Happy daw para sa ex-GF… JAVI: SUE AT DOMINIC, SILA ANG MAGIGING ENDGAME

ni Nitz Miralles @Bida | May 22, 2026

Photo: FB Javi Benitez & Sue Ramirez

Mukhang maayos ang breakup nina Sue Ramirez at Javi Benitez dahil sa interview sa congressman, he has only good words to say sa ex-girlfriend niya. 

Hindi naman siguro mamasamain ni Sue at ng current boyfriend nitong si Dominic Roque na sinagot ni Javi ang mga tanong patungkol sa aktres.

Sabi ni Javi, “I’m very happy for her. Wala akong masasabi na masama about her. I still feel that she’s one of the most accomplished yet still underrated actresses of her time.”

Nang tanungin sa relasyon nina Sue at Dominic, sagot nito, “Feeling ko, sila ang magiging endgame.”

‘Yun daw ang prediction at naniniwala siya.

Aniya, “Well, both of them want to get married and have kids. Saka, bagay sila.”

We asked Javi of his status at ang sagot nito, “Happy. Just low-key. You’ll never know, baka in the future, masabi ko rin. As of now, focused ako sa self-happiness.”

Si Javi pala ay bumoto ng ‘yes’ sa impeachment ni Vice-President (VP) Sara Duterte at so far, wala kaming nababasang mga online supporters or mga DDS (diehard Duterte supporters) na nagalit sa kanya. Inirespeto rin ng kanyang mga constituents ang boto niya, at umaasa ito na mananaig kung ano ang tama at katotohanan para na rin sa bansa at mga mamamayang Pilipino.

---

Dahil sa photo nina Marian Rivera at Coco Martin na kuha sa AKTORPH 6th General Assembly, may mga nag-comment na sana ay gumawa sila ng pelikula together. 

Naisip pa ng mga fans na para hindi magkaproblema sakaling gustuhin ng dalawa na gumawa ng pelikula, ang film company na ni Coco na CCM Film Productions at ang Agosto Dos Pictures ni Dingdong na ang mag-collab bilang mga producers.

Ang mga fans na rin ang nakaisip na action-comedy ang genre na babagay kina Coco at Marian. Si Coco ang bahala sa action at si Marian sa comedy, at pakiusap ng mga fans, pakinggan ng dalawa ang kanilang request.

It turned out na may attempt na noon na pagtambalin sina Marian at Coco sa pelikula at may naglabas nga ng photos ng dalawa na kuha yata sa initial meeting nila. Kasama sa larawan si Roselle Monteverde-Teo at ang yumaong Mother Lily Monteverde (RIP) ng Regal Entertainment. Kasama rin sa photo ang yumaong director na si Maryo J. delos Reyes (RIP), na ang ibig sabihin, ang Regal sana ang magpoprodyus ng movie at si Maryo J. ang director.

Hindi natuloy ang project at ang tsika, may bumili ng kontrata kaya naudlot ang sana’y pagsasama sa pelikula nina Marian at Coco. Hindi nabanggit kung sino ang bumili ng kontrata at kung saan binili, basta hindi na lang natuloy ang movie.

Siguro naman, kapag may producer na makaisip na pagsamahin uli sa pelikula ang dalawa, matutuloy na dahil uso na ang collab ngayon sa mga artista ng GMA Network at ABS-CBN talents o mga Kapamilya artists.

Samantala, ini-launch si Marian bilang new Friend of the House of Bvlgari Philippines. Pinalitan yata nito si Pia Wurtzbach na present sa launching ni Marian at kasama sa mga nag-welcome sa kanya. Present din sa launching ni Marian ang asawang si Dingdong Dantes.

DDS binanatan, negang-nega… CONCERT NG CUP OF JOE SA DAVAO, ‘DI NA TULOY SA MAY 30

ni Nitz Miralles @Bida | May 20, 2026

Photo: Cup of Joe - Instagram

Hindi maiwasang isipin ng mga netizens na may kinalaman sa comment ni Gian Bernardino na “Suwerte ang DDS (Diehard Duterte Supporters) kung sakali” sa postponement ng concert nila sa Davao City. 

Dapat sana ay sa May 30 ang concert ng Cup of Joe (COJ) na isa si Gian sa lead vocalist, pero ibinalita na hindi matutuloy sa nabanggit na petsa ang concert.

Hindi masyadong nabanggit ang rason ng postponement at parang unforeseen schedule conflicts ang sinabi. 

In fairness, pati ang concert sa Cagayan de Oro City sa June 13, hindi rin tuloy at malilipat sa September. Wala pang bagong date ang concert sa Davao, pero in-assure ng COJ na matutuloy pa rin ito.

