Paano palalakihin ang bata na may respeto sa relihiyon

ni Nympha Miano-Ang - @Life and Style | March 17, 2021

Malapit na ang Semana Santa na ginugunita ng mga Katolikong relihiyon. Napakahalaga sa panahon na ito na palakihin ang bata na may respeto sa iba’t ibang paniniwala. Heto ang ilang hakbang na masisimulan sa tamang direksiyon kung nais palakihin ang anak na magkaroon ng sariling desisyon kung anong relihiyon ang susundin sa sandaling dumating na sa tamang edad ang bata.

1.Magkasundo kayo, bilang magulang, kung anong relihiyon ang paiiralin sa pamilya. Ito ay mainam bago pa man na isilang ang inyong anak.

2.Kausapin ang pamilya hinggil sa desisyon at sabihan sila na sumunod sa panuntunan. Ito ay maaaring mahirap lalo na kung may sobra kang relihiyosong pamilya at kung pipiliin mong mag-iba ng relihiyon. Minsan ang matatag na pinuno ng tahanan ang siyang susundin ng masunuring mga bata.

3.Ihantad ang mga bata sa iba’t ibang relihiyon sa kakaibang pagkakataon. Ito ay ang pagdalo kung minsan sa iba’t ibang templo o simbahan kada linggo, o pagpili ng tatlo o apat na sambahan at dito na mamili habang paslit pa ang bata. Humiram ng aklat sa library o mag-research sa net na nagsasaad ng iba’t ibang relihiyon sa mundo at turuan sila hinggil sa iba’t ibang selebrasyon, ritwal at paniniwala.

4.Magsagawa ng masusing pagsusuri sa anumang child care facility ng relihiyon bago payagan ang mga bata na dumalo rito. Tiyakin na ang papasuking relihiyon ay hindi ka bibiguin sa iyong inaasahan.

5. Hayaang malaman ng bata ang hinggil sa desisyon na iyong ginawa hinggil sa espirituwal na buhay at malaman ng bata na ikaw ay bukas sa anumang pag-uusap hingil sa relihiyon at iba’t ibang interpretasyon ng relihiyon.

6.Sagutin ang lahat ng mga katanungan, sa tamang edad.

7.Unahin ang komento sa salitang “Well, naniniwala ang ibang tao…” Ito’y makatutulong sa iyo upang maiwasan na hindi na sumapi pa sa ibang relihiyon ang anak.

8.Pagtiwalaan na ang anak ay tutugon sa bukas mong loob at totohanang approach. Sensitibo ang bata sa anumang kasinungalingan at agad madaling mararamdaman ang ‘di totoong mga bagay. Kaya sabihin ang hindi alam kung talagang ‘di alam. Iliwanag din na habang lumalaki ang bata at kung pipiliin na ipasok siya sa isang panrelihiyosong eskuwelahan, hinahayaan mo siyang maranasan ang buhay sa naturang relihiyon, pero nasa kanya pa rin ang pagpili. Tiyakin na maging bukas loob ang bawat isa, magkaroon ng prangkang usapan hinggil sa sarili mong paniniwala at pangkalahatang paniniwala kaugnay sa kung ano ang kanilang natututunan. Ito’y para malaman nila na tunay silang libre na magdesisyon.

9.Bigyang edukasyon ang bata sa maraming kontrahan hinggil sa iba’t ibang paniniwalang relihiyon.

10. Ipagpatuloy na paalalahanan ang bata na magkakaroon siya ng oportunidad na pagtanda niya ay makapag-research at makapili ng relihiyon na angkop.

Tips kung paano pipili ng taong iyong tutularan

ni Nympha Miano-Ang - @Life and Style | March 16, 2021

Mahalaga ang role model. Sila ang nakatutulong upang mas maging mabuti tayong tao at nagbibigay inspirasyon upang mas maging kakaiba ka. Ang pagpili sa kanila ng mabuti, ibig sabihin ay naiimpluwensiyahan tayo ng tama at matutulungan kang maging mahusay na tao.

1. Pumili ng isang taong hinahangaan na may matinding kumpiyansa sa sarili at may mahusay ding abilidad. Ang isang magandang role model ay isang tao na na kilala nila kung sino sila. Ayaw mo ng isang taong mahina ang loob at bibigyan ka rin ng negatibong mga pananaw. Pumili ng isang taong hindi magkukunwari na magaling at hindi peke para lamang makuha ang atensiyon ng iba.

2.Konsiderahin ang isang tao na masasabing unique, kahit na marami pa mang naiinggit sa kanya. Sila ang mga taong magpapaganda ng iyong sarili, mailalabas ang orihinal na pagkatao habang wish mong maging tulad din nila.

3.Isipin ang isang tao na mahusay makisama sa iba at isang tao na mabait at magaling makipag-ugnayan sa iba.

4.Humanap ng isang tao na namumuhay na ayon din sa gusto mong buhay. Kung nais mong maging sikat na may-akda o author, ang iyong role model ay isang tao na marami nang tagumpay sa pagsusulat. Kung hangad namang maging isang nurse, ang iyong role model ay isang tao na nariyan sa isang ospital na may dedikasyon sa kanyang trabaho at isang tao na may magandang achievement bilang nurse.

