Bashers, welcome raw manlait… KITKAT, PROUD NA PROUD NA RETOKADA KAYA GUMANDA

ni Rohn Romulo @Run Wild | February 13, 2026

Photo: Kitkat Kitkat

Pinasaya ng singer-sexy comedienne at host na si KitKat ang kanyang mga fans sa isang Facebook (FB) post kung saan inamin niyang nagparetoke siya sa Montesa Aesthetics. 

Nagpa-botox siya sa noo at in-avail ang collagen stimulation na inilagay sa magkabilang pisngi. Instant ang effect dahil nawala ang kanyang mga eyebags.

Si KitKat din ang bagong ambassador ng Montesa Medical Group kung saan isinabay na rin ang contract signing noong Wednesday, February 11. 

Ang may-ari nito ay si Anna Marie Montesa, isa ring Mrs. Universe Philippines title holder tulad ni KitKat.

Sa video na kasama sa FB post ng mommy influencer/content creator, ani KitKat,

“Magpaparetoke ako! Ayokong ma-expire, kailangan lagi akong maganda, kaya magpaparetoke ako. Pasok mga bashers! Hahaha! Ang ganda-ganda ko. Naku! Lalo pa akong gaganda kasi magpaparetoke ako rito sa Montesa Medical Group. ‘Pag inggit, pikit.”

Dagdag pa niya, “Bashers, lalo akong gaganda, kaya sa mga bashers d’yan, stay pangit, beh!”

Mababasa rin sa kanyang Facebook post ang ginanap na contract signing:

“Another signed, sealed, and snatched moment for your girl at @montesamedicalgroup. Today I officially signed as the new ambassador of Montesa Medical Group, at siyempre, hindi basta-basta — Dr. Anna Montesa herself ang gumawa sa akin today! Buena mano pagka-sign ng contract, diretso agad sa treatment room. Ayoko ma-EXPIRE mga besh. Hahaha! Contract signing? (check emoji). Botox? (check emoji). Collagen stimulation? (check emoji). Freshness locked in? DOUBLE (check emojis).

“Sabi ko nga, habang may mga bashers na gigil na gigil kakahanap ng panget angle ko… eh ‘di lalo tayong magpaganda para mas manggigil sila. Public service na rin ‘to — para may pag-usapan sila. Hahaha!”

Super happy at thankful si KitKat sa ginawa sa kanya ni Dr. Anna. 

Aniya, “‘Pag may kontrata, dapat may kasamang maintenance. ‘Di puwedeng ambassador na haggard!”

Kaya ngayon, pasok na ang mga bashers!

---

HINDI pinalad ang pambato ng Pilipinas sa second edition ng Mr. and Ms. Chinatown Global. 

Kinoronahan sina Mr. Malaysia Ang Wei Yang at Ms. Canada Tyra Rosnuk sa Winners’ Night sa Smart Araneta Coliseum noong February 10.

Dalawampu’t tatlong kandidato mula sa 15 bansa ang naglaban-laban para sa titulo at karangalan bilang Mr. at Ms. Chinatown Global. 

Nagsilbing hosts sa coronation night sina Janeena Chan, Mr. and Ms. Chinatown Global Pageant Director Nicole Cordoves, Kevin Tai, at Marc Nelson.

Ang itinanghal na first runner-up ay sina Olivier Liu Xu (Switzerland) at Khaohom Seearamroongruang (Thailand). 

Sina Yi Fang Gao (Canada) at Belle Nanphasorn (Malaysia) ang 2nd runner-up.

Marami ang nadismaya na hindi nakapasok sa Top 12 ang panlaban ng Pilipinas, kahit na nakakuha naman sila ng special awards.

Narito ang list ng mga special awards:

Mr. & Ms. Friendship: Ang Wei Yang (Malaysia) at Rochelle Kirsten Canlas (USA)

Faces of Chinatown: Adrien Yaw Kan Tong at Estellina Ah-hon (Mauritius)

Best in Formal Wear: Olivier Liu Xu (Switzerland) at Monica Geronimo (Philippines)

Best Resort Wear: Olivier Liu Xu (Switzerland) at Monica Geronimo (Philippines)

Sponsor Awards:

Ms. Hotel101: Ang Wei Yang (Malaysia) at Christina Cai (Singapore)

Mr. & Ms. King Chef: Yi Fang Gao (Canada) at Christina Cai (Singapore)

Mr. & Ms. Gibi Shoes: Ang Wei Yang (Malaysia) at Monica Geronimo (Philippines)

Mr. & Ms. Youthful Confidence by Hana PH: Olivier Liu Xu (Switzerland) at Monica Geronimo (Philippines)

Mr. & Ms. Novodental: Aldrich Chen Perez (Philippines) at Khaohom Seearamroongruang (Thailand)

Congrats sa mga winners mula Malaysia at Canada!

