Sen. Dela Rosa, maninirahan sa Senado ng hanggang July 1, 2031?

ni Pablo Hernandez @Prangkahan | May 14, 2026

PRO-DUTERTE SENATORS NA ANG MAJORITY NGAYON SA SENADO KAYA VP SARA, DEDMA NA SA IMPEACHMENT SA KANYA – Sa isang panayam kay Vice President Sara Duterte, sinabi niyang wala na siyang nararamdamang emosyon o anumang pag-aalala kaugnay sa kinakaharap niyang impeachment case.

Ayon sa kanya, hindi na siya naaapektuhan ng isyu at mas pinipili na lamang niyang magpatuloy sa kanyang trabaho sa kabila ng mga kontrobersiya.

Samantala, patuloy na hinihintay ang susunod na mga hakbang sa proseso ng impeachment sa Kongreso at kung ito ay tuluyang isusulong sa Senado. Period!

XXX

HINDI NAMAN TATAKBO SA MATAAS NA POSISYON ANG LENI-RAFFY TANDEM KAYA BALEWALA ANG SURVEY NG OCTA NA 4% LAMANG SILA SA RATING – Sa pinakabagong survey na inilabas ng OCTA Research, lumalabas na may 4% na lamang ang tambalang Leni Robredo–Raffy Tulfo kumpara sa tambalang Sara Duterte–Imee Marcos.

Gayunman, para sa ilang obserbador, maaaring hindi gaanong makabuluhan ang naturang resulta dahil ilang ulit nang nilinaw nina Leni Robredo at Raffy Tulfo na hindi sila tatakbo sa mas mataas na posisyon sa 2028 elections. Ayon sa kanila, nakatuon sila sa muling pagtakbo sa kanilang kasalukuyang mga puwesto—si Robredo bilang mayor, at si Tulfo bilang senador.

Dahil dito, iginiit ng ilan na hindi na dapat isama ang kanilang mga pangalan sa presidential at vice presidential surveys, lalo na kung malinaw na ang kanilang mga pahayag tungkol sa hindi pagtakbo sa mga naturang posisyon. Tsk!

XXX

PARA HINDI MAHULI AT MAKULONG SA ICC JAIL, SEN. DELA ROSA, HANGGANG JULY 1, 2031 MANINIRAHAN SA SENADO? – Ayon kay Sen. Ronald Dela Rosa, upang hindi siya makulong sa International Criminal Court (ICC) at dahil nasa protective custody umano siya ng Senado, sinabi niyang habang siya ay nananatiling senador ay mananatili siya sa loob ng Senado ng Pilipinas.

Ang kanyang termino ay matatapos pa sa Hulyo 1, 2031. Ibig sabihin, mula Mayo 2026, kung ipagpapatuloy niya ang ganitong kalagayan, maaaring umabot ng humigit-kumulang limang taon ang kanyang pananatili sa Senado. Boom!

XXX

SA PANAHON NG DUTERTE ADMIN, NAWALA ANG PROTECTION RACKET SYNDICATE SA SOUTHERN PART NG METRO MANILA, PERO NGAYONG MARCOS ADMIN, BUMALIK NA – Noong panahon ng administrasyong Duterte, hindi lamang kampanya kontra droga ang ipinatupad ni dating Pangulong Rodrigo Roa Duterte (PRRD), kundi iniutos din umano ang mas pinaigting na pagtugis sa iba’t ibang sindikato sa bansa. Dahil dito, ayon sa ilang ulat, maraming organisadong grupo ng kriminalidad ang napilitang magtago o pansamantalang tumigil sa operasyon, kabilang ang umano’y protection racket syndicate na kina “Romy Lakay,” “Ricky Dugyot,” at “John Bakulaw” sa southern Metro Manila.

Sa kasalukuyang administrasyong Marcos, muling umuugong ang balitang aktibo na naman ang naturang sindikato sa kanilang operasyon. Dahil dito, nagtatanong ang ilan kung kailan muling tututukan ng Southern Police District (SPD) sa ilalim ni Brig. Gen. Glen Oliver Cinco ang umano’y mga grupong ito na patuloy na nag-o-operate sa kanilang nasasakupan. Abangan!

