MARVIN-JOLINA, BALIK-TAMBALAN SA TV5 SERIES

ni Rohn Romulo @Run Wild | July 24, 2026

Photo: IG _mariajolina

After na mabalita last month, mukhang tuloy na tuloy na ang balik-tambalan nina Jolina Magdangal at Marvin Agustin sa TV5.

Sa Facebook (FB) page last July 1, nag-post si Direk Roman Perez, Jr. ng tila teaser ng gagawing project. May caption ito na, ‘MOMMY’ (na may guard emoji) at kasama nito ang pagre-repost ng Facebook (FB) post ng ABS-CBN News ng art card na may photo ni Jolina at nakalagay na, “July na!” na may caption na, “July na, mga momshie!”

Kasunod niyang ini-repost ang post ni Marvin na, “JULY NAAAAA!!!!” na kasama ang old photo nila ni Jolina. 

Comment ng direktor, “Ready.”

Nasundan pa ang posting ni Direk Roman at noong July 10, muli itong nag-post. This time, ang caption niya ay “July Na! (heart emoji) August 10,” (na binabasa ring Agustin), kasama ang movie clip ng Labs Kita, Okey Ka Lang? (LKOKL).

Noong July 13, caption naman niya, “Tara Na! July Na! (heart emoji) August 10,” kasama ang kanyang production team. Nagkasunud-sunod pa ang kanyang mga post na may hashtag na #JulyNaAugust10.

At nitong July 22, ipinost na rin ng direktor ang mga photo kasama sina Jolina, Marvin at Dominic Ochoa. Sa August 10 na raw sila magsisimula ng taping at may napansin kami sa isang group photo na may “Guard Ko si Babe”. Mukhang ito ang title ng morning series ng TV5.

For sure, malaking pressure at challenge kina Jolina at Marvin ang pagbabalik-tambalan nila. Ito raw ang magiging pre-programming ng Eat… Bulaga! (EB!) na makakatapat ng TikToClock ng GMA-7, at ang tsikang target date ng airing nito ay September 14.

Kasama sa cast sina Susan Africa, Cedrick Juan, Roxanne Guinoo, Pearl Gonzales at ilang talents ng Star Worx.

Hopefully, maging mainit ang pagtanggap ng netizens sa MarJo tandem.

---

SA segment ng It’s Showtime (IS) na Laro Laro Pick, natanong ni Vice Ganda ang isang contestant kung sino ang kanyang paboritong broadcaster o journalist.

Agad naman itong sumagot na, “Si Ma’am Jessica Soho po.”

Agad naman itong sinang-ayunan ni Vice at napa- “Yes”.

Dagdag pa ng Unkabogable Star, “We love Jessica Soho. She’s very good. We all watch KMJS (Kapuso Mo, Jessica Soho). Very good.”

Dahil sa tinuran na ito ni Vice, parang nabuhayan ang mga netizens at baka posible raw ang pagkikita at paghaharap nina Jessica at Vice.

Umani ng samu’t saring komento mula sa mga netizens ang lumutang na video clip. May positive at mayroon ding negative.

“I feel like malapit na sila mag-usap in God’s perfect time.”

“Sana mag-heal na ang issue sa pagitan nina Meme @vicegandako and @KM_Jessica_Soho.”

“One of the things na hinihintay ko ay ang magkatagpo sila parehas sa iisang show. It’s Showtime interview man o sa KMJS mismo, o kahit sa vlog ni Vice.”

“People change.”

“Sana magkapatawaran na ang dalawang taga-La Union.”

Matatandaang nag-ugat ang hidwaan ng dalawa matapos ang ginawang biro ni Vice kay Jessica sa kanyang concert noong 2013.

Hindi nga nagustuhan ng award-winning journalist ang binitiwang rape joke ng komedyante dahil hindi talaga magandang gawing katatawanan ang sensitibong paksa. Agad namang nag-sorry si Vice kay Jessica.