Kung pakikinggan ang mga netizens, ang payo nila, huwag nang ituloy ang concert sa Davao. Pinayuhan din ang COJ na huwag nang mag-comment tungkol sa politics dahil may mga magre-react.

Sa isang post, may comment si Wency Cornejo tungkol sa COJ concert sa Davao, “Sino kaya producer ng show ng Cup of Joe sa Davao? Naku, mag-isip ka na... Don’t get me wrong, I like their music. I don’t care about their politics but the reality is the chances of the show tanking is extremely high now that the vocalist has disrespected the entire city.”

Hindi man matutuloy ang concert ng COJ sa Davao at CDO, tuloy na tuloy naman sa Saturday, May 23, ang concert nilang Sandali: The Cup of Joe Fest sa Philippine Sports Stadium sa Bulacan, na as of today, almost sold-out na ang mga tickets.

---

MAY pinuksa na naman si Dennis Trillo na basher dahil tila lahat ng kilos ng aktor ay sinusubaybayan at may comment talaga si ate gurl. 

Kilala at natatandaan ng aktor ang pangalan ng basher kaya sinagot niya ito.

Ang pinuna ng basher ay ang suot ni Dennis at may nakakatuwang sagot sa kanya ang aktor, bagay na ipinag-react ng mga followers at pinagsabihan din ang basher.

Comment ng basher, “Dennis Trillo naka-jacket? Ang init-init, naka-jacket ka... papansin ka rin ‘nuh... duh!”

Sagot ni Dennis, “Nagpapapansin ka na naman, ‘te? Matagal pa po ang Halloween, ha? #Undin.”

Sa hashtag ni Dennis mas natawa ang nakabasa ng sagot niya at comment nila, “Savage,” “mabangis,” “Napa-check ako sa profile, back to her, deserved ni ateng,” “Halloween mask n’ya, ayaw na alisin,” at “Ang hard mo naman, lodi. Hahaha! Para-paraan lang ‘yan para magparamdam sa ‘yo.”

May nag-comment naman na dapat pala, nega ang comment para mapansin at sagutin ni Dennis Trillo. 

Kampi sa aktor ang mga netizens at pinagsabihan si ate gurl na huwag ugaliin ang pagiging bad girl dahil hindi maganda. May comment na lumalabas ang pagiging funny ng aktor kapag naba-bash.

---

ANG tandem nina Kylie Padilla at Miguel Tanfelix ang isa sa mga aabangan ng mga viewers ng Task Force Firewall (TFF). Hindi sila love team, pero malakas ang chemistry. 

Ang description nga ni Miguel sa kanila ni Kylie ay ‘the good and bad cop’. Kung sino ang bad at good cop, malalaman once napanood at nasubaybayan na ang high-stakes political action-drama series beginning May 25.

Pasabog ang unang eksena nina Kylie at Miguel dahil nag-rappel sila sa 17th floor ng building ng GMA Network. 

Ayon kay Kylie, may konting kaba siyang naramdaman habang ginagawa ang eksena lalo na’t may dalawa siyang anak. Pero dahil malaki ang tiwala kay Direk Rico Gutierrez at inalagaan sila ng production team, ginawa nila ni Miguel ang eksena.

Nang mapanood ang rappel scene na maganda ang execution, naniwala ang dalawa na tama ang kanilang desisyon na gawin ang eksena. Magandang panghatak sa mga viewers ang nasabing eksena at ang iba pang eksena ng dalawa at ibang cast.

Inamin ni Miguel na sa simula, intimidated siya kay Kylie. 

“Si Kylie kasi ‘yun, action star, pero nang nagte-taping na kami, nawala ang intimidation ko. Nag-collab kami ng ideas at pinag-uusapan kung paano pagandahin ang eksena. ‘Pag na-discuss na namin, pumupunta kami kay Direk Rico. Grateful ako na makatrabaho ko s’ya at mas nakikita ko s’ya bilang tao. Sobrang happy ako na naka-build ako ng new relationship,” sabi ni Miguel.

Napapanahon ang tema ng Task Force Firewall. Imumulat ng series ang mga viewers para makaiwas sa scam, phishing at iba pang cyber crime na talamak ngayon. Tuturuan din ang mga viewers kung paano makakaiwas at kung ano ang mga dapat gawin kapag nabiktima at kung saang ahensiya ng gobyerno magsusumbong.

Akala pinatutsadahan si Sen. Bato sa post… DDS, GALIT KAY DINGDONG

ni Nitz Miralles @Bida | May 19, 2026

Photo: Dingdong Dantes sa The Master Cutter - Instagram

Masaya ang 3rd General Assembly ng AKTORPH na ginanap sa Solaire Resort North. 

