Mag-bikini na lang daw dahil du’n naman kumikita… JASMINE, PINUNA ANG PAGIGING VIP NG MGA INC SA RALLY, NIRESBAKANG LAOS AT IPOKRITA

ni Nitz Miralles @Bida | July 3, 2026

Photo: Jasmine Curtis-Smith - IG

Inaway ng mga miyembro ng Iglesia ni Cristo (INC) si Jasmine Curtis-Smith dahil sa comment niya patungkol sa INC rally. Nag-comment lang naman si Jasmine ng “Tow them, bakit may negotiations?” na ang tinutukoy ay ang mga nakaharang na bus sa EDSA.

Sinundan pa ni Jasmine ang comment ng “Hmm…” bilang reaksiyon sa pahayag ng Metropolitan Manila Development Authority (MMDA) na may mga attempts silang mag-tow ng illegally parked vehicles sa nasabing rally. Hindi lang natuloy ang pagto-tow sa mga bus dahil umalma ang mga protesters. May kasama pang emoji ng galit na tao.

Sinundan pa ito ng post na, “They should’ve towed all the buses illegally parked kahapon, anong hinihintay?”

Ini-repost ni Jasmine ang post ng ibang netizens na pabor na i-tow ang mga bus na nakaharang at ang post na binigyan ng special treatment ng kapulisan ang INC rally. Pati ang kawalan ng suot na body armor at body shield ng mga pulis ay pinuna rin dahil sa ibang rally na hindi sa INC, mahigpit ang kapulisan at agad itino-tow ang mga sasakyang nakaharang.

Nag-react din si Jasmine ng “Ehhh, baliktad!” sa news report na na-cancel ang rally permit ng INC sa third day ng rally nila sa EDSA.

Sample ng mga comments na galit kay Jasmine, bitter daw ang aktres dahil sa mga rally na sinasamahan nito ay 350 lang ang sumasama at hindi nagdudulot ng trapik. May nagsabi pang KJ si Jasmine dahil sa reaksiyon nito.

“Ipokrita ka, period. Selective justice. You don’t know what you are talking about. Go back to Australia.” 

“Ngayon ka lang ba nakakita ng rally na walang mga celebrities?” 

“Manahimik kang laos.” 

“Sumawsaw na naman ang mga feeling privileged na mga artista. ‘Pag na-bash, pa-victim naman. Mag-pictorial na lang kayo ng ate mo na naka-bikini at ilabas n’yo ulit ang mga kaluluwa. Du’n naman kayo kumikita.” 

“Wala kang project, Jasmine? Hahaha!”

Marami rin ang dumepensa kay Jasmine at totoo naman daw na malaking perhuwisyo ang rally ng INC at tama lang na i-tow ang mga bus na nakaharang. May mga naniwala ring may special treatment ang kapulisan sa mga INC na nag-rally.

---

Nag-bonding na…

JOSHUA, BOTO RIN KAY RYZZA PARA KAY BIMBY

KINATUWAAN ng mga fans ang reels na magkakasama sina Ryzza Mae Dizon, Bimby Aquino, at Josh Aquino. Kuha ang reels nang bumisita si Josh sa set ng Eat… Bulaga! (EB!) at nakipag-bonding nga kina Ryzza at sa mga staff.

Sa isang bahagi ng reels, kumanta sina Ryzza at Josh ng Maybe This Time habang nasa likod nila si Bimby na nakangiti at nakatingin sa kuya niya. 

May parte pa ng reels na ginaya ni Josh ang host ng EB! na nagtatakip ng mga mata at saka sasabihing, “Eat Bulaga!”

Sa isa pang bahagi ng reels, nakita ng mga fans na masayahin si Josh at todo-enjoy at nag-sway pa habang kumakanta.

Comment ng MaeBy fans nina Ryzza at Bimby, wala nang kawala si Ryzza kay Bimby dahil boto sa kanya sina Josh at Kris Aquino. May request lang sila kay Bimby na sana ay hindi nito masamain. 

‘Wag daw sanang ilagay ni Bimby ang braso niya sa balikat ni Ryzza Mae dahil sa laki niya, kawawa naman daw si Ryzza na nabibigatan. 

---

MATINDING paghahanda na ang ginagawa ni Jillian Ward para sa first major concert niya billed Jillian Ward: Star of the New Generation, happening on July 31, 2026 at the New Frontier Theater.

Nauna na siyang nag-voice lesson at nagpasilip din ng reels ng kanyang dance rehearsal. Sa ganda ng reels, napa-comment si Rufa Mae Quinto ng “Napakagaling mo!” 

“Husay,” at “Ganda,” naman ang iba pang comments.

Emojis na red heart at hands clapping ang mga comments nina Jessy Mendiola, Rita Daniela, Cassy Legaspi, at Geneva Cruz. 

