Ang mainam na epekto sa anak kapag istrikto ang magulang

ni Nympha Miano-Ang - @Life and Style | August 17, 2020

TATAAS ang grades ng anak, magiging disiplinado. Iyan ang mabuting epekto kapag istrikto ang isang magulang depende ito sa estilo ng pagmamagulang. Wala namang perpektong pagmamagulang. Ang dalawang pangunahing estilo ng pagiging magulang ay mapagpayag at mahigpit.

Ang mahigpit na paraan ng pagmamagulang ay iyong pag-iistrikto. Habang ang disadvantages ay iyong maluwag sa lahat ng bagay. At ilang patunay na nagiging istrikto ang magulang ay nakikita hanggang sa kanilang paglaki.

1. MGA SCHOOL ACHIEVEMENT. Isa sa kainaman kapag istrikto ang magulang ay mataas ang standard ng mga bata pagdating sa pag-aaral. Totoo ito pagdating sa academics.

Ang estriktong magulang ay nanghihingi ng magandang marka ng grado sa klase ng kanilang mga anak at ang mga bata ay nagiging mahusay sa klase nang higit sa kanilang inaasahan.

Ang istriktong magulang ay nililimita ang mga masayang aktibidad o mga karanasan ng mga kabataan na nakaaapekto naman sa pag-aaral. Ang ganitong insentibo ay upang higit siyang mag-aral na mabuti at maharap nang husto ang kailangan sa iskul.

2. KUMPIYANSA. Ang pagiging bentahe ng mga istriktong magulang ay nagiging kumpiyansa ang mga bata. Nangyayari ito dahil natutulungan din ang mga bata na matuto ng mahalagang ugali tulad ng disiplina.

Natututunan ng mga bata na dapat silang magkaroon ng tamang pagpili at humusay sa paglutas ng mga problema.

Ang mga kumpiyansa ay nagreresulta sa pagiging independent at marunong magpasya ang mga bata hanggang sa pagtanda.

3. PAGKAMAKASARILI. Sa isang pinahihintulutang paligid ang mga bata ay natututo ng pagkamakasarili. Kapag laging nakukuha ng bata ang kanyang gusto, nagiging spoiled ito.

Ang mga gusto ng bata ay makalamang sa iba pang mga kapatid o kapamilya. Pero ang istriktong magulang ay nagkakaroon ng anak na marunong sa buhay pagdating ng araw.

4. DISIPLINA. Isa sa may benepisyong bagay kapag istrikto ang magulang ay madalas itong nagtuturo ng disiplina. Mainam ito sa mga bata, pero para sa mga may problema sa ugali at iba pang isyu.

Ang mga istriktong magulang ay nagbibigay ng gawaing-bahay at may mahigpit na na alituntunin sa homework, school attendance at iba pang aktibidad at ang disiplina na iyan ay nagtatagal ng habambuhay.

Sa biglaang pagpanaw ng mahal sa buhay..

para tuloy ang unawaan sa pamilya kung walang last will and testament

ni Nympha Miano-Ang - @Life and Style | August 16, 2020

Ang will ay isang legal na dokumento na ipinaliliwanag kung paanong ang indibidwal ay maihahati-hati ang mga ari-arian at iba pang assets para sa mga anak sa panahon ng biglaang pagkamatay ng ama.

Ang taong namatay na walang will ay tinatawag na ‘interstate,’ ibig sabihin ay wala siyang anumang hangarin o guidelines hinggil sa mga ari-arian niya na maibahagi. May iba’t ibang procedures para sa distribusyon ng assets at pagbubuwis. Sa maraming kaso, ang pamilya at korte ay kukuha ng administrator para ma-liquidate ang assets, mabayaran ang mga bill at maibahagi ang mga ari-arian sa mga naiwang kapamilya.

