Ex at kakambal ni Mavy… KYLINE AT CASSY, TODO-DEDMAHAN

ni Nitz Miralles @Bida | June 15, 2026

Photo: FB AJ Raval & Kylie Padilla

Close talaga ang twin sister ni Mavy Legaspi na si Cassy sa GF nitong si Ashley Ortega. Nagkita ang dalawang girls sa Mega Ball at hindi lang nagbeso ang dalawa, nagtsikahan din sila. 

Nasulat na dati ang closeness ng dalawa at may naging pahayag pa si Cassy na she’s happy na si Ashley ang GF ng twin brother niya.

Nasa Mega Ball din si Kyline Alcantara na ex ni Mavy, pero hindi nagkita-kita ang tatlo.

Mahusay ang in-charge sa seating arrangement at hindi pinagtabi-tabi ang tatlo. Pero maganda sana kung magkakatabi ang table nila para makita kung magbabatian ba sila.

Sina Ashley Ortega at Kyline Alcantara, nagbabatian, at sabi nga ni Ashley, wala silang isyu sa isa’t isa. Sina Cassy at Kyline ang hindi friends at hindi natin alam kung bakit at kahit parehong Kapuso talents, hindi pa rin sila close.

---

NAGALIT na naman ang mga BarDa fans nina Barbie Forteza at David Licauco dahil ipinost ng Bench ang video at photos ni David sa Bench Hyrox event kung saan makikita ang GF nito na si Alex Manalang na nagtsi-cheer sa kanya.

Bakit daw kailangang i-post ang video ni David with Alex? 

Ang sagot ng nag-post, sa Bench sila magalit dahil ito ang talagang nag-post ng video na pinag-aawayan na naman ng BarDa fans.

May ilang BarDa fans kasi na pilit pinapaniwala ang sarili na may relasyon sina Barbie at David at kahit ilang ebidensiya pa ang ilatag sa kanila, hindi pa rin naniniwala na GF ni David si Alex. Bakit daw hindi pa inaamin ni David na may GF na siya?

Ang sagot, hindi na kailangang aminin pa ni David in public ang relasyon nila ni Alex dahil ipinapakita na nila ito. Ang mga bulag at in denial lang daw na BarDa fans ang hindi naniniwalang may GF si David at hindi si Barbie iyon.

Anyway, may bago na namang business si David at ang kanyang pamilya at ito ay ang Oppa Ride, isang ride-hailing service operating in Palawan. 

Malaking tulong ito sa mga locals at mga turista ng Palawan and who knows, baka dalhin ng mga Licauco ang Oppa Ride sa Metro Manila.

Nabanggit na dati ni David Licauco sa isang interview na habang wala siyang bagong project, focused muna siya sa kanyang sariling business at sa negosyo ng kanilang pamilya.

---

Ipinakilala sa mga BFF…

DANIEL, SUPER-TANGGAP NA NG TATAY NI KAILA NA SI JOHN

BIRTHDAY ni John Estrada noong June 13 at sa isang birthday dinner, nakasama nito ang mga anak at ang kani-kanilang partner ng mga ito. 

Present sa birthday dinner si Kaila Estrada at ang boyfriend na si Daniel Padilla, pati na si Jake Vargas na partner ni Inah de Belen, at nasa party din ang fiancé ni Moira Estrada.

Ang wala na lang kasamang karelasyon ay ang bunso ni John kay Janice de Belen na si Yuan Estrada at ang daughter nina John at Priscilla Meirelles na si Anechka. 

Sa mga videos na aming napanood, makikita ang closeness ng mga anak ni John sa isa’t isa at closeness nila sa ama.

Sa isang video, makikitang tinawag ni John si Daniel at tila ipinakilala sa kanyang kaibigan. Kinamayan ni Daniel si John na sabi ng mga fans, future father-in-law ng aktor. 

Maririnig ang sinabi ni Daniel kay John na, “You are loved, man,” “I love you, man,” at “I love you.”

Naka-post sa Instagram (IG) ni John ang photo sa birthday party niya kasama ang mga anak at partners ng mga anak. Ang caption niya ay: “Celebrating life with my tribe. Thank you, Lord Jesus.”

Masaya ang mga fans ni Daniel para sa kanya dahil masaya ang love life nito at tanggap siya ng pamilya ni Kaila. Ang dasal ng mga fans, si Kaila na ang maging endgame nito.

Samantala, nagsimula na pala ang taping ni Daniel ng bago nitong action series sa Kapamilya Channel na sabi ng mga fans ay Book 2 ng Incognito. Kasama pa rin ni Daniel si Kaila at si Ian Veneracion. Inaabangan na ito ng mga fans dahil nang gawin nina Daniel at Kaila ang Incognito, hindi pa sila magdyowa at hindi pa nga nagpapansinan. 