Dahil sa reels, marami ang mas na-excite to watch the concert.

Sabi ni Jillian, “A little glimpse of the results of rehearsals and training for my concert.”

Malapit nang ilabas ang tickets for the said concert, kaya ihanda n’yo na ang mga wallet n’yo para hindi kayo maubusan. 

Waiting din ang mga fans kung magge-guest sina Eman Bacosa Pacquiao at Kobie Brown na parehong nali-link kay Jillian Ward.

Todo-kilig na maging asawa si Jerry Yan… ELLEN, IBINUKING NA MAA-ANNUL NA RIN SILA NI DEREK

ni Nitz Miralles @Bida | July 2, 2026

Photo: Ryzza Mae at Kim Chiu - Instagram

Dahil nga nai-reveal na ikinasal na si Vanness Wu, naging invalid ang post ni Ellen Adarna na may caption na “Jowa Reveal”, kaya kay Jerry Yan naman siya isini-ship.

Nagpauna na ang mga fans ni Ellen na biruan lang ang pagsi-ship nila kina Ellen at Jerry at resulta lang ng interaction nila sa concert ng F4 kung saan lumapit sa puwesto nila si Jerry. 

Makikita sa reels na tinitigan ni Jerry si Ellen at dinagdagan pa ni Ellen ang pagkakagulo ng mga fans sa caption na: “The Real Deal,” at hashtag na #HusbandReveal.

May mga sumeryoso lang sa caption at hashtag ni Ellen at may nag-comment ng “‘Di ba may asawa ka pa? You are still married. Also, sobrang ‘kala mo makukuha mo lahat ng gusto mo, napa-wife reveal tuloy si Vaness. Gurl, you need to heal. By the looks of it, the only man you need is Jesus Christ. Don’t get lost any further, naka-dalawang panganay ka na.”

Sagot ni Ellen, “‘Di mo alam kung anong feeling ng isang fangirl. Ma-unmarried na rin ako in time, wait ka lang. Tigilan mo na. Gamit na gamit na si Jesus sa mga taong katulad mo. Pangit mo ka-bonding.”

Kinampihan ng mga netizens si Ellen dahil nagpa-fangirl lang daw ito, pero may nagalit pa rin. Nagselos lang daw ang fan nina Jerry at Vaness kay Ellen dahil pinansin siya ni Jerry at may picture pa with Vaness. 

Ang payo nila sa basher ni Ellen, huwag magpaka-bitter at kung babalik pa ang F4 para sa concert, gawin niya ang lahat para mapansin siya.

Naging curious ang mga fans sa sinabi ni Ellen na in time, magiging unmarried na siya. Ang ibig nitong sabihin, mapa-finalize na ang annulment ng kasal nila ni Derek Ramsay at magiging single na uli silang dalawa.

---

Nalaos nang mag-asawa’t magkaanak…

KRIS, AMINADONG TAOB KAY KIM

MAGANDA ang naging usapan nina Kris Bernal at Charo Cordial, owner ng Maddox Jewelry, tungkol sa ilan sa mga pinagdaanan niya sa showbiz at personal na buhay.

Inamin ni Kris na noong una, nahirapan siyang tanggapin ang pagbabago sa kanyang career.

“For me, mentally mahirap s’ya. Parang naisip ko, teka lang, bida ako dati, ah? Bakit inihihilera na nila ako sa kontrabida? Nalalaos na ba ako? ‘Di na ba ako magaling umarte?” kuwento nito kay Charo.

Dumating pa sa puntong nasaktan at kinuwestiyon niya ang sarili. Later on, na-realize niyang mas importante sa kanya ang love niya sa kanyang craft kaysa sa role na ipo-portray. Naisip daw niyang out of passion for her craft ang ginagawa niya at dapat, kahit anong role ang ibigay sa kanya, tatanggapin niya at gagawin. Naisip din niya na basta umaarte siya, masaya siya.

Napag-usapan din nina Kris at Charo ang bashings na ibinabato kay Kris hanggang ngayon. Isa rito ang panggagaya niya raw kay Heart Evangelista, kaya may tumawag sa kanyang ‘Heart Evangelista Clone’. 

Nilinaw ni Kris na idol niya si Heart at hindi lang siya ang umiidolo rito. Kasama na rito ang pagbili ng mga stuff na ipino-post ni Heart sa social media.

Sa isang interview, nabanggit ni Kris na gusto niya ang kasikatan ni Kim Chiu at ‘yun na, inisip ng mga nakabasa na naiinggit siya sa aktres-host. 

Ang gusto lang tukuyin ni Kris, bilib siya rito dahil hanggang ngayon ay sikat pa rin at marami pa ring ganap sa career.

Dahil may asawa’t anak na si Kris Bernal, alam niyang malabo na niyang maabot ang kasikatan ni Kim Chiu. Ang importante na lang ngayon, may career pa rin siya.

