Tips para ‘di magkasakit mula sa pagbiyahe

ni Nympha Miano-Ang - @Life and Style | November 25, 2020

Ito na ang biyahe na matagal mo nang pinaplano, halos isang taon na at inabot ka pa ng pandemya. Hindi ka naman maaring umatras dahil trabaho ang naghihintay sa'yo sa ibayong bansa o lugar. Kaya padadaig ka ba naman sa coronavirus, mikrobyo o germs na nakakapit at lumilipad sa mga bus o eroplano mula sa mga pinag-upuan ng iba pang pasahero na nasa pareho ring upuan na halos 14 na iba pa ang naupo roon bago ka pa man nakapuwesto.

Oras na para makapag-ingat at gawin ang mga hakbang na kailangang nang hindi magkasakit habang nasa biyahe, magbaon ng wipes, disinfectant at sanitizer.

1. Magpatak ng isang tableta ng Airborne sa isang bote ng tubig, i-shake at inumin. Uminom ka nito at least 30 minuto bago ang nakaiskedyul na biyahe para magsimula na itong umepekto. Wala namang side effects ito. Ang Airborne Jr., ay available naman para sa mga bata.

2. Hugasang mabuti ang mga kamay matapos na gamitin ang banyo. Hindi ba’t iyan lagi ang ipinaalala ng iyong nanay? Tama iyan. Maging ikaw man ay nasa airport o sa airplane lavatory, tiyakin na hugasan ang mga kamay bago ka magbalik sa iyong upuan. At sundan na rin agad ito ng paglalagay ng alkohol.

3. Punasan ang buong seating area ng disinfectant wipes. Tiyakin na mapunasan ang iyong arm rests, ang seat belt at tray table, kung saan maraming humahawak ng kamay.

4. Bawasan ang pag-inom ng alak habang nasa biyahe, bagamat nag-aalala ka sa iyong pag-alis. Pinabababa ng alak ang iyong immune resistance.

5. I-sanitize ang mga kamay ng hand sanitizer nang panaka-naka. Kahit isang patak lang nito at least 99.9 percent ka nang germ-free.

6. Magdala ng sariling maliit na unan at kumot. Iwasan ang paggamit ng mga nasa eroplano, kahit na nasa loob pa ito ng bag. Daan-daang pasahero na ang gumamit niyan.

7. Mgdala ng ekstrang sweater o wrap. Iwasang ginawin ka nang husto sa eroplano nang hindi ka gagamit ng iyong personal na sweater. Iwasang gumamit ng iba pang blankets na nariyan dahil marami na rin ang nag-enjoy sa paggamit niyan.

Tips para hindi tumaba ngayong holiday season

ni Nympha Miano-Ang - @Life and Style | November 24, 2020

Wala talagang makapipigil kahit sino sa atin ang kumain ang kumain ngayong darating na holiday season. Kahit pa umulan ng malakas, lumamig man ng todo ang panahon, magkasama-sama man para sa kuwentuhan ang lahat, puro kain pa rin ang ating aatupagin bukod sa kuwentuhan. Mas madalas sa hindi, ang pagkain ang siya pa ring hindi eksaktong pinakamalusog na bagay sa mundo. Pero ano ang magagawa natin kung bumabaha ng pagkain. May paraan naman para maiwasang bumigat ang timbang at tumaba ngayong Kapaskuhan.

1. Ilang linggo bago ang Thanksgiving, gumawa ng ekstrang matalinong paraan para kumain nang tama.Bigyang atensiyon kung anuman ang iyong kinakain at kung gaano na karami ang iyong kinokonsumo. Makokontrol mo ang kinakain sa panahon na ito at maging ekstrang maingat sa katawan. Sa paraang ito hindi ka man magkaroon ng dagdag na timbang, habang maraming handaan, tiyak naman na hindi pa rin madaragdagan ang bigat ng iyong katawan. Kung pakiramdam mo’y busog ka na at puno na ang tiyan mo, at least malaman naman ng iba na busog ka na dahil tatanggi ka na para sa panibagong sandok pa ng pagkain.

2. Sa araw ng Thanksgiving, maging matalino kung anuman ang mga pagkain na ilalagay mo sa iyong plato. Magsandok lang ng karne, walang taba,at iwasan ang gravy at maalat na pagkain. Puwede ring kumain ng matatamis pero kung kakain ka, iwasan ang butter o kaya ay mag-fat free na pagkain ka na lang. Kumain ng maraming gulay pero hindi ihahalo sa matatabang mga sangkap. Mayroon ding nilagang gulay. Maging matalino , alamin kung anong pagkain ang mataba at kung ano ang hindi.

3. Iwasan ang softdrinks at makolesterol na pagkain. Kung magdidiyeta sa softdrinks at makolesterol na pagkain, kontrolin lamang ang kain at uminom ng maraming tubig.

