Plantito at plantita, alam na this..

Ang kasaysayan ng bulaklak at simbolo nito tuwing Valentine’s Day

ni Nympha Miano-Ang - @Life and Style | February 7, 2021

Ang pagbibigay mo sa iyong special someone ng bulaklak ngayong Valentine’s Day ay may pinagmulan daw na kasaysayan mula sa pagpapadala ng bungkos o bouquets bilang pagpapahiwatig kahit wala mang sinasabing I Love You.

Ipinakilala ang tradisyon ng Persiano sa floriography, na ibig sabihin ay “flower writing” ng European na si Charles II ng Sweden noong ika-18 siglo.

Siya rin ang nagbigay ng pahiwatig sa anumang kahulugan ng bawat bulaklak sa pagbibigyan nito. Ang tradisyon ng pagreregalo ng bulaklak ay naging popular sa Europa, naging kinaugalian na rin ito lalo na pagsapit sa Araw ng mga Puso.

1. ANG ROSAS. Ang pulang mga rosas ay lagi nang isa sa pinaka-popular na Valentine’s Day gifts. Ang pulang mga rosas din ay naging sikat mula pa sa panahon ng mga Romano na sinasabing paboritong bulaklak ni Venus, ang diyosa ng pag-ibig at kagandahan. Ang rosas ay naging popular na Valentine’s Day gifts noong ika-17 siglo, lalo na sa Victorian England kung saan ang mga batang mangingibig ay maraming alam na pagbibigay kahulugan sa sikretong lengguwahe ng bulaklak na marami nang nasasaad lalo na kung sa isang bungkos na bulaklak ang ihahandog sa dalagang kanilang nililiyag. Ang isang pulang rosas at bungkos ay kumakatawan ng walang hanggang pag-ibig, pangangalaga at enduring passion. Ang pagbukadkad ng iba pang uri ng rosas ay nagsasaad ng magkakaibang kahulugan. Halimbawa ang coral roses ay nagsasaad ng ‘strong desire’ sa hahandugan at ang lilac rose ay nagsasaad na ang nagpadala ay humanga at nainlab sa unang pagkikita.

2. ANG TULIP. Nagpapadala ng mensahe ang tulips na ang kanyang pinagbibigyan ay may magandang mga mata. Ikalawa lang sa rosas ang popularidad ng tulip bilang Valentine’s Day gifts, sumikat ang tulips sa Europa noong ika-17 siglo at dahil sa rami ng tumangkilik ay nagkaroon ng “Tulipomania.” Ang streamline shape niya at malambot na talulot ay kumakatawan ng panaginip at sinasabing ang binibigyan nito ay perpektong mangingibig na bawat kulay ng tulip ay may iba’t ibang kahulugan. Ang Cream tulips bilang Valentine's Day gifts ay simbolo ng wagas na pagmamahal habang ang orange blooms ay kasiglahan at passion lovers.

3. ANG LILY. Ang panaginip ng mga lily sa parang o hardin ay sinasabing umaasa na ikakasal. Ang pagbibigay sa kaibigan o nililigawan ng lilies sa Valentine’s Day ay tradisyonal nang itinuturing na majestic beauty at purong pagmamahal. Sa medieval times, ang lilies ay simbolo ng feminine sexuality at simbolo ng samahan ng pagmamahal maliban sa puti na kumakatawan sa purity at virginity). Nang ang mabangong spring blooms na ito ay naging popular bilang regalo sa Valentine’s Day sa buong Europa, iba’t ibang uri ng lilies ay nagkaroon ng sariling kahulugan. Ang miniature na Peruvian lilies ay isa umanong debosyon at friendship kapag ibinigay sa nililigawan, habang ang Lily of the Valley ay kinakatawan ng reconciliation sa pagitan ng nagtatampuhang lovers.

4. ANG CARNATION. Ang Dianthus, scientific name ng Carnation, ay sinasabi ring "flower of love." Mayaman sa simbolismo at kasaysayan, ang carnation ay paboritong Valentine’s Day gift dahil sa utter fascination ng tumatanggap nito. Unang nadiskubre sa Far East, ang carnations ay naging simbolo ng dignidad at simbolo ng love sa mga kultura kabilang na sa ninunong Griyego, Romano at iba pang kultura ng Asyano. Ang pink carnations ay tradisyonal na paraan na sasabihin sa isang tao na lagi siyang nasa isip mo, pero ang striped booms ay kumakatawan ng pagtanggi sa nagbigay.

