Ifinlex sa IG… CARLA, PROUD SA NARANASAN SA SHOOTING NG MOVIE NI BRAD PITT

ni Nitz Miralles @Bida | June 30, 2025

Photo: Carla Abellana - IG

Inaabangan ang magiging sagot ni Carla Abellana sa statement ng PrimeWater tungkol sa natanggap niyang notice ng water disconnection sa property niya sa Tagaytay City. Sumagot via statement ang PrimeWater at kasagut-sagot ang laman ng statement.

Either hindi pa nababasa o hindi pa nakakarating kay Carla ang sagot sa kanya ng water provider, kaya wala pa siyang reaction. Puwede ring busy ang Kapuso aktres sa biro nitong first Hollywood movie na kanyang ginawa.

Para mas maintindihan, basahin natin ang post nito sa Instagram (IG) at may voice-over pa nga siya at ikinuwento na nakita niya ang Hollywood actors na sina Brad Pitt at Javier Bardem.

Aniya, “I can finally announce that my first ever Hollywood film appearance is now showing.

“JUST KIDDING! But I did witness the filming firsthand and it was every bit awesome!

“It’s an experience I’ll never forget. I mean, how lucky was I that I got to watch the end of the F1 season at the Abu Dhabi Grand Prix AND watch behind the scenes as they filmed F1 The Movie AND see BRAD PITT & JAVIER BARDEM (among other Hollywood celebrities) working.”

Car racing fan ang aktres at pumunta pa sa Abu Dhabi at nagkataon na shooting ng said movie. Pinanood na rin ni Carla Abellana ang filming ng nasabing pelikula at ibang experience nga naman kung nakapanood ka ng filming.

---

Nag-post na umiiyak…

VINA: ‘DI KO NA KAYA! MAGSASALITA NA AKO

Tinakot ni Vina Morales ang mga kaibigan at followers niya sa Instagram (IG) dahil sa reels post niya na umiiyak. 

Tuluy-tuloy ang iyak ng aktres, nagpapahid ng luha at may caption pa na, “Hindi ko na kaya. Magsasalita na ako.”

Tanong ni Pops Fernandez, “What’s happening?” 

May nag-comment naman na tawagan agad siya ni Vina at nagtanong pa kung okay ang aktres. 

Si Sunshine Cruz, nag-comment ng heart emojis.

Well, hindi binasa ng mga nag-react agad ang overlay text sa reels na, “Misis ng OFW sa nag-viral na post, nagsalita na.” 

Hindi rin nila nabasa ang comment ni Neil Ryan Sese na, “@vina_morales sandali lang, Fela. magpapaliwanag ako.”

Saka lang nag-sink in sa lahat na eksena ‘yun ni Vina sa afternoon series ng GMA-7 na Cruz vs. Cruz (CVC) at nagpo-promote lang ang aktres. 

Nang malaman kung para saan ang reels post ni Vina, pinuri ito dahil magaling daw na aktres at katunayan, nadala sila sa husay nito at inisip na may nangyari sa kanya.

Hindi naisip ng mga nag-react na wala namang asawa si Vina, kaya walang manloloko sa kanya. Acting lang po ‘yun at mukhang effective dahil marami ang nagtanong kung kailan ang pilot at kung anong oras para kanilang mapanood.

May mga hindi rin natuwa sa ginawa ni Vina. OA (overacting) raw ang aktres at fake ang pag-iyak. May nag-akalang prank ang kanyang ginawa at may tumawag din sa kanyang ‘papansin’.

May nag-comment naman na gaya-gaya si Vina kay JM de Guzman na nag-post din ng video na umiiyak at isa pa nga si Vina sa mga nag-react at nag-offer na puwede siyang tawagan ni JM kung kailangan ng makakausap.

As a whole, effective ang pagpo-promote ni Vina at muli raw nitong ipinakita na mahusay siyang aktres. Sa halip na kainisan, dapat daw palakpakan siya.

---

Content creator, durog sa bashers…

MIKI LABARDA, THIRD PARTY DAW KINA MARCO AT HEAVEN, NAGSALITA NA

NAGSALITA na at itinanggi ng content creator na si Miki Labarda na siya ang third party sa breakup nina Heaven Peralejo at Marco Gallo. Kinailangan na raw niyang magsalita dahil nakakatanggap siya ng death threats at hate comments mula sa mga fans nina Heaven at Marco.

Hindi rin daw nagsasalita ang dalawa, kaya siya na ang nagsalita at nilinaw ang isyu.

“I’ve been getting DEATH THREATS and fans of Marco and Heaven’s love team have been overanalyzing every single thing on here (and since no one’s saying anything and I have the free will to stand up for myself).

“GUYS, I’m in a private relationship and I’m not anyone’s new girlfriend for crying out loud,” sabi pa ni Miki.

Ikinuwento nito na nakilala niya si Marco nang mag-reach out ito sa kanya at nagpaturo ng color grade and expose properly. Nagkikita sila pero kasama ang ibang creators to shoot at hanggang doon lang.

