Mala-sulat doctor ba si totoy o nene?

5 paraan para di mukhang kinalahig ng manok ang sulat-kamay ng bata

ni Nympha Miano-Ang - @Life and Style | August 5, 2020

Kung parang kinalahig ng manok ang sulat kamay ng bata at parang matigas ang kanyang mga daliri sa paghawak ng lapis o ballpen dahil sa hirap siyang matutong sumulat, subukan ang mga sumusunod na tips:

1. GAWING NAKAAALIW SA KANYA ANG PAGPRAKTIS NIYA. Alukin ang bata ng espesyal na klase ng lapis o ballpen o kaya’y isang rainbow colored na klase ng sign pen o pentel pen na assorted ang kulay. Huwag lang siya bigyan basta ng mga salitang kailangan niyang kopyahin. Subukan ang simpleng word puzzles, anagrams o kaya’y game ng hangman o kaya ay tanungin siya sa isang brainstorming session sa kabuuan ng tema upang mabigyan siya ng writing practice bilang layunin nito.

2. HIKAYATIN DIN SIYA NA MAG-DRAWING AT MAG-PUZZLE GAMES. Upang mapag-ibayo ang kanyang physical requirements sa pagsulat gaya ng wastong paghawak niya sa lapis, postura ng kanyang kamay at katawan gayundin ang kanyang kontrol, bilis, hinahon at kahusayan, koordinasyon at pantay-pantay o hugis at habang mas maraming oras na mapraktis ito ng isang bata at makapagmanipula siya nang husto ay mas mainam kahit na ang paggamit ng silverwares ay makakatulong upang ma-develop ang kanyang kakayahan sa pagkontrol ng maingat sa kanyang kamay o daliri.

3. ITURO ANG PROBLEMA. Ang pangkaraniwang suliranin sa handwriting o sulat-kamay ay dahil na rin sa apat na pangunahing bagay, porma ng kanyang mga letra, paghuhugis, espasyo sa pagitan ng mga salita at paghilera ng linya. Ikonsentra ang bata sa kanyang pagpraktis sa letra o konsepto na nagbibigay hamon sa kanya na tiyakin na nagagamit niya ang kanyang dalawang kamay na kokontrol sa papel.

4. ANG TAMANG KAGAMITAN. Kung ang bata ay nagsusumikap sa kanyang paggamit ng regular na ordinaryong klaseng lapis, subukan ang mas maliit o iyong manipis na klase ng lapis o kaya ay iyong kid size. Tiyakin na siya ay may pambura upang hindi siya matakot sakaling makasulat siya ng pagkakamali.

5. ANG PAGSULAT SA LABAS NG KAHON. Ang isang mahamog na salamin o ang maalikabok na mesa, maging sa buhanginan o putikan, sa isang bowl ng naiwang ketsap ay mainam upang gawing panulatan. Dito ay maari niyang mapraktis ang kanyang mga daliri sa pagsulat, sa pamamagitan ng paggamit ng stick o lapis upang mainspira ang kanyang pagkamalikhain sa pagsusulat.

“Borneo, bahagi pa rin ng Pilipinas” – Sulu at North Borneo Sultanate

ni BRT | August 4, 2020

Nananatiling bahagi ng ninunong lupain ng Pilipinas ang North Borneo (Sabah) at iyan ay hindi maikakailang sa loob ng 600 taon na nanirahan sa isla na ito ang mga katutubong Pilipino ay kinikilala hanggang sa ilang siglo pang darating.

Iyan ang naging pahayag sa isang official statement na inilabas ng Royal Sultanate of Sulu at North Borneo kabahagi ang Royal Majesty Paduka Mahasari Al-Maulana Ampun Sultan Hadji Muedzul-Lail Tan Kiram kasabay ng pagbati ng ika-35 Sultan ng Sulu at North Borneo na nawa’y ligtas ang marami sa panahon ngayon ng krisis sa kalusugan.

Kinikilala rin ang lolo ng maharlikang sultan na si Sultan Moh, Esmail Enang Kiram ng pamahalaan ng Pilipinas noong 1957 na opisyal na nakatala ang pangalan sa pampublikong dokumento. Sa pamamagitan niya, isinalin ng mga tao ang karapatan sa North Borneo sa ilalim ng gobyerno ni dating Pangulong Diosdado Macapagal noong 1962.

Ang dating Sultan na si Moh, Mahakuttah Abdulla Kiram, maging ang kanyang posisyon bilang crown prince ng Sulu ay naging opisyal din sa bisa ng Memorandum Order no. 427 na inisyu ng dating Pangulong Ferdinand Marcos noong 1974.

Mula nang yumao ang kanyang ama noong 1986 at sa kabila ng kawalan ng pondo, patuloy ang maharlika sa pamumuno at ituloy ang legasiya ng Sulu. Kinilala ang liderato niya sa buong mundo kabilang na sina HRH Don Duarte Pio, Duke ng Braganza ng Portugal; HRH Prince Karl Vladimir Karadjordjevic of Serbia at Yugoslavia; HIH Ermias Sahle Selassie ng Ethiopia; NobelPeace Prize awardee, President Lech Wales ng Poland, at marami pang iba. Minsan na rin siyang naging tagapagsalita bilang kinatawan ng Sulu sa international symposium kabilang na ang Dhaka forum na inorganisa ng Bangladesh.