5.ANG ORCHIDS. Ang orchids ay malakas na simbolo ng pertilidad at perfect beauty. Kilala sa buong mundo bilang pagdeklara ng absolute love at refined beauty. Ang orchids ay eksotikong bulaklak na paborito rin bilang Valentine’s Day gift. Ang lovers sa iba pang kultura ng Asya ay may tradisyonal na pagbibigay ng orchids tuwing tagsibol. Unang kinagawian ito noong ika-19 na siglo tuwing Araw ng mga Puso mula nang umibayo ang pagpapalago ng mga bulaklak sa mga bakuran ng mga bahay at naging praktikal na negosyo ng mga western gardeners.

6. CACTUS FLOWERS. Ang kakaibang bulaklak na ito ay parang iisipin mong “You’re thorny” kapag natanggap ng binigyan. Pero ang totoo, ang regalong cactus flowers ay naghahayag ng mainit na damdamin, wagas na pag-ibig, passionate love at maternal love. Ang cactus flowers ay angkop na pam-Valentines Day gift para sa lahat, magandang ideya na isama na ang paliwanag kung bakit ito ang iyong ibinigay sa isang gift card.

7. ANG CHRYSANTHEMUMS. Napakaraming sizes ang Chrysanthemums, hugis at kulay. Mabibili ito na isang cut flowers o potted plants. Kung magbibigay ka ng red chrysanthemums, sinasabi mo nang simpleng mensahe na “I love you.”

8. ANG DANDELIONS. Ang lowly dandelion ay simbolikong perpekto para sa Valentine’s Day, simbolo ng pag-ibig sa lahat ng aspeto. Ang Dandelions ay nagsasaad ng pag-ibig na tapat at masaya. Isinisimbolo ang flirting, lust, kaligayahan at simpatiya. Minemensahe ng dandelions na “Love me.”

9. ANG FORGET-ME-NOTS. Ang delicate denim-colored na bulaklak na ito ay sinisimbolo ng inyong alaala na magkasama maging ang iyong loyal love. Kung magbibigay ka ng forget-me-nots na potted plant, puwedeng itanim niya ito sa hardin at matatandaan niya ang iyong regalo kapag bumukadkad na ito matapos ang isang taon.

Paano susuyuin ang dyowa o asawa kung may away o 'di pagkakaunawaan?

ni Nympha Miano-Ang - @Life and Style | February 6, 2021

Galit ba sa’yo si mahal? Nasaktan mo ba siya? Beshies, karaniwan nang nangyayari ito. Ang mahalaga ay kung paano panghahawakan ang sitwasyon. Heto ang 5 sweet ways para mag-sorry kay mahal.

1. PASALUBUNGAN SIYA NG KANYANG PABORITONG BEER. Minsan mo na ba siyang naringgan na ang “Beer ang solusyon sa lahat?” Kaya nga malamang ‘yan ang aktuwal na kalutasan. Pasalubungan siya ng isang ice-cold slab ng paboritong beer at magandang baso. Masosorpresa siya at mas magiging masaya kaya habang hawak niya ang isang beer sa kabilang kamay ay nakaakbay naman ang isa niyang kamay sa’yo.

2. MAGHANDA NG ROMANTIC FOOD. Sorpresahin si labs ng isang romantikong pagkain pagkauwi niya galing sa trabaho. Ilabas at gamitin ang pinakamagandang silverware, magluto ng pagkaing masarap, may kasamang dessert at red wine. Ipaalam sa kanya na nagso-sorry ka habang nae-enjoy niya ang pagkain.

3. PANOORIN ANG PABORITO NIYANG SPORT NA KASAMA SIYA. Nakababagot naman talaga sa isang babae na maupo at manood sa football o basketball match, pero tiisin mo ‘Day, mas epektibo kung sasamahan siyang manood. Mag-sorry ka sa kanya at samahan siya na panoorin ang kanyang paboritong team na naglalaro. Pinakamainam na magdala ka na rin ng popcorn at masarap na meryendang paborito niya, matapos ang 5 minuto, napatawad ka na niya, swak!

4. BAYARAN MO ANG KANYANG ONLINE MOVIES. Bakit hindi mo sabihin kay mahal na, “Honey, I’m sorry. How about I making it up na ako na magbabayad ng netflix movie this month? And let’s watch together whatever movies you want!” Medyo korni, pero alam mo namang siyento porsiyentong tagumpay ito hindi ba?

5. SORPRESAHIN SIYA SA TRABAHO. Kung magagawa mo, puntahan mo siya sa trabaho niya at yayain siya sa lunch date. Tingnan siya sa kanyang mga mata at sabihing, “Hindi ko maubos maisip kung bakit ba naging salbahe ako sa iyo. Nagpunta ako rito para mag-sorry. Please, forgive me.” Aba’y malulusaw ang puso ni mahal. Kita mo, hindi naman mahirap sa isang banda na humingi ng tawad. Try mo lang ang limang sweet na paraan para muli kayong maging super sweet uli sa bawat isa.

