Para mas maganda ang pamasko sa iyo ng boss mo, paano siya mapa-impress

ni Nympha Miano-Ang - @Life and Style | November 15, 2020

Kung nais mo naman na maging maganda ang iyong Pamasko mula sa boss mo, heto ang mga dapat gawin para mapa-impress mo siya.

Kapag nagkaroon ka ng bagong trabaho, siyempre unang-una na riyang gusto mong mangyari ay mapabilib mo siya.

Iyong tipong lahat ng trabaho ay sinasang-ayunan niya at ipakita sa kanya na maasahan ka at masipag na indibidwal. Para mapabilib ang boss, may ilang mga bagay na magagawa ka.

1. IBIGAY ANG LAHAT NG MAKAKAYA O MAGAGAWA. Gumawa ng mga aktibidad na “normal” na para sa iyo tulad ng maagang pagpasok sa trabaho at kung minsan ay nagboboluntaryo ka o tumutulong kahit na day off mo at napasyal ka sa trabaho. Ugaliin na huwag iiwan ang trabaho hangga’t hindi tapos.

2. IPAKITA ANG IYONG KAALAMAN. Sa iyong bakanteng oras, mag-research hinggil sa kumpanya. At least kapag nabanggit ng boss ang plano ng kumpanya, aktibidad o iba pang proyekto, at least may malinaw ka nang pagkakaunawa sa paksa. Ang iyong kaalaman at komento sa usapan ang siyang magpapabilib sa iyong boss.

3. MAGING ISANG TEAM PLAYER. Napakahalaga nito sa lahat, ito ay magandang pakikisama o pakikisalamuha mo sa katrabaho at maging matulungin sa lahat ng bagay at paraan. Kapag kailangan ng kapwa mo katrabaho ang tulong o may itatanong sila, dapat handa kang tumulong. Magmalasakitan kayo at ipakita ninyong sa sama-samang pagtutulungan sa trabaho ay kayo rin ang may magandang mapapala pagdating sa pagbibigay ng umento o pabuya ng boss.

Lalo na ngayong magpa-Pasko, dapat nang isaalang-alang na huwag nating bibigyan ng anumang problema, sakit ng ulo ang ating mga amo. Sila ang unang-unang mga tao na magbibigay ng magandang biyaya sa inyo at magsisilbing Sta. Claus ngayong Pasko at wala nang iba pa.

Hindi ba’t napakasaya sa damdamin at kalooban na kapag naumentuhan ka, nadoble ang bonus at 13th month mo ay doble ring saya ang mararanasan ng buo mong pamilya. Tandaan n’yo ‘yan!

4. ALAMING MABUTI ANG MGA PRAYORIDAD NG BOSS. Kung anuman ang prayoridad ng boss ay dapat iyon din ang iyong maging panuntunan kahit na hindi ideal o lohikal ito. Kung nais ng boss na tapusin na ang financial statements ng ASAP kada buwan, gawin agad ito, ito ang unahin mo. Ipakita at ipadama sa boss ayon sa iyong trabaho na ang kanyang prayoridad ay sobrang napakahalaga sa iyo.

5. BIGYANG PUNTOS ANG IYONG MGA ACCOMPLISHMENTS. Marami nang mga aktibidad ngayon ang bawat kumpanya, kung sa tingin mo ay nagawa mong makalahok sa mga social events, charitable works at iba pang sports activities at isa man lang dito ay may napagtagumpayan kang magampanan at napatunayan mong karapat kang magbigay ng karangalan sa kumpanya at ikaw at ang iyong mga katrabaho na involve din sa mga aktibidad na ito ay tiyak na mapapabilib mo ang boss mo.

6. MAGING SINSERO O TAPAT KA IYONG TRABAHO. Maraming factor kung paano ipakikita ang maging tapat sa boss, dahil pagbali-baligtarin mo man ang salitang TAPAT ay TAPAT pa rin kung talagang siya ang empleyado na hindi bias, nasa tama ang oras ng pagpasok sa trabaho, hindi mang-iintriga at gagawa ng tsismis at higit sa lahat iwasang manlaglag na kapwa empleyado dahil tiyak na lahat ng katrabaho ay magsisimulang magalit sa iyo.

Paano maging mautak bago pa dumating ang kalamidad

ni Nympha Miano-Ang - @Life and Style | November 14, 2020

Ang artikulo na ito ay magbibigay sa iyo ng ideya at tips kung pano ka maghahanda sa hagupit ng kalamidad.

1. Ang tsansa anuman ang kahihinatnan sa pagharap ng anumang hagupit ng kalamidad o krisis sa iyong buhay ay dapat na maging malakas ang iyong loob at mautak ka. Kaya kung tutuparin ang ilang simpleng hakbangin higit kang preparado na maharap ito.

