Gilas Pilipinas, inimbitahang maglaro vs. European teams

ni VA @Sports | February 28, 2024

Ibinalita ni Gilas Pilipinas head coach Tim Cone na may mga natanggap silang imbitasyon kaugnay ng kanilang ginagawang paghahanda sa darating na FIBA Olympic Qualifying Tournament 2024 sa Hulyo.Ayon kay Cone, inimbita ang national men's basketball team ng mga  European teams na Lithuania at Slovenia na naghahanda rin para makakuha ng slot sa Paris Games.

“We’ve got some invitations from Lithuania, Slovenia, and the Czech Republic, we’re gonna work our way through those and see what we can do,” wika ni Cone.

Gayunman, wala pa silang pinagpapaunlakan dahil sampung araw lamang ang ibinigay sa Gilas upang makapaghanda para sa FIBA windows base sa napagkasunduan ng Samahang Basketbol ng Pilipinas at mga basketball stakeholders gaya ng PBA at UAAP.“The window for us to do it is only 10 days,” ayon pa kay Cone.

“That’s our agreement with the PBA, that’s our agreement with the NCAA and UAAP, and also the agreement with the Japan league – they can only release them for so long for a FIBA window. Ten days it is for us,”dagdag nito.

Ginawa ni Cone ang pagsisiwalat ng mga kaukulang development moments pagkatapos ng kanilang Window 1 campaign sa FIBA Asia Cup 2025 Qualifiers sa pamamagitan ng 106-53 pagdurog sa Chinese Taipei sa Philsports Arena.Tinapos ng Gilas ang unang window na may malinis na kartadang  2-0, panalo-talo kabilang dito ANG 94-64 na paggapi nila sa Hong Kong sa Tsuen Wan Stadium.

Kung sila ang tatanungin, nais sana ni Cone at ng GIlas na mayroon pa sanang isang laro sa unang window.

“We were like, we wish we had one more game, or another game to play like next week or in a couple of days, so we could keep this group together. But it’s not something we control," dagdag nito.

Kabahan na kay Obiena, naka-ginto uli sa Berlin

ni VA / Clyde Mariano @Sports | February 25, 2024

Nagwagi ng kanyang ikalawang gold medal ngayong taon habang naghahanda sa muli nyang pagsabak sa darating na Paris Olympics ang Filipino pole vaulter na si Edward Joseph "EJ" Obiena makaraang mangibabaw sa Istaf Indoor tournament sa Berlin, Germany noong Biyernes, araw ng Sabado dito sa Pilipinas.

Nagtala si Obiena sa kanyang pagkapanalo ng bagong Asian indoor record matapos niyang matalon ang baras na itinaas ng 5.93 meters.

Binura nito ang dating record na 5.60 meters na itinala ni Leonid Andreev ng Uzbekistan noong Nobyembre 2009 sa Hanoi, Vietnam.

Pumangalawa kay Obiena at nagkamit ng silver medal si Tray Oates ng Estados Unidos na gaya nya ay ma-clear din ang taas na 5.93 meters ngunit natalo ito ng Pinoy sa count back.

Tumapos namang pangatlo si Robert Sobera ng Poland na nakapagtala ng 5.66 meters.

Noong nakaraang taong Istaf Indoor Tournament, pumangalawa lamang si Obiena sa world at Olympics champion na si Armand Duplantis na hindi naman lumahok sa torneo ngayong taon.

Ang susunod na torneong lalahukan ni Obiena ay ang 19th World Indoor Athletics Championship na gaganapin sa Glasgow, Scotland, United Kingdom sa Marso 1-3, 2024. 

Samantala, ikinalungkot ng mga atleta kasama sina Southeast Asian Games, Asian Games at 7th Thailand Jiu Jitsu gold medalists Annie Ramirez at Margarita Ochoa dahil nasayang ang kanilang paghahanda at kailangan pa muling maghintay sila ng 11 buwan dahil muli naman nakansela ang 6th Asian Indoor and Mixed Martial Arts Games.

Nakatakda sanang gawin ang nasabing pan continental competition na inorganisa ng Olympic Council of Asia mula Peb. 24 hanggang Marso 6 pero iniurong sa Nob.  21-30 sa Bangkok at Chonburi province sa Thailand.

Tatlong beses nakansela, dalawa dahil sa global pandemic at sa political uncertainty sa Thailand at pagpapalit ng gobyerno. 

Obiena gold sa Croatia, Perez 3rd sa Pro Darts

ni VA / Eddie M. Paez Jr. @Sports | February 22, 2024

Nakamit  ng Filipino Olympian pole vaulter na si Ernest John "EJ" Obiena ang kanyang unang gold medal ngayong 2024 sa Memorial Josep Gašparac tournament na idinaos sa Croatia noong Martes,araw naman ng Miyerkules dito sa Pilipinas. Nagawang ma-clear ni Obiena ang baras na itinaas sa 5.83 meters upang gapiin ang kanyang mga nakatunggali kabilang na sina Pedro Buaró (5.73m) ng Portugal at Oren Trey Oates (5.61m) ng Estados Unidos(US) na siyang kumopo ng silver at bronze ayon sa pagkakasunod. Ito ang unang titulo ni Obiena ngayong taon at habang naghahanda sya para sa darating na 2024 Olympic Games sa Paris, France. "Indoor season finally kicks off," ani Obiena sa kanyang post sa  social media platforms. "5.83 for the title here... Thank you for having us and putting on a great atmosphere."Nakatakda namang magtungo si Obiena sa Germany para sa susunod na torneong kanyang sasalihan - ang  Istaf Indoor event.   

Samantala, matagumpay na nakapagparamdam ng husay si Christian "Ian" Perez sa pandaigdigang arena nang pumangatlo ang Pinoy sa Professional Darts Corporation Pro Tour: Players' Championships Leg 4 sa Leicester, England.

Dinaig ni Perez ang anim na mga de-kalibreng kalahok tungo sa semifinals ng malupit na torneo. Kasama sa listahan sina Danny Lauby Jr. (USA, 6-5, round-of-128), Martin Schindler (Germany, 6-3, round-of-64), Ricardo Pietreczko (Germany, 6-1, round-of-32) at ang mga dating world champions na sina Wales Gerwyn Price (6-4, round-of-16).

Matinding balikwas ito ng darterong kilala rin sa bansag na "The Titan" sa unang tatlong paligsahang nilahukan niya sa Tour sa England sa nagdaang dalawang linggo. Sa nabanggit na mga paligsahan, tatlong dikdikang labanan ang dinaan niya pero inalat siya sa check-out kaya hindi nakausad mula sa unang round ang 42-taong-gulang na pambato ng Koronadal City.