Ngayon, magkasintahan na sila at maganda raw sana kung pati sa story ng series, palabasing may relasyon din sila para may kilig.

Bago at ex ni Aljur… AJ AT KYLIE, MAGKASUNDO NA, NAGBIBIRUAN PA SA SOCMED

ni Nitz Miralles @Bida | June 14, 2026

Photo: FB AJ Raval & Kylie Padilla

Siguro naman, titigilan na ang pamba-bash at patuloy na paninisi kay AJ Raval na inagaw daw nito kay Kylie Padilla si Aljur Abrenica. 

Ilang beses nang nagsalita si Kylie na walang agawang nangyari at paulit-ulit na rin itong sinasabi ni AJ, pero ayaw pa rin siyang tigilan ng mga bashers.

Ipinipilit ng mga bashers ang kanilang narrative at gusto talagang pag-awayin ang dalawang babae. Ang paniwala nila, hindi magkasundo sina Kylie at AJ dahil nga kay Aljur. Ito ay kahit nakikita nila sa post nina Aljur at AJ na magkasundo ang mga anak ng dalawang aktres na parehong si Aljur ang ama.

Ang latest post ni AJ na may interaction sila ni Kylie ang magpapatunay na okay silang dalawa. Ipinost ni AJ ang photo nila ng isa niyang anak na babae na may suot na mask at nag-react si Kylie.

Comment ni Kylie, “Ang cute n’yooooo!!! Gusto ko ‘yung butiki mo. Hehehe!” 

Sagot ni AJ, “Mas cute ka.”

Hindi ba maganda na magkasundo ang dalawang magagandang babae? Kaya sana, tigilan na ng mga bashers si AJ. Minsan, isinasama pa ng mga bashers pati ang mga anak ni AJ na wala namang ginagawa.

---

ANG sexy star na si Shalaine de Vera ang bida sa VMX movie na Latina. Kasama niya rito sina Chester Grecia, Mhack Morales at Athena Red sa direction ni King Abalos.

Graduate ng St. Paul’s College at Trinity University si Shalaine. Nagkaroon ng corporate job, pero dumating ang panahon na hindi na siya masaya sa araw-araw na ginagawa. 

May hinahanap siya at sa pagpasok niya sa showbiz at VMX, nakita ang fulfillment na hinahanap at wala siyang pagsisisi.

Nasa marketing daw siya, kaya lang, hindi niya makita ang sarili na sa desk job na lang ang gagawin niya buong buhay. Nag-try din siya ng field work, kaya lang, ‘di pa rin siya solb at masaya.

Looking forward si Shalaine to do more VMX movies at exciting and sexy scenes. 

Nakakatulong na tanggap ng parents ni Shalaine ang bago niyang trabaho — ang bago niyang mundo — at nangako siyang gagawin ang best niya sa mga pelikulang ibibigay sa kanya ng VMX.

---

Nakita raw ang galing ng player… 

GERALD, NILALANG NAKALARO SA BASKETBALL SI RENE BATERBONIA

BUMISITA si Gerald Anderson sa wake ni Rene Baterbonia sa Ateneo de Davao Senior High School sa Bangkal, Davao City. Nai-share ni Coach Jess Evangelio ang larawan ng aktor kasama ang mom ni Rene na si Rovelyn at sabi ng coach, “Thank you so much, Gerald Anderson, gypa smile nimo mama ni Rene maski kadali (You made Rene’s mother smile, even just for a moment).”

Sa interview ni Jeff Oli Gar kay Gerald, nagpahayag ang aktor ng lungkot at panghihinayang kay Rene na nakakalaro niya sa basketball. 

“‘Yang batang ‘yan, kalaro ko two months ago pa ‘yun. He had a very bright future. Tragedy talaga, nakakadurog ng puso, especially for someone in the basketball world, tapos nakita mo ‘yung potential ng bata.

“Mabait s’ya. I saw his last message yata sa coach n’ya, na ‘di muna s’ya uuwi kasi kailangan n’yang kumita ng pera dito sa Manila para masuportahan ‘yung pamilya n’ya. ‘Yun ‘yung true Filipino spirit. Tapos parang ganu’n lang ang mangyayari sa kanya.

“And I’m sure, ‘yung mga dasal natin, dapat nasa pamilya din n’ya. I’m sure ‘yung nanay n’ya, eh, durog na durog na. Even with the import (Divine Adili)... Just pray for their souls.