Ang iyong kailangang gawin ay humanap ng ligtas at tuyong lugar sa iyong bahay para mailagak ang ilang napakahalagang bagay. Kabilang na ang dry foods na mahaba ang buhay at iba pang pagkain na at least magtagal ng isang buwan. Ilang water cooler bottles ng fresh drinking water. Radyo at baterya at dagdag ang mga bagay na gaya ng flashlights, medical kit at iba pang karaniwan na disaster preparation items na mailalagak sa isang kahon sa isang ligtas na tuyong lugar sa bahay.

2. Ang susunod na bagay na gagawin ay maghanda sa sitwasyon sakaling isa man sa tubig o kuryente ang maputol ang suplay. Bumili ng heater na de gas. Sakaling malamig man ang gabi dahil sa baha, may alternatibo kang pagkukunan ng pampainit ng paligid. Ang isang pangunahing bagay na dapat ihanda ay iyong mga puwedeng maputol ang suplay para hindi lamigin dapat ay may de bateryang heater at hindi magka-hypothermia dahil nababad ka sa tubig ulan at hindi lagnatin.

3. May nakalaan kang financial back up plans. Hindi dapat lahat ng pera mo ay nasa bangko, dahil ang mga lekat na bangko kung minsan kapag apektado rin ng kalamidad o baha ay hindi gagana ang mga computers lalo na ang ATM machine. Mahihirapan kang lalo dahil wala kang pera. Kaya mainam ay mayroon kang safe deposit box. At iyan ang pangunahin mong iligtas at diyan ka maaaring makahugot ng cash. Pinakamahalaga na rin ay magkaroon ng paglalagakan ng pera na isang malit na fireproof at waterproof na kahon. Ilagay na ito sa isang lugar na walang ibang nakakaalam, at doon ilagak ang pera. Kailangan mong magtago ng pera at kailangan mo ng cash kapag dumating ang isang hindi inaasahang mga kalamidad at pati mga bangko ay sarado, inabot din ng baha pati ang mga ATM machine. Isa pang bagay na dapat mayroon ka ay credit card na may mataas pang balance o line of credit. Ito pa rin ang magiging alternatibo mong pagkakagastahan kung sakaling kailangan mo ito.

4. Ang gasolina ay isa pang napakahalagang item na dapat ikonsidera. Ang magkaroon ng tsansa na makapagluto sa isang stove na pang-camping fuel o propane gas ay mahalaga. Ang magkaroon ng ilang malalaking container ng gasolina na nakalagak nang ligtas sa iyong garahe ay isang magandang ideya. At least magtagal ka man sa isang bahay ay magagamit pa ito ng isang buwan.

5. Kung wala kang bisikleta, dapat mayroon ka nito. Kahit di ka marunong, subukan mo na. Sakali kasing may kalamidad, walang gasolina na mabili, at least may tsansa kang makarating sa malayu-layo ring lugar. Ang totoo, kung ang sitwasyon ay seryoso, puwede itong magamit, kumpara sa paglalakad lang.

6. Isa pang simpleng bagay na magawa para makapagsimula ng sideline business. Kung ayaw mo ay ayos lamang, pero kahit paano ay humanap ka ng isang bagay na magagawa mo sakaling mawalan ka ng trabaho o walang operation ang inyong kumpanya dahil sa naapektuhan din ng kalamidad. Sabihin na nating papasok ka bukas para magpunta sa trabaho, pero naka-lock ang gate at lubog sa baha ang pabrika na iyong pinapasukan. Ngayon ay ano na? Kung wala kang alternatibong paraan para magkaroon ng pera maaari kang maghanap sa panahon ng krisis. Kaya humanap ng mga trabaho sa paligid-paligid tulad ng paglilinis ng ibang bahay, pagwawalis sa loob ng bakuran, mag-aalis ng putik, floor installation, pagpipintura, paghahardin, yaya, delivery boy, tagaluto, tagapaglaba etc. At least nawalan ka man ng trabaho mayroon pa ring paraan. Paano pa kakasya ang pera mong nakatago ng personal at perang nasa bangko kung wala ka nang trabaho?

7. Kung hindi mo kaya na kumuha ng panibagong bahay at hindi mo naman kayang umalis sa lugar na iyan ng mga naapektuhan ng landslide o pagbaha dahil sa malapit sa ilog o lawa, puwede n’yo pa namang buuin ang inyong bahay pero instalahin n’yo rin ang iyong heater para hindi kayo ginawin. Maglaan ng pagkain at tubig.

8. Ang iba pang mahalagang konsiderasyon ay: Ano ba ang status ng iyong insurance, mga bagay na gaya ng bahay, sasakyan, life insurance etc. Saklaw ka ba nito kahit na hindi kayo binaha ng 50 taon? May medical emergency number ka rin dapat ng iyong doktor.