At sa paglipas ng 13 taon, makamit na kaya niya ang hinihintay na kapatawaran?

Well, ang Diyos lang ang tanging nakaaalam kung kailan ito magaganap.

Top 1 sa media impact value… HEART, ITINAOB SI J.LO SA PARIS HAUTE COUTURE WEEK

ni Rohn Romulo @Run Wild | July 23, 2026

Photo: IG _iamhearte & _jlo

Nanguna si Heart Evangelista bilang top celebrity voice sa Paris Haute Couture Week Fall/Winter 2026-2027.

Nakamit niya ang pinakamataas na media impact value (MIV) na umabot sa $7.5 million o humigit-kumulang P462.3 million.

Base sa inilabas na datos ng Launchmetrics last Friday, July 17, nasa No. 1 spot si Heart sa listahan ng celebrities na may pinakamalaking impluwensiya at exposure sa nasabing fashion event.

Pumangalawa naman ang Indian actress-model na si Esha Gupta na nakapagtala ng $1.7 million o mahigit P104 million MIV, na malayo ang agwat kay Heart.

Kinabog din ni Heart ang American actress-singer na si Jennifer Lopez na nasa ikatlong puwesto at may $1 million o nasa P61.6 million MIV.

Ayon pa sa ulat, nakalikom ang Paris Haute Couture Week ng kabuuang $239 million o mahigit P14 billion media impact value.

Sa latest achievement na ito ni Heart, ramdam ang kanyang kaligayahan at labis na nagpasalamat ang Pinay fashion icon. Nag-iwan din siya ng tatlong red heart emojis sa comment section.

---

Ka-tie si Kara…

IVANA, TINAOB SINA JESSICA SOHO, ATTY. PERSIDA ACOSTA, DRA. EDINELL CALVARIO AT VICKY MORALES, WAGING PUBLIC SERVICE HOST

HINDI pa rin makapaniwala ang Kapamilya actress na si Ivana Alawi na nagwagi siya ng dalawang awards sa 1st Filipino Academy of Movie Arts and Sciences (FAMAS) Broadcast Awards.

Wagi si Ivana bilang Best Host for Public Service at ka-tie niya ang broadcast journalist na si Kara David.

Nakamit din niya ang tropeo para sa Best Public Service Show dahil sa mga ginagawa niyang pagtulong sa pamamagitan ng kanyang vlogs.

Sa Facebook (FB) post niya, mababasa, “Still can’t believe na nanalo tayo ng 2 FAMAS Awards.

“Thank You, Lord, for always reminding me that Your plans are always greater than mine. Lagi Mo akong sinusurpresa sa tamang panahon.

“Maraming salamat, FAMAS, sa tiwala. At higit sa lahat, maraming salamat sa bawat isa sa inyo na patuloy na nanonood, sumusuporta, at naniniwala sa lahat ng ginagawa ko.”

Dagdag pa ng actress-vlogger, “Nagsimula lang ako sa simpleng pangarap na makapagpasaya at makatulong sa kapwa. Kaya bawat blessing na natatanggap ko, mas lalo akong naniniwala na ‘di ‘to para sa akin lang, kundi para maibahagi rin sa mas maraming tao.

“Hangga’t may kakayahan ako, ‘di ako magsasawang tumulong at ibalik ang pagmamahal na ibinibigay ninyo sa akin.

“Maraming salamat. Mahal na mahal ko kayo.”

Parehong present sina Kara at Ivana para personal na tanggapin ang kani-kanilang award.

Sa kanyang acceptance speech, ibinahagi ni Ivana ang kanyang award sa kapwa niya mga nominado na sina Kara David, Jessica Soho, PAO Chief Atty. Persida Rueda-Acosta, Dra. Edinell Calvario at Vicky Morales.

“Maraming-maraming salamat po ulit sa FAMAS for this award. I actually want to share this also with my co-nominees dahil napakaganda talaga ng mga ginagawa rin nila.