12 tips para makapasok sa Olympics

ni Nympha Miano-Ang - @Life and Style | February 5, 2021

Nakansela ang Tokyo Olympics noong 2020 at sa darating na Hulyo 2021 ay posibleng ituloy na ito sa naturang bansa kung sakaling umibayo na ang bakuna sa mga atletang galing sa iba't ibang dako ng mundo. Kahit wala pang pandemya noon, pangarap mo nang maging pinakamahusay na atleta sa mundo, matayog na pangarap ng sinumang sumasabak na atleta ang Olimpiyada.

Bawat bata ay nagsisimula sa paglangoy sa unang 100-meter freestyle o pagsipa ng malakas tungo sa goal sa football game at iniimadyin ang gold medal na isinabit sa kanyang leeg.

Kung mayroon kang superb genetic qualifications ika nga, taglay ang kagila-gilalas na mental at physical strength at kayang sumagupa sa matitinding training sa ilang taon at mahihigpit na kompetisyon, kasunod na nito ay ang pagwagayway ng bandila ng iyong bansa pagtapak mo sa podium.

1. Ngayon pa lang ay pumili ka na ng iyong sport. Alamin mong mabuti at gustuhin pa nang husto ang isang sport na napili mo. Ang pamilyar na sport ang iyong pipiliin pero isipin mong mabuti, ang mga popular na sports ay may milyon-milyong dedicated participants at sadyang napakahirap sumagupa. Ang hindi masyadong sikat na sport tulad ng speed skating, luge, figure skating, pentathlon ay kakaunti lang ang puwedeng makalaban kaya rito ay may tsansa ka.

2. Suriin mabuti ang katawan o iyong kondisyon at pumili ng sport na angkop sa iyo. Gaano ka man ka-dedicated, maliban kung may sobra kang kakayahan at bilis sa pagtakbo hindi ka magiging Olympic marathoner. Pero kung matangkad sa edad na 16, huwag kang mag-gymnast. Kumunsulta sa sports physiologist kung anong sport ang bagay sa iyo.

3. Maglaan ng maraming taon na mag-training sa iyong sport. Ngayong may pandemic, nauuso ang mga virtual trainings kaya diyan pa lang ay simulan na ang page-ensayo kahit nasa bahay lamang o bakuran. Palawigin ang lahat ng aspeto ng fitness, lakas at endurance, gawing pang-araw-araw na buhay o isabuhay ang crosstraining para maiwasan ang pagkabagot at injury.

4. Magtiwala sa iyong sarili. Kailangang handa lagi ang isipan sa anumang game. Maging matatag at matapang sa lahat ng aspeto, iwasang sumuko.

5. Dumalo ng sports academy kahit sa online virtual na lamang muna ngayon dahil wala pang mga pagtitipon. Ang mga iskul na ito ay may ibinigay na intensive training sa sport na ito hanggang sa high-school level. Ang karanasan, exposure at coaching na makukuha mo ang magkukuliwalipika sa iyo para mag-excel sa sport.

6. Pumili ng mahuhusay na coaches para umibayo pa ang skills. Kumuha ng sports psychologist para maitakda at maabot ang layunin. Kumuha rin ng pribadong coach na kung kailangan kahit na virtual lamang.

7. Lumahok sa national team ng sport at buong taon kang mag-training (walang pahinga ang Olympian). Gawin ang pinakamahusay para makapag-perform nang mabuti kahit sa pinaka-nakatitigatig na tensiyon at talunin ang lahat ng kalaban hanggang sa makabilang ka sa Olympic team.

8. Baguhin ang citizenship. Mas magiging madali na makuwalipika sa Pakistan sailing team kaysa sa U. S. team. Ang ibang bansa ay nanghihingi ng katibayan ng pinagmulan, tulad ng kung saan ipinanganak ang mga lolo’t lola.

9. Kahit pa lampas ka na sa edad 20, puwede ka pa ring magkaroon ng gold medal. Ang ilang sports tulad ng archery at shooting ay puwede kahit anong edad.

10. Mas magandang lumahok sa varsity schools, para magka-scholarship bonus at maging hakbang ito tungo sa matayog na pangarap sa Olympics, hintayin na lamang ang go-signal ng DOH-IATF kapag pinayagan na muli ang mga events.

11. Lumahok sa association o governing body ng iyong sport na pinili. Para mas informed ka sa mga major competitions, kabilang na ang Olympic trials.

12. Lumagi sa lugar na kilala sa sport na pinili mo kung swimmer, lagi ka dapat nasa swimming pool iyan ay kapag nag-normalize na ang sitwasyon, may bakuna na at nakokontrol na ang pandemya.