After ng pambubugbog daw nila ni Michelle sa driver niya… RHIAN, UMAMING KAILANGAN NG THERAPY

ni Nitz Miralles @Bida | February 18, 2026

Photo: FB Rhian Ramos

Natawa ang mga nakabasa sa convo nina Michelle Dee (MMD) at Rhian Ramos sa Instagram (IG) tungkol sa angpao na naging rason sa pagiging controversial nilang dalawa.

Sa photo, may hawak si MMD na angpao na galing sa bank na siya ang endorser at isa sa mga businesses ng family ng dad niya. 

Comment ni Rhian, “May your ampaos (angpao) be filled,” na sinagot ni Michelle ng “With?”

Nakakatuwa ang comment ng mga followers ni MMD, nilaro raw nila ang isyu sa angpao. 

May pabirong tinawag na ‘gaga’ ang magkaibigan. May sumunod pang birong comment na, “I can be the 4th bogbogera. Hahaha!” at ang mas nakakatawa, “I love the witty side of these two girls, dapat ganu’n ang atake para mabigyan ka ng angpao.”

May mga comments pa na hindi naman pala nanakaw ang angpao at katunayan, naibalik na kay Michelle. 

Tama rin daw ang ginawa niya na sinabayan ang isyu sa kanila ni Rhian.

Speaking of Rhian, may mga nalungkot sa caption nito na, “When God gives you Tita duties. Child of @bianca_king, you’re the therapy I’ve always needed.” 

Sa word na ‘therapy’, nalungkot ang mga fans ng aktres dahil ang feeling nila, may pinagdaraanan nga ito.

Hopefully, sa pagpa-file ni Michelle Dee ng cyber libel kay Xian Gaza, matapos na ang isyu nila ni Rhian Ramos at sa driver nito.

---

MAY nagpadala ng flowers kay Bela Padilla noong Valentine’s Day. Ang nakasulat lang sa card ang ipinasilip ng aktres, tinakpan ang name ng sender kaya naghulaan ang mga fans nito. 

Kanino raw kaya galing ang beautiful bouquet na nagpangiti sa aktres?

Isa sa mga hula, baka raw galing sa guy na imina-match ni Isabelle Daza kay Bela. 

May mga nagpahayag na ng saya para kay Bela at may concerned naman na nag-comment na sana, walang sabit ang imina-match sa aktres. 

Ayaw daw nilang malungkot ang love life nito. Tama na raw na malungkot ang love life ni Bela sa mga ginagawa niyang pelikula.

Dahil madalas ay hindi happy ending ang movies na ginagawa ng aktres, tinawag na siyang Bela ‘Mapanakit’ Padilla. May iba ngang nag-request na sana, gumawa naman siya ng ibang genre ng movie, ‘yung hindi sasaktan at hindi iiyak ang mga moviegoers habang nanonood.

Kaya lang, madi-disappoint ang mga fans ni Bela dahil sa bago niyang movie na A Special Memory (ASM) opposite Carlo Aquino, sasaktan at iiyak na naman sila, lalo na’t sinabi ni Bela na, “Get ready for A Special Memory. Different kind of pain.”  Kaya, inihahanda na ng mga moviegoers ang sarili nila na umiyak at masaktan.

---

Pa-flowers, bonggang-bongga rin… 

DANIEL, TODO-GASTOS SA VALENTINE’S DATE NILA NI KAILA

MAY nakakuha ng photo nina Daniel Padilla at Kaila Estrada na nagdi-dinner on their Valentine’s Day date. Parang sa fine dining restaurant daw nag-dinner ang magdyowa dahil naka-suit ang aktor at naka-formal red dress si Kaila. 

Sa photo, tila binabasa pa ni Kaila ang menu habang nakatingin sa kanya si Daniel.

Last Valentine’s Day din, ipinost ni Kaila ang bouquet of carnation na bigay sa kanya ni Daniel. Nagbiruan ang mga fans, hindi raw pala kuripot si Daniel sa kanyang GF dahil maraming flowers.