Blue Ribbon Committee posibleng mabalik kay Sen. Marcoleta, PBBM, lagot

ni Pablo Hernandez @Prangkahan | May 13, 2026

PARANG NAKASANDAL NA SA PADER SA KASONG IMPEACHMENT SI VP SARA KASI SI SEN. ALAN CAYETANO NA ANG SP – Ang botohan kamakalawa sa plenaryo ng Kamara para sa impeachment kay Vice President Sara Duterte ay sinabayan ng ilang usapin sa Senado, kung saan iniulat na sinubukan ng minority sa pamumuno ni Sen. Alan Cayetano na hikayatin ang ilang miyembro ng majority, kabilang sina Sen. Pia Cayetano, Sen. Loren Legarda, at ang magkapatid na Sen. Mark at Camille Villar, na sumama sa kanilang panig sa pagpapalit ng liderato sa Senado.

Ayon sa mga ulat, nauwi ito sa pagkakapalit ng pamumuno sa Senado at pag-upo ng bagong Senate President.

Dahil dito, sa kabila ng 257 kongresistang bumoto ng “yes” para sa impeachment ni VP Sara sa Kamara, sinasabing tila nabawasan ang tensyon sa panig ng bise presidente dahil sa pagkakaroon ng mas maraming kaalyado sa Senado ang mga pro-Duterte.

Sa kabuuan, lumitaw na mas naging paborable para sa kampo ng bise presidente ang bagong balanse ng kapangyarihan sa Mataas na Kapulungan. Boom!

XXX

MAG-ASAWANG ES RECTO AT GOV. VILMA, PATI MGA STL-BOOKIES, LAGOT SA IMBESTIGASYON NI SEN. LEGARDA – Noong Mayo 4, 2026, nagsumite umano si Sen. Legarda ng resolusyong humihiling ng imbestigasyon kina Executive Sec. Ralph Recto at Gov. Vilma Santos kaugnay ng hindi pagsama sa pagbibigay ng ayuda o cash assistance sa 84 barangay na sakop ng distrito ng anak niyang si Batangas 1st District Rep. Leandro Legarda-Leviste, ngunit hindi ito nabigyang-pansin ng liderato ng Senado noon.

Ayon sa ilang obserbasyon, maaaring isa ito sa mga naging isyu na nagdulot ng tensyon sa loob ng liderato ng Mataas na Kapulungan. Sa kasalukuyan, sa ilalim ng bagong Senate leadership, muling lumutang ang panawagan para sa posibleng imbestigasyon hinggil sa umano’y hindi patas na distribusyon ng ayuda sa mga naturang barangay.

Kasabay nito, isinusulong din ng ilang mambabatas na imbestigahan ang mga alegasyon ng ilang isiniwalat na ugnayan sa operasyon ng STL sa ilang personalidad, pati na rin ang operasyon nito sa iba’t ibang lugar sa bansa, kabilang ang mga lugar na nasa hurisdiksyon ng ilang lokal na opisyal.

Giit ng mga nananawagan, mahalagang masuri ang mga naturang isyu upang matiyak na walang iregularidad sa pamamahagi ng pondo ng gobyerno at upang mapigilan ang anumang uri ng raket na posibleng nakakaapekto sa mahihirap na mamamayan. Period!

XXX

BALIK NA KAY SEN. MARCOLETA ANG BLUE RIBBON COMMITTEE KAYA LAGOT SI PBBM – Dahil si Sen. Alan Cayetano na ang magiging Senate President, inaasahang maibabalik kay Sen. Rodante Marcoleta ang chairmanship ng Senate Blue Ribbon Committee.

Sa ganitong senaryo, inaasahang maaaring maungkat ang ilang imbestigasyon sa mga isyu na may kinalaman sa umano’y iregularidad, kabilang ang mga alegasyon na may kaugnayan sa pondo at mga testimonya ng ilang dating marino at ni retiradong Sgt. Orly Guteza.

Kung matutuloy ang mga pagdinig, posibleng muling mabigyan ng pansin ang mga isyung ito na maaaring umabot sa Malacañang, depende sa magiging resulta ng imbestigasyon. Abangan!

XXX

SARILI ANG ISINAKRIPISYO NI SEN. DELA ROSA PARA ILIGTAS SA IMPEACHMENT SI VP SARA – Ang isang boto ni Sen. Ronald Dela Rosa ang naging dahilan kung kaya’t si Sen. Alan Cayetano na ngayon ang SP, at ang boto niya rin ang maaaring makapagligtas kay VP Sara sa impeachment.

Sa ngayon, may warrant of arrest siya mula sa International Criminal Court (ICC) at anumang araw ay posibleng maaresto siya at makulong sa ICC jail sa The Hague. Kapag nangyari ito, maaaring ituring siyang bayani ng mga Duterte Diehard Supporters (DDS) dahil isinakripisyo niya ang kanyang sarili para mapatalsik si Tito Sen bilang SP at mailigtas sa impeachment si VP Sara. Period!