Dahil daw sa 6 na anak n’yo, Oyo… KRISTINE, ‘DI MAKABALIK-SERYE KAHIT GUSTUNG-GUSTO NA

ni Rohn Romulo @Run Wild | October 1, 2025

Photo: Kristine Hermosa-Sotto - IG

Sa edad na 42 at may anim na anak, parang hindi pa rin nagbabago ang kagandahan ni Kristine Hermosa-Sotto.

At sa tuwing may survey, kasama palagi siya sa listahan ng pinakamagagandang aktres sa Pilipinas at palagi siyang nagta-top, habang kasama rin si Marian Rivera-Dantes (41) na may dalawang anak naman.

Kaya naman inamin ni Kristine, “Nape-pressure na ako, kasi tumatanda na ako. Parang bawal tumanda, bawal magka-wrinkles. Pero I’m really flattered, thank God for that,” dagdag pa niya nang makatsikahan namin after ng ribbon cutting sa grand opening ng Skinlandia branch sa McKinley Hill na pag-aari ng GMA actress na si Jess Martinez.

Si Kristine ang special guest sa opening ng bonggang Skinlandia branch. Dahil magkaibigan sina Shyr Valdez at Dina Bonnevie (na bumuo ng House of D YouTube show) na mother-in-law ni Kristine, napapayag siyang mag-cut ng ribbon.

At dahil napapanood si Kristine sa House of D (HOD) kasama si Oyo, mag-asawang Danica Sotto at Marc Pingris at siyempre, si Ms. D, marami ang nag-aabang kung kailan naman siya papayagan ni Oyo na magbalik-teleserye.

“Actually, wala naman po talagang problema kay Oyo,” sagot niya.

Paliwanag niya, “Sa totoo lang, gusto ko talaga, nami-miss ko rin po talaga. Except for the demands sa isang teleserye. May 6 akong anak, may asawa ako, so ‘di na s’ya ‘yung katulad ng dati na puwede nila akong tawagin in the middle of the night, puwede nila akong hatakin dahil may kailangang i-shoot, things like that. So, hindi ko ‘yun mako-commit talaga.”

Hirit pa ni Kristine, “Pero kung mayroong sitcom, okay naman, kasi medyo magaan ang trabaho. Katulad nitong House of D, ang sarap ng feeling, na-miss ko na mag-ayos ng hair at mag-make-up. Nakaka-miss talaga, s’yempre I grew up doing this.”

Well, kailan kaya magbabalik-showbiz ang diyosang si Kristine Hermosa?

Samantala, si Shyr Valdez pala ang naka-discover kay Jess Martinez kung kaya’t magkasama na sila sa Artist Circle management ni Rams David.

Ayon naman sa mommy ni Jess na si Jessieden Ali Martinez, wala raw silang ibang choice kundi si Kristine Hermosa na totoo namang ultimate symbol of glow and beauty.

Kuwento ni Jess, “Doon naman po sa si Ms. Kristine na s’ya lang ang only choice, kasi for me, I believe hindi lang po physically beautiful si Ms. Kristine but she radiates so much positive energy. And I watched one episode of House of D, the first episode, sobrang family-oriented din po s’ya. And then, naka-center talaga si God sa buhay n’ya kaya I believe it’s also why she’s beautiful po.”

Reaksiyon naman ni Jess na si Kristine ang naging special guest sa ribbon cutting ng Skinlandia second branch, “Oo nga po, nagulat nga po ako. Nanginginig nga po ako ngayon, ang lamig po ng kamay ko. Katabi lang po kita (Kristine) ngayon ay isang karangalan na po. Sobrang saya ko po, sobra.”

Ang first branch ng Skinlandia na pag-aari ni Noreen Divina (founder at CEO ng Skinlandia at Nailandia kasama ang husband na si Juncynth Divina) ay matatagpuan sa basement ng SM Fairview.