Magkaroon ng safe na lugar sa bahay para makaligtas sa mga pagbaha

ni Nympha Miano-Ang - @Life and Style | November 13, 2020

Kahapon ay matinding pagbaha at malakas na hangin ang humagupit sa bansa bunga ng bagyong si Ulysses. Tulad niyan, hindi natin alam lahat kung kailan darating ang isang kalamidad, natural calamities man o ito gawa ng ibang tao na siyang mangyayari kaya dapat tayong maghanda. Ang isang mainam na pagsisimula ay lumikha o magkaroon ng isang “ligtas na silid” o lugar sa inyong bahay para mapaghimpilan sa oras na manalasa ang kalamidad tulad ng pagbaha.

1. Libutin ang buong bahay o ang iba pang lugar diyan sa inyo. Tanungin ang sarili, ano ba ang siild na puwedeng magkasya ang buong pamilya (kabilang na ang mga alagang hayop). Isang cabinet o mataas na taguan o storage rooms na maaring magkasya ang lahat ng inyong kailangan maging ang tao ay puwedeng magkasya at mamalagi roon. Ayon sa mga eksperto, ang isang maliit na interior room na nasa mas mataas na lugar ay mas mainam na piliin. Ito ngayon ang siyang dapat na piliin.

2. Kung may isa kang isang silid na kayang magawa ito. Ngayon pa lang kumuha ka na ng contractor na magdagdag sa inyong bahay ng isang ligtas na silid na puwede ninyong takbuhan o akyatin sa oras ng pagsalanta ng mga kalamidad tulad ng pagbaha o flashflood. Ang ilang silid ay puwedeng maging prefabricated at maaari na itong maidagdag sa inyong bahay bilang isang safe room sa panahon ng sakuna. Para sa prefab safe rooms, mas mainam na ito ang piilin dahil karaniwan na ang isang pagpapagawa ng silid ay aabot halos ng isang linggo o dalawang linggo bago matapos. Karaniwan na presyo ng gagastusin sa ganito ay nasa P150,000 o higit pa.

3. Kung ikaw mismo ang marunong mag-construct ay puwede mo nang papelan ang pagpapagawa at ayos na kung may isa o dalawa kang katulong sa pamilya. Siguraduhin mo lang na matibay ang mga materyales na gagamitin at hindi basta bumibigay sa pananalasa ng malakas na agos ng tubig.

4. Kumuha ka na rin ng building permits kung kailangan sa inyong subdivision o lugar para sa panibagong konstruksiyon.

5. Kung nakatira ka sa binabahang lugar, pero ang isang ligtas na silid ay hindi ka nakasisiguro sa lugar na ito na magbibigay sila ng tamang proteksiyon. Ipinapayo na mag-evacuate na kaagad kaysa ang lumusong sa tubig-baha at pumunta man sa iba pang lugar.

PARA MAS MADALI KAYONG MAGKITA NA MAGPAPAMILYA AT HINDI KAYO MAGKAKAHIWA-HIWALAY SA ORAS NG SAKUNA

Matapos ninyong makaligtas sa sakuna, gusto mo ngayong malaman kung ligtas ang mga mahal sa buhay na nagsisikap ding makaligtas at kayo’y magkahiwa-hiwalay na rin lang sa naturang sakuna. Napakaraming nakakikilabot o mabigat sa kalooban ng mga kuwento na nagkawalay ang mga mahal sa buhay sa mga oras na kailangan nilang magtulung-tulong sa ganitong pagkakataon.Maiiwasan ninyo kahit paano ang ganitong senaryo kung ngayon pa lang ay lilikha na kayo ng family disaster plan.

1.Bigyang edukasyon ang pamilya sa anumang uri ng mga sakuna na maaaring mangyari sa inyong lugar tulad na lamang ng pagbaha, lindol o malakas na pag-ulan.

2. Lumikha ng disaster plan para sa isang emergencies na maaaring mangyari. Praktisin ang iyong plano upang matiyak na ang mga bata ay alam kung ano ang gagawin sa mga pagkakataon ng mga sakuna.

3. Bigyan ang bawat miyembro ng pamilya ng mga cellphone numbers ng mga kaibigan o iba pang mahal sa buhay na nasa malayong lugar upang may matawagan sila sa sandali ng paghingi ng tulong. Sila na rin ang mga ito ang magkakaroon ng tamang lokasyon at contact information para sa iba pang nakakalat na iba pang mahal sa buhay sa ibang lugar sa panahon ng emergency.

PAGKONTAK SA MAHAL SA BUHAY

1. Kontakin ang tao na nasa iyong family disaster plan upang masabi ang inyong status at lokasyon upang malaman ninyo ang lokasyon at status ng iba pa.

2. Magparegister sa lokal na Red Cross. Mainam iyan upang agaran kayong mabigyan ng tulong ng Red Cross sa sandali ng sakuna.

3. Magparehistro na rin sa National Disaster Risk and Reduction (NDRRMC) kung saan kayo maaring i-rescue sa oras ng mga sakuna tulad ng pananalasa ng baha.