Dapat gawin para makapamasko ngayong may pandemya

ni Nympha Miano-Ang - @Life and Style | December 20, 2020

Kanya-kanya namang diskarte ang mga mahihirap kung paano makapamasko ngayong Kapaskuhan. Bagamat napakaraming civic organization, charitable groups at indibidwal na matulungin sa social media, hindi pa rin alam ng mga kababayan nating salat sa buhay kung paano makakahingi ng aginaldo sa kanila ngayong Pasko.

1. Puntahan o kaya ay suriin online ang mga lokal na charities at civic organization para malaman kung paano ka makakahingi ng aginaldo ngayong Pasko. Ang mga Katolikong charities ay handa laging tumulong.May nakalaan na silang mga pagkain, laruan at emergency assistant lalo na sa mga may sakit tuwing Pasko.

2. Puwede ring bumisita sa social welfare department o kaya sa mga TV stations o kung alanganin ay kontakin sila sa chat online na nagkakaloob ng kawanggawa kung paano makakahingi ng libreng pagkain, damit at iba pang pangangailangan.

3. Magtanong din sa mga charitable group o simbahan, tanungin ang ministro o pari kung paano makatatanggap ng tulong ang buong pamilyang naghihikahos ngayong Pasko.

4. Magtanong din sa mga security guard ng isang kumpanya na kakatukin kung mayroon silang mga kawanggawang programa para sa mga mahihirap at sa mga nangangailangan at baka mabigyan ka nila ng tulong.

5. Obserbahan din ang mga kawanggawa ng celebrities, mga artista, pulitiko o ng mga malalaking food chain na nagkakaloob ng mga laruan at food drives. Alamin din kung paano ka nila mabibiyaan ng mga laruan para sa iyong mga anak at pagkain.

6. Alamin din ang mga programa sa telebisyon o mapagkawanggang mga matulungin na indibidwal o lugar na alam mong mabibigyan ng esktrang pagkain at iba pang aginaldo.

7. Tanggapin na rin ang mga bigay na biyaya ng mga taong mayayaman na bumibista sa inyong lugar at nagbabahay-bahay ng aginaldo. Pagkakataon na iyan dahil handang magbigay ang mga may-kaya sa buhay.

8. Makinig sa mga radyo at manood ng telebisyon kung saan iaanunsiyo ang pagbibigay ng aginaldo sa mga mahihirap. Bagamat malapit lang sa lugar ninyo ang gift giving at free food drives, kaya samantalahin mo na.

Paano nga ba magkaroon ng tsansa na manalo sa raffle?

ni Nympha Miano-Ang - @Life and Style | December 19, 2020

Hindi talaga mahuhulaan kahit ni Maestro Honorio Ong ang kapalaran ng kahit sino sa atin pagdating sa mga winning prize at winning items ngayong panahon ng Kapaskuhan lalo na ang Christmas parties na pawang virtual na idinaraos.

Baka posibleng mapanaginipan pa natin ang ating mga mapapanalunan. Pero alam n’yo bang ang mga eksperto ay may tips kung paano magkaroon ng malaking tsansa ang isa sa atin na magwagi sa raffle.

At dahil marami ang gustong magwagi ng naglalakihang cash prizes, gadgets na tulad ng cellphones, ipad, netbook, laptop, telebisyon, electric fan, refrigerator, microwave, travelling bags etc, naturalmente na advance pa lang pa lang ay may ibinibigay nang raffle numbers sa inyo at iiwan nila ang numero mo sa tambiolo o dahil walang personal na ganyan ngayon ay uso na ang spin on wheels na nasa mga apps na.

1.Kung ikaw mismo ang maghuhulog ng raffle tiket mo sa tambiolo ay lukutin mo raw ng bahagya. Ang mga bumubunot kasi ng tiket ay mas may tsansa na bunutin ang tiket na tila kakaiba ang hitsura at hipo. Pero kung virtual ang labanan ay puwede ka nang umusal nang dasal. Basta’t medyo lulukutin mo nang konti o titiklupin mo nang bahagya ang isang sulok na bahagi ng tiket para “maging kakaiba” ito sa ibang tiket.

2. Lumahok sa raffles o sa tambiolong may kakaunti lamang ng kasali. Kahit sa virtual tiyak kaunti ang sasali. Kung nakita mo sa isang grocery na kakaunti lang ang tiket sa tambiolo ay mas may tsansa ka. Mas magandang sumali kapag ang mga papremyo ay hindi ganoon ka-bongga tulad ng vacuum cleaner o free salon service. Tingnang mabuti ang mga tiket sa tambiolo maging ang iba pang naghuhulog dito. Mas may posibilidad kasi na manalo ka ng raffle kapag kakaunti lamang ang tiket na kalahok.

3. Kung sasali ka sa larong Bingo, pumili ng tiket na madalas na tawagin ang numero. Ang madalas na matawagan na numero ay tinatawag na “masusuwerteng numero” habang iyong hindi gaanong natatawag ay “mababantot na numero.” Ganito rin ang dapat na gawin kapag tataya ng lotto.