Nakakaapekto na raw sa peace niya at nagiging uncomfortable na siya sa pagkakasangkot sa isyu.“You guys need to relax,” payo ni Miki sa mga fans nina Heaven at Marco.

Fans, kaya ‘di na kinikilig… HEAVEN AT MARCO, NAPILITAN LANG MAGSAMA ULI PARA SA TRABAHO

ni Nitz Miralles @Bida | June 29, 2025

Photo: Heaven Peralejo at Marco Gallo - IG

Magkasama sina Marco Gallo at Heaven Peralejo, pero hindi date kundi sa isang endorsement, kaya hindi kinilig ang mga fans. 

Kahit magkatabi ang dalawa, nagtititigan at parehong nakangiti, hindi pa rin kinilig ang mga fans.

Ang feeling ng mga netizens, napilitan lang ang dalawa dahil trabaho at baka nakapirma na sila ng kontrata bago pa nabalitang break na sila.

Hanggang hindi nila nakikita sina Marco at Heaven sa isang lugar na hindi para sa trabaho, hindi raw muna kikiligin ang kanilang mga fans. 

Ang hirap pasayahin ng mga fans, pero tama naman sila, saka na sila kikiligin kapag solid na ang ebidensiya na maayos na uli ang kanilang relasyon.

---

Marjorie at isa pang brother, kaaway…

CLAUDINE, NAKAHANAP NG KAKAMPI SA UTOL NA SI JJ

May kakampi naman pala si Claudine Barretto sa kanyang mga kapatid, hindi lahat ay kanyang kaaway. 

Kung matatandaan, kamakailan ay nagsalita si Claudine na posible niyang idemanda ang kapatid na si Mito Barretto dahil sa mga banta nito sa kanyang buhay habang may conflict na naman sila ng isa pang kapatid na si Marjorie Barretto.

Isa sa mga maka-Claudine sa kanyang mga kapatid ay si Joaquin “JJ” Barretto at post nito: “I will be here forever at your back. I’m so proud of you that you are a fighter... I LOVE YOU SO MUCH.” 

Sagot ni Claudine sa post ng kuya niya, “I love you, J. Thanks for protecting me always love you much,” at “ I love you, my kuya.”

Nagpasalamat ang mga fans ni Claudine kay JJ sa pagmamahal sa aktres. Tinawag siyang best brother at pinuri siya sa pagiging balanse niya sa kanyang mga kapatid. 

Sa ibang posts ni JJ, kasama niya ang iba pa nilang kapatid at mga pamangkin pati ang mom nilang si Mommy Inday. Wala si Claudine sa mga family events ng Barretto at wala rin ang mga anak niya.

Speaking of Claudine, sabay ang birthday celebration ng mga anak na sina Sab at Quia Barretto. Nakakabilib ang pagpapalaki niya at pag-aalaga sa mga anak. Pinangakuan niya ng patuloy na pagmamahal, pag-aalaga at suporta ang mga ito.

---

POST-BIRTHDAY celebration ni Debbie Lopez ang grand presscon niya this Sunday at launching na rin ng single niyang Ang Higugmaon Ka (AHK). 

Ang taray ng paalala nito na, “No invitation, no entry.” 

Hala!

Mas marami ang invited guests ni Debbie ngayon than her first presscon at siya raw ang naghanda ng guest list. Of course, sa tulong ni Beth Gelena na good friend ni Debbie.

Naaalala namin sa first presscon ni Debbie, kabilang sa mga kinanta niya ang Pretty Boy (PB) ng M2M at walang exagg, it is one of the best versions of the said song. 

Ang ganda ng pagkakakanta ni Debbie sa song at sana, kantahin niya uli sa presscon niya mamaya.

Anyway, nag-acting workshop si Debbie sa Ogie Diaz Acting Workshop. Kasama siya sa Batch 162 at proud sa natanggap na Certificate of Participation. Ibig kayang sabihin nito, may plano siyang pasukin ang acting? 

Malalaman natin sa grand presscon niya mamaya at matatanong din kung ano’ng role ang gusto niyang gampanan sakaling may acting offer na dumating.

---

Dedma na sa GF?

HERBERT, ‘DI BINATI SI RUFFA SA B-DAY

BINIGYAN ng birthday surprise si Ruffa Gutierrez sa set ng Beauty Empire (BE) na ikinatuwa at ipinagpasalamat nito. Sina Barbie Forteza at Kyline Alcantara pa ang nagdala ng birthday cake sa kanya.

“Celebrated my birthday on the set of BEAUTY EMPIRE. The cast, production team & crew surprised me on the set while I was doing voice overs. So sweet!! Love you all from the bottom of my heart. Ano’ng birthday wish n’yo for me?” post ni Ruffa.

Parang walang sumagot sa tanong ni Ruffa kung ano ang birthday wish ng kanyang mga followers sa Facebook (FB) at lahat ay bumati lang ng happy birthday sa kanya. 

Ang inabangan ay ang birthday greetings ni Herbert Bautista, wala nga lang nabasang pagbati nito para kay Ruffa. Naisip na lang ng mga netizens, baka in private ang birthday greetings ni Herbert sa kanya.