“And you know, it teaches us na dapat maging ano talaga tayo... appreciate every moment na meron tayo. Kasi ‘di talaga natin alam. But yeah, it’s sad.

“Hanggang ngayon, hanggang paggising ko kanina, ipina-process ko pa, eh... Talagang nu’ng nalaman ko... akala ko fake, eh. Sabi ko, ‘Huh?’ Nu’ng nalaman ko ‘yung balita, nakakadurog

ng puso.”

Hindi lang si Gerald Anderson ang nalungkot sa sinapit nina Rene at Divine, lahat ay nalungkot at hindi makapaniwala. Pare-parehong nagtatanong kung ano ang nangyari sa training na ‘yun.

Na-bash dahil ‘di proud Pinoy… JETHER NAG-SORRY, BRANDON, NAG-DEACTIVATE NG ACCOUNT

ni Nitz Miralles @Bida | June 13, 2026

Photo: IG of Brandon Espiritu & Jether Palomo

Deactivated na ang Instagram (IG) account ng controversial ‘halfie’ na si Brandon Espiritu. Hindi nito kinaya ang mga natanggap na komento dahil sa nakakainsultong pahayag nito at hindi pagiging proud bilang Pilipino.

Pinababalik na siya sa Guam dahil wala na raw siyang magiging career sa bansa at apektado na rin pati ang kanyang mga endorsements.

Ang isa pang controversial ‘halfie’ na si Jether Palomo ay hindi pa nagde-deactivate ng kanyang IG account. Pero deleted na ang karamihan sa kanyang mga posts at ang naiwan na lamang ay ang apology statement. Pinababalik na rin siya sa Amerika dahil tiyak daw na wala na rin siyang magiging career dito.

Natatandaan ng mga fans ni Marian Rivera si Jether Palomo. Siya ang contestant sa Superbody ng Century Tuna na naka-assign kay Marian para tanungin. 

Nang tanungin siya ni Marian, ipina-translate niya ang question sa Tagalog to English dahil hindi raw niya naintindihan.

Sa sinabi nitong “I’m sorry, can I get English, please?” isinalin nga ni Marian sa English ang kanyang tanong, pero sinabihan muna siya ng “Listen very carefully... I think you understand that,” sabay peace sign.

Naaliw kay Marian ang mga nakapanood ng nasabing event at doon pa lang ay may mga na-turn-off na kay Jether Palomo. 

Pure Filipino naman daw pala ito, bakit hindi nakakaintindi ng Tagalog? 

Marami tuloy ang nag-comment na deserve niya ang bashings at backlash na natatanggap nila ngayon ni Brandon Espiritu.

---

Dahil sa pahayag ni Asia’s Songbird Regine Velasquez-Alcasid sa pagkamatay ng 2 basketball players ng Ateneo de Manila University (ADMU) dulot ng pagkalunod, maraming um-agree sa bulok na sistema ng pa-waiver ng mga eskuwelahan na matagal nang ipinapatupad kapag may field trip o kailangang dalhin ang estudyante sa ibang lugar.

Marami ang nag-agree sa post na ito ni Regine dahil bakit nga naman daw kailangan ng waiver? Bakit daw kapag may naaksidente o namatay sa school event, hindi puwedeng kasuhan ang school?

May nag-comment lang na sana ay matulungan nina Regine Velasquez-Alcasid at Vice Ganda ang pamilya nina Rene Baterbonia at Divine Adili na makakuha ng competent lawyer. Tila hindi satisfied ang nag-comment kay Atty. Jimmy Bondoc bilang lawyer sa kaso.

---

KINAALIWAN ng mga netizens ang muling pagkikita nina Ryzza Mae Dizon at Bimby Aquino makalipas ang 13 taon. 

Nagkita ang dalawa sa set ng Eat… Bulaga! (EB!) kahapon at it was a happy reunion.

Unang nagkita at naging magkaibigan sina Ryzza at Bimb noong 2013 nang magsama sila sa isang pelikula. Ngayon lang muling nagkrus ang kanilang landas at sa mga lumabas na larawan, makikitang sweet pa rin si Bimb kay Ryzza. Nagyakapan sila at siguradong nagkuwentuhan.

Nag-guest si Bimb sa EB! at dahil sa magandang feedback, baka masundan pa ang guesting niya. 

Ang request ng mga viewers ng show ay magkaroon sila ng segment ni Ryzza at sila ang maging host, o kung anuman ang maisip ng mga taga-EB!.

Tanong ng mga netizens, ang guesting ba ni Bimby Aquino sa EB! ay senyales na sasabak na talaga siya sa showbiz? Nagbo-voice lessons ito at gustong maging singer. Puwede rin siyang umarte.