Nakamamatay na virus, kumakalat

nina Carlos Corpuz at Jenny Rose Albason (OJT) | March 24, 2023

Inihayag ng Tanzania ang unang pagkalat ng nakamamatay na Marburg Virus Disease (MVD), matapos maitala ang limang pagkamatay, may tatlong karagdagang kaso pa uli ang naiulat sa isang ospital sa Tanzania.

Ayon sa World Health Organization (WHO), nagsagawa na ito ng contact tracing, at natukoy na umano ang 161-katao na ang nasa panganib ng impeksyon ngayon.

Kung kaya’t gumawa na ng aksyon ang gobyerno ng emergency response team at pinaigting na rin ang seguridad ng mga kalapit na bansa upang hindi na kumalat pa.

Sinabi ni Matshidiso Moeti, regional director ng WHO para sa Africa na, “The efforts by Tanzania’s health authorities to establish the cause of the disease is a clear indication of the determination to effectively respond to the outbreak,”

Dagdag pa niya, “We are working with the government to rapidly scale up control measures to halt the spread of the virus and end the outbreak as soon as possible.”

8 Leopard at 2 battle tanks ng Norway nasa Ukraine na

ni Jenny Rose Albason (OJT) | March 23, 2023

Walong Leopard at 2 tanks ang dumating sa Ukraine.

Ayon sa Norweigan Armed Forces na patuloy pa rin ang ginagawang pagsasanay sa mga sundalo na mag-o-operate sa nasabing tanke.

Gawa umano sa Germany ang nasabing tangkeng pandigma, sumunod lamang sila sa hakbang ng ilang mga bansa na magbigay ng mga tangkeng pandigma sa Ukraine upang tuluyang maitaboy ang Russia.

Kung matatandaan ay noong Pebrero inanunsiyo ng Norway na bumili sila ng 54 German Leopard 2 tanks bilang bahagi ng pagpapalakas ng kanilang defense capabilities.

2 TV network pinadalhan ng bomba, journalist nadale

ni Jenny Rose Albason (OJT) | March 23, 2023

Sugatan ang isang journalist sa pagsabog ng bomba sa Ecuador.

Ayon sa mga awtoridad, hanggang ngayon ay hindi pa nakikilala ang suspek na nagpadala ng sulat na may lamang bomba sa dalawang news television network.

Nakilala ang journalist na si Lenin Artieda, matapos niyang isaksak sa computer ang device na kanyang natanggap.

Base sa national head ng forensic na si Xavier Chango, isang uri ng military-type explosives capsules ang bomba na natanggap ng biktima.

Na-detonate naman ng mga kapulisan ang isang bomba na ipinadala sa news department ng TC Television.