Dahil sa banat kay Sen. Robin… ANGEL, NI-LIKE ANG PAG-UNFOLLOW DAW SA KANYA NI MARIEL AT KAY ANNE SA IG

ni Nitz Miralles @Bida | July 20, 2026

Photo: IG-FB Angel Locsin & Mariel Rodriguez-Padilla & Anne Curtis

Nakitaan na naman ng isyu sina Angel Locsin at Mariel Rodriguez. Ibig sabihin, binabantayan ang kanilang bawat kilos.

Hindi natapos sa pag-a-unfollow ni Mariel kina Angel at Anne Curtis sa Instagram (IG) ang isyu na nagsimula sa pagko-call out ni Angel kay Sen. Robin Padilla.

Ang bagong isyu ay ang pagla-like ni Angel sa post ng isang website sa balitang in-unfollow siya at si Anne ni Mariel sa IG.

Minarkahan pa ng red circle ang name ni Angel para makita ang kanyang pangalan na isa sa mga nag-like.

Ayun, na-trigger ang mga naghahanap ng isyu at kontrobersiya. May kumampi kay Angel dahil wala raw masama sa ginawa nito. Hindi siya nagpa-interview pagkatapos ng post niya patungkol kay Robin at hindi na uli nag-post.

Sabi naman ng kampi kay Mariel, parang dinagdagan ni Angel ang init ng isyu kung sakaling hindi magugustuhan ni Mariel ang ginawa niya.

---

NAG-CELEBRATE ng kanilang 8th anniversary as a couple sina Ruru Madrid at Bianca Umali. May common post ang dalawa, photo nila na ang caption ay: “Fit check ng 8 taon nang magkasama.”

Marami ang nag-congratulate sa dalawa at ang ibang well-wishers ay may kasamang tanong kung kailan sila magpapakasal.

Minsan nang nasagot ni Ruru ang isyung kasalan, hindi pa nila ito ipinaplano. 

Nabalita rin na gusto muna nilang magpagawa ng bahay at pinag-iipunan nila ito.

May kinalaman din ang very active career ng dalawa kaya hindi muna sila magpapakasal. 

Si Ruru ay sunud-sunod ang project. May dalawang pelikula siya at ang isa ay pang-Cinemalaya.

Nagte-taping din siya ng Hari ng Tondo (HNT), ang action series kung saan gaganap na kontrabida niya si Dennis Trillo.

Si Bianca, katatapos lang ng Sang’gre at may animation film na Ella Arcangel (EA) na boses niya ang ginamit sa karakter ni Ella.

Bata pa naman ang dalawa. Wedding can wait at dapat pagplanuhan nang husto.

---

NAGING usap-usapan online ang pag-iwan ng komento ng misis ni Baron Geisler na si Jamie Evangelista sa Instagram (IG) post ng aktor.

Nagsimula ang espekulasyon tungkol sa umano'y problema sa kanilang pagsasama nang mag-comment si Jamie sa joint Instagram (IG) post ni Baron kasama ang isang aesthetic clinic, kung saan makikita ang aktor na sumasailalim sa facial treatment.

Ani Jamie, “Find a drug rehabilitation sponsor who can help you address the root cause of your problems. I doubt a facial can heal that.”

Bagama’t deleted na ang naturang komento, kumalat na ang screenshots nito sa social media. Dahil dito, marami ang nag-isip na posibleng nag-relapse si Baron, na dati nang umamin sa kanyang naging problema sa droga at alak.

Matatandaang noong Hulyo 2025, may balitang gumamit siya ng droga sa loob ng isang cubicle sa ABS-CBN bago siya humarap sa audience. Ikinuwento rin niya na humingi siya ng tulong sa kanyang mga kapatid upang maipasok sa isang rehabilitation facility, na nagsilbing simula ng kanyang recovery journey.

Inamin din noon ng aktor na isa pa rin siyang ‘recovering alcoholic’. Nilinaw din niya na karamihan sa mga kontrobersiyang kinasangkutan niya matapos ang kanyang rehabilitation, kabilang ang naging viral na away nila ni Kiko Matos noong 2016, ay diumano sinadya.

Damay sa galit ng mga DDS sa aktres… ANNE, KAMPI KAY ANGEL, TINAWAG NA ‘BUWAYA’, IN-UNFOLLOW DIN NI MARIEL

ni Nitz Miralles @Bida | July 19, 2026

Photo: IG _annecurtissmith & _therealangellocsin _marieltpadilla

May 9,513 comments na ang post ni Angel Locsin sa Instagram (IG) calling out Sen. Robin Padilla and his “Komunista ako” statement. Pero hindi lahat ng comments ay sagot para sa aktres.