Ikinatuwa rin ng mga fans ni Daniel na close si Kaila sa kanyang pamilya. Nakita na siyang ka-dinner ang pamilya ni Daniel on his father’s side at nakasama na rin niya si Karla Estrada at mga anak nito.

The other day, nakita si Kaila na kasama naman ang sister ni Daniel na si Magui sa Power Plant Mall. Naglalakad ang dalawa at magsa-shopping siguro habang tuluy-tuloy ang pag-uusap.

Ang saya raw malaman na close si Kaila Estrada sa family ng aktor at wish ng KaiNiel fans nila na magtuluy-tuloy ang ganitong closeness niya sa family ng boyfriend. 

Wala rin namang problema si Daniel Padilla sa parents ng aktres, nagkausap na sila ni John Estrada at naka-bonding na rin si Janice de Belen at pati ang mga siblings nito.

Inireklamo ng cyberlibel… XIAN KAY MICHELLE: STRATEGY LANG NIYA ‘YAN DAHIL NASIRA SIYA SA PAMBUBUGBOG SA DRIVER

ni Nitz Miralles @Bida | February 17, 2026

Photo: Xian Gaza at Michelle Dee - FB / Instagram

Personal nang inireklamo ni Michelle Marquez Dee (MMD) sa National Bureau of Investigation (NBI) ang controversial social media personality na si Xian Gaza ng cyber libel. 

Kasama sa mga inireklamo ang four Facebook (FB) pages ni Gaza dahil sa pagpapakalat ng false information tungkol kay Michelle online.

Sa NBI sa Pasay City nag-file ng cyber libel si Michelle at ibang individuals kasama ang lawyer niyang si Atty. Maggie Garduque. 

Sa interview sa kanya, sinabi ni Michelle na may tiwala siya sa justice system at lalabas din ang katotohanan lalo na’t totoong buhay ang apektado.

“I know I’m on the right side of this. I put my trust in our system, and I know that lalabas naman po ang kailangang lumabas.

“But am I worried? I’m just happy to be celebrating Chinese New Year very soon,” sabi pa ni Michelle.

Mabilis namang nakarating kay Gaza na inireklamo siya ni Michelle sa NBI at may pahayag siya. 

Aniya, “Good move. Very strategic. Wais. Para ma-divert kay Xian Gaza libel ‘yung buong issue at malayo sa driver na binugbog nila at idinetain illegally. The news headlines will become Michelle Dee vs. Xian Gaza tapos s’ya na ngayon ‘yung biktima na lumalaban.

“Because let’s be real, the threesome tsismis did not hurt her career at all. Ilang taon nang maingay ‘yung issue na ‘yan. Nakatulong pa nga sa kanya actually. 

“The truth is, nasira ‘yung pangalan n’ya dahil kay Kuya Driver so kailangan nila akong kasuhan for damage control. At the same time, ‘yung mga journalists, news agencies, and content creators na magpo-post sa kanya in the future ay mangingilag na. That’s the clear message for everyone. To save her name and career. I fully understand the bigger picture. In Tagalog, nauunawaan ko si Michelle Dee. Happy to help, may God bless her.”

Comment ng mga netizens, mas mahaba pa ang post ni Xian sa interview ni Michelle tungkol sa pagpa-file niya ng cyber libel case laban sa social media influencer.

Dagdag pa nito, “‘Yung mga tsismis sa buhay ng mga celebrities ay normal at madaling lusutan. Ang mahirap ay ‘yung ma-news headline kang nambugbog ng isang ordinaryong tao.”

---

BF, super-sipag mag-comment sa post ng aktres…

ANDREA AT PANKIE, ‘HONEY’ ANG TAWAGAN

‘Honey’ siguro ang term of endearment ni Andrea Brillantes at ng boyfriend niyang si Franchesko Juan Capistrano o Pankie dahil sa isang post ng aktres, nag-comment si boyfie ng ‘Honey’. Kaya feeling ng mga nakabasa, ito ang tawagan ng magdyowa na ikinakilig nila.

