Kulay ng buhok at sulat-kamay, may clue ng iyong sikretong lakas

ni Nympha Miano-Ang - @Life and Style | October 5, 2020

Maaari kang magulat at malaman na ang iyo palang kulay ng buhok o mga kamay na panulat ay makapagbibigay ng isang matinding clue sa iyong itinatagong talento.

Ang rason? Natuklasan ng mga mananaliksik na may kaugnayan talaga ang intelektuwal at emosyonal na karakter ng tao sa kanyang pisikal na katangian.

Basahin para madiskubre o ang sikretong lakas na natatago sa iyong kabuuan.

1.KUNG ITIM AT MAY HALONG BROWN ANG IYONG BUHOK. Ikaw ay maalaga at malambot ang damdamin sa kapwa o sa hayop man. Kinumpirma sa research na dahil sensitibo ka sa lamig, kung kaya nais mong laging may kayakap. Kaya naman gustung-gusto mo na laging kasama ang buong pamilya at mga kaibigan na lagi kang maaasahan.

2.KUNG HALOS BLONDE NA ANG BUHOK MO. Ikaw ay mainit at makarisma. Tulad na rin ng mga babaeng Europeans, nagkaroon lang sila ng blonde hair nang matapos ang Ice age, 11,000 taon na ang nakararaan. At dahil ang buhok ay umiitim sa katagalan, ang matingkad na kulay na ito ay iniuugnay sa ugali ng kabataan. Kaya kapag ikaw ay nagpa-blonde ng buhok, ang tendensiya ay nagpapakita ka ng karisma, lambing at parang bata sa iyong ugali. At dahil ganyan nga ang iyong ugali, ang iyong masayahing ugali ang kukumpirma na rin dito.

3.KAPAG SUMULAT AY KALIWETE. Ikaw ay super versatile thinker. “Ang iyong corpus callosum – ang tula na nagtatagni sa kanan at kaliwang bahagi ng utak, ay mas malaki kaysa sa right handed, nagagawa mong masagap at makuha nang mabilis ang impormasyon,” paliwanag ni Ruth Propper, PhD., ng Merrimack College. Bilang resulta, maipagyayabang mo ang matatag mong solidong memorya. Sa kanang bahagi na sumasagap ng bagong impormasyon ay higit na aktibo sa kaliwete. Sa madaling salita, para sa iyo ang bagong ideya ay parang potato chips, hindi ka kuntento sa isa lamang kundi sunud-sunod ang iyong nguya.

4. RIGHT-HANDED. Ikaw ay matulain. Pinangungunahan ka ng lohika at lengguwahe na namamayani sa kaliwang bahagi ng iyong utak, kaya mong maglabas ng plano na tulad ng isang heneral at isinasabuhay na parang poet. Dahil sa brain chemistry na ito, magaling kang mag-analisa at masalita. Habang imahe at tono lamang ang kanyang sagapin ng mga kaliwete, daig mo naman sila pagdating sa pagsulat at pag-analisa kung kailangan.

5. ITIM ANG MGA MATA. Magaling magpasya. Magagawa mong magpasya sa isang kisap-mata. Ang pruweba? Sa pag-aaral ng University of Louisville, natuklasan ni Joanne Rowe, isang researcher na ang mga taong itim ang mga mata ay madaling mag-isip at maasahan.

6. BROWN ANG MGA MATA. Isa kang artistikong tao. Higit na madaling maging ideyalistiko o mag-isip ng mga malikhaing bagay ang taong brown ang mga mata.

10 pangunahing mali sa kalusugan ng isang lalaki

ni Nympha Miano-Ang - @Life and Style | October 4, 2020

1. Labis na alak.

Bagamat ang mga kababaihan ay marunong na ring uminom ng alak ngayon, pero lalaki pa rin ang siyang pinakamalakas na tumoma at dahil diyan mas mataas pa rin ang antas ng alcohol-related deaths at pagkakaospital ng mga lalaki dahil sa kalasingan. Ang pag-inom ng alak ay hindi lang nakaapekto sa mahabang panahon sa kalusugan kundi bibilis din ang pagtaba at pagbigat ng timbang ng lalaki. Para maingatan ang kalusugan, mahalaga na manatili sa patikim-tikim lang na inom ng alak.

2. Ang pag-iwas na magpatingin sa doctor.

Sa pagsasaliksik, sa men’s health forum, lumabas na ang kalalakihan ay 20% na ayaw na bumisita sa doctor, sa kabila ng katotohanan na mas maigsi diumano ang buhay nila kaysa sa kababaihan at mas medaling magka-cancer. Habang ang pagbisita sa doktor ay bihirang nakarerelaks na karanasan, pero kapag naagapan ang isang sakit ay mas mainam kapag na-diagnose nang mas maaga, kaya huwag nang balewalain ang sintomas na ito at magpa-doktor na.

