Tips sa paghahanda at pagtanggap kung kritikal ang mahal sa buhay

ni Nympha Miano-Ang - @Life and Style | September 23, 2020

Tiyakin na kahit sino sa pamilya ay alam na ang pinakamamahal na pinuno sa pamilya, nanay o tatay ay kukunin na rin ng Maykapal kung sa mga oras na ito ay patawirin na siya sa ospital o kahit sa tahanan. Nariyan na dapat ang tsansa na ipadama na ang pagmamahal sa kanya.

1. Umupo nang mahinahon at kausapin ang mahal sa buhay na naghihingalo. Kung may mga pinagsisisihan o kailangan niyang dapat na malaman na iyong mga itinatagong bagay na kailangan na niya talagang malaman, ito na ang tamang oras para sabihin na ito sa kanila, ipagtapat na. Tandaan na bagamat napakalaki mang kasalanan ito, ( may itinatago ka mang ibang pamilya o mayroon ka mang ibang pamilya sa loob ng 15 taon) kailangan mo nang pakawalan iyan sa iyong dibdib at ipaalam na ito sa kanya, ibulong na ito. Kung hindi mo man gustong sumama ang loob niya noon habang malakas pa siya, ngayon na niya higit na hinihintay ang lahat ng iyan para magkaroon ka ng katahimikan sa iyong kalooban.

2. Hayaang lahat ng mga bata sa pamilya ay makausap ang kanilang loveone na patawirin o nag-aagaw buhay na, kahit man lang sa cellphone at ipaliwanag sa kanila kung ano ang nangyari at kung bakit nasa punto na ng masamang kalagayan ang kanilang mga matatandang lola o lolo.

3. Ipadama o ipaalam sa mga kapamilya na nasa abroad ang tungkol sa kalagayan ngayon ng inyong loveone sa ospital.

4. Mahinahon siyang kausapin at tanungin siya kung ano na ang kanyang nararamdaman, pakinggan ang kanyang mga sasabihin kung natatakot ba siya o mapayapa siya sa kanyang sitwasyon. Kung nagsabi siyang natatakot siya sa kamatayan, tulungan siya sa abot ng iyong makakaya na sabihin na hindi dapat matakot at saka manalangin. Ngunit kung matapang niyang haharapin ang kamatayan, marahil ay mapapayapa ka na rin sa dakong huli.

5. Simulan nang ayusin ang burol at punerarya. Maliban lang kung talagang hinihiling na ito ng minamahal na patawirin. Huwag na itong babanggitin sa kanya.

6. Sabihin sa loved one na naghihingalo na mami-miss mo siya, at madamdaming sabihin na “I love you.” Wala nang pinakamahalagang bagay pa sa lahat kundi ang tatlong salita na iyan.

7. Sabihin sa loveone kung natatakot ka, nalilito o nalulungkot. Ito’y upang masabi niya ang ilang bagay na magpapayapa sa iyong isipan at least makatutulong ang proseso na ito kahit bahagya lamang.

8. Ilang taon din ang magdaraan, unti-unti na kahit ang paboritong kulay na lamang, paboritong minatamis at pagkain ang siyang magpapaalala sa iyo.

9. Kaya tiyakin na sinuman sa inyong mahal sa buhay ngayon ang patawirin, sabihin na lahat sa kanya ang gusto mong sabihin. Huwag ka nang mag-alinlangan.

10. Tipunin na lahat ng miyembro ng pamilya sa isang silid at gunitain ang mga pinagsamahan ninyo at pasayahin siya sa ilang sandali na iyan sa pamamagitan ng mga kuwentong masasaya noong sama-sama kayo sa ilang okasyon. Lahat ay may alaala tungkol sa loveone, nakangiti, tumatawa habang naalala ninyo iyon. Napakamapayapa ng alaala kung gugunitain, kung nakapalibot sa kanya ang loveones lahat sila naipadarama nila ang pagmamahal ng lubos sa kanya.

11. Sige umiyak ka lang, huwag mong pipigilan kung maiiyak ka sa harapan ng patawirin mong ina o ama. Kung kailangang umiyak, ilabas mo ito.

Dapat gawin para ‘di ma-offend ang kausap ‘pag tinapos ang boring na usapan

ni Nympha Miano-Ang - @Life and Style | September 22, 2020

Isa na namang nakababagot na pag-uusap ang nakaharap mo? Paano ba tatapusin ng tapat ang sitwasyon na ito?

1. MAKINIG sa anumang naririnig na naka-iinteres. Kahit na ang bagay ay hindi mo paboritong paksa, kailangang manatiling makinig at makipag-palitan ng ideya.

2. KUNG talagang bagot ka, maglaan ng oras sa usapang ito, pero hayaan mo lang na lumipad ang isip mo.

3. MAGSALITA kung magagawa mo at magmukhang interesado. Madalas, ang tono ng boses ay nagsasaad kung gaano ka kabuti. Masasabi mo ang pinakamagandang mga bagay, pero kung hindi tama ang tono, pangit iyan.

4. Tingnan ang nagsasalita sa kanyang mata. Ipinapakita nito na ikaw ay interesado. Kung gagawin mo ito, iisipin ng tao na interesado ka.

