Drama sa Senado, ‘di raw bibilhin… POKWANG, TINAWAG NA GUNGGONG ANG MGA SENADOR

ni Nitz Miralles @Bida | May 29, 2026

Photo: IG / Pokwang

Tiyak na may magre-react sa comment ni Direk Lino Cayetano na “Talo tayo, Direk” sa post ni Direk Erik Matti na, “Sa sama ng karakter, kuwento at iskrip ng Senado, alam na natin. PH (Philippine) cinema is dead!”

Sagot ni Direk Erik kay Direk Lino, “Oo, ang lungkot,” at may mga naki-comment na rin. 

May comment na, “Na para bang ‘di mo mga kapatid ang Best Actor at Supporting Actress sa Senado.” 

May sumagot pa ng “Kasi naman Direk, ‘di ata sila nag-acting workshop.”

Nag-comment din si Pokwang ng “True, kahit pirated, ‘di bibilhin ng mga nag-iisip ang drama ng ilang gunggong na ‘yan. Hahaha!”

Matagal nang may isyu ang magkakapatid na sina Direk Lino, Senate President (SP) Alan Peter Cayetano at Pia Cayetano kaya bibigyan ng kahulugan ang comment ni Direk Lino sa post ni Direk Erik.

Maraming taga-showbiz ang nagla-like at nagko-comment sa post ni Direk Erik at tila hindi sila takot sa galit at bashing ng DDS (diehard Duterte supporters). Natutuwa ang mga netizens na maraming taga-showbiz ang nagre-react sa mga nangyayari sa Senado.

---

Walang sinasayang na oras si Alden Richards na kagagaling lang sa Siargao para sa taping ng series nila ni Nadine Lustre na Love, Siargao (LS). 

Hindi uso sa Kapuso actor ang pahinga dahil isang araw lang yata siyang nagpahinga, sumabak na agad sa medical immersion bilang paghahanda sa taping ng bago niyang teleserye sa GMA na Code Grey (CG).

Kasama ni Alden sa medical immersion sa Ospital ng Maynila ang halos karamihan sa cast ng medical series na pinangungunahan nina Christopher de Leon, Kristoffer Martin, Faith Da Silva, Christian Bautista, Shuvee Etrata at Andrea Torres.

Sa hospital ginanap ang medical immersion ng cast at ipinakita sa kanila kung paano ang tamang paghawak at paggamit ng hospital equipment. Inilibot din sila sa buong hospital at ipinaliwanag ang purpose ng bawat facility. 

Dahil sa medical immersion na iyon, mas na-appreciate ni Christian ang mga doctor, nurse at iba pang mga hospital workers na nasa medical field.

And going back to Alden Richards, kabilang siya sa mga tatakbo sa gaganaping Sparkle Run sa Saturday, May 30, 2026, sa Quirino Grandstand. Sanay siya sa takbuhan kaya maghanda na ang makakasabay niya.

---

MASAYA at may halong pagmamalaki ang post ni Ice Seguerra sa pag-upo niya bilang director ng Eat… Bulaga! (EB!).

Aniya, “It’s my first day on the job!!! I had trouble sleeping the past few days dahil sa kakaisip. While I’m used to directing concerts, live TV is a totally different animal. I have more to learn but I think today was a good day.

“I want to thank Ate Jenny for the trust na kaya kong gawin ito. Tita Poochie, mula 3 years old ako, you’ve been guiding me at hanggang ngayon, ikaw pa rin ang gabay ko sa bagong journey na ito. To my controlmates, especially our CamTD (Camera Technical Director) Paul, thank you for making it easy for me.

“Sa aking mahal, Liza, for the encouragement and for always believing in me. And to my mama, Caridad, ilang beses kang nag-manifest noong nabubuhay ka pa. Eto na, Mama! Nagkatotoo na!”

Comment ni Liza, “It’s Ice’s first day as director of Eat Bulaga! Let’s send him lots of love and positive vibes. Go, go, go my love! So proud of you!”

Maaalalang sa EB! nagsimula ang career ni Ice Seguerra nang sumali siya sa Little Miss Philippines noong 3 years old pa lamang siya. The rest is history at ngayon, isa na siyang magaling na singer, actor at director.

‘Pinas, magiging worst country daw… KUH, PABOR SA TITO-KIKO TANDEM SA 2028, SINOPLA NG NETIZENS

ni Nitz Miralles @Bida | May 27, 2026

Photo: IG _kuhledesma &reallysharoncuneta

Kahit siguro ang aktres-singer na si Kuh Ledesma, magugulat sa feedback ng mga netizens sa comment niyang: “Amen! Tito Sotto for president and Kiko for vice!” sa post ni Megastar Sharon Cuneta ng photo na kasama niya si Sen. Tito Sotto at ang asawang si Sen. Kiko Pangilinan. 

