Paano ba maging superwoman nang hindi nagrereklamo

ni Nympha Miano-Ang - @Life and Style | September 11, 2020

Bilang babae, napakarami nating mga obligasyon sa buhay. Pero tayo ang taong napakadaling magreklamo sa lahat, dakdak nang dakdak. Napakadali ring malungkot at madismaya. Pero tayong mga babae ang pinaka-inaasahan lamang sa mundong ito na maging super heroes at walang karapatang humingi ng tulong sa iba.

1. Bilang babae, kailangan nating maunawaan na ang hindi tayo perpekto. Hindi natin magagawa ang lahat nang mag-isa lamang. Napakaimportante pa rin na ipamahagi mo ang iba mo pang responsibilidad sa ibang miyembro ng pamilya. Tayo sa lahat ang siyang inaasahan na maglilinis ng buong bahay, kahit sa mismong bakuran. Kailangan nating panatilihing malinis ang ating kapaligiran lalo na sa ating tahanan. Mahirap yata ito kung habambuhay na gagawin. Kailangan mo nang katulong.

2. Sige, ilista mo na kung ano ang iyong magagawa sa isang buong araw. Ang hindi mo magagawa ay iwanan mo at iutos mo na lang sa iba. Kung minsan para bang napakahirap pang mag-utos sa iba, makikipagtalo ka pa sa kasambahay para lang matulungan ka na gawin ang hindi mo nagawa. Iyan na ang pagsubok sa iyo. Kaya ang dapat gawin ay gumawa ng chore chart at ipangalan sa isa’t-isa kung kanino dapat nakatalaga ang isang gawain. Sa paraang iyan at least lahat-lahat nagtutulungan.

3.Huwag nang pilitin pa ang sarili kung hindi mo na kayang gawin pa ang ibang trabaho. Isipin na lang mabuti kung sino ang puwedeng utusan para rito. Kung walang susunod sa utos mo, hayaan mo pa rin. Ang chore chart na ang magsasabi kung kanino talaga naka-assign ang naturang gawain. Napakahirap para sa ating mga babae ang ganyang sitwasyon. Kung minsan ang tanging paraan natin para maturuan ang iba na magpaka-responsable ay magmatigas ka. Paano na lang kung matapos silang kumain at itinambak lang sa hugasan ang pinggan at ang kanilang mga damit ay hindi man lang nalalabhan. Hindi mo rin dapat na asahan ang katulong na siyang gumawa ng lahat ng gawain sa bahay kung sabay-sabay siyang uutusan ng buong pamilya. Kaya nga tinawag silang katulong dahil ‘katulong’ n’yo lang sila sa gawaing-bahay, kumbaga, ikaw bilang amo ay may ginagawa ring trabaho sa bahay.

Paano na lang kung darating ang panahon na maninirahan kang mag-isa sa ibang bansa, wala kang gaanong kakilala roon, wala kang katulong, puwes ikaw ang gagawa lahat ng gawaing-bahay para mapaglingkuran mo ang iyong sarili. Maglalaba ka, magluluto, maglilinis ng bahay, mananahi, mamamalengke etc. Kaya ngayon pa lang habang nasa tamang edad na dapat nang matutunan nating kumilos at huwag maging tamad sa sariling bahay.

At sa mga sobrang sipag namang kababaihan sa bahay at alam mong malalaki na ang mga anak at para maging responsable sa kanilang sarili:

a.Huwag mong linisin ang kuwarto ng mga anak kung teenager na sila. Huwag mo na ring labhan ang kanilang mga damit. Hayaan mo silang maging responsable sa kanilang sarili.

Huwag kang masyadong matataranta sa mga gawaing-bahay at maging panatag ka na dapat kung sakaling malalaki na ang iyong mga anak. Hayaan mo silang kusang matuto sa gawaing-bahay.

Base raw sa water, air at earth element.. ang pagbabasa ng ugali sa hitsura mga kamay

ni Nympha Miano-Ang - @Life and Style | September 10, 2020

Kung si Maestro Honorio Ong ay tinitingnan ang guhit ng palad para malaman ang ugali at kapalaran ng isang tao, heto naman ang isang teknik na sa pamamagitan anila ng hitsura ng kamay ng isang tao ay malalaman na kung ano ang tunay na ugali ng bawat indibidwal.

Kunsabagay, maliit, malaki, manipis, makapal, payat, mataba, butuhin, maugat man ang kamay, mahaba o maigsi ng isang tao ay sadyang magkakaiba talaga ang hugis ng ating mga kamay na pareho rin sa pagkakaiba-iba sa hubog ng ating katawan.

Kahit na ang sinasabi rin na ang ating mga mata ang siyang bintana ng ating kaluluwa, ang atin namang mga kamay ang siyang may sinasabi hinggil sa ating personalidad o karakter. Bakit nga raw ba? Ayon sa mga eksperto magkarugtong daw kasi ang isinasaad ng ating utak sa ginagawa ng ating mga kamay.