Nakakaaliw nga ang comment ng mga fans na, “Dito tayo sa always early,” dahil laging nauunang mag-comment si Pankie every time may bagong post si Andrea. 

Ang biruan nga, siguro, lagi itong tutok sa Instagram (IG) ng GF kaya mabilis mag-comment.

May nag-comment namang “Buwenas ka boy,” “You’re lucky to call her yours,” “Pwera usog,” “My love so sweet,” at ang nakakatuwang “Sa ‘yo lahat ‘to?” 

May nagpayo naman kay Pankie ng “Sana naman, mahalin mo nang totoo si Andrea kasi ang girl na ‘yan, mapagmahal. Give her respect and love. God bless you.”

And speaking of Andrea, sumabak agad ito sa taping ng series nila ni Enrique Gil sa TV5 na A Secret In Prague (ASIP) at sa photoshoot for Guess pagbalik ng ‘Pinas. Tuwang-tuwa sa kanya ang manager na si Shirley Kuan dahil masipag at walang kapaguran.

---

Hirit ni Alvin, Izzy, pinatigil ni Lord sa pagiging Sexbomb… SUE: MAS KASALANAN ANG MAGING GALIT SA BAKLA

KABILANG ang aktres na si Sue Ramirez sa mga nag-react sa pahayag ni Alvin Aragon tungkol sa pagre-resign ng asawang si Izzy Trazona sa Sexbomb. 

Sa isang radio interview, sinabi ni Alvin na ang Panginoon ang nagpa-resign kay Izzy sa Sexbomb. Sabi nito, “Pinag-resign ni Lord. Sabi ni Lord kay Izzy, ‘Come. Follow me. I will make you fishers of men.’ Nag-obey si Izzy du’n.”

Nag-react si Sue sa comment section ng post ng ABS-CBN News. 

“Na para bang kasalanan maging Sexbomb?” 

Sinundan ng comment na, “Mas kasalanan kaya maging homophobic at transphobic.”

Ang tinukoy ni Sue na mas kasalanan ni Alvin ang maging homophobic at transphobic ay dahil hindi nila tanggap ni Izzy ang transwoman na anak na si Andrei na ngayon ay si Sofia na.

Naging daan ang comment na iyon ni Sue para mag-comment ang mga netizens. May sumagot at may mga nag-share ng opinion. 

Wala pang sagot sina Alvin at Izzy sa comment ng aktres.

Anyway, galing sa Japan si Sue Ramirez at boyfriend na si Dominic Roque. Kita sa mga photos na ipinost ng aktor na nag-enjoy sila sa kanilang bakasyon. 

Tila favorite nila ang Japan dahil sa caption ni Dominic, sabi nito, “LezzzGo (let's go) back to Japan.”

Kahit bloated pa… KRIS, BALIK-HOSTING NA SA MARCH

ni Nitz Miralles @Bida | February 16, 2026

Photo: Kris Aquino / Instagram

Kris Wisdom pala ang title ng podcast ni Kris Aquino na ayon sa kanya, hopefully, in five (5) weeks ay airing na. So, by March, mapapanood at maririnig na natin uli si Kris at siguradong marami itong ise-share.

Ngayon pa lang, active na si Kris sa pagsagot sa tanong ng mga fans. 

Sa nag-comment na, “We are glad you’re keeping up healthier and better!” sagot niya, “Marami kayong ‘di alam sa pinagdadaanan ko. By choice I try to only share what can inspire and not the hardships because all of you have enough on your plate, there’s no need to add to your burdens.”

Sa nag-comment naman ng “Your will to live is remarkable,” sagot ni Kris, “Wouldn’t you want to live when you have sons who love you and need you and are just so caring and really make you feel so appreciated.”