4. Kontian lamang ang pagkain ng minatamis at eksaktong sabihin sa sarili kung ano lamang ang kakaunting dapat kainin. Humanap ng alternatibong kakainin gaya ng jell-o sa halip na pie. Pero kung gusto mong kumain ng pie o ice cream tiyakin na gawin itong simple at huwag nang dagdagan ng whip cream o fudge o iba pang hindi masustansiyang toppings.

5. Ang pinakamabisang paraan para ‘di ka tumaba ay ang makatulog ka at mapabilis mo ang iyong panunaw. Gumawa ng bahagyang aktibidad matapos makakain kahit na paglalakad lamang ng kaunti sa lugar. Hindi man gaanong nakasisiya pero magtakda ng petsa kahit paano na mag-gym o tumakbo ng ilang araw matapos kumain nang marami. Mas magiging maganda ang iyong pakiramdam, matapos na magpapawis at mas handa kang muli na kumain pa uli nang marami.

Paboritong Pista Opisyal, may kahulugan sa iyong ugali

ni Nympha Miano-Ang - @Life and Style | November 23, 2020

Mas gusto mo ba ang Halloween season dahil cute para sa iyo ang tricks and treats o ang Valentine’s Day dahil kinikilig ka kapag puso na ang pinag-uusapan. Pero alam n’yo bang nabubuking din daw ang ugali ng isang tao kapag nalaman ang uri ng pista opisyal o holidays na paborito niya.

Simboliko umano ayon sa mga eksperto ang holidays, matapos na makapanayam ang 125 mga pamilya. Kabilang na ang sinasabing ritwal o kinauugalian nila ay may isinasaad ito ayon sa personalidad ng indibidwal, ayon ito kay Barbara Fiese, Ph.D., isang may-akda ng Family Routines and Rituals.

Alamin mo sa sarili kung ano ng iyong favorite holiday at ito ang sinasabi niyan tungkol sa’yo:

KUNG PABORITO ANG THANKSGIVING: Isa kang malikhaing tagakuwento. “Ang thanksgiving ay parang isang pagkukuwento at pagbabahagi ng mga anekdota o motto,” ani Fiese, na kumumpirma na habang gustung-gusto mo ang naturang holiday, ito’y dahil ikaw ang tagakuwento sa buong pamilya, para sa kanila’y laging may excitement at tamis ang iyong mga kuwento. Ang totoo, hindi ang iyong istorya ang siyang binibigyan ng atensiyon ng marami kundi ang paraan na rin ng iyong pagkukuwento.

ANG PASKO. Ikaw ay masentimental. Sensitibo at hindi mo maihihiwalay ang materyalismo mula sa okasyon. Ibig sabihin lang nito, ang iyong hilig at paborito noong kabataan mo ang iyong hindi makalilimutan, dahil nagpapakita ito ng iyong halaga at hindi matatawarang bagay sa iyong buhay.

ANG BAGONG TAON. Isa kang romantikong positibo sa relasyon. Ang bagong taon na rin ay simbolo ng bagong panimula sa gulong ng buhay, at ang iyong pagiging positibo ay hindi lang sa isang gabi ng pagpasok ng Bagong Taon nangyayari kundi bagkus ay sa buong isang taon. Romantiko sa loob ng 365 na araw. Ipinaliwanag ni Fiese na para sa iyo ang araw ay sinisimulan ng bagong mga simulain sa buhay.

ANG ARAW NG MGA PUSO O VALENTINE’S DAY. Matapang ka sa iyong puso. Ang pagpapalitan ng iyong pagmamahal at tigib na pag-ibig sa iba ay hindi lang dahil para maipagdiwang ang Araw na ito ng Pagmamahal kundi ang maging praktikal sa aspeto ng pagkalinga sa iba. Maging ito man ay paghahanap ng bagong mga trabaho o ang pagkuha ng bagong hobby o interes. Dahil sa mainit at determinado ka, ang iyong lakas ay isang tiyak ng tunay mong pagmamahal sa iyong ginagawa at magiging mga inspirasyon pang gawain sa kinabukasan at sa hinaharap.

ANG EASTER O SEMANA SANTA. Kung ito ang pista opisyal na hilig mo, ang iyong lakas ang siyang nananaig. Ang mga maiinit na panahon ng semana santa ay senyales na rin ng muli mong pagbabalik sa masayang panahon ng iyong paglabas at paghayo. Anuman ang iyong pinaniniwalaan, isang bagay lang ang tiyak, sumasabay ka sa likas na simbolo ng kalayaan. Aktibo at independent ka, naaasahan ka ng lubusan ng iba. Maging ang paghahanap man ng Easter eggs at pamamasya sa malalayong lugar.

ANG ARAW NG PATAY O HALLOWEEN. Isa kang heneroso o mapagbigay na team player. Tuwing Araw ng Undas, madalas na ang magkakapitbahay ay nagbubukas ng pintuan para sa iisang layunin, at iyan ang siya mong kinauugalian. Heneroso, mapagbigay ka at madaling makisama. Madali mong ma-welcome ang mga bisita sa bahay mo habang welcome pa rin sa iyo ang bagong mga ideya sa buhay.