1. BUMUO NG GROUP DECISIONS. Kung walang kasulatan ng pamana, ang buong pamilya at maging iyong close sa yumao ay kailangan nang gumawa ng pasya hinggil sa burol o paglilibing. Mag-usap-usap hinggil sa funeral at burial possibilities. Ang buong pamilya ang dapat na mag-usap para sa pagsusulat ng obituary at mailagay sa diyaryo. Kung ang yumao ay isang beterano, ang pamilya ay dapat kumontak sa local veterans administration para malaman ang tungkol sa burial options ng yumao. Hingin ang pakiusap ng buong pamilya at pagbotohan kung ano ang naaayon. Oras na ang funeral at burial arrangements ay kumpleto na, pag-usapan na rin ng mga pamilya ang tungkol sa mga mamanahin. Dito na nila kailangang magpatawag ng abogado.

2. MAGTIPON NG FINANCIAL STATEMENT AT LEGAL NA DOKUMENTO. Ang mga miyembro ng pamilya ay dapat na magtulungan na ipunin ang lahat ng financial statements, legal documents at benefiary information na available. Dapat nilang rebisahin ang mga dokumento para makita kung ang beneficiaries ay ipinangalan sa isang insurance policy retirement plans. Gumawa ng listahan ng lahat ng beneficiaries, ayon sa available information kabilang na ang account numbers at credit cards. Ang listahan ang magbibigay sa abogado ng tamang ideya sa halaga ng ari-arian at pormal na imbentaryo na makumpleto sa hinaharap.

3. KUMUHA NG SERBISYO NG PROBATE ATTORNEY. Oras na ang buong pamilya ay nakatipon na ng impormasyon, ang piniling kinatawan ay dapat mag-ipon agad ng legal procedures at proceedings. Ipapayo ng abogado na hawakan ang court filings at mga dokumentong kailangan para magpetisyon sa korte para sa administrasyon ng ari-arian.

4. TRABAHO NG ADMINISTRADOR. Ang mga itinalagang administrator ay kailangang sumunod sa procedures ng probate court sa tulong ng estate attorney. Ang court ang mag-aatas sa administrator para makilala at madetermina ang market value ng ari-ariang pinansiyal at iba pang property na pag-aari ng yumao.

Oras na makumpleto ang inventory ng probate assets ay ipina-file ito sa korte. Ang mga probate assets ay mga alahas, art objects, lupain, mga mamahaling koleksiyon, antigo at iba pang kagamitan. Ang sertipikadong tao ay dapat makumpleto ang appraisals at maisumite ang resulta sa probate court. Ang mga non-probate items ay ang mga bahay, kotse at bank accounts na kung may kahati siya rito ay may karapatan siyang ibahagi sa ibang tao.

Kasama rin sa non-probate assets ay ang mga bagay na may pangalan ng beneficiary tulad ng IRS, retirement plans at insurance policies. Maaring marami sa naiwang assets ng yumao ay non-probate assets. Iisa-isahin ng administrator ang report ng non-probate assets para sa buwis.

Oras na ang imbentaryo ay makukumpleto dapat nang ipunin ng administrador ang lahat ng assets. Maaaring gamitin ang assets para mabayaran ang creditors at iba pang bayarin kung saan responsable rito ang yumao. Sa oras ng proseso ng paghahati ng mana, dapat gamitin ng administrator ang mga asset para mabayaran ang iba pang properties, buwis, mga gastos sa ospital at punerarya at administration expertise kabilang na ang attorney o ang appraises fees, probate court costs at bond premiums.

Kung ang creditor ay nag-file ng pag-angkin sa ari-arian, ang abogado ay puwedeng payuhan ang administrator sa procedure na kailangang masunod. Sa ilalim ng direksiyon ng court at payo ng estate attorney, ang administrator ang magli-liquidate ng mga asset kung kailangan at ibahagi ang mga kakayahan ayon sa estado ng ari-arian.

