ni Nitz Miralles @Bida | July 9, 2026
Photo: IG _marianrivera
Hinintay ng mga present sa kickoff at announcement ng official first four entries sa 2026 MMFF na kasama ang Remember.
Ang nasabing pelikula ay pinagbibidahan nina Dingdong Dantes at Marian Rivera at sa mga bida pa lang, tiyak na ng mga tao na pasok ang movie ng mag-asawa.
Kaya lang, hanggang natapos ang MMFF event, hindi nabanggit ang movie ng DongYan, bagay na ipinagtaka ng mga present sa event dahil para sa kanila, sure winner ang Remember.
Ang movie nilang Rewind na ipinalabas noong 2023 MMFF ang number one sa box office, kaya ine-expect na isa-submit ng mga producers ang bagong pelikula ngayon ng DongYan.
Dahil hindi nabanggit ang movie ng DongYan, inisip ng mga nasa event, kasama ang media, na baka sa second batch ng entries sa MMFF ay ia-announce na kasama na ang DongYan movie.
Pero, may nagsabi na hindi pang-2026 MMFF entry ang Remember at ang playdate nito ay before MMFF. In fact, November daw ang playdate nito at nang i-check namin ang calendar, ang last Wednesday ng November ay 25th. Ito rin daw ang playdate ng Hello, Love, Again (HLA) movie nina Kathryn Bernardo at Alden Richards.
Anyway, hintayin na lang natin ang announcement ng MMFF sa second batch ng entries at apat na films pa rin ang aabangan natin.
NAG-SPOILER si Argus Aspiras sa role niya sa Amir, ang official entry ng GMA Pictures at Brightburn Entertainment sa 2026 Metro Manila Film Festival (MMFF).
Naikuwento nito sa press na siya ang gaganap na young Will Ashley at sila ni Will ang title roles kasama si Dennis Trillo.
Sabagay, hindi naman yata bawal sabihin kung anong role ang gagampanan ng mga may entry kaya confident si Argus na sabihin ang role niya sa nasabing pelikula directed by Zig Dulay. First movie niya ito sa GMA-7 at marami ang nag-congratulate sa kanya.
May nagre-request na nga ng teaser ng movie dahil excited na silang mapanood si Argus kasama sina Dennis, Will at Glaiza de Castro.
Samantala, mas marami ang makakapanood sa Amir at sa pito pang entries dahil sa desisyon ng MMFF na i-slash ang ticket price sa filmfest.
Sa interview kay Noel Ferrer, ang spokesperson ng MMFF, nabanggit na, “It’s been agreed that the films in the Metro Manila Film Festival (MMFF) will be priced at a maximum of P299 per ticket. That’s good news for everyone. It makes the festival more accessible and allows more people to watch.”
Si Metropolitan Manila Development Authority (MMDA) Chair Don Artes ang nag-announce ng ticket slash sa kickoff ng 2026 MMFF at una na niya itong inanunsiyo sa Execom meeting. Sa nasabing meeting, nag-commit ng suporta ang mga theater owners.
Aniya, “That’s the good thing about what’s going to happen this year. Ayala Cinemas already has a buy-one-take-one promo for local films. I think SM has that too. But for the MMFF, P299 is the standard price.”
Pang-poor lang daw…
MGA RICH, ‘BAWAL’ SA FREE CONCERT NI REGINE
PAKINGGAN kaya ng mga fans ang panawagan at pakiusap ni Regine Velasquez na hayaan ang mga hindi afford bumili ng tiket sa kanyang Finale concert na makapanood sa last major concert niya?
Sey niya noong nakaraan, “Ang pakiusap lang namin, sana sa mga nakakaluwag, ibigay na natin ‘yung free night du’n sa mga ‘di talaga makabili ng tickets. Para naman sa mga nangarap mapanood ako live, mabigyan sila ng pagkakataong makita ako. Maraming salamat sa 40 years. Love you guys.”
Kaya lang, parang hindi susundin si Regine ng kanyang mga fans dahil may mga nabasa kaming post na magre-register sila para makakuha ng free ticket sa October 18 concert date. Mahal naman daw ang bili nila ng tiket sa first night sa October 17 at deserve nilang makapanood ng free concert. Makikipagsabayan daw sila sa registration para maka-secure ng two free tickets.
Nauna nang sinabi ni Regine na mahal ang mag-produce ng concert at pamahal nang pamahal ang tiket kaya hindi na ito afford ng iba niyang fans, kaya siya nakiusap.
Unfortunately, mukhang hindi nga ito masusunod.