Ishinare kasi ni Mega ang naturang larawan na may quote ni Laurence Overmire na, “To be on the right side of history is to advocate for the rights and well-being of all people.”

Ang mga comments na natanggap ni Kuh ay… 

“Okey ka lang?” 

“‘Wag mong linlangin ang mga tao.” “Nakakatawa.” 

“So disappointing. I disagree, Sotto and Lacson are protecting the biggest corruption in Philippine history and are on the wrong side.” 

“No vote sa dalawang ‘yan, ‘pag flood control ay tahimik.” 

May OA (overreacting) pang comment na, “Kuh, you might be kidding or else this will be the worst country if they will become what you’ve said.”

Siguro naman, may magandang rason si Kuh kung bakit this early ay napili na niya kung sino ang susuportahan niya sa susunod na eleksiyon. Hindi nga lang niya sinagot ang mga comments na pati siya ay na-bash.

Pero may mga pumabor kay Kuh at sana raw ay magkatotoo ang kanyang sinabi dahil una, hindi corrupt sina Tito Sen at Kiko. May comment pa na baka ang dalawang senador ang kailangan ng bansa.

And speaking of Kuh, isa siya sa mga performers sa Ngayon at Kailanman: The Music of George Canseco concert happening on June 13, 2026 at the Newport Performing Arts Theater. Kakantahin ni Kuh ang mga awitin na isinulat ni Canseco gaya ng Dito Ba? at Ako ay Pilipino.

Sabi ni Kuh Ledesma, kasama sa preparation niya for the said concert ay ang costume na isusuot niya at siguradong bongga ang kanyang OOTD (outfit of the day). 

Hindi siya papatalo kina Leah Navarro, Jona, Rita Daniela at Dulce.

---

MAY 100 percent ganda points ang aktres na si Ashley Ortega mula sa mga fans ni Kathryn Bernardo dahil sa ipinahayag niya sa Fast Talk with Boy Abunda (FTWBA) tungkol kay Kathryn at sa rumored boyfriend nito na ex-BF naman niyang si Lucena City Mayor Mark Alcala.

Sabi ni Ashley, “Si Kathryn kasi, I idolize her as an actress. So, parang oh, wow, ang suwerte naman ni Mark na nakakuha s’ya ng Kathryn Bernardo. Kasi it’s been years na rin and finally nakahanap s’ya ng decent girl.”

Nagpasalamat ang mga fans ni Kathryn sa anila’y kind words ng aktres. ‘Katuwa lang ang side comment nila na, “Ang suwerte-suwerte talaga ng kumag na ‘yun.”

May nag-comment din na nangangamoy-forever na ang MarkKath at waiting na sila sa time na magpapakasal ang dalawa at magkakaroon ng mga anak. 

Alam ng mga fans na advance silang mag-isip at dahil daw ito sa mahal nila si Kathryn at ang happiness nito ang habol nila.

May mga pumuri rin kay Ashley, “You are such a queen, bagay ka maging politician’s wife because you’re elegant, graceful, smart and expressive when it comes to your speaking ability.” 

Marami rin ang nag-comment na maganda raw pala ito at mas lalo pang gumanda dahil positive siyang nilalang.

---

OBVIOUS ang excitement ni Sean Lucas na siya ang napili na maging co-host ni Heart Evangelista sa game show na The People Have Spoken (TPHS). Ini-repost nito sa kanyang Instagram (IG) ang teaser ng show at ang photoshoot nilang dalawa.

Sa interview, sa tabi ni Heart, inamin nitong isa sa mga celebrity crushes niya ang misis ni Sen. Chiz Escudero at dream makatrabaho. At ngayong natupad na, masayang-masaya siya. 

Pabirong sagot naman ni Heart, ngayong magkakatrabaho na sila ni Sean, mawawala na ang pagka-crush nito sa kanya.

Ikinatutuwa ni Heart na original concept ng GMA ang show, kaya kailangan nilang gawin ni Sean ang kanilang best para maging successful ang airing.

First hosting job ito ng aktres bilang game show host at isa sa mga inaabangan ng kanyang mga fans ang OOTD (outfit of the day) niya tuwing airing ng show. 

As for Sean Lucas, host na ito sa Unang Hirit (UH) kaya sanay na at sabi ng mga fans, mahusay itong host.