---

“HINDI ba obvious?” sagot ng VMX actress na si Angel Castro sa tanong ng press kung ipina-enhance ba niya ang kanyang balakang. 

Makikita nga naman ang laki ng balakang ni Angel na lalong nagpaseksi sa kanya at dahilan para sa vital statistics niyang 32-24-36.

Hindi ang mukha at boobs ang ipina-enhance ni Angel at kitang ipinagmamalaki niya ito. Very proud siya rito. Tuwing kinukunan siya ng picture sa mediacon ng VMX movie niyang Bagong Tukso 2 (BT2), hindi siya nakaharap at laging ang balakang ang ipino-project. Kaya ang mga larawan niya ay laging nakatagilid.

Sa request ng press, humarap din si Angel at nakita na rin ang magandang mukha nito. Naikuwento rin nito na may problema siya sa mata na na-infect nang magpalagay siya ng eyelashes.

“Plastic eyelashes ang inilagay sa akin. Na-infect ang mata ko at muntik akong mabulag. Under medication pa rin ako,” sabi nito.

Palaban sa paghuhubad si Angel at “oo” agad ang sagot nang tanungin kung willing siyang mag-frontal. 

Na-bash dahil sa joke kay Ryzza… KIM, HUMIRIT NA GOOD VIBES LANG TAYO PERO ‘DI NAG-SORRY

ni Nitz Miralles @Bida | June 29, 2026

Photo: Ryzza Mae at Kim Chiu - Instagram

Inisip ng mga nakabasa sa post ni Kim Chiu na, “GV, GV LANG po tayo!!!” na reaksiyon niya ito sa iniisyu sa kanila ni Ryzza Mae Dizon. 

Ang ibig kasing sabihin ng GV ay ‘good vibes’ at sana nga, pagbigyan si Kim at itigil na ang pamba-bash sa kanya at ang isyu.

Nakaganda at nakatulong sa isyu na hindi na siya nagsalita o nagpaliwanag dahil siguradong lalaki lang ito. Malaking tulong din na hindi rin nagsalita si Ryzza at hinayaan na lang ang mga netizens na mag-ingay.

Sabagay, marami naman ang nagdepensa sa kanya at pati na rin kay Kim. It was a joke at hindi si Ryzza ang talagang tinukoy ni Kim, kaya lang, hindi napigil ang mga netizens sa pagre-react. Lumaki ang isyu dahil sa pag-aaway-away ng mga netizens na wala namang kinalaman.

May nagsabing makakatulong si Kris Aquino na tuluyang patayin ang isyu kina Kim at Ryzza. Pagkitain daw ni Kris ang dalawa para personal na magkakilala at makapag-sorry si Kim kung may dapat man siyang ihingi ng sorry.

Very close si Kim kay Kris at panganay nga ang turing nito sa kanya. Nagiging close naman si Kris kay Ryzza dahil sa anak na si Bimby Aquino, kaya hindi tatanggi ang dalawa kung gugustuhin ni Kris na sila ay pagtagpuin.

Sana raw, sa susunod na magde-date sina Bimby at Ryzza, kasama pa rin si Kris and isama na rin si Kim. 

Siguro naman, hindi tatanggi sina Kim at Ryzza sakaling i-request ni Kris na sila’y magkita, para na rin matigil ang bangayan ng mga fans nila at ng It’s Showtime (IS) at Eat… Bulaga! (EB!).

Although, nakakaaliw basahin ang puksaan ng dalawang kampo at kung saan-saan napupunta ang usapan.

---

Kasama ang bagong dyowa… LJ REYES, INILABAS ANG MGA ANAK KINA PAULO AT PAOLO

ANG laki na ng mga anak ni LJ Reyes at nakita ng mga netizens sina Aki at Summer sa photo post na magkasama ang mag-iina at hubby ni LJ sa opening ng cookie business ng dating aktres sa place nila sa New York.

Tinawag na The Village Cookie ang cookie shop ni LJ at may photo nga na kasama niya ang mga anak na sina Aki at Summer. 

Si Aki ay anak ni LJ kay Paulo Avelino at si Summer ay kay Paolo Contis naman.

Ang tangkad ni Aki, mas matangkad na siya kay LJ at halos kasingtangkad ng husband nito. Makikitang pinaghalong LJ at Paulo ang mukha nito at hindi maiwasang mag-comment ang mga netizens na pogi ang panganay ni LJ at fit ang katawan.

Si Aki, nabibisita ni Paulo kapag nasa Amerika siya, pero si Summer, hindi na nakita ni Paolo mula nang umalis sila ng Pilipinas ng ina. Kapag nakita ni Paolo ang photo ng anak, magugulat siya dahil malaki na ang bunso niya.