“And again, with everything that’s happening in this world, I think it’s very important na nagse-share tayo ng positive content at tumutulong tayo sa ating mga kababayan because ‘di ba, sino pa bang magtutulungan kundi tayu-tayo lang,” pahayag pa ni Ivana, na kahit bina-bash ay patuloy ang natatanggap na blessings at nadaragdagan ang kanyang milyun-milyong followers.

Kahit baguhan, ‘di raw niya minalditahan… IZA: BUTI NA LANG MABAIT AKO KAY COCO

ni Rohn Romulo @Run Wild | July 22, 2026

Photo: IG _missizacalzado & _cocomartin_ph

Si Iza Calzado ang current president ng AKTOR - League of Filipino Actors, at si Dingdong Dantes ang founding chairman.

Dumalo sila sa pirmahan ng MOA (Memorandum of Agreement) ng AKTOR, Unilab, at SPEEd (Society of Philippine Entertainment Editors) para sa Health and Wellness Program noong Hulyo 1 sa Bayanihan Center, Pioneer St., Mandaluyong City.

Ang AKTOR - League of Filipino Actors ay isang SEC-registered organization na may mahigit 400 members na karamihan ay independent contractors.

Ayon sa kanilang website, “We exist to support actors — not to manage or represent them in projects.

“We’re also not a political group. Our focus is on community, advocacy, and helping actors grow in character, craft, and connection.”

Ayon kay Iza, sobrang saya niya na makaraan ang anim na taon ay nag-member na rin si Coco Martin sa kanilang organization.

Kuwento ni Iza, “Coco, thank you! Sumasagot, tinatawag talaga akong ‘Ate Iza’! I love you, Coco!

“Ate, sige, sige. Kasama ko kasi s’ya dati sa Batanes, du’n kami unang nagkatrabaho.”

Ito ang movie na pinagbidahan nina Iza at Ken Chu ng F4, na idinirehe nina Adolf Alix, Jr. at Dave Hukom.

Dagdag pa ni Iza, “Nakilala ko s’ya talaga nu’n, and grabe... parang... buti na lang, mabait talaga ako sa lahat, ‘no?!

“Buti na lang, buti na lang. Kasi imagine-in mo kung maldita ka, tapos minalditahan mo s’ya.

“Eh, ako naman, tandang-tanda ko s’ya. Naalala ko, sabi ko kay Adolf nu’n, parang... ‘Sino s’ya? Bakit ang galing n’ya?!’

“Kasi ang simple nu’ng eksena namin, nagbitaw s’ya ng ‘di naman dramatic line, pero para kang sinuntok ng energy n’ya!

“Sabi ko, ‘Ahh!’ Tapos tinandaan ko s’ya. At that time, Daisy Siete days pa yata. Then, lumipat s’ya sa [Channel] 2, then sinubaybayan ko naman.

“‘Yan, nagkasama kami sa Ang Probinsyano. Sa pilot week nu’n, kasama ko s’ya. Ako ‘yung nag-train kay Cardo Dalisay supposedly.

“So, parang nakita ko naman ‘yung trajectory ng career n’ya and what he has done, and what he is doing for the industry.

“Providing jobs. ‘Yan talaga... What he is doing with his power and platform is really admirable.

“So talagang finally, sumama s’ya! Parang thank you!”

Naikuwento rin ni Iza ang isang malaking project ng AKTOR para sa taong ito.

“We are excited because we are doing our best. We are mounting an AKTOR Awards. It is in the works and hopefully before the year ends,” saad ni Iza.

Pahabol niya, “It is strictly for the community, parang SAG (Screen Actors Guild) Awards. Actors voting for their fellow actors. It is really what we want to emphasize.

“Para ma-feel mo rin ‘yung support ng people from the community.”

So, ito kaya ang first big project na pamumunuan ni Coco kasama ang kanyang CCM Productions?

Well, abangan na lang natin ang announcement ng AKTOR sa mga susunod na buwan.