Sasakyan, total wrecked… ANAK NI DENNIS, NAPURUHAN SA CAR ACCIDENT

ni Nitz Miralles @Bida | May 26, 2026

Photo: UAAP

Deleted na ang Facebook (FB) post ni Dennis Trillo kung saan ibinalita nito ang kinasangkutang car accident ng panganay niyang si Calix.

Ang laman ng naturang post ni Dennis ay: “Kaninang 5 AM, nakatulog habang nagda-drive mag-isa ‘yung panganay ko.

Bumangga s’ya sa island at tumaob ‘yung kotse. Total wreck (sic: wrecked)...

“Walang tinamaang ibang kotse o ibang tao, may pasa sa ulo, braso at maga ang kaliwang kamay.

“Hindi lahat ganito kasuwerte sa aksidente. Salamat po at ganu’n lang ang nangyari.

“Lesson: ‘Pag inaantok, ‘wag piliting mag-drive. Puwedeng mag-stop over muna para mag-unat-unat o umidlip.”

Ipinost din ni Dennis ang total wrecked na sasakyan, ang mga pasa sa braso at noo ni Calix at ang namamagang kamay nito. Nagpasalamat pa rin si Dennis at ang mom ni Calix na si Carlene Aguilar na walang malubhang nangyari sa kanya. 

Siguradong nag-alala rin si Jennylyn Mercado dahil close sa kanya si Calix at parang tunay na anak na rin ang turing niya rito.

---

PATI kami ay curious sa tsikang ‘yung parang kimono na suot ni Kathryn Bernardo sa isang event ay may initial daw na “M.A.”. 

Ang dating agad sa mga fans, initial daw ‘yun ng boyfriend ng aktres na si Lucena City Mayor Mark Alcala. Ipinapakita lang daw ni Kathryn kung gaano niya kamahal si Mark. 

Pero may nagsabi namang hindi letters “M and A” ang nakaburda sa kimono ni Kathryn, malinaw daw na double A ang mga letrang kulay red ang burda.

Dito na nagkakatalo, may nag-i-insist na letters M & A ang nakaburda at may nagsasabi namang double A. 

Kayo, ano ang tingin n’yo? 

Tanong ng mga fans, aware raw ba si Kathryn na ang suot niya ay may nakaburdang letrang pinag-aawayan nila?

May makukulit na nagsabing letters “A & R” naman ang nakaburda, na initial daw ni Alden Richards. Bagay na kinontra ng ibang mga fans dahil hindi raw R ang isang letra at pakiusap ng mga fans ni Alden, huwag nang isama ang aktor sa isyu ng love life ni Kathryn dahil wala itong kinalaman.

Pansin ng mga casual fans, tuloy pa rin ang puksaan ng mga fans nina Kathryn at Daniel Padilla at nadadamay si Kaila Estrada. Lumalabas na ang respective fans ng former couple ang hindi pa nakakapag-move on sa breakup nina Kathryn Bernardo at Daniel Padilla. 

Ang ex-couple ay naka-move on na at happy na sa bago nilang pag-ibig.

---

Interview ni Ces Drilon, binatikos… 

AIKO, KINAMPIHAN SI JIMMY BONDOC, BINANATAN NG NETIZENS

UMANI ng reaction (karamihan nega) ang comment ni Quezon City (QC) Councilor Aiko Melendez sa interview ni Ces Drilon kay Atty. Jimmy Bondoc. Kumbaga, ang gigil ng mga netizens kay Bondoc ay nalipat kay Aiko.

Nag-comment kasi si Aiko ng “When interviewing someone or making a case study, an interviewer should never be biased. Personal opinions and personal feelings must be set aside. As journalists and communicators, our responsibility is to listen objectively, ask the right questions and give our guests the chance to fully expound and share their side.”

Ilan sa mga comments ay: “Manahimik ka, Aiko,” “Aiko, kausap mo ay legit journalist with years of experience...” at iba pang negatibong reaksiyon mula sa mga netizens. 

May mga nagtanggol din kay Aiko at sinabing tama lang na dapat objective ang interviewer at hindi ini-interrupt ang guest.

Samantala, hindi lang ang anak niyang si Marthena Jickain ng Star Worx ang kanyang ipino-promote, pati ang mga kasama nito. 

Kapag may mga events o guesting ang mga bata, ipino-post niya. May TikTok (TT) din sila ni Onemig Bondoc kasama ang Star Worx talents kabilang ang anak niyang si Marthena.

Payag din si Aiko na gumawa ng project kasama si Marthena at iba pang Star Worx talents. Pangako niya, hindi niya sasapawan ang anak at ang iba pang talents ni Mr. Johnny Manahan at TV5.