Sa nag-comment pa ng “Given everything you’re going through physically and emotionally, what now defines strength for you at 55?” sagot ni Kris, “My willingness to continue trying all possible treatments considering that I sometimes have had unexpected reactions that frightened all of us. Medicine that people have never had an allergic reaction to—I am really ‘different’… it doesn’t mean I am not scared, it just means I am not giving up and that’s what matters.”

Tungkol sa reaksiyon sa gamot, nabasa namin ang post ni Kris sa isa sa mga doctors niya na si Dr. Ging Zamora. Kabilang si Doc Ging sa mga present sa birthday salubong para kay Kris.

Aniya, “I love you but I am so bloated from the only steroid I am not allergic to. I found a place to walk safely, but of course knowing me you and my nurses need to stay alert so that I don’t stumble.”

Marami na nga ang excited na mapanood muli ang ‘Queen of Talk’ na si Kris Aquino.

---

Piktyur na magki-kiss, viral…

BF DAW NI FRANKIE, GUWAPO AT RICH ANG ANGKAN

KINAKANTIYAWAN ng mga supporters ni Frankie Pangilinan at ng Pangilinan family ang mga bashers nina Sharon Cuneta at Frankie. 

Nadamay si Kakie (palayaw ni Frankie) sa isyu ng mom niya at dahil pati siya ay binabanatan at paulit-ulit na ginagamit ang minsang nasabi niya na ayaw na niya ng Ferdinand Marcos na presidente ng bansa, comment ng maka-Frankie, hindi pa raw naka-move on ang mga bashers nito at ng kanyang pamilya, eh, may bago nang isyu. 

May bagong boyfriend na raw ito. Nasa Instagram (IG) Story ni Frankie ang photo nila ng guy na hindi pinangalanan, na tila magki-kiss, kaya kinilig ang mga netizens. 

May nakakakilala sa guy at nakikita na sila ni Frankie sa mga events, pero walang makapagbanggit ng pangalan nito.

Ang sabi lang ng mga nakakakilala sa guy, yayamanin ito at galing sa pamilya ng Santa Maria, Laurel at Rufino na mayayaman nga. Present daw ito sa Christmas party ng mga Pangilinan at ipinakilala ni Frankie sa kanyang mga relatives.

Guwapo raw ang guy, pinsan ni Denise Laurel, rich at fit. 

Magka-level daw si Frankie at ang sinasabing boyfriend nito. Ang payo ng mga kakilala, huwag nang pakawalan ang guy at vice-versa.

Kaya sabi ng mga supporters ng mga Pangilinan sa mga bashers, tigilan na nila ang pamba-bash at tulungan silang diskubrehin ang pangalan ng boyfriend ni Frankie. Mas maganda raw kung may ibang info silang mai-share.

---

BARBIE AT ENCHONG, MAGKASAMANG SINALUBONG ANG V-DAY

LOADED ang schedule ni Barbie Forteza kahit wala siyang Valentine's date. Sa ipinost na reels sa Instagram (IG) na may caption na: “Valentine’s weekend well spent,” ipinakita kung paano siya nag-celebrate nang mag-isa.

Nanood siya ng sine, nagkape sa favorite coffee shop niya, at nag-dinner sa favorite Italian restaurant. Ipinakita ni Barbie na kahit solo, puwede pa ring maging masaya sa

Araw ng mga Puso at natuwa sa kanya ang mga kaibigan.

Kabilang sa mga nag-comment si Director Irene Villamor at humirit na gumawa raw sila ng pelikula ni Barbie, na sinagot ng aktres ng, “Hala direk! Game na game ako, please!”

Mababasa rin ang comment ni Enchong Dee na well-deserved ang ginawa ni Barbie at lumabas na magkasama silang sinalubong ang Valentine’s Day.

May ginagawang project for Netflix ang dalawa, kaya magiging madalas ang kanilang pagkikita at alam na ng mga fans ni Barbie Forteza na magiging mabuti silang magkaibigan.