5.Humanap ng isang tao na hindi naghahanap ng anumang kapalit sa kanyang ginagawa. Tulad ng mga nagpapakabayani sa pagsagip sa buhay ng iba. Pumili ng role model na nakagawa ng isang bagay na sadyang kahanga-hanga, gaya ng pag-iilak ng maraming pondo para sa isang kawanggawa, nakaliligtas ng maraming buhay, nakatutulong sa mga taong nangangailangan at mga taong dumidiskubre ng mga gamot para mapagaling ang isang sakit.

8.Isaisip na ang pagkakaroon ng role model ay hindi ibig sabihin na eksakto kang nagiging katulad niya, tandaan na panatilihin ang pagka-indibwalidad.

9.Ang role model ay isang taong gusto mong tularan at tunay na hinahangaan.

10.Hindi mo dapat na baguhin ang sarili para maging katulad ng role model, maging gaya ka nila, pero kailangang ikaw pa rin ang totoong ikaw at kilalanin lamang ang kanilang ginagawa.

11.Gawing role model ang sarili. Ibig sabihin, palinangin ang isang bagay na tagumpay mong nagawa.

12.Ang iyong role model ay hindi kailangang maging isang tunay na tao, o isang tao na buhay pa, puwedeng maging idolo si Carlo J. Caparas o Gilda Olvidado bilang manunulat o kaya naman ay isang karakter mula sa isang aklat. Okey lang iyan, pero isaisip kung ano ang direktang naitutulong ng role model, “Ano ba ang magagawa niya sa iyong posisyon?”

Mga dahilan kung bakit makakalimutin na ang isang bata

ni Nympha Miano-Ang - @Life and Style | March 15, 2021

Mula sa nakakaligtaang paggawa ng homework hanggang sa nakalimutang combination number ng lockers, marami sa magulang at iba pang guro ang makapagpapatunay na nagiging makakalimutin na ang mga bata ngayon.

Kung minsan ay nakakalimot na ang iyong anak sa kahit bago mo pa man matapos ang iyong sasabihin sa kanya, hindi siya ang maaring masisi tungkol sa bagay na ito. Habang ang responsibilidad na maalala ay nakaatang sa balikat ng isang bata, may ilang mga bagay kung bakit ang isang bata ay mas madaling makalimot kaysa sa isang matanda.

1. HINDI PAGIGING ALERTO O HINDI PAKIKINIG. Habang ang isip ng tao ay naglalakbay anuman ang kanyang edad, ang pagbibigay atensiyon madalas ay napatunayang isang ekstrang pagsubok sa mga kabataan. Ang isang bata ay isinilang na hindi alam kung paano makikinig na mabuti, subalit sa halip ay nahuhubog ang abilidad na gawin ito habang siya ay nagkakaedad. Kung ang anak ay partikular na madalas na maging makakalimutin, magiging matagumpay ka na pag-ibayuhin ang kanyang alaala kung itutuon mo na ehersisyuhin ang kanyang atensiyon na maaring ugat ng kanyang problema. Habang nakikipag-usap sa anak, tiyakin na siya ay nakatingin ng diretso sa iyo. Isa pa, dalasan ang paghinto at tanungin siya na muli niyang ulitin anuman ang iyong sinabi upang matiyak kung nananatili siyang nakikinig sa iyo.

2. HINDI PA UMIIBAYONG MEMORYA NIYA. Kapag ang isang adults ay natuto ng bagong impormasyon, nailalagak ang impormasyon sa ilang piraso lang habang nakapirmi ito sa kanilang alaala, bilang dagdag sa ibang bagay na ito sa halip na lumikha ng bagong impormasyon. Halimbawa kapag ang isang adult ay natuto kung gaano karaming pagkain ang kailangan ng isang kuneho para mabuhay, ilalagay niya ang naturang impormasyon sa iba pang kaalaman hinggil sa kuneho o kaalaman hinggil sa mga hayop at pagkain. Dahil ang mga bagay na iyan ang nagpupuno na sa kanilang alaala, kaya ang pagsagap ng bagong impormasyon sa bagong kategorya ay higit na nakaka-challenge para sa kanila, madalas na humahantong sa pagiging makakalimutin.

3. KAKULANGAN SA PARAAN NG PAGMEMORYA. Habang nagkakaedad ang tao, natututunan nila ang mga paraan kung paano makaalala. Halimbawa sa kanilang pag-aaral, ang isang teenager ay nalalaman na ang mnemonics ay may pakinabang para sa kanya at bilang resulta, gumagamit ng paraan tulad ng alliteration, rhyming pagsasama ng mga salita at color coding para makaalala ng mga bagay. Dahil ang mga bata ay hindi pa natutunan ang anumang tricks na ganito, wala silang tools para matulungan ang sarili na makaalala.

4. ANG TRAUMATIC BRAIN INJURY. Habang normal ang pagiging malilimutin, ang ilang bata ay nakadaranas nang higit na pagkalimot kaysa sa ibang bata dahil na rin sa resulta ng injury. Sa isang KidsHealth reports, ang traumatic brain injury sa mga bata ay maaaring pangunahing dahilan ng pagiging makakalimutin. Ang mga brain injuries ay buhat sa car accident o major traumas na nangyayari rin sa isang aksidente sa sports na kanyang naranasan lalo na kapag masama ang kanyang pagkabagsak o nabagok ang ulo. Kung ang pagiging makakalimutin ng isang bata ay bigla na lang nangyari, ipasuri siya sa doktor para sa concussion.