4. Maglagay pa ng maraming lahok na raffle ticket. Ika nga, “the more raffles you enter, the greater the chance that you will win a prize!” Dapat lagi kang nakabantay sa raffle promo o tambiolo ng isang grocery o sa inyong lugar at tandaan ang mga premyo ng araw na iyon at huwag na huwag kalimutan na maglagay ng mas maraming entries mo.

5. Kung halimbawang lalakipan mo ng mga empty packs ng produkto ang iyong entry, tiyaking kumpletuhin ang iyong mga contact information sa papel. Napo-forfeit o nababalewala ang mga raffle entries lalo na kung may kulang sa naisulat na impormasyon. Kahit na sa last minute mo naihabol ang iyong entry, siguraduhin mong ma-fill up mo nang kumpleto ang kailangang contact information.

6. Mas piliing hanapin ang mga tindahan o restaurants na hindi matao na nagdaraos ng weekly raffles para sa libreng pagkain o anumang items kung saan ihuhulog lang sa cash register ang iyong pangalan para maianunsiyo ang mananalo. Magpi-fill up ka lang naman ng form doon o kaya ay maghuhulog ng iyong tarheta sa isang malaking garapon.

Ang status ng 3 pang COVID-19 vaccine sa mundo na nasa clinical trials na

ni Nympha Miano-Ang - @Life and Style | December 18, 2020

Natalakay natin kahapon ang hinggil sa status ng Novavax vaccine ng Maryland U.S.A. at ang Johnson & Johnson na may JNJ-78436735 vaccine.

Una nating nai-published ang mga pangunahing vaccine na nasa phase 3 trials na tulad ng Astra Zeneka, Pfizer vaccine, ang Sputnik V ng Russia, at Sinovac ng China etc. maging ang Covaxin ng India.

Narito ang 3 pang COVID-19 vaccine na nasa clinical 3 trials na rin. Mula pa rin sa artikulo ni Amy McKeever ng National Geographic.

May 150 coronavirus vaccine na ang tinutuklas sa buong mundo at inaasahan ng mga siyentipiko na maging available na ito sa merkado sa 2021 sakaling magtagumpay ang mga ito at magkaroon ng magandang epekto sa kalusugan ng tao.

1. Ang Murdoch Children's Research Institute ay may Bacillus Calmette-Guerin Brace Trial. Sila ang pinakamalaking child health research institute sa Australia, katuwang ang University of Melbourne.

Sa halos isang daang taon, ang Bacillus Calmette-Guerin (BCG) vaccine ay ginagamit na gamot kontra tuberculosis kung saan ine-expose ang pasyente sa isang maliit na dosage ng buhay na bacteria. Ang ebidensiya ay matibay sa loob ng maraming taon na ang bakuna ay nagpapalakas ng immune system at natutulungan ang katawan na labanan ang iba pang mga sakit. Iniimbestigahan ng researchers kung ang benepisyo ba na ito ay maaring makagamot din kontra SARS-CoV-2 at ang trial na ito ay umabot na sa phase 3 sa Australia.

Noong Abril 12, sinabi ng World Health Organization na wala pang ebidensiya na ang BCG vaccine ay nagbibigay proteksiyon sa tao kontra infection ng coronavirus. Ayon sa status, noong Abril, ang researchers mula sa Murdoch Children's Research Institute ay nagkaroon ng ilang serye ng randomized controlled trials na susuri kung ang BCG ay kokontra sa coronavirus. Kukuha sila ng 10,000 healthcare workers para sa naturang pag-aaral.

2. Ang CanSino Biologics na may Ad5-nCoV. Isa itong Chinese biopharmaceutical company. Ang CanSino ay nagdebelop ng viral vector vaccine, mula sa ginamit na mahinang bersiyon ng adenovirus bilang daan sa pagpapakilala ng SARS-CoV-2 spike protein sa katawan. Ilang preliminary results mula sa phase 3 trials ang lumabas sa babasahin ng The Lancet, at ipinakitang ang vaccine ay nakapag-produce ng "significant immune responses' sa mayorya ng tinurukan matapos ang 'single immunisation." Wala namang naging masamang epekto sa katawan ng naturukan ang naidokumento.

Base sa status, ang kumpanya ay nananatiling nasa phase 2 ng trial. Noong Hunyo 25, ang CanSino ang naging unang kumpanya na nakatanggap ng limitadong approval na maiturok sa tao. Inaprubahan kasi ng Chinese government ang vaccine para lamang sa mga kawal, sa loob ng isang taon. Noong Agosto 15, inanunsiyo ng Russian biopharmaceutical company na Petrovax na inilunsad na ang unang phase 3 clinical trial ng Ad5-nCoV.

3. Ang Vector Institute ay may EpiVacCorona. Ito ay isang Russian biotechnology institute. Isa itong peptide vaccine, ibig sabihin ginagamitan ng 'small fragments ng viral antigens na tinatawag na peptide na pampalakas ng immune.

Ayon sa status, noong Okt. 14, nagbigay ang Russia ng regulatory approval sa EpiVacCorona bagamat ang vaccine na ito ay wala pang nai-published na anumang resulta at hindi pa tumutuntong sa phase 3 clinical trials. Ito ang ikalawang vaccine candidate ng Russia na aprubado nang gamitin sa kabila ng kakulangan ng na-published na ebidensiya hinggil sa kaligtasan at pagka-epektibo.