May mga comments na ang puntirya ng galit ay ang mga celebrities na nag-comment ng pagsang-ayon kay Angel.

Si Bea Binene, minura at nakikisawsaw daw. Sina Enchong Dee at Benjamin Alves ay bina-bash at may mga nagmura rin na wala raw career ang dalawa. 

Si Arnold Clavio, binalikan ang dati niyang isyu.

Si Anne Curtis, paulit-ulit na tinawag na ‘crocodile’, bagay na hindi namin ma-gets. May nag-akusa rin sa kanya na feeling safe dahil sa comment na, “Welcome back, Darna.”

Comment ng mga fans ni Anne, walang masama sa comment niya, pero naging rason pa rin para i-unfollow siya sa Instagram (IG) ni Mariel Rodriguez, tulad ng pag-unfollow ng misis ni Robin kay Angel.

Mas marami nga lang ang galit kay Neil Arce, husband ni Angel, sa comment na, “Lika na, Narda, hanapin natin ‘yung bato.”

Ang daming na-trigger at binalikan siya ng hate comments. 

In fairness sa kanila ni Angel, handa sila sa backlash ng mga supporters ni Robin at mga DDS (Duterte diehard supporters). Hindi sila nagde-delete ng comments na parami nang parami.

Curious ang mga netizens kung ano’ng magiging eksena halimbawang magkita si Sen. Robin at ang mga nag-comment na agree kay Angel. 

---

Kahit todo-sorry pa….

AIR ASIA EMPLOYEE NA GUSTONG MABARIL SI SEN. ROBIN, TINANGGAL SA TRABAHO

Ang post ng AirAsia employee na, “Sorry po, Robin Padilla, if nasaktan kayo sa nasabi ko. Kapalit po ng nagawa ko sa inyo, natanggal na po ako sa AirAsia.”

Ang rason ng pagtanggal sa naturang empleyado ng AirAsia ay ang post niyang, “Wala bang maglalakas-loob barilin bigla si Robin Padilla?”

Nag-react si Robin sa post na ‘yun at sabi, “Humingi ka ng tawad sa Panginoon sa inyong panawagan dahil napakasama po ng inyong hakbangin.”

Kinol-out si ate girl ng mga netizens kaya nag-public apology.

Pahayag nito, “I want to publicly apologize for my recent actions. I recently made threats against Robin Padilla and I am truly sorry. In a moment of anger, I chose to use words that were aggressive and dangerous. I understand now that my behavior was wrong and that I created an environment of fear. 

“That was never acceptable, and I am embarrassed by how I handled the situation. I am taking steps to address the issues that led me to this point, and I ask for your forgiveness. I am deeply sorry for the pain I have caused.”

Bago ang public apology, naglabas ng statement ang AirAsia at nakasaad na aware sila sa social media post ng isa sa kanilang mga employees. Hindi nila tino-tolerate ‘yun at walang kinalaman ang kumpanya sa post nito.

Pahayag nila, “This matter is currently undergoing a thorough internal investigation. AirAsia will take strict disciplinary action on any misconduct in accordance with our internal procedures and due process.”

Ayun, pagkatapos ng imbestigasyon, tinanggal na ang empleyado sa kanyang trabaho.

---

Sobrang simple, sa alahas bumawi… 

P400K, RELO NI VINCENT SA KASAL NILA NI BEA

KAHIT ilang araw na ang nakalipas, ang kasimplehan pa rin ng civil wedding nina Bea Alonzo at Vincent Co ang pinag-uusapan. 

Mula sa wedding hanggang sa reception, na-maintain ang kasimplehan ng kasal.

Sa reception, 10 o baka mas kaunti pa ang invited at simple ang table setting. Walang mga table decors na nagpasikip sa mesa.

Ang wedding cake ay worth P3,000 na in-order sa Wadough's Bakery sa

Maginhawa St., Diliman at hindi alam ng owner na para sa wedding nina Bea at Vincent ‘yun. 

Sa ibabaw ng red velvet, vanilla, at chocolate cake, nakasulat ang “Just Married”.

Simple rin ang suot ng mga ikinasal, pero siguradong hindi simple ang wedding ring nila na hindi pa nakikita. Curious ang lahat kung ilang carats at kung magkano ang wedding ring ng dalawa pati na ang engagement ring ni Bea.

Wala ring glam team si Bea na nag-ayos sa kanya at ipinakita niyang siya mismo ang nag-make-up sa sarili.

Isa pa, hindi nakaligtas sa mga netizens ay ang suot na wristwatch ni Vincent sa wedding day nila ni Bea. IWC Pilot watch daw ‘yun na worth P400,000. Sa watch daw bumawi at sa jewelry na suot ni Bea.