PGMN content creator CJ Hirro, na-bash dahil sa umanoy “pasabog” pero lumang balita lang pala

ni Pablo Hernandez @Prangkahan | May 12, 2026

PRO-IMPEACHMENT CONG., WALANG TAKOT SA BANTA SA PANIWALA NILANG WALANG 'POWER' SA KANILANG MGA DISTRITO ANG PDP, MGA DDS AT SI VP SARA – Dinedma ng mayorya ng mga kongresista ang banta ng partidong PDP ni dating Pangulong Rodrigo Roa Duterte (FPRRD) at ng mga tagasuporta nito na ibabasura sa 2028 elections ang mga kongresistang sumuporta sa impeachment laban kay Bise Presidente Sara Duterte.

Ayon sa obserbasyon, tila ang naging batayan ng mga pro-impeachment na mambabatas ay ang naging resulta ng 2025 midterm elections. Karamihan sa mga kongresistang bumoto para sa impeachment noong Pebrero 5, 2025 ay nanalo sa kanilang mga distrito. Samantala, marami sa mga kandidatong sinusuportahan ni Bise Presidente Sara sa pagkasenador ay natalo sa parehong halalan.

Dahil dito, lumalabas na hindi natinag ang mga mambabatas sa mga bantang hindi pagsuporta sa 2028 elections, sa paniniwalang hindi kayang dikta ng alinmang grupo kung sino ang mananalo o matatalo sa bawat distrito. Period!

XXX

TITO SEN, HUWAG PAKATIWALA NA WALANG KUDETA KASI BAKA MABULAGA SIYA, TALSIK NA SIYA BILANG SENATE PRESIDENT – Sinabi ni Sen. Robin Padilla na tsismis lamang ang napabalitang kudeta na umano’y layong patalsikin si Senate President Tito Sotto sa pamamagitan ng minority bloc, kaugnay ng usapin ng posibleng impeachment kay VP Sara Duterte kapag naihain na sa Senado ang Articles of Impeachment.

Gayunman, pinaaalalahanan ng ilang obserbador na maging maingat sa mga ganitong usapin sa loob ng Senado, dahil maaari pa rin itong magdulot ng tensyon sa hanay ng mga mambabatas, lalo na kung lumala ang isyu sa liderato ng mataas na kapulungan. Boom!

XXX

'SUNTOK SA BUWAN' NA DUMALO SI SEN. DELA ROSA SA SUBPOENA NG PNP-CIDG KASI BAKA MAY WARRANT OF ARREST NA AT IDERETSO NA SIYA SA ICC JAIL Pinadalhan ng subpoena ng PNP–Criminal Investigation and Detection Group (CIDG) si Sen. Ronald Dela Rosa, na ayon kay Department of the Interior and Local Government (DILG) Sec. Jonvic Remulla ay hindi naman ito warrant of arrest mula sa International Criminal Court (ICC), kundi bahagi lamang ng imbitasyon o pagtatanong ng mga otoridad kaugnay ng mga alegasyon ng extrajudicial killings (EJK) noong panahong hepe pa siya ng Davao City Police Office.

Sa totoo lang, malabong basta na lamang sumipot si Sen. Dela Rosa sa CIDG, lalo’t nananatiling sensitibo ang usapin at may mga usaping kinakaharap na maaaring lumala depende sa magiging takbo ng mga proseso. Para sa ilan, nagiging isyu rin ang posibleng mga susunod na hakbang ng mga internasyonal na institusyon, kaya’t maingat ang mga kilos at pahayag ng mga sangkot. Period!

XXX

PASABOG NG PGMN VS. CONG. ROMUALDEZ, BUKOD SA 'PANIS,' SUPOT PA PALA Matapos makatanggap ng matinding batikos si vlogger at political operator Franco Mabanta dahil sa umano’y isyu ng extortion, napagtuunan naman ng pansin sa social media ang ka-alyado nito sa Peanut Gallery Media Network (PGMN) na si CJ Hirro.

Pumalo sa kritisismo ang isang video na ipinost ni Hirro, na inakala ng ilang netizens na may “pasabog” laban kay Leyte 1st District Rep. at dating Speaker Martin Romualdez. Gayunman, ayon sa mga kritiko, wala namang bagong impormasyon sa naturang video dahil ang mga nilalaman nito ay dati nang naibalita sa mainstream media, at pinatungan lamang ng sariling opinyon at komento ng vlogger.

Dahil dito, umani ng batikos si Hirro mula sa mga netizens na nagsabing tila pinalalabas na bago ang lumang isyu, na nagresulta sa matinding diskusyon sa