Sa ninunong mga Gypsies, nadiskubre nila nang sila ay nag-aral sa bawat hugis ng mga kamay hinggil sa sariling elemento (earth, fire, air at water) "para iugnay sa iba’t ibang ugali kasama ang utak na siyang nagpapakilos sa mga kamay, ang naturang hugis ang nagre-reflect sa iyong neurochemistry,” paliwanag ng hand analyst Baeth Davis (handanalyst. com).

Handa ka na ba na matutunan ang sikreto ng iyong sarili ayon sa hugis ng iyong mga kamay? Kung…

ANG PALAD AY KUWADRADO, AT ANG KAMAY AY MAGAGASPANG NA MAIIGSI AT HALF PALM. Ikaw ang tinatawag na earth hand! Kasing tiyak at kasing tatag ka ng mundo, ikaw ang personahe na tapat. Kaya kung may hahawakan ka mang isang bagay hindi mo ito bibitiwan hanggat’ hindi mo ito natatapos. “Ikaw rin ay meditative, introspective ang kalidad ng ugali, "ani Davis. Ang totoo, ang pagkakaroon ng magkakapantay na kamay ay sinasabing ikaw ay masusing nag-iisip, may malawak na sense of perspective kaya 'di kataka-taka na sinusuwag mo ang lahat ng hadlang sa buhay.

IKAW AY MAY MALAKI, PAHABA NA KAMAY, MAHAHABA RIN ANG IYONG MGA DALIRI. Ikaw ay may tinatawag na air hand. Intelektuwal at matalas ang isip, at ang iyong mahahabang daliri “ay halos literal na nakaabot ng lahat ng uri ng kaalaman. Ang totoo, ang iyong kuryosidad ay walang patid," ani David. Bilang isang abstract thinker, ikaw ay mahusay sa tula at kung minsan ay moody ka, magaling kang artist, dahil ikaw ay kompleksito at may mahuhusay na mga mata sa sining, mahusay tumingin ng magagandang bilihin sa market at puwede kang maging designer ng damit. Misteryoso ang isang hangin, kaya masaya kang matuto ng anumang bagong bagay at mas masaya kapag nahigitan mo pa ang iyong kagustuhan.

MAY MALILIIT KANG KAMAY AT OBLONG ANG IYONG PALAD. ANG MGA DALIRI AY SLENDER. Ikaw ay may tinatawag na fire hand. “Ang mga tao na may maliit na mga kamay ay karaniwang nangangarap ng malalaking bagay. Ang totoo, may mga bagay kang gustong matutunan, ani Davis. Sa ibang salita, ikaw ay maraming ginagawa, masipag na klase ng elemento. Para sa iyo, ang mga pagsubok ang siyang nagpapatakbo ng buhay mo. Ang totoo, ang lakbayin mo sa buhay ay tulad ng isang pianista sa konsiyerto na nagtitipa ng pababa at paakyat sa piyesa ng piano, Mabilis, kung minsan agresibo, pero palaging tama at perpekto ang nota ng musika.

ANG PALAD O KAMAY AY MAHABA AT MAKITID. MAY FLEXIBLE NA MGA DALIRI. Ikaw ay matatawag na water hand. Tinatawag ka ng mga palmists na “psychic hand,” sa siyentipikong termino, na ibig sabihin na may malakas kang biswal, highly institution thinker. Ikaw ay mahusay na tumingin sa hindi nakikita, pero may kapangyarihan, pati ang kutob malakas. Sensitibo at makarisma, marami ang nagmamahal sa iyo, mas madali kang makisama kahit kanino dahil naiintindihan mo ang pangangailangan at damdamin ng ibang tao. Dahil sa pleksibilidad ng iyong mga daliri, tinatawag ka nina Davis na “pinagpala dahil magaling kang manghula.” Iyan ang iyong personalidad.

ANG TINATAWAG NA BRAIN/HAND CONNECTION. Ayon sa neurologists, isa sa pinakamainam na paraan para makalikha ng bagong koneksyon sa iyong utak ay gamitin ang mga kamay nang magkakaiba, puwedeng sa pagsukat sa taas o pag-rock climbing o paglalaro ng bagong instrumento bilang musikero.

Kilos ng mga hayop, pahiwatig na may parating na kalamidad

ni Nympha Miano-Ang - @Life and Style | September 8, 2020

Ayon sa may 2,400 na taon nang dokumento, naobserbahan ng mga ninunong Griyego na ang mga hayop kabilang na ang mga ahas at daga ay kamangha-manghang inabandona ang siyudad ng Helice bago pa dumating ang mapangwasak na lindol sa lugar.