Anyway, back to work agad si Bea after their wedding at kinabukasan ay may endorsement shoot ito. The day after the endorsement shoot, nag-taping siya ng Whispers from Heaven (WFH) at dito siya binati ng production team at mga co-stars. 

She was presented with a beautiful bouquet at may mga naiyak pa.

The day after the taping, bumisita siya sa The Aivee Clinic at dito sila nagkita ni Heart Evangelista. Hindi lang alam kung coincidence ang pagkikitang ‘yun o pinag-usapan na nila. 

Sa reels, makikita ang saya ng magkaibigan at may tilian pa. Ilang ulit ding binati ni Heart si Bea. Maririnig din sa reels na tinawag ni Aivee Teo si Bea na ‘Mrs. Bea Co’.

Kahit parehong bilyonaryo… KASALANG BEA-VINCENT, SOBRANG SIMPLE

ni Nitz Miralles @Bida | July 16, 2026

Photo: IG _beaalonzo

Kung simple ang kasal nina Vincent Co at Bea Alonzo, simple rin ang reception setup para sa kanilang mga guests. 

Ipinasilip ng H. Lopez Event Styling ang setup ng reception, simple rin lang at ang description ay “Simple. Clean. Intentional.”

Kahit parehong bilyonaryo sina Bea at Vincent, walang masyadong burloloy na nakalagay sa isang long wooden table, at ang nakita lang naming decor ay glowing candles at calla lilies na nakalagay sa glass vases.

Sa mga nagtanong kung bakit walang photos sa reception, ang paliwanag, “For those asking for photos with Ms. Bea, we honestly didn’t take any because it was such a private and intimate celebration. We wanted to respect the moment and didn’t want to intrude.”

Nag-post si Bea ng wedding photos nila ni Vincent sa kanyang Instagram at ang ginamit na background music ay Palagi nina TJ Monterde at KZ Tandingan. 

Naalala namin, may napanood kaming reel ng couple habang nasa Noctos Bar. Nag-duet sila sa nasabing kanta at hawak ni Vincent ang kanyang phone habang kumakanta para sa lyrics ng song.

Natuwa ang mga netizens sa eksenang ‘yun. Nakita nila si Vincent hindi bilang bilyonaryo kundi isang simpleng lalaking in love sa kanyang girl.

HINDI matutuloy sa July 31, 2026 ang dapat sana ay first major concert ni Jillian Ward. Naglabas ng official statement ang producer ng concert na Stage Nova Entertainment Production at sinabi nila ang rason.

Pahayag nila, “To our valued supporters, due to unforeseen circumstances, we regret to inform you that Jillian Ward’s concert, originally scheduled for July 31, 2026, has been rescheduled to December 8, 2026.

“We sincerely apologize for any inconvenience this change may cause and truly appreciate your understanding, patience, and continued support.

“With this additional time, we are fully committed to making every moment of the wait worthwhile. We promise to deliver a bigger, better, and more unforgettable concert experience — one that will truly exceed expectations and give our audience the show they deserve.

“Thank you for standing with us. We look forward to celebrating an incredible night with all of you on December 8, 2026.”

Kasama rin sa ipinaliwanag na ang mga nabiling tiket para sa July 31 schedule ay valid pa rin para sa bagong petsa. Positive ito para sa mga fans ni Jillian dahil mas may time siya to rehearse at para rin makapili ang mga producers ng tamang guests para sa kanyang concert.

May mga nag-comment pa na sana ay bigyan ng mas maraming panahon na mai-promote ang concert para mas marami ang maging aware sa bagong concert date. 

Hihintayin nila ang bagong petsa ng concert ni Jillian na gagawin pa rin sa New Frontier Theater.

PAGKATAPOS ng apat na supporting roles sa apat na horror movies, bida na si Rose Van Ginkel sa Viva Films movie na Rosario. 

Ikinatuwa rin ni Rose na sa nasabing pelikula, hindi na multo ang kanyang role. Sa past four horror movies na ginawa niya, puro multo kasi ang kanyang role.

“Nagulat nga ako dahil laging multo ang role ko. Siguro, nakita ng mga producers at directors ng past movies ko na bagay ako bilang multo. Ngayon ko lang din naisip, pero ‘di problema sa akin ‘yun. At least ngayon, bida na ako at title role pa,” sey ng aktres.

Isa pang ikinatuwa ni Rose, parang para talaga sa kanya ang pelikula dahil ang real name niya ay Rosalie at malapit dito ang pamagat na Rosario.

Tungkol sa pamahiin kapag may patay, ikinuwento ni Director Roni S. Benaid ang kuwento ng kanyang mom at ang obserbasyon nito tuwing may namamatay, laging may hawak na rosaryo. 

Si Direk Roni rin ang sumulat ng story at script ng movie.