Pinangunahan ni AKTORPH Chairman Dingdong Dantes ang oath-taking ng mga bagong miyembro at marami sila. Star-studded ang event at kabilang sa mga new members si Coco Martin.

Ipinost ni Coco ang photo nila ni Dingdong at may caption na: “Maraming salamat @aktorph.” 

Pinasalamatan naman siya ni Dingdong, pati ang lahat ng dumating na kinabibilangan nina Marian Rivera, Iza Calzado, Charo Santos at marami pang iba.

And speaking of Dingdong, galit sa kanya ang mga DDS (Duterte Diehard Supporters) dahil feeling ng mga ito, si Sen. Bato dela Rosa ang pinatutungkulan niya sa Facebook (FB) post na: “Tuloy ang paghahanap ni Atoy sa nawawalang... (emoji ng rebulto). Matutugis na kaya kung sino ang salarin?”

Nagpo-promote lang naman si Dingdong ng The Master Cutter (TMC) at ang rebultong tinukoy niya ay si St. Anthony de Padua na sa story ng serye ay ninakaw sa simbahan. 

Ang dating sa DDS, ang rebulto ay si Sen. Bato kaya nagalit nga sila kay Dingdong.

Isa sa mga comments ay “Hilig talagang makisawsaw ng mga artistang ito sa usapan.” 

May nag-comment pa ng “Ginamit mo pa talaga ‘yung nangyari kay Sen. Bato para i-promote ‘yang flop na show mo,” at “‘Wag mo pong gawing katatawanan ‘yung nangyari kay Sen. Bato dahil puwedeng mangyari ‘yan kahit kanino.”

May tumawag pa kay Dingdong na laos, nakikisawsaw at pasikat. May nagtanong pa kung ano ang tinapos niya.

Isang fan ng aktor ang sumagot sa tanong kung may natapos ba siya. May college degree si Dingdong Dantes at nag-aral sa Ateneo de Manila University (ADMU) at San Beda University. 

Ang The Master Cutter (TMC) ang tinutukoy niya sa kanyang post, binigyan lang ng double meaning ng mga DDS.

---

Niresbakan ng mga bashers… 

WILL, TODO-HIRIT NA MAGING MULAT ANG MGA BOTANTE, GF NA SI MIKA, DDS NAMAN DAW

NAGPAHAYAG din ng kanyang saloobin sa mga nangyayari at isyu sa ating bansa si Will Ashley. 

Idinaan niya sa X (dating Twitter) ang kanyang pahayag.

Aniya, “Nakakalungkot at nakakagalit ang mga nangyayari. Iisa ang ating layunin para sa ating bansa. Huling araw para maging rehistrado. Sabay-sabay po tayong pumili ng nararapat para sa ikabubuti at tunay na may malasakit sa atin at sa ating bansa. Sa mga mulat, hindi na muling pipikit. Magparehistro na, karapatan natin ‘to!”

Ang binanggit ni Will ay ang registration ng new voters at sa nakita naming videos at photos, maraming kabataan ang nagparehistro. Mararamdaman ang puwersa ng mga kabataan sa 2028 elections.

Samantala, may mga bashers si Will dahil sa post niyang ito. Kung hindi pa raw niya ginawa ang pelikulang Balota ay hindi siya magpaparehistro. May nagtanong pa kung legit voter siya. 

Ang isa naman, si Mika Salamanca ang pinuntirya. DDS raw ang GF ng aktor kaya hindi kapani-paniwala ang kanyang panawagan.

---

DAHIL sa ipinakitang husay ni Kylie Padilla sa Task Force Firewall (TFF), ibinigay na sa kanya ng mga fans ang titulong ‘Action Queen’. 

Sabi ng mga fans, may pruweba para ibigay sa kanya ang naturang titulo dahil sa husay na ipinapakita niya sa mga action projects.

Makikita uli ang husay sa action ni Kylie sa nabanggit na action series na may world premiere sa May 25. Trailer pa lang ang napapanood ay humanga na ang mga viewers at pati mga kapwa-artista ay bilib sa kanyang galing.

Sabi ni Iza Calzado, “You were made for this @kylienicolepadilla.” 

Sinundan ito ng “Yes, the one and only,” comment ni Chynna Ortaleza.

“Oooooh yeeeeh!!! There she is!!!!” at “BAAAAABBBBBEE!” naman ang comment ni Andrea Torres.

May mga nagre-request sa GMA Network na ituluy-tuloy ang pagbibigay kay Kylie Padilla ng action projects para tuluy-tuloy din ang pagiging ‘Action Queen’ nito.