5. PALITAN ANG PAKSA. Gawing pareho pa rin ang usapan, o makinig sa isang bagay sa paksa na puwedeng maiba ang pag-uusapan. Halimbawa, tungkol sa gulo sa Mindanao ang usapan, puwede mong palitan sa usapang giyera sa kabuuan. Makatutulong ito para makapagpatuloy ng usapan.

6. Palagiang tingnan ang tao sa kanyang mga mata. Minsan kahit ilang oo lamang ang puwede mong isagot para magmukha kang interesado.

7. Para maiwasan ang nakaka-boring na tao, huwag magbanggit ng kahit ano tungkol sa sarili, o kahit na ang magkuwento ng kung anu-ano. Putulin na ang mga ‘di mahalagang detalye. Kung may nakababagot mang tao, mag-excuse na, pero huwag tagalan ang pagtalikod. Sabihin gaya ng, "Excuse me, lagyan ko lang ng laman ang baso ko” o kaya, "Kukuha lang ako ng pagkain.”

8. Mabilis lang naman mapalitan ang paksa ng usapan. Iyong malayo sa unang pag-uusap. Puwedeng ang kaso ni Willie Revillame ang pag-usapan para maiba naman. Kung bagot na sa usapan ang kausap, palitan na ng iba ang topic.

9. Huwag haluan ng tsismis ang usapan. Kung magsisimula kang tsumismis. Ipinakikita nito na boring ka at di maganda ito.

10. Ang pagpapalit ng paksa sa isang nakababagot na boses ay di mainam. Palitan ang paksa sa isang matapat na tono ng boses.

Ugali ng tao, buking sa kanyang paglalakad

ni Nympha Miano-Ang - @Life and Style | September 21, 2020

Sinasabi ika nga na ‘actions speak louder than words’ at isa na nga sa iuugnay nating bagay na iyan ay ang paraan ng iyong paglalakad.

“Maging ikaw man ay parang robot na maglakad, nagsu-swing ang mga kamay o padausdos na lumakad, sa paraan ng iyong paglalakad, ay isang madaling impresyon sa iyong kasalubong o sa sinumang makakakita sa iyo bago ka pa man na magsalita,”ani body language expert Bonnie Hughes.

Diskubrehin anuman ang iyong sinasabi sa mundong ito sa paraan ng iyong paglalakad ay piliin lamang ang pagkakakilanlan sa ibaba na siyang may kaugnayan sa iyong personalidad. Baka magulat ka anuman ang maisasaad nito hinggil sa iyo.

PATINGKAYAD. Ang paglalakad na akala mo may spring ang paa ay indikasyon ng magandang kalusugan at may masayang disposisyon sa buhay. Higit na atraktibo ang ibang tao sa iyo dahil sa iyong likas na abilidad na pataasin ang espiritu ng iyong pagiging positibong mga pananaw sa buhay.

KUMAKAMPAY PA ANG MGA KAMAY – Ang pagkampay ng mga kamay habang naglalakad ay indikasyon ng paghingi ng atensiyon habang gusto niyang masolo ang isang espasyo. Ang mga taong hindi gumagalaw ang kamay habang naglalakad ay mahiyain at takot na makapamahiya ng iba.

NAKALAHAD ANG PALAD. Kung papalapit ka sa ibang tao na nakatalikod ang mga palad, indikasyon ito ng iyong mahiyaing personalidad. Pero kung nakalahad at parang sumesenyas ng stop ang mga palad, mapagkontrol ka sa ibang tao.

KUNG PARANG KUBA NA MAGLAKAD. Kapag medyo bagsak ang balikat, mababa ang tingin ng mga mata at mabagal na maglakad ibig sabihin nito ay insecure ka. Pero kung ang iyong balikat ay nakadiretso at nakatingala ang ulo, sobra kang kumpiyansa.

HITSURA NG MGA KAMAY. Kapag ang iyong hinlalaki ay nakatago sa iyong kamay o nakakuyom ito ay indikasyon ito ng kahinaan. Ang mga nerbiyosong tao ay laging nakapamulsa ang mga kamay o habang ang hinlalaki ay nakasabit sa sinturon ay sobra siyang stress.

MABILIS NA PAGLALAKAD. Ang paglalakad ng mabilis ibig sabihin, ikaw ay sobrang agresibong tao, mabilis na mag-isip, pero sa kabilang banda may indikasyon din na anuman ang iyong ginagawa ay hindi mo natatapos kahit nakapagsimula ka na.

NAKALIYAD ANG DIBDIB. Ikaw maaari ang taong gustong magpa-impress sa mga kababaihan o kaya naman ay magpalaki ng dibdib sa harap ng kalalakihan. Naglalakad ka sa isang silid na parang isang nagmalalaking tigre ito’y para magmukha kang malaki at matipuno.

MAINGAY NA PAGLALAKAD. Ang paglalakad na nauuna ang tunog ng takong ng sapatos ay parang nagmamadali ka sa iyong buhay. Ang mabagal at alinlangan na mga hakbang ay indikasyon na ikaw ay maalalahanin na tao na laging may malasakit sa iba.

PAREHO KAYO NG HAKBANG NI SWEETIE. Napapansin mo ba minsan na kapag magkasabay kayo ng sweetheart mo ay halos pareho kayo ng galaw ng mga kamay at paa? Ito ay indikasyon ng isang solidong ugnayan. Ang mag-sweetheart na hindi ganito ay maaring may tulay pang naghahati sa kanilang samahan.