Sa kabuuan ng kasaysayan at sa ika-21 siglo, ang mga kakaibang ugali ng hayop na bago pa man ang natural disaster ay patuloy na pinaniniwalaan ayon na rin sa masipag na pagsasaliksik at espekulasyon, pero walang malinaw na makabuluhang rason kung bakit ito nangyayari.

Ang mga domestic animals, tulad ng manok na hindi naman nangingitlog pero putak nang putak, ang baka o kalabas na hindi naman ginagatasan, o mga salagubang na inaabandona ang kanilang bahay pukyutan, ilang araw o minuto bago dumating ang buhawi, malakas na hangin, lindol at maging ang tsunami ay isang batayan para maibalita ang mga magaganap na sakuna.

Ang pinaka-karaniwang abnormal na ugali sa lahat na nagpapakita na may darating na sakuna ay ang aso. Sa gitna ng global studies sa penomena na ito, patuloy ang China na pinag-aaralan ang forecast ng lindol mula sa ugali ng mga hayop.

Pero isa sa Chinese studies ay nakongklusyon na hindi lahat ng lindol ay makikita muna sa kakaibang ugali ng hayop. Ang sensitibidad ng hayop sa geological vibrations at sa electromagnetic changes maging sa atmospheric pressure ay ayon sa siyentipikong batayan.

Pero naging balido ang sensitibidad ng pagiging abnormal sa ugali ng hayop ay nang unang maganap ang mga matitinding sakuna noong 2010.

1. ASO AT PUSA.

Mula naman sa pag-aaral na tinatawag na "Animal Earthquake Project," nagpatuloy si expert David Jay Brown na palawigin pa ang pag-aaral, gawing makabuluhan at saliksikin ang depenidong rason sa kakaibang pag-uugali ng mga nabanggit na hayop bago pa mangyari ang mga ‘di inaasahang sakuna. Sa kanilang findings, iniulat ni Brown na nagtatago ang mga pusa, umuungol ang mga aso at nangangagat ng sariling amo bago pa man na sumambulat ang lindol.

Ang animal behaviorist at may-akda ng “The Naked Ape,” sinabi ni Desmond Morris na ang aso ay madalas na hindi mapakali, maingay, nagpipiksi kapag may walang tigil na kulog. Idinahilan ni Morris na dahil sa ang olfactory senses ng aso ay 10,000 hanggang 100,000 na ilang ulit na mas malakas kumpara sa tao, may tsansang nababago ang kanilang pang-amoy sa hangin bago pa man na ang bagyo at lindol ay darating. Ang mga pusa ay panay ang sipa at urong sa kanyang kainan at tulugan, nagtatago at nagsisiksik sa tagung-tagong lugar bago sumapit ang malakas na bagyo at lindol.

2. PATING.

Ang mga siyentipiko sa Mote Marine Laboratory ng Sasrasota, Florida ay nadokumento na ang 14 na kinabitan ng electronic black tip tag na mga pating na lumangoy sa mas malalim pang tubig ng 12 oras bago maganap ang 2004 buhawi na si Charley at nanalasa sa Gulf Coast ng Florida. Namonitor sa halos apat na taon sa mas mababaw na tubig bago pa ang ‘di pangkaraniwang pag-uga, lahat ng 14 na pating ay hindi na nagbalik sa sea laboratory ng halos dalawang linggo. Inireport ng mga siyentipiko na ang bagong inoobserbahang ugali ng mga pating ay may kaugnayan sa biglaang pagbagsak ng barometer readings nang papalapit na ang buhawi at mananalasa sa lupa.

3. ELEPANTE.

Ayon sa Turner Network News report, matapos ang 2005 tsunami na nagwasak sa kabuuan ng Indian Ocean coastline at pumatay sa halos 200,000 katao, tumutrumpeta ang mga working elephants, pilit kumakawala sa pagkakatali sa kadenang bakal at pilit na tatakbo tungo sa mataas na lugar bago pa man dumating ang tsunami sa dalampasigan ng Thailand. Dalawa sa mga elepanteng kumawala sa kadena ang tumakbo paakyat ng bundok at buong magdamag na umiiyak bago dumating ang tsunami kinabukasan ng umaga.

4. MGA IBON.

Ang mga ibon lalo na noong maganap ang 2005 Indian Ocean tsunami ay biglaang inabandona ang kanilang mga pugad bago pa naganap ang sakuna sa Thailand. Malakas na hagupit man ng buhawi, hangin, lindol at pagsabog ng bulkan, ang reaksiyon ng mga ibon bago maganap ang sakuna ay ang lisanin kaagad ang kanilang mga pugad.

5. KABAYO.

Ang mga karaniwang tahimik na kabayo ay nagpapapadyak, umaangil at gumugulong sa lupa kapag may darating na masamang panahon o lindol. Kapag mas maraming kabayo ang ganito ang ginagawa, tiyak na poporma sila ng paikot at pare-pareho silang natatakot, bilang babala sa darating na delubyo.