3. Ang pagbabalewala sa pagsusuri sa sarili.

Tulad ng pagbisita sa doktor, maraming lalaki ang umiiwas na gawin ang kailangang health self-checks dahil natatakot, tumatangging baka peligroso na ang kalagayang kalusugan o nalilito na sa gagawin. Gayunman, mahalaga pa rin na masuri ng lalaki ang sarili nang regular lalo na sa nakaambang testicular cancer o nagsisimulang sakit, lalo na ang nasa middle-age men. Kung di ka tiyak kung paano susuriin ang sarili, bumisita sa website para makita ang tips na kailangan laban sa anumang nararamdaman.

4. Dinidibdib ang lahat ng bagay.

Sa kabuuan, mas maramdamin ang lalaki kaysa sa babae at hindi nagsasalita kumpara sa kababaihan na mapaglabas ng damdamin, nagpapahayag ng emosyon o humihingi agad ng tulong at suporta. Kaya naman, ang lalaki ang siyang unang nada-diagnose ng depresyon at 77 percent na nagpapatiwakal.

Ang mga depressed na kalalakihan ay dobleng bumaling sa alak at pagdo-droga. Ang pagtatago ng galit ay delikado sa kalusugan ng lalaki, kaya tumataas ang peligro na atakihin sa puso.

5. Nai-stress agad sa trabaho.

Ang babae at lalaki ay parehong hantad sa workplace stress, ayon sa survey ng 3,000 manggagawa, apat na beses ang lalaki kaysa babae na umabsent sa trabaho dahil sa work related stress at doble rin ang pagkahaling sa alak.

At dahil sa workplace stress na matindi, nade-depressed siya, nagkakasakit sa puso at nai-stroke, mahalagang humanap agad ng pampagaan ng damdamin at maalis ang stress, kausapin ang boss, magbago ng trabaho o maghanap ng propesyonal na tagapayo.

6. Hindi nagsesepilyo ng ngipin.

Ayon sa pag-aaral, tanging 66 percent ng lalaki ang nagsesepilyo ng ngipin ng twice a day kumpara sa 86 percent ng mga babae. Natuklasan din sa research na ang mga babae ay twice na regular ang dental checkups kaysa sa lalaki. Ang kabiguan na magpa-dentista ng lalaki ay masama sa ngipin at gilagid, ayon pa rin sa research na ang gum disease ay nagpapaangat sa peligro ng sakit sa puso at dementia.

7. Nagpapainit pa ng pampaligo.

Nae-enjoy ng maraming kalalakihan ang pagbababad sa tub, pero iyong gustong magkaanak kaagad, iwasan ang matagalang hot bath o hot showers. Sinabi sa research ng University of California, sa tatlong taon nilang pag-aaral na ang madalas maligo nang mainit ay nakapagpapabawas sa pertilidad ng lalaki. Katumbas nito ang matagal na paggamit ng laptops.

8. Hindi paglalagay ng sun cream o lotion.

At dahil karamihan sa lalaki ay hindi gumagamit nito kapag nahahantad sa araw, sila ang madalas na magkasakit ng cancer sa balat. May 52 % sa kababaihan ang gumagamit ng sun cream habang 37% lang ang sa kalalakihan. Sila kasi ang madalas sa mga outdoor sports, sa construction site o iba pang lakwatsa kaya dapat laging protektado ng mahahabang damit ang kanilang balat lalo na kapag nasa arawan at magpahid ng sun cream bago lumabas ng bahay.

9. Masamang bathroom hygiene.

Naghuhugas ka ba ng kamay matapos magbanyo? Ayon sa pag-aaral ng American Society for Microbiology and the Soap and Detergent Association, isa lang sa tatlong kalalakihan ang hindi! Yaaakkk! Natuklasan din na 1/3 ng mga lalaki ang naghuhugas ng kamay na may sabon. Ang hindi paghuhugas ng kamay ang pinakamabilis na paraan sa paglaganap ng mikrobyo at impeksiyon, kaya protektahan ang kalusugan ng loveones sa pagtiyak na nakapagsabong mabuti ng kamay bago lumabas ng banyo.

10. Pagkain ng fast food at pagkain sa higaan.

Sa ngayong kultura ng pagkain, marami ang conscious na sa kanilang timbang at umiiwas sa sobrang junkfood at partikular ito sa kalalakihan. Sa isang research, 47% ng lalaki ang kumakain sa fast food restaurant ng at least weekly, kumpara sa 35 percent ng babae. Sa rami ng asin na nakokonsumo ng katawan masama ito sa kalusugan kumpara sa home-cooked meals. Mahilig din silang kumain ng chichiria habang nanonood ng TV kaya naman nilalanggam ang kanilang puwesto at nagkakaroon sila ng kati-kati sa katawan.