5. PANATILIHIN ANG PAG-UUSAP. At dahil ang mga mamanahin ay nagiging dahilan ng argumento at paghahati sa kalooban ng pamilya, napakahalaga para sa administrador na manatili ang bukas na linya ng komunikasyon sa lahat ng partido na sangkot. Ang paglalaan ng impormasyon, record at paliwanag ng mga kinakailangang proseso sa mga magmamana ay krusyal sa paghahati ng mga pamamanahan. Habang ang lahat ay may sapat na kaalaman sa impormasyon at least maiiwasan ang pagdating ng anumang problema nang hindi pagkakaunaawan.

MAY TUNGKULIN ANG PANGANAY NA LALAKI. Ang magampanan ang papel ng isang yumaong ama ay napakahirap na tanggapin para sa naiwang pamilya, kapwa apektado ang damdamin at sa praktikal na rason ay kailangan mong balikatin ang responsibilidad na iyong ama at mga kapatid bilang panganay na anak na lalaki.

Bagamat walang madaling desisyon sa problemang ito, heto ang ilang tips para matulungan ka at ang buong pamilya sa mabigat na panahong iyan.

1. Dapat may hanapbuhay ka. Ang pinansiyal na tulong sa pamilya ay isang mainam na paraan para maiestablisa ang sarili bilang responsableng panganay na anak at kapatid.

2. Mag-alok na alagaan ang nakababatang kapatid kung hindi na kaya ng ina. Seryoso mong pakinggan ang kapatid. Tulungan silang lumutas ng problema at magkarooon ng tunay na interes sa pagtulong sa kanila habang lumalaki sila.

3. Kumuha ng life insurance policy at gawin mong benepisyaryo ang iyong nanay at mga kapatid. Kahit na bata ka pa, ngayon mo na dapat ipakita at isipin na responsable ka para sa kapakanan ng pamilya.

4. Tulungan ang ina sa paggawa ng desisyon sa pamilya. Pagpaplano ng bakasyon, pagbili ng mga kagamitan at pagpili ng mga alagang hayop maging ang iba pang mga mahahalagang bagay na dating naitutulong noon ng ama. Huwag nang mag-atubiling gampanan na rin ang lahat ng mga gawaing naiwan niya.

5. Gumawa ng mga mahihirap na gawain sa bahay na unang ginagawa noon ng yumaong tatay. Maging ito man ay paghahalaman, paglilinis ng bakuran o pag-aayos ng mga tubo sa kusina at kuryente, mahalaga sa iyo na ikaw na ang gumanap ng mga trabahong naiwan ng ama.

6. Magkaroon ng oras na makausap ang pamilya hinggil sa pagkawala ng ama. Ang pagbabahagi mo ng iyong damdamin hinggil sa sitwasyon ang nagpapalakas sa samahan ninyong mag-ina at magkakapatid.

Dahil sa Oktubre na ang pasukan... Tamang paraan para maturuan ang bata na gumalang sa guro

ni Nympha Miano-Ang - @Life and Style | August 15, 2020

Matinding responsibilidad ang dapat ituon ng guro sa kanilang mga estudyante at kailangan nilang magtrabahong mabuti araw-araw hindi lamang para mabigyan ang kanilang mga estudyante ng akademikong pagtuturo kundi ang maging emosyonal na suporta at gabay.

Napakaraming hindi mabilang na mga kuwento mula sa mga entertainers, pulitiko at mga negosyante kung paano sila nainspira mula sa sarili nilang mga guro at maging hanggang ngayon ay ang mga guro pa rin ang humuhubog sa kinabukasan ng mga bata.

Bilang magulang kailangan mong turuan ang mga anak na gumalang at i-appreciate ang commitment na ipinakikita ng mga guro araw-araw dahil kapag ginawa ito ng mga bata ay rerespetuhin din nila ang iba na may awtoridad tulad ng mga nabanggit at kanilang magiging boss.

1.Ipayo sa kanila kung bakit kailangang igalang ang mga guro. Sabihin kung paanong ang mga guro ay naghahanda ng kanilang aralin upang matulungan nila ang mga estudyante na maunawaan ang matematika, araling panlipunan at Ingles na mas mahusay.