Wish din ng mga netizens, sana okey na ang dalawa at nakapag-usap na. Sa guesting kasi ni Ruffa Gutierrez sa Fast Talk with Boy Abunda (FTWBA), nabanggit na hindi sila nag-uusap ni Herbert Bautista.

‘Di pa engaged, nagpo-promote lang daw ng endorsement… BEA, NABUDOL ANG MGA FANS SA SUOT NA SINGSING

ni Nitz Miralles @Bida | June 28, 2025

Photo: Bea Alonzo - IG

Ginulat ni Bea Alonzo ang mga followers niya sa Instagram (IG) sa caption ng post niya dahil inakalang ikakasal na siya. 

Bale ba, may suot na singsing ang aktres sa photo post niya, kaya hula ng mga netizens ay ikakasal na siya.

In capital letters pa ang post ni Bea na, “SAY I DO... to life, love, growth, gratitude, and new beginnings. Because every chapter begins with a choice—to open your heart, to evolve, and to shine from within.”

Kung tatapusing basahin, nagpo-promote lang pala si Bea ng jewelry endorsement niya, kaya natawa na lang ang mga nabudol.

Dapat daw talaga, binabasa muna nang buo ang caption bago kiligin at mag-react at marami sa mga followers niya ang kinilig upon reading the first line of her caption.

May nag-comment na kinilig siya nang ilang seconds at natigil lang nang mabasa ang buong caption. May nagsabi naman ng “Can’t wait ‘til the caption says... ‘I said I do.’ Practice muna kami now sa reactions.”

May mga comments naman na obvious hindi binasa nang buo ang caption dahil ang sabi, sana isikreto ni Bea ang mga ganap sa love life niya gaya ni Erich Gonzalez na may mga anak na pero hindi nababalita. 

May mga nag-agree sa commenter, pero may nag-disagree rin dahil maganda pa rin daw na nagse-share siya sa ganap sa love life niya para updated ang kanyang mga fans.

May nagtanong naman kay Bea kung kailan uli siya gagawa ng series sa TV at pelikula. 

May request naman na balikan niya ang pagba-vlog habang wala pa siyang TV at film project.

---

NAKIKIRAMAY kami kina Ice Seguerra at Liza Diño-Seguerra at sa brother ni Ice na si Juan Carlos Miguel sa pagpanaw ng mom ni Ice na si Mommy Caring Seguerra. 

Madalas naming ka-chat sa FB Messenger si Mommy Caring na masipag magpadala ng mga sabi nga niya, ‘kung anik-anik’ na in fairness, malaking tulong, gaya noong mga kitchen hacks at pati pananahi.

Naka-chat pa namin si Mommy Caring nang mamatay ang fur baby niyang si Jonesy na bigla na lang daw sumuka. Humagulgol daw siya nang mawala ang alaga. 

May isa pa siyang fur baby na mahal na mahal din niya. Mahilig mamintana si Fido na tiyak, mami-miss siya.

Last Thursday lang, nag-send ito ng item sa release ng single ni Ice na Shelter of the Broken (SOTB) this Saturday, June 28, na hindi na niya naabutan. 

First single ang song sa album ni Ice na Being Ice (BI) sa August 8, 2025 under Star Music and Fire & Ice Productions.

Ten years in the making ang album, all original, kaya masaya at proud si Mommy Caring. Hindi pa man lumalabas ang album, marami na ang nagko-congratulate kay Ice at sayang lang na hindi na naabutan ni Mommy Caring ang mga magandang mangyayari sa release ng single at album ni Ice.

Rest in peace, Mommy Caring.

---

MARAMI palang nagmamahal na Encantadiks kina Mikee Quintos at Kate Valdez na gumaganap na Lira at Mira sa Encantadia at may special participation sa Sang’gre. 

Nagalit ang mga fans nang mamatay nu’ng Thursday episode ng series ang karakter ng dalawang aktres.

Sabi ng Encantadiks, tanggap nila na mamamatay sina Lira at Mira dahil nasa trailer daw. Hindi lang nila inasahan na mabilis na mawawala ang minahal nilang mga diwani. 

Wala man lang daw mahabang moment si Mira at ang ina niyang si Pirena (Glaiza de Castro).

Sa kaso ni Lira, hindi man lang daw nito nakasama ang ama na si Ybarro (Ruru Madrid) at wala siya sa burol nito. 

Ganu’n ka-observant ang mga fans at alam mong sinusubaybayan nila ang fantaserye. 

Nauna nang namatay ang mga karakter nina Ruru, Rocco Nacino at Michelle Dee. Sino raw ang susunod na papatayin?

Kahit ipinaliwanag ng concept creator at headwriter na si Suzette Doctolero na bagong istorya ang Sang’gre kaya hindi naka-focus sa ibang original characters ang takbo ng istorya nito, masakit pa rin sa Encantadiks na makitang pinatay ang mga karakter ng Encantadia na kanilang minahal. 

Wala na raw pag-asang makabalik pa ang mga namatay na karakter sakaling magkaroon uli ng bagong bersiyon ng Encantadia. Paano pa raw nila mapapanood sina Lira at Mira?