.

“I think this season will be an exciting and challenging year,” pahayag ni Santiago sa inilabas na statement sa kanilang website. “I will do my best to work together with my new teammates and show the best performance.”

Minsang hinirang na two-time Best middle blocker ang 6-foot-5 defender na naging laman ng balita na muling magbabalik sa Premier Volleyball League sa koponan ng Chery Tiggo Crossovers matapos mapabilang sa official line-up ng koponan sa 2023 Invitational Conference.

Tumapos sa 5th place ang JT Marvelous noong nagdaang regular season, matapos kapusin sa Top 4, para umabante sa playoffs patungong kampeonato. Nagsimulang maglaro sa Japan ang dating National University Lady Bulldogs standout noong 2018 para sa Aego Medics at dito na rin nakilala ang kanyang nobyo na si Japanese women’s assistant coach Taka Minowa, na na-engage sa kanya noong isang taon.

Huling beses kinatawan ni Santiago ang Pilipinas sa 31st SEA Games sa Hanoi, Vietnam, kung saan tumapos sila sa ikaapat na puwesto, habang naglaro ito sa Premier Volleyball League (PVL) noong 2021 Open Conference para tulungan ang Chery Tiggo na makuha ang unang kampeonato sa liga katulong ang kapatid na si Dindin Santiago-Manabat.

Hindi nakaporma sa galawang beterano ng Cargo ang Foxies

ni VA @Sports | June 28, 2023

Imbes na tamis ng unang panalo ang nilasap ng Farm Fresh Foxies laban sa beteranong F2 Logistics Cargo Movers ay isang mapait na pagkabigo ang kanilang debut game sa Premier Volleyball League opening kahapon.

Malupit na binuksan ng Cargo Movers ang kanilang 2023 PVL Invitational Conference campaign sa pagbibigay ng unang binyag sa Foxies, 25-22, 25-20, 25-23 sa FilOil EcoOil Centre sa San Juan City.

Pinangunahan ni Ivy Lacsina ang atake ng Cargo Movers sa ikinasang 13 points, 12 attacks at block habang si Mars Alba ay may 14 excellent sets at five markers. Kasunod ng tikas ng beteranong si Aby Maraño na may 10, habang si Kianna Dy ay umiskor ng 9 points.

Naiiwan ng 2 puntos, 23-21, sa huling bahagi ng third frame, nagpakabog pa ang Farm Fresh nang umiskor ng 1 ang F2 ay umatake si Gayle Pascual at naipatas pa ni Sam Nolasco ang ace sa 23.

Pero hindi pumayag sina Maraño at Jolina Dela, bumanat ang mga ito magkasunod na attack and ace Cruz para sa dalawang diretsong puntos, at hayaan nang tuluyang isara ng Cargo Movers ang pintuan sa nagpupumiglas pa namang Jerry Yee-led squad. "We are happy na panalo kami, but we still have to learn more. They have to make better connections with each other, lalo na bago si Marionne sa loob ng court so marami pa siyang adjustments.

Hindi pa rin ako mags-stop dahil nanalo kami kasi marami pa kaming errors, madami pang parts na kailangang linisin," ayon kay F2 coach Regine Diego matapos na magkaroon ang koponan ng 22 errors sa panalo.

Nakita rin sa dikitang bakbakang ang patunay na may potensiyal ang Farm Fresh at naniniwala si Diego na malayo ang mararating ng bagong koponan sa PVL. May 10 puntos si Pascual sa Farm Fresh habang si Wielyn Estorque ay may 8 points.

Gilas Women, sasabak na sa Women's Asia Cup

ni VA @Sports | June 19, 2023

Umalis na noong Sabado ang koponan ng Gilas Pilipinas Women patungong Melbourne, Australia upang sumabak sa FIBA Women's Asia Cup 2023.

Magmula sa kanilang naging preparasyon para sa nakaraang Southeast Asian Games sa Cambodia hanggang makabalik ng bansa, tuluy-tuloy ang ensayo ng koponan at nagpapapahinga lang kapag araw ng Linggo.

"Practice was good, we’re trying to improve ourselves every time, everyday and hopefully when we get to Australia we’ll be much better and ready for FIBA Asia," pahayag ni Gilas Women's head coach Pat Aquino na hangad na mabilis na makagamayan ni Filipino-American guard Vanessa de Jesus ang paglalaro sa team.

Si De Jesus na naglalaro para sa Duke University ay nag-commit na maglalaro sa Gilas Women's squad noong nakaraang linggo.

Inaasahang madadala nito ang kanyang winning experience gayundin ang relentlessness sa Gilas. Umaasa rin si Gilas Women coach Patrick Aquino na marami pang mai-engganyong mga Fil-Ams si De Jesus para maglaro sa national team.

"I got Vanessa for her talent and her intelligence about basketball and for a fact na maliit siya pero she has Filipino lineage. Mahirap nagna-naturalize ka na di masyado nating kilala ito lahi natin so talagang tuloy-tuloy yung pagrerepresenta puso yung ano natin," ayon kay Aquino.

Nagpahayag naman ng kanilang excitement na makalaro si De Jesus sina Gilas Women star center Jack Animam at Isa pang Filipino-American guard, Ella Fajardo.

"I'm excited. You know, I've seen her play in Duke, but I know she's a good player," wika ni Animam. "I'm just excited on what she can bring to the table, what she can bring to our team, especially her experience going against the best talents in the United States."