ni Nitz Miralles @Bida | June 1, 2026
Photo: IG _bernardokath & _supremo_dp
Hindi pa rin tumitigil ang puksaan ng mga fans nina Kathryn Bernardo at Daniel Padilla at ang bagong isyu nila ay ang hard launch ng aktor sa relasyon nila ni Kaila Estrada.
Sabi ng nang-aasar na mga fans ni Kath, ang itinapat lang nito sa pagha-hard launch ni Daniel ay ang photo nila ng pet dog niyang si Snowy.
Si Snowy ang kasama ni Kathryn sa endorsement niya ng isang brand ng dog food at sabi ng mga fans, aso lang ang katapat ng hard launch ni Daniel.
Masakit daw ito kay Daniel dahil galing sa kanya si Snowy, regalo niya ito kay Kath noong may relasyon pa sila.
Sagot ng mga fans ng aktor, hindi ma-hard launch ni Kath si Mayor Mark Alcala, kaya si Snowy na lang na bigay ni Daniel ang ginamit ng aktres. Sabihan daw nila ang aktres at mayor na mag-hard launch na para matigil na ang puksaan ng mga fans.
Actually, nakakatuwa ang puksaan ng fans at lahat na lang ng ginagawa ng ex-couple ay nagiging isyu. Matitigil lang siguro ang awayan ng dalawang kampo kapag ikinasal na ang isa kina Kathryn Bernardo at Daniel Padilla.
In fairness, ang sweet ng hard launch caption ng aktor sa carousel ng photos ni Kaila. Sabi nito, “No ifs, woulds, coulds, shoulds. It’s just us, and we just are.”
Comment ng mga fans, romantic pala si Daniel Padilla at kahit may ibang tao sa photos, ang importante sa mga fans ay ang pag-flex nito sa bagong GF na si Kaila Estrada.
NATULOY na rin ang honeymoon ni Carla Abellana at ng husband niyang si Dr. Reginald Santos.
Sa Instagram (IG) post ng aktres, ibinalita nito ang “First half of our honeymoon brought us to Paris, Zurich, Engelberg-Mt. Titlis-Luzern.”
Sunod na post, “Spoiled by @discovergrp for the rest of our honeymoon trip to Grindelwald, Interlaken, Lauterbrunnen, Bellagio, Lake Como, Lugano, Milan, Florence, Rome, Sorrento, Positano, and Amalfi.”
Masaya ang mga fans ni Carla dahil masaya siya sa piling ng kanyang husband at ang sabi nga nito, “My space, my strength, my peace, my everything.”
Anak na lang daw ang kulang sa mag-asawa, kaya ang payo ng mga fans ay mag-anak na sila. Excited na rin sila sa magiging baby ni Carla na sigurado raw ay beautiful din.
Naalala ng mga fans na nagpa-freeze ng eggs ang aktres, pero sa ngayon ay i-try muna ng dalawa na magka-baby sa natural na paraan bago gamitin ang mga frozen eggs nito.
Ganern, Chie?
JAKE, LEVEL-UP DAW NANG MAGING GF SI RABIYA
NATAWA kami sa reaksiyon ng mga followers ni Rabiya Mateo kay Jake Cuenca na in love emoji lang ang comment sa magandang balita ng aktres na naging guest speaker siya sa alma mater niyang Iloilo Doctor’s College sa graduation ng Class of 2026.
Very proud pa naman si Rabiya sa sinabi niyang “Had a full-circle moment as I returned to my beloved alma mater, Iloilo Doctor’s College, this time as a guest speaker. Truly honored to celebrate this milestone with the graduates.”
Comment ng isang fan, “She graduated summa cum laude in that school,” tapos sey ng isang netizen, “Tapos, emoji lang ang reply mo (para kay Jake),” kaya sinang-ayunan ito ng ibang mga fans ni Rabiya.
Nag-expect siguro sila ng mas sweet na comment, bagay na hindi nagawa ni Jake, kaya na-disappoint ang mga fans.
May nagsabi na nag-upgrade siya by having Rabiya as his girlfriend. Maganda, beauty queen, at magiging medical doctor pa in the future, kaya dapat daw mas meaningful ang comment.
‘Kaloka! Pati caption, ginagawang isyu. Baka naman kagigising lang ni Jake at wala pa sa mood, pagbigyan na.
Si Rabiya nga, walang reklamo, kayo talaga.
‘Kaaliw din ang isang comment na sana, kapag nakatapos na si Rabiya sa medical school, hindi niya iwan si Jake at sila pa rin in the end.
May sumagot naman na dapat ang aktor ang pagsabihan dahil madalas daw itong magpalit ng girlfriend.
In fairness, nakaka-proud naman talaga na kinuhang guest speaker si Rabiya Mateo ng kanyang alma mater. Kaya pati mga showbiz friends niya, proud sa kanya.
Kabilang sa mga nag-congratulate si Ruffa Gutierrez na hindi rin tumigil sa pag-aaral.