Magbigay din ng kuwento hinggil sa isang guro na nagbigay inspirasyon sa iyo upang maging mabuting tao. Halimbawa kung nahihirapan ka sa isang academic subject at ang iyong Grade 5 teacher ay naglaan ng ekstrang oras matapos ang school time para tulungan ka na makapaghanda sa exam, sabihin kung paano ka niya tinuruan hinggil sa kahalagahan ng pagmamahal sa pag-aaral.

2. Disiplinahin ang mga bata kung hindi sila gumagalang sa guro. Kung sinabi ng principal na ang iyong anak ay nagsalita ng nakaiinsultong komento sa kanyang Biology teacher, samahan ang anak na papunta sa kanyang guro. Pag-uwi ninyo sa bahay, sabihan siya na dahil hindi niya nirespeto ang kanyang guro hindi mo siya ngayon papayagan na makapaglaro sa internet ng ilang araw.

3.Pasulatin siya ng letter of appreciation sa kanilang guro. Sabihan siya na isulat anuman ang kanyang pinakagustong ugali o bagay sa kanyang guro at sabihan siya na magpasalamat sa guro dahil sa katiyagaan ng mga ito na turuan sila, araw-araw.

MABISANG TEKNIK PARA MADALING MAPASUNOD ANG BATA. Ang mga bata ay mga taong may sariling ideya at personalidad. Ang counseling halimbawa ay napakahirap para sa mga bata bukod sa pagpapa-counsel ng adults. Anuman ang inyong layunin, mahalaga na matandaan ang pakikipag-usap sa mga bata ay hindi pareho sa adults. May iba’t ibang counseling techniques na magagamit sa mga bata.

Ipaliwanag ang kanilang mundo. Mahalaga na simulan ang therapy sa bata sa pag-unawa sa kanyang kahinaan. Sa halip na simulan ang pag-uusap sa mga inaakala, simulan sa pagtatanong na ayon sa kanyang lengguwahe. Halimbawa, kung may mga senyales na kalungkutan ang bata dahil sa paghihiwalay ng magulang, sabihin sa kanya na, “Naiintindihan ko kung bakit ka nalulungkot sa paghihiwalay ng iyong mga magulang.”

Mga kalmadong klase ng katanungan, iyong hindi manghuhusga na paraan. Halimbawa, “Temmy, sa iyong palagay, ano sa tingin mo ang dapat na turingan ng mga mommy at daddy?” Kung ikaw ang magiging daddy, ano sa tingin mo ang gusto mo araw-araw?”

Higit na kampante at komportable na ang bata sa kanyang mga sasagutin. Masisimulan na rin siyang makapagpaliwanag nang husto maging sa kanyang personal na sitwasyon na maging bahagi ng kanilang mundo.

Sabihan siya na magdrama kunwari bilang magulang. Siya rin ang magbibigay ng ideya kung paano nagsasalita ang kanyang mommy o daddy. Ang aktibidad ay maaaring parang ganito, halimbawa, “Temmy,mahilig ka ba sa drama?” Puwede bang ikaw ang magbigay ng mga sasabihin na kunwari nasa isang pamilya ka?”

Obserbahan ang anumang emosyon sa pagdeliber niya ng mga linya sa drama. Dito makikita ang kanyang mundo. Ang ‘art therapy’ ika nga ay kagulat-gulat na epektibong paraan ng pag-counsel sa mga bata. Bagamat makatutulong hindi mo kailangang maging sertipikadong art therapist sa counseling.

Higit na gusto ng mga bata ang mag-drawing para ilarawan ang kanyang sitwasyon at pamilya kaysa ang magsalita hinggil sa kanyang nararamdaman.

Simulan na sabihan ang anak na iguhit ang larawan na nagpapakita kung ano ang lagay ng kanyang araw mula sa kanyang pagkagising hanggang sa kanyang pagtulog. Obserbahan ang anumang kaibahan sa oras niya sa bahay at sa labas o nasa iskul.

Kung umaayaw siya ay kausapin nang masinsinan at sabay kayong magdo-drawing.