“The people of Sulu are proud of our heritage and we sincerely thank the Hon. Teodoro Locsin jr., Philippine Secretary of Foreign Affairs, for helping assert our ancestral rights. We hope the government of Malaysia understands the plight of the thousands of underprivileged and indigenous families of Sulu who barely survive in Sabah specially during this pandemic.

“We aspire for an amicable solution to the predicament that affects us all in this region.

His Majesty appeals to members of his family to unite for the sake of all the people of Sulu. He pleads to continued patience as there is no need to repeat the unfortunate circumstance of the past. The Royal house of Sulu firmly believes that diplomacy will allow us to move forward as governments and other parties involved play a crucial role from alleviating our people from poverty.”

Idinagdag sa mensahe ngayong nasa krisis ang buong mundo, alalahanin natin kung paano tayo namuhay sa mundong ito. “Let us realize the importance of conveying a message of peace to our children and grandchildren. For those of us living in the Sulu Archipelago, this dilemma has been happening for more than half a century. We call upon the international community to assist us in achieving a common goal beneficial to all.

Tips sa pag-welcome sa bagong kapitbahay na balik-probinsiya

ni Nympha Miano-Ang - @Life and Style | August 4, 2020

Nagbalikan na sa probinsiya ang halos kalahating milyon ng mga migrant workers ika nga na matatawag mula rito sa Metro Manila. Iyong iba riyan hindi naman basta tatambak na lang sa tahanan ng kanilang mga kaanak kundi mapapadpad din sa ibang lugar o barangay ng kanilang probinsiya gayung kailangan ng marami sa kanila ang mai-quarantine ng ilang araw.

Pero paano kung mapipirmi na sa inyong lugar ang bagong kapitbahay na iyan?

Nakakailang man na magkaroon ng bagong kapitbahay, paano mo nga ba sila sisimulang batiin o pakisamahan. Ganito ang gawin mo, kailangang maramdaman nila na sila ay welcome!

Heto ang ilang tips para matulungan ka na magawa mo ang unang hakbang sa pakikipagkaibigan at matanggap sila sa inyong lugar.

1. MAGPALIPAS MUNA NG ILANG ARAW. Mahirap ang maglipat o mag-ayos ng mga kagamitan. Napakalaking trabaho ang kanilang sinusuong sa kanilang pagbibitbit ng mga gamit na nagmula pa sa dati nilang tahanan. Pinakamabuting maghintay muna ng ilang linggo na naibaba na nang maayos ang kanilang kagamitan at naisalansan na sa kanilang bahay. Maghintay ng ilang linggo bago magpakilala sa kanila. Silipin mo sila sa pintuan o bintana at bahagya kang ngingiti sa kanila habang sila ay abala sa kanilang ginagawang pagbaba ng mga kagamitan.

2. KUMATOK SA KANILANG PINTUAN (saka na lang ito gawin kapag wala nang pandemya) o kaya ay kapag nakita ka nila o nasalubong sa daan ay batiin sila ng isang napakatamis na ngiti. Salubungin siya at kamayan este kawayan kasi bawal pa ang handshake ngayon, at saka mo sabihin ang iyong pangalan at kamo ay welcome sila bilang bago ninyong kapitbahay. Kung hindi ka komportable na sabihin agad sa kanya ang iyong apelyido, puwedeng sabihin na lang na, “Hi, ako si Maria, diyan lang ako nakatira sa kabila” at saka mo ituro ang iyong tirahan. Puwedeng bago mo gawin ang pagpapakilala ay magbitbit ka ng isang masarap na putaheng iyong iniluto, bigyan at patikman mo sila kung kanya itong magugustuhan.

3. MAGING PALAKAIBIGAN. Ngumiti at kailangang madama nila na sila ay welcome. Kailangang tingnan sila ng sinsero sa mga mata habang nakikipag-usap sa kanila. Gayunman, huwag na kaagad magtatanong ng anumang personal na bagay. Kailangang buksan mo pa rin ang tema ng pag-uusap at bukas na kalooban sa pakikipagkuwentuhan sa kanila. Huwag mong ipakita sa kanila na masyado ka nang nakikialam kung sunud-sunod ang personal na maurirat nang masyado ang iyong mga tanong sa kanila.

Ang mga katanungan na gaya ng, “Pamilyar na ba kayo sa lugar na ito?” at “Sana ay maging komportable kayo sa inyong pagtira rito at sana’y magustuhan ninyo ang lugar na ito.” Iyan ang magandang panimula sa inyong pagbubukas ng usapan.

4. KUNG NADISKUBRE MO NA ANG KAPITBAHAY ay hindi sanay sa ganoong lugar, maari kang magbigay ng ilang nakatutulong na impormasyon gaya ng telephone number ng munisipyo, ospital, bumbero, health center etc., papunta sa magagandang pasyalan, parke o maging sa pinakamalapit na doctor. Huwag masyadong marami na impormasyon. Mga ilang mahalagang nabanggit lamang na tulad niyan ang puwede mong maibigay na impormasyon. Huwag mo rin palang kalimutang banggitin kung saan ang palengke, grocery, simbahan at eskuwelahan sa naturang lugar. Anumang makatutulong na payo ay laging ayos lamang.

5. Matapos ang sandaling pag-welcome, nasa personal na pagpili mo na lang kung gusto mo na siyang maging kaibigan. Hindi mo alam sa unang mga hakbangin mong pakikipagkilala ay baka siya na ang maging tunay mong kaibigan.