Ngayong World Teacher's Day... 5 paraan para magpasalamat kina Ma'am o Sir

ni Nympha Miano-Ang - @Life and Style | October 3, 2020

Itinakda ng United Nations Educational, Scientific and Cultural Organization (UNESCO) ang World Teachers Day bilang pagdiriwang ng pinakamahalagang kontribusyon ng guro sa buong mundo.

Sa Estados Unidos ay idinaraos nila ito ng Okt. 5 pero Okt. 6 sa Pilipinas taun-taon buhat noong 1994.

Ang World Teachers' Day ang nagbibigay ng pagkakataon sa lahat na pasalamatan ang mga guro bilang mga propesyonal na may malaking bahagi sa buhay ng mga mag-aaral na mahubog ang kanilang talent at galing sa paaralan.

Sa pagbibigay ng ilang sandali na paggawa ng liham, gumawa ng espesyal na cake o pagbibigay ng bulaklak, puwede mong maipaalam sa iyong guro na binibigyang halaga mo ang pagiging bahagi nila sa buhay mo bilang mag-aaral o bilang matiyagang tagapagturo ng iyong mga anak.

1. SUMULAT.

Hikayatin ang mga mag-aaral na gumawa ng liham kung saan isinasalarawan nila ang kanilang mga ‘di malilimutang alaala maging ang kanyang pag-uugali kung paano niya tinutulungan nang matiyaga para sa bagong mga kaalaman ang kanyang mga estudyante. Ang mga paslit na mag-aaral ay puwedeng mag-drawing ng larawan na nagpapakita ng mga mahahalaga niyang alaala. Kung matagal ka nang wala sa classroom o matagal ka nang hindi nag-aaral,konsiderahin ang pagsulat sa dating guro na siyang pinaka-espesyal na guro sa iyong buhay. Kontakin ang dating eskuwelahan para alamin ang kanyang kasalukuyang address o email address o kaya ay pangalan niya sa facebook o chat messenger o sa iba pang social media page.

2. ISUOT ANG KANYANG PABORITONG SUMBRERO, SCARF O T-SHIRT.

Dahil ang mga guro ay may mga paboritong sumbrero at t-shirts, hikayatin ang mga kabataan na magsuot ng kanilang mga ‘di makakalimutang t-shirt at sombrero na dati nang naisuot noong panahon na kasama nila ang kanilang guro sa isang event. Upang mas maging masaya pa, puwedeng magdaos ng schoolwide parada o rally para muling maisuot ang shirts at sombrero na nagpapaala ng dating mga aktibidad na nakasama ang iyong paboritong guro pero dahil bawal pa ang pagtitipon ay kahit sa zoom o video chat na lamang ninyong ipakita ang inyong pag-aalala sa kanya.

3. AGAHAN O TANGHALIAN.

Ang mga magulang ay puwedeng mag-organisa ng agahan para sa mga guro para maipakita ang kanilang pagpapasalamat sa kanilang papel sa buhay ng mga bata. Hilingan ang mga magulang na magbigay kontribusyon para sa ipadedeliber na tinapay, juices o kape, prutas at iba pang pagkain sa inyong pinakamamahal na guro. Ang iba pang estudyante ay maaaring magpaabot ng mensahe at magpadala ng pagkain sa kanilang teacher, mga artwork o bulaklak na ikatutuwa niya. Konsiderahing tanungin ang bawat estudyante na magbigay kontribusyong mga pangungusap sa pagsasalarawan sa guro na titipunin at babasahin sa oras na maka-video chat siya.

4. INTERNATIONAL THANKS BANNER.

At dahil ang buong mundo ay nagdiriwang ng World Teacher’s Day, magwika ng maraming iba’t ibang lengguwahe kung maaari. Lumikha ng isang malaking banner at mag-drawing ng isang malaking globe o mapa na may disenyo. Humanap ng estudyante (o magulang) na nakapagsasalita ng iba't ibang lengguwahe at sumulat ng “Salamat”sa pamamagitan ng iba’t ibang lengguwahe, tulad ng “Merci, Gracias” sa mas malaking letra sa naturang banner. Hikayatin ang bawat estudyante na sumulat ng kani-kanilang mensahe at pasasalamat na rin (ayon sa lengguwahe na kanilang sinasabi) sa pamamagitan ng video chat.

Ang maliliit na eskuwelahan ay maaaring magsabit ng banner sa entrance ng eskuwelahan. Ang malalaking iskul naman ay maaring gumawa ng banner kada grade level at isabit ito sa cafeteria o auditorium sa iskul, i-video o piktyuran para makita niya sa social media account niya.

5. FLOWER BOUQUET.

Hikayatin ang bawat estudyante na mag-ambag para sa ipadedeliber na bulaklak, kahit anong uri sa araw na iyan. Puwedeng magsuhestiyon ng iba't ibang uri ng bulaklak na paghahaluin sa isang bouquet at alamin din ang paboritong bulaklak ng guro para mas maging masaya siya at maging memorable sa kanya ang araw na iyan kahit sa panahong ito ng pandemya.