Ilan sa mga naging shows ni Jess sa GMA ay ang Abot-Kamay Na Pangarap (AKNP) ni Jillian Ward at Sanggang Dikit FR (SDFR) nina Jennylyn Mercado at Dennis Trillo.

‘Di lang aktres at baker… RHIAN, KAYA RAW BUMIRIT, MAY CONCERT NA RIN

ni Rohn Romulo @Run Wild | September 17, 2025

Photo: Rhian Ramos - IG

Excited si Rhian Ramos sa nalalapit na That’s Amore, A Night At The Movies (TAANATM) concert, pero inamin ng actress-host na may halong pangamba rin siya sa mga nangyayari ngayon sa bansa at sa iba’t ibang panig ng mundo.

Marami kasi ang nangangamba na baka magkaroon din ng mga pag-aaklas sa bansa dahil sa malawakang korupsiyon sa gobyerno.

“You know, I still believe that Filipinos are fairly peaceful people,” tugon ni Rhian.

Paliwanag niya, “Kasi, sa lahat ng mga race, I feel like kung may taong may karapatan magalit for all of these years and for so many reasons, tayo ang may karapatan at tayo ang may dahilan.”

Dagdag pa ng girlfriend ni Sam Verzosa, “And yet, alam mo ‘yun, we could have had riots every year, ‘di ba? Every year naman tayong binabaha, nakakagalit na talaga.

“But I believe we’re still a very peaceful people. And hopefully we can get through this without anyone getting physically hurt.”

Samantala, excited na si Rhian sa kanyang kakantahin sa concert. Isa pala siyang soprano, na kahit siya ay nagulat, kaya palang bumirit kung gugustuhin.

Nagbiro na lang ang sexy baker tungkol sa isyu sa bansa, “Kung may mag-stampede, puwedeng mag-stampede na lang papasok ng concert! I’m sorry, I don’t want people to feel like I’m making a joke out of it, but I am making a joke!

“Yes, I know that these are very serious topics na we’re facing right now. But at the same time, alam mo ‘yun, we also have meme culture.”

Dagdag pa niya, “So please excuse my joke, I just find comedy to be very healing. I think that’s why, ‘di ba, lahat ng nangyayari sa news, may memes na kaagad. Kasi that’s how we heal as people.”

Kasama rin sa concert sina Michelle Dee, Tali Sotto, Scarlet Snow Belo, Vivoree Esclito, Maymay Entrata, Ina Raymundo, Pepe Herrera, Renzo Jaworski, Amari Sotto, Jema Galanza Imogen, Rain Celmar, John Arcenas at Zia Dantes.

---

SPEAKING of Zia, natanong ang RMA’s founder at Asia’s Jewel na si Ms. Jade Riccio kung paano niya napapayag ang anak nina Dingdong Dantes at Marian Rivera na sumama sa concert at mag-perform nang solo sa ikalawang pagkakataon.

“After one year of doing sessions, here came the concert last year. So, I asked Ms. Marian if she is okay that Zia is included at the concert,” kuwento ng mang-aawit.

“But Marian is so, so nice, and she asked Zia what she wanted and she never told her what to do. Doon pa lang, sabi ko, ‘Grabe, napakagaling n’yang magpalaki ng anak.’

“And when I heard Zia’s voice, sabi ko kay Marian, ‘Your daughter will really go places.’

“So, last year, I gave her a solo part which I think became viral because it was everywhere. And you know, it inspired so many kids and parents as well. Everyone was surprised, na ang ganda pala ng boses ni Zia. She’s a very hardworking student.”

Kaabang-abang din ang duet nina Jade at music icon na si Jose Mari Chan. Kakantahin nila ang Let Love Be The Gift (LLBTG) na composed by Jose Mari Chan at kasama sa kanyang Going Home to Christmas 2012 album.

Bago ang konsiyerto, magkakaroon ng “Amore Wall” kung saan maaaring isulat ng mga dadalo ang kanilang mga paboritong love quotes o mag-dedicate ng mga kantang gusto nilang marinig.

Bahagi ng kikitain sa concert ay ido-donate sa Autism Society of the Philippines (ASP).

Para sa impormasyon ng tiket at mga presyo, bisitahin ang ticket2me website.